森川弁当 (已結業)

🍱森川弁当 MORIKAWA BENTO 是一間由日本正式傳入香港的日式便當料理, 使用正宗的日式烹調方法,日本米,低鹽分和低飽和脂肪的食材，用低溫的烹調方法，保持食物最高的營養價值. ❤•-----•❤ •-----•❤ •-----•❤ •-----•❤☆ 山賊汁燒雞便當$56.8 (用FoodPanda有折）🐓 今日order燒雞飯，雞肉嫩滑，分量適中，配以牛蒡絲和醃羅白，份量啱啱好🙂 即刻諗起去日本搭火車成日會食嘅便當😊😋主要做外賣為主，只有少量位置。staff 都好nice, 兩次都係上網order, 佢哋會keep起保溫，等你到先放入袋比你，好細心💕傾左兩句，原來佢地係社企黎架！ 請多多支持

外相吸引既海鮮壽司飯&雞卷烏冬便當，每樣都有少少，適合細食既女仔。海鮮壽司飯既刺身每樣都有少少，又有青瓜同玉子，撈埋一齊口感幾好。烏冬佢有配埋個胡麻醬食，味道一流，不過佢寫住係雞卷，但我食果個係鴨胸肉黎，有少少出入，但問題不大。

話說今日又係諗爆頭唔知食咩lunch 嘅時候, 咁就有同事介紹左一間餐廳嘅便當外賣好抵食, 咁就一lunch 時間就直線跑過去買啦咁呢間餐廳提供嘅午市外賣選擇都好多嫁, 而且價錢實惠, 由59至118 蚊起不等咁我最後買左呢個香辛咖哩牛肉便當, 就咁睇都覺得質素好唔錯吧, 而且配料豐富, 不單有漬物如醃黃蘿蔔同醃酸梅, 又有一細盤金平牛蒡, 醃漬物味道唔算酸濃容易入口, 牛蒡就爽口微酸, 非常開胃, 飯就份量不少而且壓得好實, 牛肉質素好唔錯, 而且咖哩味唔過份所以都食到當中嘅牛肉甜味, 比起連鎖店嘅牛肉水準高了不少, 不過最大劑係果盤汁, 唔知係未放置太耐嘅關係所以凝固左如下圖所以最後都係要用微波爐頂一頂佢, 不過本身咖哩汁味道都好唔錯, 用來撈飯食一流最近做緊嘅優惠就係加3蚊有可樂咖啡, 我呢罐係焦糖味可樂咖啡, 飲落覺得似淡味可樂而唔會聯想到咖啡, 不過焦糖味存在感都好高, 飲慣左可樂太甜想轉一轉口味, 呢罐都唔錯嫁我個便當埋單就62蚊, 我覺得質素唔錯而且配料什多, 而且便當新鮮新辣, 係唔知點解個汁凝固左, 不過我都推薦比大家

今日收到傳單，價格在50幾至80以內，用此app落單10分鐘內便當可取。日式咖喱不是用粉開那款，牛肉好食，漬物是豆很好食，在中環可以找到五十幾元的日式便當算是物超所值，會下次再嘗試。門口在永吉街，店員態度友善👍🏽

職員好好人,而且服務態度好店內出售已加熱的便當, 方便上班族外賣拎返office食望到MENU都覺得花多眼亂我揀左呢2款便當,賣相好靚份量十足, 3個女生食也足夠,很不錯呢味道岩岩好, 鯖魚唔會咸

同同事外賣自取試左特價飯 - 蓮藕腩肉飯(門市會包野飲而經Openrice外賣自取就唔包野飲但價錢一樣為HKD45) 先講下個飯量,我同同事都覺得飯量係正常能夠接受到(同事係男性,會有少少大食), 而飯既質感都軟硬適中,並冇因為擺係保暖爐到而受影響🙂跟住就到成個飯既重點, 就係個餸啦！同事係大”餸”人士,所以覺得個餸既分量真係比較少！而我就覺得岩岩好(可能因為食左多少少飯) 😂一望個飯盒,就見到蓮藕只有3,4舊,腩肉既分量就偏多,但係瘦肉既偏多而肥肉就比較少 🤔🤔腩肉整體比較難咬而肥肉就好軟而個汁個人覺得有少少咸 要同飯食比較好個飯會有兩舊西蘭花 西蘭花有少少生同埋冇味要撈埋啲汁食先得Overall 因為係特價飯所以唔會要求太高,但係以中環既地區來講,價錢係偏平,所以個質素都正常但係如果有openrice既coupon既情況下,咁反而會選擇其他鋪頭

本身間野都唔係近我office，但見佢派傳單，我傾新鮮就去買，成間野好似華御結咁，一盒盒便當係哂雪櫃到，即攞即賣，食物種類多，都幾特別，但味道一般般正常，可能叮熱會好食d，價錢偏貴

今日食晏試左間餐廳的便當其實佢都有好多款式 選擇困難症嘅我都揀左一陣 終於揀咗鰻魚丼除左鰻魚飯 仲有一條炸蝦🍤 一舊炸薯餅蔬菜方面有一舊矮瓜 一粒南瓜 一粒芋頭 兩片魚蛋 仲有半隻溏心蛋同一粒甜品講真雖然樣樣少少 但都真係好夠食好飽鰻魚無碎骨 呢樣要讚 因為好多日本餐廳的鰻魚都總係有啲碎骨 雖然食左又唔係會啃親 但入口的感覺唔好囉 呢間就無呢個問題喇👍🏼👍🏼另外粒甜品入面個涵係豆沙 外皮煙煙韌韌 好食😋開頭仲諗佢咁少飯邊夠飽 但原來樣樣少少反而仲好 一餐可以試到好多野😀

Lunch Time 時間周圍都要排隊， 中環上班族就算叫外賣都有排等，唔想等買便當返公司吃係幾好既選擇🤓！森川日式便當一格格精緻又美觀🍱，配合潮流影食物相打卡風氣🤳！ 便當多款式，有牛肉、燒雞、豚肉、鯖魚、連鰈魚都有！ 今天下午一時左右嚟到，有些熱賣款式已經被人買了， 剩下的款式不多，我選了這款鰈魚飯團三文治特盛， 賣相非常吸睛 這裏所有便當款式十足十在日本車站買一樣，真的好美 帶返公司後，同事們也說也要來這裡買便當

Lunch 時 中上環好多食肆排隊係好正常 見呢間冇人喎 心驚中伏 但太趕時間 入去買外賣便當 鰻魚丼 味道算ok 白飯不會太硬 鰻魚入味 有汁 不會太乾 唯獨份量少 但店入面叔叔 和店外嬸嬸面口燶燶 好似唔想做生意咁 希望改善對顧客嘅態度 因為食物質素可以接受 成條街嘅食店也人頭湧湧 冇理由真係冇人幫襯 如果門口嬸嬸嘅笑容能多一些 入面嘅員工也笑面迎人 可能會吸引多啲客人

在好幾個月前，經過中環皇后大道中 <茶湯會> 附近，開了一間日式外賣小店 <森川弁当>！由店名得知名符其實主賣便當！我幫襯了好幾次！便當$65 及丼 $40~$55 不等，也有每日指定款式丼更優惠！下午 5:00後，有7折優惠！可先致電或 what's app 落單！店內有幾個位以便堂食！店員們親切有禮，以客為先！鯖魚便當 $65鯖魚肥美肉厚又多骨，蘸上清酸的醬汁感覺不會膩，白飯份量頗多！就算男士食都夠飽！森川合盛便當 $65食材豐富！包括：鯖魚、漢堡扒、肉串、醃漬、車厘茄、海草莖飯糰...等！根莖飯糰混合雜菜、大豆...等，纖維豐富，還加入檸檬汁及調味料，夠鹹又帶酸，飯軟硬適中，令人開胃！漢堡扒似是雞肉夾雜雞軟骨、肉串則是甜美又肉質柔軟，醃漬入口酸咪咪，口感依然清爽！蒲燒鰻魚丼 $55日本珍珠米飯是溫熱，店內有微波爐，店員建議可以叮熱1分鐘，已經夠熱！他們建議日本食物不應太熱，否則喪失其風味！鰻魚柔軟肥美，最緊要不乾身！甜美的醬汁加上芝麻，多了一份香脆口感！日式叉燒丼 $52 (星期一優惠價 $40) 好多時，在坊間食到嘅日式叉燒都是常見於日式拉麵，這

見呢間日式外賣都開咗一排，Lunch時間keep住都見到有人幫襯，所以就畀次機會佢試下好唔好食啦～同同事一人試一款，我自己就揀咗呢款胡麻雞扒飯～本身對呢D便當飯盒都冇乜好大期望架啦，不過食落又幾驚喜喎！首先D飯餸都夠哂熱，好抵讚！唔似得其他外賣鋪買到返上嚟就已經凍哂跟住就要讚個胡麻汁，夠濃味好好送飯得嚟又唔會太咸至於兩兜仔配菜就一般般啦，正常發揮。整體嚟講我覺得係可以翻兜嘅一款飯盒！至於同事揀嘅鯖魚飯就係咁樣嘅佢話味道都不錯，鯖魚唔乾仲有魚油香味添，不過佢試咗一啖我嗰胡麻汁都話應該我嗰盒好味D 我見呢間仲有好多其他款式，下次可以再試！

前幾日與同事外出食Lunch，發現公司附近開了一間日式外賣便當店🍱。之前去日本旅行食過便當，非常愛吃，想不到香港也有機會食到精緻的日式便當。由於賣相幾吸引，我地都忍唔住買返公司食。店舖有10幾款便當，仲有手卷😋，一定有一款合適自己口味。便當內有三格，分別放前菜、主菜同飯，設計方便進食。首先，要稱讚個白飯👍🏼，飯身不會太硬或者太黏，軟硬適中。另外，前菜有黃瓜青瓜仔，幾開胃。我所選的是牛肉辛味弁當，牛肉不會太乾身，味道美味，牛肉汁撈白飯食一流。另外，我同事選豚肉壽喜燒味道，味道甜甜地，豚肉非常入味。午餐又有多個選擇👍🏻👍🏻尤其夏日炎炎，放飯不用與人迫和排隊，買個靚靚日式便當之後回公司一邊歎冷氣一邊食午餐。

我今天到中環森川弁當食飯，我不如揀我最喜歡食嘅春菊御善啦，但係梗係有選擇困難症，又想食齋嘅16穀米野菜懷石弁當又或者係和風漢堡松花堂，內心有啲矛盾，但後來都畀我揀左春菊御膳又咁啱又見到蔡瀾帶住個外国朋友嚟幫襯。真係食都食得開心。

First impression of the store is that its clean, tidy and well stocked with a variety of lunch/afternoon snack options.There are heaters/warmers and a fridge on one side of the store with warm bentos and the fridge houses sushi and cold lunch options.There is a long bench with barstools on the other side too which is handy since it’ll be useful when I need to pop down to grab some lunch and I can have it there and then.Every bento 🍱 looked great and appetising - lots to choose from. The staff t