柴灣東區醫院職員飯堂

今日婦科覆診等攞藥咁等攞藥期間有啲肚餓就一個人呢走咗上去餐廳食下午茶咁食下午茶仲撞自己男朋友喺嗰度做醫生嘅，佢喺食緊米粉知道佢喺嗰邊呢係做內科 同埋外科嘅咁我就嗌咗個 碗仔翅碗仔翅都好足料下，我見店員仲送埋李錦記嘅 醋畀我不過我習慣唔落醋， 碗仔翅都有啲冬菇粉絲同埋蛋絲我就走咗瘦肉絲， 因為我本身食齋嘅整體嚟講，個下午茶用8蚊買都幾抵…查看更多

估唔到呢一個飯堂嘅燒味部，午市嘅時間咁多人，佢有好多種唔同嘅選擇，今日我就揀咗叉燒同埋燒肉，整體我覺得都對得住呢個價錢，如果要加嘢飲嘅話就另外加錢，今日就淨係食咗個飯，燒肉同埋叉燒嘅份量，我覺得都正常，叉燒就唔會太肥，而且我覺得佢都幾濃厚，送飯嚟講，簡直係一流。燒肉我就覺得不過不失，唔會為我太大驚喜，不過呢一個價錢嚟講都冇乜可以挑剔！配菜方面就係椰菜！見到前面有其他客人都會問佢攞多啲，我就冇乜特別😂😂 整體呢個價錢都唔錯嘅…查看更多

去過香港咁多間醫院入邊嘅醫院餐廳食飯，東區醫院嘅飯堂可以話係數一數二，除咗嘢食款式多之外，質素亦都好，性價比好高。呢度可以食到即叫即炒嘅炒粉麵飯，亦都有雙餸飯，佢哋咖喱飯亦都值得一試，尤其是咖喱牛腩飯。不過佢每日嘅菜式都會有變，以咖喱嚟講，有時可能係咖喱雞，魚，牛肉，所以未必一定撞到想食嘅菜式。餐廳嘅範圍好大，超級無敵多位可以坐，望出去亦都算有啲景可以睇吓，真係算係有啲享受。如果係職員嘅話仲可以享受埋優惠，真係超級抵。…查看更多

這家醫院員工飯堂提供的菜色不多，剛到中午很多都已經售罄。滑蛋雞絲飯上的滑蛋煎得很嫩，雞絲也很鮮嫩，與米飯搭配得恰到好處， 但可能因為是醫院飯堂所以調味很淡。魚煎得外皮不夠酥脆，內裡肉質尚可，幸好紅咖哩拯救了這道菜，熱奶茶茶味香濃，幫我提升體溫抵抗現場令人凍到起雞皮的冷氣。醫院員工還可以享受半價優惠，而且份量很大，對於住量大的人來說非常划算。不過因為是員工飯堂，所以裝修和環境不算豪華。價格反映食物質素，不過不失。…查看更多

今次寫呢篇食評，我都覺得幾特別，佢並唔係乜嘢打卡餐廳，冇乜必要我諗大家都唔想嚟，但係我覺得都有啲得意嘢可以值得講下，話說今日陪朋友去醫院睇病，醫院好多人，等咗好耐，聽講話要排好多個鐘，由於唔知要等到幾時，於是期間就去咗醫院嘅餐廳食飯，醫院嘅餐廳，價錢當然係大眾化啦，工作人員仲有好大嘅折頭添，訪客嚟講都唔貴同快餐店價錢差唔多。今次嗌咗一個四寶飯，同埋一個蜜桃素雞飯，燒味做得中規中矩啦，蜜桃素雞都幾惹味，幾好食嘅，不過可能人太手唔夠嘅關係，等嘅時間有啲耐，飯亦都有生米，整體感覺比一般快餐店爭少少，不過佢最好嘅係，每樣食物旁邊都會寫住幾多卡路里，如果注重健康，又或者要減肥嘅朋友就啱曬啦。…查看更多