柚子茶室

營業中

休息中

茶室都可以食得健康！今晚嚟咗間近旺角嘅茶室晚飯，發現有好正嘢食，價錢合理仲大大份。好多選擇，想食低碳無難道～柚子燒春雞半隻（$58）- 燒春雞係必嗌！個雞皮燒得香脆無比，雞肉嫩滑啖啖肉，配埋柚子醬甜甜地好特別。燒肥牛青木瓜沙律（$56）- 一嚟到真係有啲嚇親，咁大盆嘅？！肥牛有驚喜，好入味又唔會過肥。青木瓜爽口，而底下仲有海量嘅沙律菜😍真係啱晒我呢啲菜控。配埋個泰式酸辣醬，好惹味。呢碟沙律性價比真係超高呀！雞湯灼通菜（$23）- 份量多，仲有杞子～燉湯（$20）- 今日個燉湯係牛蒡湯，個湯好清甜，無味精，仲有好多牛蒡、紅蘿蔔同肉，絕對真材實料，飲完都唔覺口渴。

柚子雞翼（四隻）$28雞翼好大隻 漲卜卜 帶鹹香，第一次食有柚子醬既雞翼，配埋一齊估唔到咁夾紫菜鹽酥雞$42大大碟 平時呢個價錢係其他餐廳食，份量係好少，雞肉一啲都唔乾，炸粉好少，真材實料👍🏻😋配埋甜酸醬 好惹味燒牛肉木瓜沙律$56牛肉薄切，肥瘦適中、本身醃製左 帶醬汁味，食咁多肉梗係要食返啲菜balance下啦😆超多沙律菜 mix埋泰式酸辣汁 好開胃秘製無骨海南雞油飯$62呢個雞既精髓係雞肉一定要呈現起透明gel，咁先夠正宗😽呢間完全做到👍🏻雞肉嫩滑，啖啖肉 ，配埋醃製左既蘿蔔絲，酸酸甜甜 都係好開胃，而油飯就好大碗，油份適中😋仲有薑汁同酸辣醬配埋一齊食金牌沙薑雞飯$60估唔到咁大碟雞，雞肉一樣咁嫩滑 大舊，配埋沙薑汁 更加惹味😋同樣有醃製左既蘿蔔絲，解油膩🥰碗飯都好大碗 凍柚子薏米水$23好清熱解暑，仲有去濕，降脂，美白既功效😽

上網見大角咀開左間小店，主打食雞既，仲有豬手同埋其他小食，媽咪就最鐘意食雞架啦，帶佢去試下啦♥️♥️一黎嗌左秘製無骨海南雞半隻，大大碟呀，海南雞肉脂肪不多卻十分嫩滑，果然係店家主打既項目之一，吃落啖啖肉，充滿雞嘅香味，配上自家調製兩色醬汁😚真係好好食♥️蔥油厚切豬扒，邪惡到不得了🤪豬扒大塊到好緊要，而且肉質夠哂鬆軟，但係個人最鍾意佢個蔥油汁，佢醬汁特別香，連埋豬扒一齊食真係口感同味道都兼顧到呀😝滷水豬手，豬手一上枱已經分好哂件，一放入口骨肉分離之餘，仲有入口即溶感，骨膠原滿滿，最岩女士食，滷水汁亦都十分之入味，佢嘅甜度適中，香葉同埋八角味好濃，好鍾意呀♥️仲嗌左兩碟上湯菜，同一碗油飯，一碗椰子燉雞湯，真係好有家既感覺，有飯有菜有湯，椰子燉雞湯係無味精，真材實料，好多椰子🥥所以個湯好甜♥️而家新店開張仲送薏米柚子水，啱晒而家天氣咁熱消吓暑喔☺️☺️

公司附近開咗間新餐廳，呢日放工之後就同屋企人去左食dinner。餐廳既環境幾乾淨企理，唔錯。打開餐牌，見到呢間餐廳係專食雞嘅，有多款唔同雞飯可以選擇。主食方面，今次點咗呢個荷香藥膳雞飯，有淡淡的藥材味，雞肉嘅份量幾多，雞肉好嫩滑，配埋清甜既例湯，正！呢度既小食都好吸引，我地點左份炸雞翼，外脆內軟，好惹味。另外仲有炸雲吞，勁香脆。豬頸肉沙律幾fresh。最後，我地仲點左雞湯灼通菜，夠哂健康。仲有去濕既柚子薏米水。

餐廳：柚子茶室 (旺角)地址：旺角棕樹街2-20號榮富苑地下1A號舖由大角咀行到去旺角其實有好多細鋪仔，當中有唔少小店值得大家嚟發掘一吓，今次就等我介紹吓棕樹街呢間開咗唔夠一個月嘅柚子茶室🍴有名比你叫——柚子茶室，相信呢間港式茶餐廳一定同柚子有啲關係🍐，原來老闆自創咗一啲用柚子做配搭嘅特色小菜、特飲；而另一方面，雞亦都喺餐廳嘅招牌🐔，藥膳雞、瑤柱雞、話梅醉雞、海南雞，佢哋嘅雞隻全部喺人手處理、自家調味，唔加任何味精、防腐劑，而且佢哋嘅食物味道唔會太濃，因為想整多啲煮家菜同相對健康嘅食物比附近嘅街坊、打工仔、學生哥💕餐廳唔算大，但喺短短半個月就吸引咗唔少人嚟食飯，仲已經有一班熟客仔喺餐廳打躉😼，再睇一睇餐牌，原來一個雞飯最貴都喺$62，仲有唔同款式嘅沙律🥗、咖喱🍛、米線🍜、小食俾你揀，價錢真喺相當實惠，不過唔知味道同埋份量又點呢😗✝️瑤柱貴妃雞(半隻) $98叫咗半隻餐廳自己醃製嘅瑤柱貴妃雞，上枱嗰陣我以為落錯單，因為份量真係勁多，我以為俾咗一隻雞嘅份量🤣。問真啲店員，原來佢哋嘅貴妃雞全部都喺揀差唔多大細嘅，細隻嗰啲全部唔要，仲要食落雞肉嫩滑一啲都唔嚡👍，有陣陣瑤柱濃汁嘅香味，難怪店員話唔

今日去開奧海城個邊咁岩落雨 就急急腳走左入間餐廳避雨同醫肚🤭原來咁岩係新開張 就試試佢 睇餐牌都幾吸到🤤麻辣肥牛米線🍜辣度適中 同埋隻麻辣味都好岩我口味 有吸晒湯底精華既豆卜 仲有好多肥牛 都算幾足料 米線軟硬適中🤍秘製無骨海南雞（半隻）不嬲無雞不歡既我 點會唔叫？仲要無骨既岩哂我依個懶人🤤好有雞味同埋非常嫩滑 邪惡既雞皮😍另外仲加左一個油飯撈飯🍚雞湯灼油菜🥬有三款菜簡 我簡左娃娃菜 好甜啊🫶🏻字典餐肉滑蛋治🌮哈哈 一定嚇死人 仲叫多個包 但我絕無浪費 同埋我成日對依d三文治好有興趣🤭如果午餐肉係厚版仲正😍柚子炸雞翼🦴炸到脆卜卜 驚喜係皮脆薄身 同埋唔會好油溢味 絕對要encore 而雞翼都有三隻口味選擇👍🏻我叫左柚子味 酸酸地幾開胃紅豆冰🫘椰子味超重✌🏻同埋好多紅豆 紅豆冰愛好者必飲☝🏻

今日同朋友行旺角行足成日,行到攰攰哋又肚餓😁突然見到一間新開張柚子茶室,個名好特別,就入去試下,我叫咗一個無骨海南鷄飯🐔,但我加咗$13轉鷄脾🍗,肉質好嫩滑非常好味👍🏻鷄味濃郁😋配埋油飯絕對絕配!仲有椰子鷄湯超正!好香椰香味🥥我朋友叫咗瑤柱貴妃鷄🐓,好香瑤柱味😋配搭得啱啱好👍🏻鷄肉相當嫩滑!大家可以一試!飲品叫咗紅豆冰,嘩!有香滑椰汁🥥加埋紅豆,正呀!配搭得好😍鳳梨梳打好特別🍍好好飲!蒜蓉厚切豬扒🥩蒜香味濃!厚切豬扒嫩滑!一D都唔靭👍🏻非常好食!酥炸雲吞,超脆可口,蝦膠鮮味!大家可以一試!

在旺角走向大角咀的途中，找到了一間新開的小店， 以茶室自居， 裏面賣的並非一般冰室食物，主要以柚子主題跟海南雞主題作賣點店舖簡潔明亮， 地下算乾淨老闆娘服務滿不錯， 跟客人有講有笑海南雞飯$62店家其中一個主力就是海南雞飯，雞的份量不少，應該有¼隻吧。雞肉算相當嫩滑，皮肉之間竟然有啫喱， 以小店來說質素不錯。配有兩種醬汁， 其中一款是酸汁， 相當開胃味道很酸！另一款是薑蓉，薑的相份量比想像中多，而且不算太油，味道也不算太濃烈雞飯充滿油香，飯粒分明燒牛肉青木瓜沙律$56份量頗大，用上肥牛取代一般泰菜店的燒牛柳，入口當然更加爽脆，沙律有不少的青木瓜跟生菜🥬，加入青檸跟店家自調醬汁， 相當開胃，而且做到了肉菜的平衡柚子生薑茶+$9 少甜意想不到的是，少甜的生薑茶的薑味會那麼濃郁，提胃之選