森林麵包

營業中

休息中

主打多款麵包同酥餅, 使用日本麵粉及法國牛油🧈, 曲奇同蝴蝶酥都係師傅每日喺舖頭手工製造！我呢個麵包控都幫襯咗一大袋！🍞湯種方包 (綠茶、紫薯、原味)方包已預先切片, 好貼心！包體柔軟有彈性, 濕潤度剛好, 連麵包邊都好鬆軟 •͈౿•͈ 綠茶方包茶味清香🍵; 紫薯方包有着獨特嘅紫薯香味, 仲食到啲cranberries, 真材實料！原味有奶香, 唔搽果醬都好食～🥯黑松露忌廉芝士軟包 一打開包裝已經聞到松露香味, 包體好軟熟, 內餡嘅黑松露忌廉芝士香而不膩🥯Bagel 外表飽滿, 內部柔軟且帶點嚼勁💛雲呢拿花邊千層撻 建議食前先輕焗一下～ 花邊千層撻皮酥脆且層次分明, 帶牛油香氣, 配以香滑蛋漿, 甜度適中🥐原味壓扁牛角經壓扁後嘅牛角包咬落酥脆可口🥨蝴蝶酥 色澤金黃, 入口酥脆, 充滿牛油香氣🧈, 甜而不膩🥖杏仁酥 入口層層酥脆鬆化, 仲有糖霜嘅微甜滋味🍪迷你合桃酥 推介👍🏻 個人最愛呢個😍！唔同一般脆硬嘅合桃酥, 呢款係非常酥鬆, 入口即化且口感輕盈, 不油不膩, 一口size, 係會令人忍唔住一口接一口！🍪咖啡曲奇一打開個罐已經聞到好香咖啡味☕️

森林麵包係東廣場有市集，剛好經過，買了2個香芒開心果大褔試吓，$36蚊個外形飽滿，食落大褔外皮軟淋淋，皮薄，唔厚皮，都食到有開心果味，芒果幾大粒，味道👌，餡料都算豐富，好食😋如果開心果味重返啲，會仲好食🤔

上個週末見到佢哋喺APM有Pop Store一試食就忍唔住買咗咖啡曲奇加朱古力醬曲奇鬆脆拎上手唔油朱古力醬唔會假甜同事都忍唔住食咗兩塊🤣仲買咗黑松露軟包 曲奇餅比較出色

想同大家分享呢間好吃麵包小店 「森林麵包 Forest Bakery 」，今次去沙田見到有Pop up 就去看下有咩買，見到最後一個花邊千層撻就買嚟試吓，第二日先用氣炸鍋焗返熱，千層撻真係好多layer 同超級脆，焦糖蛋香味好濃郁，入口好多滑，滑到好似燉蛋好好食。同埋買咗朱古力曲奇餅同蝴蝶🦋酥，朱古力曲奇🍪好香朱古力味同埋好鬆化，蝴蝶🦋酥好香牛油味同又多層，必食推介。我今次係沙田連城廣場pop up 店買，做到明天，亦可以到科學園同牛頭角店買嚟試吓。

回頭度🍪8.5/10｜人均消費💰~$10-25-🤍香芋麻糬包 $13一拎上手已經覺得好有重量😍果然一咬開 滿滿芋泥同麻糬拉絲😋包體都軟熟 表面仲有少少香芋粉💜$13認真足料抵食🥳味道🌕🌕🌕🌕🌗-🤍奶皇沙翁 $7炸得好香口 表面都有滿滿砂糖咬落奶皇醬都好多🤤味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌕🌑

本身都係住喺附近 之前都有睇過呢間麵包舖 因為上網睇又話咩隱世乜乜 好似好犀利咁 好啦就去試試 認真既 吹到隱世又誇張咗 喺我眼中佢只不過係比較有良心嘅麵包舖姐 我自己就好鍾意食吞拿魚包 不過吞拿魚包就不得不讚 佢個吞拿魚包入邊嘅吞拿魚含量 等於我落淘大買個啲 我夠膽講 起碼多三四倍 呢個真係要一讚 我食完佢個吞拿魚包真係返唔到轉頭👍🏻

回頭度🍪7.5/10｜人均消費💰~$10-30-🤍黑松露忌廉芝士軟包 $16/3個一打開膠袋 已經聞到好重嘅松露香🥰咬落幾軟熟 仲有殼物粒 口感豐富🤤餡料係芝士雜菌醬🧀但略嫌醬料有啲少不過$16有三個包 認真抵食🤩-味道🌕🌕🌕🌗🌑抵食🌕🌕🌕🌕🌑

脆脆扁牛角包-森林麵包之前去到麵包店先發現原來要pre-order，無得即場買🥲今次意外發現觀塘東廣場有pop up store😀即刻買左幾款扁牛角包黎試，試左開心果扁牛角包、雙層雜莓扁牛角包同雙層榛子扁牛角包🥐3款都好香脆，表面好似有層砂糖咁，甜甜地，個人覺得單層比較好食🤤不過開心果味唔太突出，唔係幾覺係開心果😅雙層中間有醬夾住架😊好rich

一開始對住張餐牌問清楚，“雜果忌廉蛋糕”入面係新鮮水果還是罐頭雜果呢？佢地三個店員都一齊回答：“係新鮮水果！”有一位再加詳細回答：“不過會睇返當日嘅水果才知道用邊一款水果，所以話唔到俾你知會用邊一款水果。”我話：“係新鮮水果就得啦！無問題。”點知到興祝生日當天切蛋糕時，才發現入面只係用罐頭雜果！！😡真係非常憤怒！估唔到佢地會講大話！令到全屋人都十分失望！沒有人去食d罐頭雜果。所以我決定以後不會再次幫襯～

可以話係我最鍾意嘅港式麵包舖成日團購佢啲麵包，無論新式定傳統麵包無一次失望，真係好用心做包，連個包都好香麵粉味！次次去都一定會買雞尾包同呑拿魚包可以用爆餡黎形容！

一直覺得呢間好嘅老闆好用心經營，不斷喺出邊擺啲Pop up Store，又係咁搞團購，對於佢哋個巨大化蛋撻好有興趣，所以買咗嚟試吓，呢個巨大化蛋撻足足有15cm直徑，曲奇皮較厚身，但食落又會有好香嘅牛油味同好鬆脆！而且師傅更加採用咗獨家秘方，令到個蛋撻餡料好香濃蛋香且好滑，除咗味道好食之外，同埋個賣相都好吸引！

之前聽過好多人介紹，今日終於試到佢既千層吐司，有咖啡同埋布甸味，我試咗布甸味，裡面係流心布甸，好似吉士咁，好好有奶香味，仲要好大量既醬，而外層有朱古力脆皮，增添咗層次感😀最好食係個千層酥，一層層酥皮好鬆化，下次可以再試埋咖啡味！另外買咗藍莓芝士包，望落好吸引，外觀好靚，有好大粒嘅藍莓，仲有紫色既粉，但係切開裏面芝士味冇想像中咁濃郁，而麵包本身都比較普通，相比起千層吐司稍為遜色，但係整體都好好食！

鍾意食蛋撻嘅我收到巨型蛋撻蛋糕，真係勁開心。"森林麵包"係一間懷舊餅店，專做巨大化蛋糕，除左有巨大蛋撻，仲有黃梅醬蛋糕同黃金菠蘿蛋糕。蛋撻足足有15cm直徑，曲奇皮較厚身，但鬆脆及有牛油香！另外師傅採用左獨特製法，餡料質感滑溜，有濃郁奶香味，以及造型攞滿分，打卡一流

呢間係牛頭角屋村商場入面嘅一間麵包小店，雖然睇落唔起眼，但名副其實係一間隱世小店，每次我經過都一定會入去買1、2個麵包聽朝做早餐😁如果冇經過嘅話，就會上網訂佢嘅麵包，尤其是每次都一定會訂嘅千層吐司！今次呢個係咖啡千層吐司，面頭係朱古力，撕開會見到一片片，入面有爆漿咖啡cream，一邊食一邊覺得幸福感滿滿❤️

一路都覺得呢間餅店嘅老闆好努力，不停係社交平台出post，又去唔同地點擺pop up store，又攪團購，比佢地嘅努力感染我試左第一盒朱古力牛油曲奇，認真係食到心機，香得黎又好鬆化，仲要上面有朱古力，配合得黎又冇左市面上嘅機械廠製感，之後又嘗試左佢個梅子漿海綿蛋糕，平得黎又好食，仲要有嗰種兒時回憶。話雖如此，我都唔會一味hard sale, 佢嘅麵包的確味道好一般，凍左之後又硬又實，冇咩麵粉同蛋嘅香味，本人唔會encore。**整體而言，有努力，但都需要繼續追求食物的素材質素，加油！