影片
電話號碼
24580636
附加資料
逢星期六，日及公眾假期晚市加一服務費，茶位每位$5
營業時間
今日營業
06:00 - 22:30
星期一至日
06:00 - 22:30
以上資料只供參考, 請與餐廳確認詳情
食評 (341)
今日約埋一家大細去三聖忠仔記買海鮮食飯，一早打咗電話去棠記海鮮小廚book位， 10位大人三個小朋友，順便同佢哋講要食燒鵝，佢哋一早預留咗俾我哋。隻燒鵝嘅皮燒到好脆，肉質多汁好嫩滑，配埋佢哋嘅酸梅醬真係好好食；佢哋嘅菠蘿咕嚕肉，係用新鮮菠蘿配埋唔會好重粉嘅咕嚕肉，好味‼️海鮮方面，大龍蝦就用芝士伊麵黎煮，佢哋嘅芝士真係落得好足料，蟶子就用蒜蓉粉絲蒸，蒸得啱啱好，聖子彈牙同埋鮮甜，東升斑就最緊要新鮮，簡簡單單清蒸，大花甲同蝴蝶蚌就配油鹽水，肉質嫩滑，唔會過熟，啲粉絲配埋湯汁一齊食，一流阿👍🏻瀨尿蝦就梗係椒鹽啦，炸到脆卜卜好惹味由於一上菜就被我哋夾，所以都唔記得咗影相，都幫襯咗佢哋好耐，值得推介俾大家
繼續閱讀
呢日同屋企人去咗三聖食海鮮，我哋首先去咗附近嘅海鮮檔買咗一堆新鮮嘅海鮮，呢間餐廳可以加工海鮮，按重量計。我哋買咗好多海鮮，有瀨尿蝦、龍蝦、龍躉、蟶子、扇貝、蠔、海螺等，超豐富。海鮮超級新鮮，可以叫餐廳整成唔同嘅做法。首先，瀨尿蝦就整成椒鹽瀨尿蝦，瀨尿蝦大大隻，口感彈牙，勁惹味。蟶子就咁拎去炒已經好鮮味。蠔就分別拎咗去炸同埋用醬汁煮，各有風味。龍蝦拎咗去整做龍蝦芝士伊麵，勁多芝士，非常邪惡。辣煮海螺都好好食。下次過節再同屋企人過嚟食海鮮。
繼續閱讀
外面發記海鮮介紹加工店，一入店已經問咗加工價錢，話$75/斤，但無畀餐牌，交帶完加工方式都無講每一種方式其實要另收費，埋單先講餐牌有寫附加項目，十分取巧，令人感覺被劏，不會再幫襯。(人均消費包括買海鮮的費用)
繼續閱讀
海鮮同樣購自 #三聖墟海鮮市場 嘅 #威盛生猛海鮮。食材則在鄰近的 #棠記海鮮小廚 加工😋 餐廳職員都好友善，仲送咗豬扒炒河粉俾我哋食🤣（菜式以我最喜愛的菜式排名）白𤆥花竹蝦花竹蝦超鮮甜！簡單白𤆥，已經好夠味！豉椒蟶子煎米粉醬汁份量剛好，唔會太搶鮮甜嘅蟶子及煎香嘅米粉，好味好味！燒鵝估唔到有燒鵝食🫨鵝皮燒得香脆，汁甜，鵝肉juicy，好味！蒜蓉蒸扇貝鹽焗奄仔蟹啖啖肉P.S. 餐廳同樣有送海鮮湯，但海鮮湯蒜油味太重。
繼續閱讀
📍棠記海鮮小廚三聖係屯門區一個好出名食海鮮既地方🦞今次同朋友一齊去三聖食海鮮小菜試下係咪真係咁好食🧐😋豉椒炒花甲煎米粉底 (海鮮自行購買，另收加工費)花甲每粒都大大粒好多肉舖底既煎米粉索曬D花甲汁同埋豉椒汁好惹味🥳🐚辣酒煮東風螺 (海鮮自行購買，另收加工費)東風螺鮮味十足❗用辣酒煮又辣又鮮好好食😋😋蒜蓉粉絲蒸蟶子 (海鮮自行購買，另收加工費) 蟶子用蒜蓉蒸既方法可以保留佢既原汁原味唯一挑剔係粉絲浸得唔夠淋比較硬身🐷菠蘿咕嚕肉 ($138)呢碟咕嚕肉既賣相好靚菠蘿好甜❗見到係上菜前烤過👏🏻咕嚕肉大大舊外皮香脆好食😋🦑椒鹽鮮魷 ($148)鮮魷新鮮炸起熱辣辣好好味炸粉適中唔會好厚粉🔥🐥招牌辣子雞半隻 ($168)辣子雞用左大量乾辣椒炒出黎麻香味十足‼️個雞既辣味後勁好勁🌶️食辣人士最愛🥳🪿豉油皇鵝腸 ($128)呢碟鵝腸鮮味十足👍🏻鵝腸真係做到爽脆既口感底下舖上芽菜索汁呢個餸真係必食✅✅✅🐮百花蜜安格斯牛仔粒 ($128)呢碟餸識食一定係食薯仔粒🥔薯仔炸過外脆內軟加左蜜糖甜甜地好好食😋牛仔粒既肉味都好濃👍🏻👨🏻🍳招牌小炒皇 ($128)小炒皇既配料好豐富用左韭菜花、蝦乾、魷魚等去炒口感十足👍🏻🍆魚香茄子煲 ($128)呢個魚香茄子煲鹹香味十足❗用黎送飯食一流🍚今次自行買海鮮用左大約$600幾蚊店員會就住你買既海鮮建議你用咩煮法🥣整體黎講呢到既小菜份量足價錢合理✅有下次❗
繼續閱讀
您可能會有興趣的...