桂花小幸 (元朗廣場)

營業中

休息中

💖黎台灣連鎖餐廳桂花小幸開飯，menu更新左，QR落單、每次黎上菜都好快手！1⃣️鹽酥雞排蔥油熱拌米線🍗 $70💖免費配紫菜魚丸湯，咬落飽滿彈牙！鹽酥雞排外酥脆，炸皮唔會好粉好厚重，入面嘅雞肉仲有肉汁，椒鹽調味再搭配蔥油熱拌米線食落香口🤤。2⃣️麻辣牛肚面🍜 $56🔸紫菜珍珠雲吞湯/涼拌黑醋茄子 +$28@2💖可自選面底，要左煙韌帶嚼勁嘅台灣面。湯底要左麻辣牛肉湯，辣度自選，麻辣醬單獨上自己加更好調節辣度，爽口嘅牛肚掛住麻辣湯底更開胃，另附送左爽脆口味嘅涼拌木耳。加配左兩個小食：每次必食涼拌黑醋茄子，醋同辣油調味酸辣開胃；紫菜珍珠雲吞湯湯底帶紫菜同櫻花蝦嘅咸鮮味，有五粒肉餡薄滑皮嘅雲吞。3⃣️百香多多梳打🫧 $34💖可自選冰量同甜度，要左微糖少冰，另外加左香甜有嚼勁嘅椰果。酸甜開胃嘅百香果配上乳酸菌飲落清新，適合夏天～4⃣️寒天水晶可可🍫 $30💖加左咸香嘅芝士奶蓋，口感厚重好香滑邪惡🤩！仲有我鐘意嘅chewy 寒天，搭配香甜濃郁嘅朱古力，無粉末感、口感順滑。5️⃣桂花雞翼🐔 $42💖外皮好酥脆，肉質飽滿，最鐘意佢地嘅桂花醬，清甜唔會太膩，咸甜搭配令人胃口大增！💖多款套餐小食選擇，飲品都系必試！

桂花小幸餐廳兩家分店都非常受食客歡迎，元朗分店在區內立足了好一段日子，價錢非常親民，食物很有質素。將軍澳區的朋友也常常推薦這間餐廳。元朗分店環境清新明亮,裝潢簡約大方,頗有台風，為食客營造輕鬆舒適的用餐氣氛。他們的招牌菜式包括紅燒牛肉麵，麵條Q彈，牛展鮮嫩入味，湯頭香濃清甜配菜有紅白蘿蔔和生菜，幾豐富。套餐抵食，加錢可配多款小食，如$16可享有涼拌黑醋茄子和$12涼拌貓耳朵(黑木耳)，清新爽口也是個好選擇。另外鹽酥雞扒滷肉飯也很不錯，雞扒酥脆嫩滑,份量很太，配上滷肉飯，啖啖肉。套餐亦可加錢配凍飲。我們加了$8點了蜜桃紅茶即場飲用，清涼不太甜。由於3人行中有人不想吃太多主食，點了一些小食大家分享。點了椒鹽花枝丸（五粒），蕃茄濃湯水餃（四隻），和桂花雞翼。朋友都很讚，認為味道好之餘，選擇幾多。桂花雞翼原來是酥炸雞翼配了桂花蜜糖，桂花蜜的清甜令原本酥脆的雞翼更覺清新，非常好味特別。走的時候我們還點了台式飲品外賣，點了炭燒烏龍珍珠鮮奶茶和芝士奶蓋白桃烏龍茶，當糖水咁邊行街邊飲，爽丫丫。

平時行過，總會見到桂花小幸大排長龍。中午1:30過到去，門口都有10多人等位，店員安排順暢，大概10多分鐘就可以入到去。裝修很有台式文青風格！仲放咗各式各樣嘅書籍！有多款套餐選擇，平均都係數十元有交易，價格非常親民合理。招牌台灣牛肉麵套餐濃濃的牛骨湯，加上台式粗麵，和夜市吃到的味道一樣，牛肉夠淋夠入味，很快把大大碗麵吃光！套餐還可以追加貓耳朵和茄子，酸酸甜甜非常開胃。鹽酥雞扒滷肉飯雞扒炸得香脆，配上半肥瘦的滷肉飯，不會過油，仲有好香嘅五香粉味！黑糖珍珠鮮奶，珍珠彈牙，份量十足！鹽酥雞翼，配上特製桂花蜜糖，回味無窮。需要排隊入座的餐廳寥寥可數，可見這間餐廳的受歡迎程度。

桂花小幸早幾日針灸完去咗元朗廣場食野，見到有一間台灣菜餐廳門口勁多人排隊，於是撳張飛入去試下！餐廳入面唔算好大，等咗大約15分鐘先入到去，我被安排坐喺餐廳最尾，餐廳走廊通道比較狹窄，好彩我部輪椅啱啱好夠過，店員非常有禮，當我發現掃唔到QR code時，即時幫我轉人手落單！1.酥炸排骨滷肉飯+滷水豆腐$74+涼拌貓耳朵+紫菜魚丸湯（$28兩款小食）+十勝紅豆奶茶$28（8.5/10）主食就揀咗酥炸排骨滷肉飯，酥炸排骨有少少乾，後來發現點蛋黃醬即刻好味咗，酥炸排骨一共大約有5舊，每一舊都係薄切排骨，滷肉飯唔會好肥，飯量都算多！小食揀咗滷水豆腐，豆腐有少少乾無咁入味，大約有5舊滷水豆腐！之後再揀咗兩款小食，$28有兩款小食，揀咗涼拌貓耳朵同紫菜魚丸湯，涼拌貓耳朵酸酸辣辣，雲耳好爽口，另一款紫菜魚丸湯個魚丸其實係花之丸，紫菜湯好好飲，飲落似無味精！飲品就揀咗十勝紅豆奶茶，紅豆煮得夠淋，奶茶好滑，甜度就甜咗少少！2.鹽酥雞扒麵（紅燒牛肉湯）$74+地瓜薯條$5+手拍小黃瓜$16+黑糖珍珠奶茶$34（9/10）主食就揀咗鹽酥雞扒麵，大大舊鹽酥雞扒，雞扒咬落好脆好juicy，湯底揀咗紅燒牛肉湯，有少

真係嬲到唔食立即離開！收工拎住一袋二袋又肚餓，諗住食個簡單一餐。咁咪將d大袋小袋放對面位。 又無提供位置/籃子俾客人放袋（係叫客人將袋就咁放係地下定係攬住d袋食飯，定係不如企係度食la!) 個職員9唔搭8， 見客人咁多袋重要即刻放塊透明板話有人就要share枱。非常好彩，係未落單既時候，咁岩有人單獨黎食飯，個職員就叫我拎哂所有野！！！即係叫我攬住d袋食飯！！就係咁，我直接話咁我唔食la!直接拎哂我所有行李離開….其實公司唔想做生意可以講。。。要客人攬住一袋二袋食野，諗下都無可能la連m記 kfc等快餐店既服務都好過呢間店！！不知所謂！ 講緊就係岩岩既時間 大約下午3點 平日時段，非繁忙時間！！！垃圾餐廳！客人點求其食一餐都好 都唔會有人想攬住一袋二袋食野！麻煩檢討下！🤬🤬🤬😡

好耐無食呢間，系元朗廣場買完野想搵野食就去返呢間，食物水準都無太大改變。三盛紅燒牛肉麵 $85紅燒牛湯會有微微香辣，有腱心牛肉、牛腩、牛筋，食落都幾腍，麵系台灣麵。鹽酥雞排滷肉飯 $64雞排炸粉吾算厚，食落幾脆口，滷肉飯飯量都多，入面有滷肉同冬菇，吾會有好多肥肉。麻辣紅油水餃 $284隻水餃，麻辣紅油味幾香，食落都幾麻，幾惹味。桂花雞翼 $28桂花醬汁甜甜地，分開上，可按個人喜好自己加上炸雞翼上。炭燒烏龍珍珠鮮奶茶 $34飲品大大杯，比起普通既珍珠奶茶多左啲炭燒香味，會無咁甜，珍珠都煙韌。芝士奶蓋桂花烏龍茶 $32好厚身既芝士奶蓋，桂花味幾出，飲落有啲似食緊芒果甜品。

今日食既呢間係位於元朗廣場既台灣菜店, 7點去到已經爆哂場麻辣台灣牛肉麵(半肉半根)呢個無論個湯底定係牛腩牛根定係個麵都係極為出色麻辣我揀左中辣, 原來都唔係太辣, 鐘意食既其實可以直接揀大辣牛根係無敵入味同埋嫩滑, 超正麵質彈Q, 掛湯!! 整個都係勁好味炸雞扒滷肉飯呢個滷肉飯唯一缺點就係太少汁!! 滷肉係正到可以餸幾碗飯, 而個炸雞扒係超超超大塊, 香脆而且入面好鎖汁, 嫩滑既雞肉, 勁大份加勁好味台式飲品同樣出色, 仲可以加配料!! 大大杯

喺而家呢個做飲食咁艱難嘅大環境，要按實際情況又keep到水準真係唔容易呢間充滿文青feel嘅小店算係表表者！開業6年，水準依舊，記得新鋪開張曾經光顧，食物水準都很滿意，今日再到訪水準依舊keep到，真心今次選擇咗兩個套餐、小食加兩杯飲品，環境格局都仿如置身台灣文青小店牛腩雞肉飯套餐牛腩炆得幾淋兼夠入味，最怕牛腩嚡熠熠，但呢個完全無問題雞肉都好鮮嫩鹵水雞翼魯肉飯套餐雞翼炆得剛剛好，唔會過淋過火魯肉飯都好入味台灣香腸喺台灣必食，見到即刻點一份，果然無失望，煎得好香脆厚度適中必食鮮草冬瓜茶感覺很消暑清熱，甜度、冰量都可選擇，對我來講少甜剛好台式珍珠奶茶都係少甜剛好，茶味夠濃，奶唔會蓋過茶味，珍珠亦唔會太甜

裝修充滿文青風格，瀰漫著書卷味📚，牆上貼有勵志及別具心思句語📝，環境舒適又富文藝氣息，令人放鬆😎。涼拌貓耳朵👂所謂貓耳朵，其實是黑木耳，大大片，酸酸甜甜，爽脆又彈牙。涼拌黑醋茄子🍆茄子雖然切得大大件，但件件夠軟腍又入味。以上兩款涼拌前菜都帶點微辣，配上酸醋汁，食落十分醒胃😋。鹽酥雞排滷肉飯🍛單點一份已可享用台灣兩大特色美食。滷肉飯採用珍珠米🍚，口感煙韌軟糯，每一啖都充滿著滷肉油香，而鹽酥雞外層酥脆，內裡多汁嫩滑，令人恍如置身台灣夜市。三盛紅燒牛肉麵(腱心牛肉、牛腩、牛筋）🍜湯底清甜味濃帶微辣，麵條軟硬適中，蘿蔔清甜無渣，厚切牛腱好有嚼勁，牛腩入味，牛筋軟嫩。紫菜魚丸湯🫕魚丸彈牙有咬口，紫菜湯清甜不腥膩。炭燒烏龍珍珠鮮奶茶🧋品嚐台灣美食，珍珠奶茶絕對是必點之選，茶底使用炭燒烏龍夠特別，炭燒味好突出，珍珠Q彈透徹軟熟，非一般珍奶，超好飲。夏日水漾鮮果茶🍹飲品內有青檸、西柚、檸檬🍋、士多啤梨🍓、藍莓🫐、火龍果等新鮮水果，清新清甜，消暑解渴，飲完成個人爽晒🥳！餐廳主食份量十足👍，足料大碗又好食，性價比高，飽足感強。飲品勁多款式，不同口味適合不同人士。好適合三五知己或一家大小暢聚👨‍👩‍👧‍👦，

元朗廣場一直都有嘅桂花小幸，不嬲好鍾意喺嗰度買嘢飲🧋🧋但係其實嗰度嘅食物都非常唔錯台式食物每樣都好好食紅燒健心牛肉麵牛肉煮得相當軟腍一咬就有香濃嘅牛肉味相當好食面就中規中矩嘅台灣面但係湯個人認為就比較淡鍾意嘅濃味可能會覺得一般手工花枝丸麵加蕃茄湯蕃茄湯有粒粒蕃茄但係我都係覺得可以再濃啲😂花枝丸大大粒相當彈牙非常美味好似返咗台灣

元朗台式美食-桂花小幸平日下晝去食都幾多人，但係唔係等咗好耐位😌叫咗一個中午套餐、另外一個單叫麵食-首先覺得驚喜最好食嘅係炸花枝丸！佢嘅花枝丸炸皮好薄有脆，花枝味道都有喺度😛-滷水糖心蛋都整得入味 用嚟撈飯配面好食☺️-鹽酥雞 炸得比較乾柴…而且感覺唔係即叫即炸 送嚟嘅時候都已經涼左…-滷肉飯雖然上面嘅滷肉偏小 但係都幾好食 充滿膠質，食完個碗飯個嘴唇又黏笠嘅感覺.滷肉碎嘅味道唔係特別出色，不過佢嘅飯口感粒粒分明有咬口😌-牛三寶台灣麵 有牛筋牛肚同埋牛腩，牛筋入味已經炆到冧晒😛，牛肚同埋牛腩都好入味 特別係牛腩入口就已經淋到唔使咬！ 湯底都算香濃 食完啲面都飲咗一大半. 至於佢嘅面底台灣面我就好鍾意 係比較粗身嘅面 入口好彈牙-另外單叫咗個即叫即炸餃子，外皮脆卜卜 咬入去餃子嘅肉汁會咇出嚟！不過入面既餃子餡就冇咩特別 仲感覺有啲似超市入面買到嘅有啲相似🫣-至於嘢飲方便 我哋叫咗茉香珍珠奶茶 同埋抹茶紅豆，珍珠用黑糖煮過幾香 茉香奶茶都幾清香🥰 至於抹茶紅豆 紅豆好大粒！同埋好香甜！抹茶味道有回廿同埋好濃🫶🏻整體嚟講嘢飲方面都唔錯☺️！

喺元朗廣場嘅桂花小幸，因鄰近返工地點，曾經係我嘅飯堂。因公事調動，一年無食，今日再訪，難得水準無變，一樣好食！炎炎夏日，首先點凍飲！呢度嘅飲品勝在大大杯，而且好足料。我揀咗夏日水漾鮮果茶，微甜口味，微酸嘅水果味好開胃。朋友點嘅柚子QQ山茶花賣相都好吸引。微甜，清新。台式小食拼盤係好大一碟，有炸花枝丸（2粒）、桂花雞翼（2隻）、炸餃子（2粒）同地瓜薯條。炸花枝丸好大粒，彈牙有口感；雞翼又大又脆，爆晒汁；炸餃子用咗東菇同豬肉，爆汁好滋味；地瓜薯條香脆得嚟又甜甜地。主食點了麻醬雞絲冷麵同涼拌貓耳朵。麵條夠晒凍，好適合夏天，好開胃。胡麻醬同辣油嘅香氣好香。另外我每次必點鹽酥雞排滷肉飯，雞扒大大份，香脆，滷肉同飯一齊食好香。平日午市人都幾多，不過今日兩點先去就唔洗等。可以慢慢食，幻想下自己去左台灣。

打工人飯堂桂花小幸帶同事到公司附近台式餐廳食飯，環境舒服，中午套多選擇，作為主餐的鹽酥雞排滷肉飯是一道很經典的台式小吃組合。鹽酥雞排外表酥脆，內裡卻保持多汁鮮嫩的口感，搭配滷肉飯非常美味。手拍小黃瓜是一道清爽的開胃小菜,能夠幫助提升整體餐點的口感層次，另外選擇加點滷水蛋,這是另一道廣受歡迎的台式小菜。滷水蛋的滷汁會完美襯托出蛋黃的濃郁香氣。涼拌黑醋茄子也是一道不錯的選擇，黑醋的酸甜滋味能夠清爽開胃黃金麥茶是一款經典的台灣飲料，淡雅清新的風味很適合搭配整套餐點我點了一個紅燒滷水雞翼麵配椒鹽花枝丸，湯底用了紅燒牛肉湯底，麵有咬口，十分推薦

桂花小幸喺元朗廣場好耐😁好多人食㗎麻辣牛肚熱拌米線 配紫菜魚丸湯麻辣牛肚熱拌米線，配上紫菜魚丸湯，非常開胃，米線Q彈有勁，牛肚經過麻辣入味，口感軟嫩帶勁。配上清爽的紫菜魚丸湯，非常適合夏日享用鹽酥雞排滷肉飯鹽酥雞排滷肉飯雞排皮脆肉嫩，金黃酥脆，滷肉飯如多點滷汁會更好，米飯粒粒煙韌飽滿牛肉濃湯水餃水餃皮薄餡多，湯頭濃郁，一咬開滿滿牛肉餡料仙氣火龍果茶火龍果茶帶有清新果香，鮮果茶清甜如泉夏日水漾鮮果茶呢杯滿滿水果🍉西柚香橙非常清新📍桂花小幸元朗段249-251號元朗廣場G樓003 & 005號舖

位於元朗嘅桂花小幸，價錢唔算貴食物選擇多！！最好食嘅紅燒牛肉麵涼拌貓耳朵酸酸辣辣，清爽開胃，雖然係加配小食，但係份量都不吝嗇三盛紅燒牛肉麵(腱心牛肉、牛腩、牛筋)上餐嘅時候仲係出緊煙，夠熱！湯底帶微微辣，調味輕盈但夠味，多喝不口渴，麵質彈牙有嚼勁腱心牛肉(牛展)：容易咬開，軟軟彈彈牛筋：煮得夠，十分軟滑牛腩：彈牙，不痴牙，牛肉味較濃白蘿蔔：炆得好淋，冇渣仙氣火龍果茶剛上枱趁凍飲會有沙冰口感，夏日炎炎一流呀！過左一段時間之後，冇左冰感，但係更加飲得出火龍果配搭茶嘅清新