桃園制作粥麵餐廳 (彩雲商場)

營業中

休息中

一直對鏈鎖食肆有保留，傾向小店，今日就試咗呢間二缐鏈鎖，因為其選項及價錢都合理。一座下，水即上，台上餐牌比外面的多，除咗小菜，湯飯，亦有粥及麵，松子魚，水煮都有，真係估你唔到。最後點了牛腩麵，油菜及蕃茄蛋肉片豆腐湯加飯。等了合理時間後，先來菜及麵，柱頭牛腩味燶，好味。牛腩口感可以，份量都夠。上過了兩份菜後，我的湯飯就失聯了.....直至麵都差不多食完，菜食剩三條時，我已忍不住的同侍應說末煮就取消。實在接受不到同桌食飯，友人食完自己都未開始，跟獨食有何分別。正講緊碗湯就到！雖然係一大碗，但都唔需要咁耐。湯質素好，豆腐滑，肉片有肉味，加上蔥花，飲落有層次，至於碗飯，藜麥比較小。整體而言味道，份量都好過期望，只是上菜速度需要特別留意。

同小朋友玩完坪石遊樂場，都已經十二點了，要找個地方吃午餐，一係去坪石邨，一係去彩雲邨，兩者之間選了較近的彩雲邨商場。本應對屋邨的餐廳沒什麼大期望，求其入了一間叫桃園制作粥麵餐廳，貪它的食物種類多，價錢又合理，最後點了一個魚香茄子魚塊飯和椒鹽豬扒飯。論賣相，兩者的presentation 都靚、吸引，既然賣相好，味道又如何？答案都是正斗的，魚香茄子魚塊飯魚香味濃，魚塊件件鮮嫩，至於椒鹽豬扒飯，豬扒炸得香透，椒鹽味突然，兩個選擇都很好味，值得一推。

今日又好晏先食早餐，呢到早餐至早上11點半架！呢個早餐都只係$32💰💰叫左個豬排粉麵、仲有一杯熱檸水😌豬排煎得好香，配上炒麵，再加上我十分肚餓😂😂😂我食得好乾淨😆😆😆飲埋杯野岩岩好！😎

晨咁早去到彩雲，諗住搵嘢食。去到桃園餐廳，朋友就話試一試，兩個人分別點咗兩個粥，一隻粽，一個腸粉。 粽同腸粉都正常質素，但係個粥就出現極大問題。粥口感如水一般，更如流質食物。但係當中所謂嘅流心皮蛋，硬如石頭，口感獨特，未必能正常進食。價錢方面屬合理水平， 故反之質素未如理想， 未能與價錢睇齊。 此乃失望之舉， 如此連鎖的餐廳食物質素竟有如此參差， 未能接受。 當時已向職員反映， 但未獲接納。如此質素實在不能接受，有緣者也應重新考慮。共勉之。

哩間舖係彩雲邨每日都客客似雲來呀，每次吃飯時間都排曬隊噢，今次我地去到排左三十分鐘終於可以入去坐低啦，哩度晚飯時段可以點餸，中午仲有下午茶餐噶哩個至愛黃沙豬潤啫啫雞煲，材料豐富，豬潤仲好大塊添，雞肉都入味，朋友俾曬like話好正喔，聞落都好惹味噶哩個就叫菠蘿蜜桃咕嚕爽豚肉啦，酸酸甜甜幾好食，D肉好爽口哩個係小炒王，夠曬鑊氣吖，香到爆！餸飯一流吖，D肉炒到好香，D腰果都好正，D魷魚仲好夠味添最後哩個湯，真係好鮮味，材料足夠！味道好濃郁

屋企人買粥連續三次外賣魚腩肉丸粥 都變左豬潤肉丸或者只有肉丸(變相叫呃錢）感覺呢間餐廳駁人地外賣就事但執配料(可能魚腩貴)拎到返屋企又唔想拎落去換堂食晚餐 好快小菜就話賣哂次次叫油菜都話冇👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎

露營前我哋搵餐食，最近嘅巴士站就係呢間。平時超多人，可能今日仲係長假期（啲人返大陸嘅返大陸，旅行既去旅行，所以餐廳嘅比較靜）我又做緊唔知幾多周年早午晚下午茶都有一個餸係平價嘅今日我就叫咗個午餐平嘅欖菜豆豆炒飯＄38，唔包嘢飲，餐牌嘢飲半價，加左十蚊叫左杯咖啡紅豆冰好抵飲。個飯唔鹹唔油，好夠味睇過顏色就知，估唔到平野都有好野。豆冰又大杯哈哈正呀人妻好鍾意食炸嘢香口野嘅，所以佢一見到個三絲炸麵就二話不說，炸麵同個三絲汁分開上幾有誠意雖然份量唔算大份，我炸麵夠脆，三絲都有啲弱雞，只係火腿芽菜少少叉燒絲，玻璃獻汁都做到似模似樣。凍檸茶無茶味，人夫話似飲檸水多啲。人夫個溫泉蛋豬扒飯洋蔥汁，聽呢個組合擺明就係地盤佬飯。人夫勁唔開心個溫泉蛋係熟曬嘅太陽蛋嚟嘅😂豬扒有冇香茅味正常洋蔥汁都OK，飯係落左啲紅米既健康飯都OK嘅。

有事返嚟彩雲， 今次唔敢食成發， 費事要飲好多水，所以就試下呢間中菜。見佢個價錢都幾合理， 我斷試一試佢個煎肉餅， 估唔到咁樣又爭啲中伏， 個肉餅煎到好油又超級咸，好彩間舖頭有水免費飲， 有緣再食拜拜。

依間嘢食完好奈，不過都响openrice穩唔到間嘢，原來個地址好似有點問題🤣🤣呢間嘢都算難食，唔係難食😂😂係極難食，個d牛腩份量好小，得個幾粒，佢雖然切到細細粒，但係完全唔稔， 硬掘掘，至於個麪底完全鞋口，講真收得甘嘅價錢甘嘅質素想有下一次都幾難😕😕第二碟係漁香茄子飯，碟嘢辣到唔食得，而且D茄子係咪稔，仲食到草青味😂😂😂雖然彩雲少嘢食，但都唔係做得甘差啊😂😂😑真係無言😑😑😑🤐1

第一次寫食評，亦係第一次食呢間，諗住試下。叫左個雞扒肉躁飯，隻雞扒一咬落去，成口粉，我完全覺得係食緊粉，肉躁常温，仲有部分係凍凍地。我諗之後都吾會再黎食，感覺中伏。

在彩雲邨開業約兩年多，店舖面積不大，装修简約，大概有八十多個座位，但每天卻客似雲來，皆因粥粉麪飯，中西美食，選擇繁多，亦設有抵食下午茶時段。今次叫了仔肉碎泡飯，分量十足，也叫了肉澡香酥雞扒飯，外面甘香酥脆，內面輭滑多汁，非常美味，才9O元，吃個飽飽哦！

諗住食個brunch之後返工餐廳內面 環境比較黑 但坐位都算舒服入到餐廳果下係早上十一時鬆的餐廳內都幾多空位諗住坐張四人卡位舒服d但已經被遠處收銀員阻止 話要留位做lunch 客佢都係用友善態度同我講 所以我就去左另一張兩人枱坐低左餐牌都幾多選擇 三文治 多士 粥類炒麵腸粉糭 湯麵 炒蛋 扒類講很出既早餐都有 選擇困難症既我 諗左一陣 揀左呢個 五香肉丁公仔麵配腸仔 加配蒜香牛油厚多士 餐飲揀左凍奶茶五香肉丁份量好似少左少許厚多士很脆 但牛油份量略多左少許 食完個餐 份量對我而言是剛好 價錢也合理值得再食

大約八點去食飯 爆滿人 拎飛等大約5,6個位 等左十幾分鐘入去 點左蔥油雞配白飯跟湯 另外還點左京都骨 個例湯每日都係同一款的原盅湯 但仍然超吸引 係藥材湯 真材實料 是必點的 無咩味精 蔥油雞同京都骨味道亦非常入味 價錢合理 食物水準高過酒樓 食物份量又足 仲唔洗加一 哈哈 

彩雲邨最近被領匯做了翻新工程，就嘗試一下去食個晚飯，叫咗一碟咖哩雞扒飯。白飯加上少少藜麥，咖哩汁好豐富，椰子味唔會太濃郁，應該用咗好多雜菜薯仔煮成，咖哩味很清香配上新鮮炸起脆卜卜嘅雞扒，不知不覺已經食曬全碟飯。不過冷氣不足，食完全身都濕曬。

早餐時間7點，望落去都坐唔夠1/3客等個外賣都等左20分鐘!!!未有粥賣都算啦，我都知道時間早，可能岩岩開鋪未準備好所有野我都係叫個豉油王炒麵姐，唔洗炒成20分鐘呀嘛???等左15分鐘已經覺得唔對路，望下兩個傾緊計嘅伙記姐姐佢地見到我望住都識講番句: 外賣果個好快等多陣一等又5分鐘啦，唔好話我知係果陣先開始叫廚房整呀搞到一早起身就有個bad morning...成日感覺都好差...真係多得佢地唔少...