桃園制作粥麵餐廳 (迎海薈) (已結業)

迎海很少選擇，這間算是好食，炸雞脾係正宗懷舊味道、牛腩麵牛腩入味份量夠、鹹魚雞粒炒飯都好好食、下午茶西多更是邪惡之最，外脆內軟咖啡紅豆冰每次必叫! 要少甜D話便要少紅豆。。。見到好多食評話service唔好，去過咁多次都唔覺太差，可惜衞生環境真係麻麻，有一次同行友人叫了餐飲熱奶茶，飲到尾竟然發現杯底有粒檸檬核! 差D成餐飯吐返出來，跟店員提出這問題，佢好尷尬咁話下次請佢飲過 😅😅😅 從此友人blacklist了這店。。。

每次黎都係同ㄧ經驗, 落單, 漏單, 催, 再催, 等...樓面故然懶理話黎緊, 厨房就...唉…落單後三催四請成半個鐘先有得食, 攪咩呀食物質素, 每況越下!! 款式越來越少冇所謂, 但係質素都唔好咁離譜, 炒飯炒麵, 超多油!!!!!如果迎海多啲選擇, 陶園ㄧ定被blacklist !!!!

作為一個消費者，看到商品內容購買，你便應提供餐單上的貨品，很合理。沒存貨的，你應該在我購買時説明，如我繼續購買，代表我接受，你總不能沒說明，假設我接受！3/17 到桃園吃早餐，叫了二份包茄汁豆的早餐，落單時沒說茄汁豆無貨，送餐時只是隨意放下，完全隻字不提，查詢時才説今天茄汁豆沒貨便走開了。埋單付款時，向收錢那個男查詢，他竟然答我：我點會知，我才剛剛上班。態度非常惡劣。先生，係你替我下單的，你不是假設作為顧客的我知道嘛。我不是介意一份茄汁豆，而是服務態度真的不能接受，一肚氣。

叫極都無人落單，好似唔想做，見到扮見唔到，落單又落得勁慢，被昆叫左椰汁紅豆冰，叫前問佢係咪加$6,之後出單係$10, 諗住搵佢取消，佢已經黎左，咁都唔緊要，多幾蚊者，問題係勁難飲，而個避風塘炒麵只是勁油的炒麵加辣，勁差

今日放假，於是入佐烏溪沙食下午茶!!聽同事講呢間桃園既下午茶好底食，個麻辣米線無得輸，於是今天決定一試!!餐廳間隔不錯，二人枱佔多數，走廊好寬闊，餐廳燈光比較暗。下午茶人流不算多，也不用等位🤣🤣下午茶餐單選擇都幾多，飯、麵、炸野、包都有😝🤤我就緊係試下同事推介比我既麻辣雞扒米線啦!再加杯熱奶茶😛上茶速度十分快，$31黎講比較細碗，真係下午茶😪不過塊雞扒的確有碗咁大，絕對唔係hea 你架🤓味道方面，一黎到就嗅到好大陣胡椒粉味，食落同傷x 酸辣粉個底差唔多，辣度適中亦到有好多菜脯,十分正👍👍👍野飲就不過不失，都幾大杯架😉呢到靜靜地，無咩客既情況下坐幾耐都唔趕你走。我仲見到有客帶埋電腦落黎用tim ! 下次一定會黎再試下其他野👍👍👍

心血來潮，聽見友人介這裏的下午茶。特意前來嚐嚐。因是下午茶，有很多寛敞的座位。叫了一個 $26的下午茶餐，有碗仔翅+豉油皇炒麵+熱檸茶。雖然只是 $26的一個餐，但份量其實不少。碗仔翅有肉碎，粉絲，還有蛋；縱稍有多少少咸。但當伴進炒麵，就是當年不折不扣的翅麵。我想稍為成熟的人，聽了也會心微笑。炒麵炒得不錯，不太油膩。伴著往日情懷，想起中學年代於街頭吃翅麵，愈吃愈滋味。想悠悠閒閒吃下午茶，又多一個選擇。

今日下午放假同女朋友喺烏溪沙做完運動就順便去附近睇吓有啲咩食，去到迎海薈商場。去左幫襯桃園制作粥麵餐廳，今次係我第二次幫襯呢間餐廳，因為想食炸雞髀。今次叫左碗仔翅拼炸雞脾，乾炒牛河及星洲炒米 (每個餐都跟免費熱飲)。星洲炒米都幾足料，不過可惜無咩味同唔夠鑊氣。乾炒牛河都一樣，無咩味好淡同唔夠鑊氣，而且用左幼身河粉，如果用返粗身河粉既話口感會更好。碗仔翅拼炸雞脾就真係無得輸，碗仔翅好足料之剩味道重幾好，而炸雞脾依然可以 keep 得住水準，外皮炸得好脆口之剩，內裏啲肉仲好嫩滑。一定要叫。另外一提呢度啲侍應，明明我見到佢係我面前先舉起手，佢都好似睇唔到我咁，我以為自己係咪死左變左靈魂，所以佢地睇唔到我。

外賣這些事，也非常用心。早餐的多士會幫忙切件放入紙袋裡收好，而通粉及湯亦會分開盛載，最終外賣自取是不需另加費用的，非常有良心。

前兩日去左烏溪沙，到左三點三，餓锇地就去左桃園嘆過下午茶，我叫左份公司三文治，都幾大份，有餐肉，煎過幾香口，蕃茄，麵包烘得火侯啱啱好，仲有煎蛋唔會太熟，整體味道唔错，有水準。

前幾日去到桃園食早餐，order左份腸仔蛋配波蘿包，腸仔好有雞肉味，唔燶；太陽蛋則好有蛋香；而波蘿包則超大個，外皮好脆，包亦好軟熟，唔錯。佢地早餐整體質量唔錯，價錢亦合理，亦得介紹俾大家

叫左肉燥溫泉蛋飯，成半個鐘先到，黎左全熟蛋，叫 staff 叫左好耐，個個扮聽唔到，前台係我後面，於是同佢講，完全無反應，我問佢係唔係聽唔到，佢講佢做埋D野⋯⋯咁唔識應下「請等等」又等多成半個鐘，再上，個蛋爛既。唔會再黎

網上見到好多人話服務差 咁我呢d有大無畏精神既人一定會去試下 去到見都有幾多人幫襯呀 其實入到去個呀姨都幾熱情呀 上菜係耐左d 但係客多員工少既情況下 我會體諒 如果趕時間就吾好係到食 叫左個吉列魚柳餐 不過不失 對食有要求既朋友仔就吾需要試 對你地黎講只可以係填肚檸檬茶就吾建議點 完全苦澀 接受不能 服務一般 食品都一般 但係馬鞍山呢個美食沙漠既地方 又真係無得揀

上班日的早上，人在烏溪沙站想起食早餐時，未有迎海之前，可能只有兩個選擇。現在，多了一個似大非大的商場，有 choice 了，好自然地會去找找新意思去品味一下。而是日，我就選中了《桃園制作》這一間茶餐廳。《桃園制入來，大部份的早餐客都是附近上班的工人，而且好多都好焦急。我同其中一名阿叔一齊入的，坐附近，準備叫人落單，叫了六七次，學中學生舉埋手都冇人認，我正準備走人之時，落單的員工才到來。我點了一份雞扒餐肉麵，味道上不錯，因為用上了可愛的雞湯底，雞扒香，不過是沒有肥肉的雞胸扒，但醃得入味，味道夠，我也是開心的。奶茶，分數是合格之上，奶夠多，茶味合適，是我喜歡的味道。很好，只是服務的速度上，有待改善。

連續三個服務員見到你要落單都可以調頭走。 終於一個行過來, 行得慢過隻龜。旁有三張枱走左, 枱面碗碟無人清理, 但遠遠有兩個服務員慢慢清理一張枱, 一邊清理一邊講笑， 不知所謂。 水叫兩次都無人比你, (單都唔想落, 水那會比你?) 要碗無碗。 水同碗都是自己服務自己。 餐具籃內的餐具更加要四處張羅才夠3個人用。 不知所謂!

呢間野既服務質素不知所謂，落錯單不在話下，侍應完全溝通唔到。叫佢追單佢只會話：好多人，追緊。你有你追，佢有佢唔到。落一次單要講幾十萬次，要用常人既慢兩拍好慢咁講，仲會錯！我觀察過，可能是和侍應粵語差有關。見過用普通話落單佢地應對爽好多！