棕櫚閣西餐廳

營業中

休息中

下午自助餐 星期一至日 同價$198+10%有會員咭/信用咭 都有折扣五一勞動節 都唔多客 可能去晒勞動 爛gag成年冇去 因嗰次質素差咗 冇晒信心 ……今次好滿意 用心煑 份量足 refill快 好味道大部份都係舊菜式 今次仲有“鮮蘆筍“鮮蘑菇都好正但今次冇出 ok la 有蘆筍煎羊鞍 面金黃夠香味 切開粉紅肉嫩葡汁海鮮 足料 虾爽魚滑尤魚仔唔韌灼菜心 次次都係過晒火忌廉蘑菇湯 湯濃 好香滑 好重蘑菇香味中式 滑蛋鮮茄湯 過甜 重茄膏味 都係比較喜歡老火湯 感覺滾湯有啲hea爐端燒淨係煎豬扒 買相唔吸引 冇食即煮湯麵~ 咖哩魚蛋魷魚 上湯油麵 過往嘅“越式生牛肉金邊粉“ 吸引啲甜品蛋糕多選擇 Terimisu 布甸 涼粉都正飲埋杯 cappuccino 就 心滿意足

老公生日鐘意食自助餐慶祝，於是今次決定同佢黎九龍維景食，最主要個原因係佢地而家做緊個「西班牙遇上葡萄牙」自助餐，其中一個主打係西班牙海鮮飯，係我老公既至愛。果晚真係好多人~ 我地7點幾到，好多野食都俾人拎晒，不過好彩，轉個頭就已經Fill返，都算抵讚！坐低食個頭盤先啦 - 西班牙燻腿呢個燻腿片得都幾薄，我老公話越薄越好食架，旁邊有擺左多士係度，可以配埋一齊食，又真係好好食喎，好香，齒頰留香既感覺再黎就梗係要食刺身啦 (壽司係我老公的) 刺身都幾新鮮跟住見到有碟黑蚊蚊既野，睇清楚先發現原來係魷魚黎架 呢個好好食呀，個味道同我地細個一隻罐頭既味道好似，唔記得個名，橙色罐既，令人懷念食完冷盤就出去再搵D熱盤食下啦，出去一睇即刻嚇一嚇，竟然有隻豬係度喎，仲要成隻上，食自助餐真係未見過，一問之下，原來呢隻叫葡式燒乳豬，新鮮熱辣。俾前面2個人夾左先，中間穿左個洞 呢個真係好好食~  皮仲脆卜卜，肉就好嫩，一D都唔鞋，好搶手，好快俾人夾晒，好彩過左一陣又有陣新豬仔出黎喇即刻出去排隊夾多2件，仲岩岩好見鐵板燒岩岩燒好d羊架，順手夾多舊考敬老公，佢話個羊架好好食，好嫩，有少少羶味，配埋個薄荷醬好Matc

同女朋友好耐無食buffet，上OPENRICE找左呢間下午都唔洗二百元咁就去試下，果日唔算多人。每次食buffet一定會先食魚生同海鮮，三文魚脂肪分佈都幾平均自幾好，平時要排隊有師博切完幾片想食多D要排幾次，但呢間係成碟放出來想食幾多夾幾多，壽司D飯都算OK唔會好凍。青口都幾新鮮唔洗野真接食，不過蝦唔算太大隻。湯有西湖牛肉羹同周打蜆肉湯2款都味淡淡地。熱食最受歡迎係蒸魚，但食過之發現係食過火唔滑，但味道都可以。有炆牛尾都幾林，羊肉好蘇唔多好味。沙律菜都幾新鮮唔錯架，重有巴拿馬火腿連蜜瓜但蜜瓜唔甜。最好味甜品係椰汁黑糯米，重有DREYER’S甜筒食。

食完一次之後再encore,可惜唉龍蝦又唔好食又梅，又細隻，熱葷又唔好食，炒蟹又無肉食，得個蒸蛋白好食的。煎鵝肝都好好食，其他就好唔得囉，你去都諗下係米無得㨂先嚟

畢業離開香港咁耐，好耐無番何文田。呢間酒店就喺培正對面，以前多數去樓下間cake shop買嘢，今次第一次試佢個buffet！首先係個價錢，好平！咁啱撞正做特價，跟住餐廳staff仲介紹我用Openrice個app攞coupon，仲更加抵…咁原來呢度可以好似yelp咁寫下嘢，都想分享下！沙律bar好多選擇，而且搭配都好新穎，醬料齊全…冷盤類好多水果同海鮮嘅搭配，平時都好少見，感受到廚師嘅誠意…刺身、壽司同凍海鮮都真係新鮮嘅！！…誠意推薦：磯燒鮑魚扇貝…呢個係個buffet嘅主打，確實係有翻咁上下！…現場即烤，香噴噴，原汁原味！鐵板蝦…可透過小小嘅open kitchen見到廚師將蝦擺落去煎，隔超遠都聞到香味！同枱仲有鐵板羊架！！！…完全係無限encore!!香煎鵝肝…不得了！唔會油膩，下面個泡芙索曬啲鵝肝香味…!!即使在下減肥，都番兜！吞拿魚刺身…壽司同刺身種類屬豐富而且量很多…最好味就係吞拿魚刺身…！勁新鮮！炒蟹…雖然我唔係太清楚點整同攞咗咩材料，但係堅好食！啲蟹肉加埋啲醬汁，十分惹味！！！龍蝦濃湯…好濃郁嘅湯底，加埋啖啖龍蝦仔肉，雖然係湯，都飲咗兩碗…雪糕…咁嘅buffet價錢有M

朋友團購4張九龍維景酒店自助晚餐~6點半到達侍應帶坐下~在餐前相機食先景完取食物~見到有位小姐自取鮑魚後~我也取了兩隻回位~ 行了三步~有位著白色衫的廚師追出來高聲叫小姐小姐你不可以取鮑魚就係我碟上拿走兩隻鮑魚~ 他說道鮑魚是要用票換的~ 我笑問票在什麼地方取呢？他就話你檯有！回位詢問侍應佢至派4張票我~我找到位經理陳述事件！ 因為令我覺得這尷尬到死！在餐廳有其它人睇到好像我去偷食鮑魚比人捉到~ 雖已取左碟上的鮑魚可以禮貌請我補返張票就得!!何況佢又無標示寫要票取鮑魚~待應亦無講過同比票我~錯不是我而是他們~經理聽過事情也表示歉意~經理很有禮貌還贈送飲品致歉~ 但真心講我們食到七點半已經沒見再加食物~盆子空空都唔理!因為我們坐在食物檯側所以全看到~刺身甜蝦係進場見過一碟就無加過我3位朋友都無食過!問佢攞回覆已沽清~真攪笑作為一間酒店 buffet無預算食物嗎！ 8點熱食都無曬~甜品盆空空等好耐! 9點見餐廳員工坐下食野~唔係掛😥 buffet係食到十點完~噢!

同屋企人食自助餐，18:30開始，我地7點幾到，8點鐘就走，座左一個鐘左右走，食物款式真係好少，refill太慢，主打海鮮鵝肝，一般凍蝦蟹無特別，鵝肝成個鐘淨係見到一次有一舊，需要排隊領取，個人認為合理既，不過無限制，如果前面既人拎得多，後面排既客人根本唔會食到，真心講食物真係一般，壽司係自助餐嚟講都算must have,呢度係有，但款都係唔多，刺身都好一般，食左兩舊成個鐘都唔見有再fill,咁既價錢可以有其他選擇講真食放題好過，$1200好唔抵，同埋唔明點解明明出面有位，要安排座到嚟食物區好遠既檯，總括，無下次

款少，味差。長腳蟹有冇味，頭半個鐘只餘十多隻腳，但全晚沒補添。磯燒鮑魚沒味，口感似像根。熱食味劣，只有幾款。甜品款式少，榴槤批及榴槤蛋撻仔難食到似變壞。這餐自助餐是我二十幾年以来最難食的自助餐。

午餐~ 熱葷餐湯扒爐失分雖然食物味道可以 但熱葷食物就失晒分燴牛尾 ＆ 白汁燴海鮮 其他嘅係“齋“ 紅蘿蔔粒 炸薯仔片 過火嘅灼菜心 黐埋一堆嘅豉油意粉 又乾又硬嘅蒸魚塊 大把剩唔駛refill一大堆嘅煎雞扒(嚡) 後有加炒飯 ＆ 麥樂雞(好似係嘅炸件)中湯~ 金菇魚肚羹 味淡材料少 水嗲嗲生粉羹西湯~ 黃金蚧肉湯 有少少蚧肉 甜味過重似食甜品多啲……扒爐 由頭到尾 都係 煎多春魚 冇選擇可以唔食熱葷嘅其他凍盤 魚生 沙律 係好嘅 煙三文魚就 一堆水在碟底冇處理奶茶咖啡 靚雪糕甜筒 正嘅甜品 疍糕 清咗就算 冇refill……

阿sir突然間話想食buffet同小龍蝦，我唯有做陪食專員，今次搵間平平地$3xx嘅維景試下，去到先記得N年前食過，不過呢地點唔多就腳，港鐵行過去要十零分鐘，酒店外內裝修都比較舊，但食物水準又唔算差喎。據聞小龍蝦係食垃圾，同埋食得多對身體唔好，但阿sir偏愛佢，講真冷盤小龍蝦比大龍蝦好味得多，淨係膏都已經好好味，搞到我都忍唔住食咗幾隻垃圾落肚長腳蟹有海水味，大大條又鮮又多肉，唔覺意食咗十幾隻，不過佢哋refill得好慢同數量好少；凍扇貝第一次食，估唔到又幾鮮甜喎，蝦同螺就一般般啦刺身係自助嘅，款式算多但質素一般，三文魚算肥美好味羊架好羶又唔會燒得過熟，食兩件唔過份吖，雞翼、蝦、多春魚都ok嘅熱盤大約有十多款，試咗咖哩扇貝感覺麻麻，凍扇貝比較好味鴨肝好厚身油份夠煎得又香口，我大概食咗5件，師傅無落調味，自己返位記住落少少鹽喇燕窩海鮮龍蝦湯感覺唔到有燕窩同龍蝦味，反而蕃茄味濃郁，當作蕃茄海鮮湯飲係唔錯架燒牛肉幾好味喎，肉有肉味又腍身無筋位阿sir話炒辣蟹好好味，啖啖肉但辣度太高喇，唔食辣嘅人千祈唔好試呀每人半隻嘅焗龍蝦，一d都唔好味，肉唔彈又無味，香芒青椒又唔太夾，阿sir都放棄咗無食燕窩

前排同男朋友紀念日慶祝，佢事先已經訂左團購食呢間，維景酒店都算有啲名氣嘅，所以就好放心咁去食，但佢事先亦講明話係要揀嘢嚟食，正所謂一分錢一分貨，呢句說話果然係好啱嘅🤦🏻‍♀️每人淨係比三百幾就食到buffet仲想點，經過專業意見之後，大部份都淨係揀咗有保證嘅嚟食；中式熟食可以吾食，甜品不解釋⋯⋯食物大致上有以下嘅種類每人有兩張龍蝦劵，相信呢樣嘢應該係成餐入邊最吸引，黃色嘅係香芒，龍蝦十分鮮味同埋厚肉，龍蝦配香芒真係好少試，感覺幾新鮮。沙律點解反而好食過正餐，是反客為主的節奏嗎😅螺絲粉同火腿都夠凍呀，蜜瓜清甜。每次食buffet食一定會食三文魚，三文魚脂肪分佈都幾平均，不過切得吾系好靚，冇專人切完比碟你，系擺左系出面，魷魚稍為硬左啲。熟食方面拎左帶子、蝴蝶粉、薯蓉，本身都對熟食有啲期望，因為幾樣野都係我好鍾意嘅食物，但期望落空；帶子大大隻都幾好食，蝴蝶粉已經得番微溫，薯蓉就偏鹹，吾掂呀！😑燕窩海鮮龍蝦湯好好味通常龍蝦湯都好鹹，呢個濃度剛好呀，潔潔地咁，唔會好漏。成餐飯黎講我諗我最欣賞個燕窩雙皮奶，雙皮奶好滑又吾會好塌，甜度都適中。甜品實在好好好吾掂拎左芋頭布甸、芒果布甸、咖啡布丁、燕窩撻，

公司請食飯一大班同事一口提議要食Buffet，由夜晚6:30食到9:30一入去個個都主攻刺身類同海鮮類食物都算豐富，同埋有好多廚師即場煮食，超新鮮推介有:鵝肝、燕窩龍蝦濃湯、燕窩雙皮奶，真係超鵝肝燕窩龍蝦濃湯燕窩雙皮奶三款推介都係師傅即場製作的，所以要排隊等候另外每人也會被派發一張特色美食卡一張，憑卡可以去美食亭換當晚嘅特色美食一客今晚嘅特色美食係芝士焗龍蝦超大隻超多肉最後食埋甜品，超滿足左手邊嘅榴槤奶凍，超香榴槤味榴槤控必食

好多長腳蟹同麵包蟹，好好食，可惜冇生蟓。主題送芒果焗焗龍蝦剛熟超好食，我好鍾意食燕窩双皮奶，奶味好濃好滑，食左四碗其他魚生碎ok la,西冷薄切牛扒同牛脷超腍真係煮得好好.收碟速度好職員態度好坐🉐️又舒服媽媽要求再encore

看見openrice 有coupon自助晚餐包加一後仍是三百多元一位，重要有龍蝦，燕窩，鵝肝食，覺得好抵，去到試，覺得有少許失望，龍蝦每日只有半隻，燕窩碎只是放在蛋撻上，鵝肝排很耐隊也取不到，取食物的地方很迫，人又多。不過咁既價錢，就唔會要求太高，熱門食物令人失望，就食其他食物喇！長腳蟹麵包蟹無限量供應，魚生亦算新鮮，最驚喜是movenpick雪糕無限量供應，食左2杯書糕及兩轉長腳蟹及半隻龍蝦，都回本了。

拎openrice coupon每位都係348，加一都唔駛，依家求其出去食個dinner都幾百蚊嘅香港，呢個價錢食buffet真係抵到爛！龍蝦、麵包蟹、蟹腳、蝦、青口蠔、翡翠螺、鵝肝、各種刺身…..再加個貴一貴嘅雪糕….講真，就算係雀仔胃都回到本。不過平還平，啲野食質素都ok嘅！刺身壽司同凍海鮮都系好新鮮，個人讚賞啲壽司飯，好過出面某啲日本壽司店，真心有誠意！另外一定要試雙皮奶！今時今日，可以咁香嘅雙皮奶真係少之又少，勁香奶味！雖然雙皮奶唔係貴嘢，但係呢個質素雙皮奶，就真係唔好錯過喇！主題係水果，裡面有幾樣榴蓮整嘅嘢，蛋撻同甜品都好唔錯，食落有貓山王嘅味…最後本人私心推Movenpick雪糕，當然貴係一個原因，但係最緊要好食！其它嘢，就梗係邊樣貴食邊樣啦~