柚子茶室

營業中

休息中

最鍾意幫襯小店，喜歡平民化同街坊生意果種親切感。今次特登去咗大角咀呢間隱世餐廳食晚飯。７點去到，已經坐滿人要搭枱。兩個人叫咗兩個餐。咖喱厚切豬扒飯 $61：超多咖喱汁，係屋企煮果種咖喱嘅風味，齋用D汁嚟餸飯都可以食晒成碟。豬扒好食，又淋又juicy，讚。秘製無骨海南雞油飯 $65：好幸運地喺無加價嘅情況下畀咗雞脾我。雞好嫰，已去骨，啖啖肉。係正宗嘅海南雞，凍上，係似啱啱喺雪櫃拎出嚟果種温度。撈埋熱辣辣嘅油飯食，温度變得啱啱好。油飯夠香，唔會太油太滯。值得一提嘅係，佢碟三色醬少咗黑醬油，但做咗酸蘿蔔嚟取代。例湯：超好飲。是日葛湯，好甜好好味。估計係零味精同勁足料！呢間餐廳性價比超高，有飯有湯有野飲，兩人埋單都係 $126，用心之作，值得一試。

「唔準諗，即刻答！雞、牛、豬、雞、鴨、魚、雞，你最鍾意食邊隻肉呢？」點解你個問題，雞會重覆又重覆呢？因為我真係好鍾意食雞呢！如果你同我一樣都係鍾意食雞，就唔可以錯過位於大角咀嘅柚子茶室。柚子茶室係一間人情味小店，從招牌上面既圖案，就知道柚子茶室嘅名物就係又香又滑嘅雞喇！椰子雞湯餐廳每日都會提供幾款唔同嘅燉湯，既然柚子茶室嘅名物係雞，當然就要揀椰子雞湯啦！椰子雞湯非常足料，湯底聞落帶有淡淡嘅椰香，味道方面非常濃郁，椰子同雞嘅味道清香，充滿層次，重點係一啲都唔油。秘製無骨海南雞油飯嚟到柚子茶室當然要試吓呢度最出名嘅海南雞！海南雞一上枱，最吸晴當然係雞皮下面嗰層濃濃骨膠原嘅啫喱，雖然邪惡，但絕對係海南雞嘅精粹。雞肉非常嫩滑，肉味香濃，當然最正係又香又滑嘅雞皮啦。加上絕配嘅油飯，絕對係perfect match！花膠胡椒豬肚雞湯米線米線湯底除咗雞香味之外，仲帶有淡淡嘅胡椒味道，店家仲加咗薑絲，但味道唔算辛辣， 十分暖胃。花膠同豬肚嘅數量亦都唔少，真係好抵食呀！至於雞肉嚟講，我都係鍾意海南雞多啲。

有次係旺角與大角咀之間既晏架街足球場踢波，見到有間柚子茶室就入去醫下肚，menu多款式有茶餐，雞飯，湯等等！幾地道價錢唔貴，而且份量十足！咸牛肉滑蛋三文治，見到圖都知幾厚身，有2寸幾厚，滑蛋嫩嫩唔乾身，咸牛肉咸香惹味，雖然唔記得叫烘底，但麵包都好軟熟！加埋牛油香，好滋味！呢個size大得令我驚訝！滋味生菜包，豬肉碎鹵得入味，再配大量配料放在生菜上邊食，清爽香脆，入味得黎又夠清新。份量又係大大碟！值得叫幾入味。配埋個蓮藕湯，夠熱辣辣好暖胃，而且餐廳講明無味精！非常健康既滋潤湯水。無骨海南雞飯拼豬手，海南雞滑滑嫩嫩夠多肉，口感好正，帶jelly狀既雞皮爽脆，雞肉肥美再配醬汁食更有風味！豬手亦都幾入味，多肉無渣夠香口，送飯一流。胡椒豬肚花膠雞湯，湯頭夠熱夠濃，飲落陣陣胡椒香味滲出幾滋補！花膠質感爽彈，豬肚帶咬口煙韌！雞件亦都相當足料，整體滋潤足料夠抵食。

喺朗豪坊買完戲飛，見仲有好多時間，即興走去大角咀食個 early dinner。之前有朋友推介過棕樹街嗰間「柚子茶室」，反正仲未諗到食乜嘢，一於過去試下。餐廳屬小店格局，以木製檯櫈為主，店內面積不大，但環境光猛，裝修明亮，地方乾淨企理，所以都坐得幾舒服。嚟到剛好 5:30pm，仍然係下午茶時間，見到餐牌有紅豆西多士 ($36) 供應，所以決定先食甜後食鹹。西多炸得很香口，外脆內軟，紅豆顆粒飽滿，微甜不膩，連糖漿同吃，甜度恰好，有粒粒口感，讚！店舖主打食雞，一場嚟到，當然唔可以錯過。點咗店員推介嘅話梅醉雞、香辣肉碎豬手飯，另外再加咗碟炸雲吞同灼油菜。酥炸雲吞 ($38)  雲吞即點即炸，新鮮熱辣，入口相當香脆，內裡蝦肉鮮味爽彈，點埋個酸甜汁食，超惹味。香辣肉碎豬手飯 ($68)  接著送上，跟餐送例湯。今日嘅例湯係眉豆花生豬骨雞腳湯，雞腳有豐富膠質，配以豬骨，飲落味道好鮮甜，非常足料。豬手整得好入味，肉質嫩滑，啖啖肉，配埋墊底嘅酸菜一齊食，醒胃解膩。旁邊嘅香辣肉碎亦非常正，不但辣度適中，而且乾身不油，用嚟撈飯一流！話梅醉雞 ($88)  雞件肉質超滑溜，皮爽肉嫩，食落完全沒有絲毫雪味，連

大角嘴街坊之友講起當區有間隱世茶餐廳，講到好似乜乜物物咁，我點樣都要佢帶我試試。由旺角出發行過去都幾遠吓，都行左成十幾分鐘終於到達 「柚子茶室」內裡裝潢簡陋，十多個坐位，但起碼乾乾淨凈。姐姐們都很親切，見她會主動送例湯給熟客，這些細微之處足以令客人繼續光顧。以為都係食吓茶餐、常餐，原來佢哋不走主流路線，主要係煮出一頭出色的雞。荷香藥膳雞 $98淡淡的藥材香，藥膳湯汁另上，浸熟的雞做出來口感截然不同，鷄皮爽口不膩，鷄肉彈牙肉嫩，鷄一定有鷄味，而藥材的獨特香味不搶，更突顯出廚師控制藥材的份量是十分精準的，難怪鷄成為茶室的主打菜式。朋友話另一款碟頭飯也是佢心水香辣肉碎豬手飯 $68老老實實我就唔太鍾意豬手，尤其見到層皮肥淋淋……不過依碟有啲唔同，因為有隻好靚嘅太陽蛋，加埋泰式炒肉碎，超惹味用來送飯真係攪到人哋可以啪曬碟飯。重頭戲來了，鹵水豬手真心肥，瘦肉佔1/3 ，神奇之處是入口即化，油脂轉化成膠原蛋白，鹵水入味又不會太咸，確系幾吾錯，但本人已經成為一高人仕，還是小食多滋味。油飯$13味道略為啖口，軟硬度適中。是日燉湯$38椰子燉雞湯蟲草花燉雞湯首推「椰子燉雞湯」鮮、甜、濃…. 必試！必試！

今日同朋友係旺角行街 想揾間茶記食下所以就揾左呢間感覺新淨啲嘅😋呢度有好多選擇 新派小食又有 傳統粉麵都有😍-🐥秘製無骨海南雞 半隻$98海南雞賣相好靚💖 半隻份量都夠3人share啲肉好嫩滑 仲有幾款醬汁可以點🥳-🍫🍞心太軟西多士 包飲品 $45呢個西多真係太邪惡啦🥹🫶🏻滿滿嘅朱古力醬 新鮮熱辣出爐💖-🍳🥪字典餐肉滑蛋治 $38十級推介😍舊煎蛋差唔多有3隻手指咁厚！包皮都有搽到牛油🧈☺️好幸福-🐮🥗燒肥牛木瓜沙律 包飲品 $65燒肥牛好香😋木瓜沙律超大份💖

柚子茶室 旺角棕樹街2-20號榮富苑地下1A號舖Shop 1A, G/F, Greenfield Garden, 2-20 Palm Street, Mong Kok今日晚間要返OT, 星期五人人HAPPY FRIDAY出街玩, 我就好似PARTY 中孤單一人,但度度都好多人開心行街同食飯。我同同事等了一陣位,入了去呢間新開架柚子茶室食DINNER。鬼叫你窮呀,OT 無錢都要頂硬上, 食飽上路。海南雞同豬手都是招牌菜, 咁同同事決定各點一份SHARE食。男人通常都是無肉不歡, 叫了雞, $98半隻瑤柱貴妃雞半隻餐廳自己醃製嘅瑤柱貴妃雞，，份量比想像中多， $68半隻滷水豬手, 豬手份量十足才收$58，滷水汁是自家調製, 滷水豬手好入味。豬皮夠腍身,肉又夠入味,個滷水汁很香得來唔會死鹹, VERY GOOD。雞湯娃娃菜,健康選擇, 味道唔會太鹹重, 外食都要注重少油少鹽。咖喱牛肉飯，個薯仔超入味，咖哩汁撈飯一流，超香抵食用心做架街坊小店

大角咀一帶地鋪已經變左好多好多以前食過嘅食店都唔係度了🙈🙈今日同男朋友經過大角咀11點幾 唔係太多選擇～見到柚子冰室有米線食即刻跑左入去😚😋男朋友叫左黑椒豬頸肉飯個汁係另上既 都有8舊細細塊豬頸肉唔鞋 好juicy個汁都調番岩岩好 少少辣 唔會太咸我就叫左藥膳雞米線👅👅雞件好多，仲好香 都好滑😋😋湯底都好足料 好多粒紅棗 同埋其他藥膳食材米線份量好多男仔食都夠飽！另外加野飲就熱飲+$3 叫左兩杯華田絕對唔係浠到水咁 非常濃 值得一讚♥️兩個午餐埋單118$ 抵食 好味

♡ 人情味小店 ～ 柚子茶室 ♡-今日又喺屋企附近覓食～最近知道呢度開咗間以雞聞名嘅茶室😆於是就嚟試吓🥰- ♡ 瑤柱貴妃雞飯 套餐♡ $84呢個套餐性價比幾高 會送埋例湯。我加咗$13叫雞脾～ 雞肉好嫩滑 以呢個價錢嚟講 真係好抵食。-♡ 雞湯焯菜心 ♡ $23都幾抵食，有好香嘅雞湯味。 -♡ 心太軟西多士 ♡ $38邪惡嘅朱古力醬鋪喺啱啱炸起嘅西多士上面 ～ 朱古力醬亦都喺麵包層入面溶化飯後食呢一個好似食緊甜品咁👍-♡ 柚子雞翼 （四隻）♡ $28 店員話隻醬汁係以芥末籽醬加柚子而成超級惹味。而且雞翼勁大舊 炸到外皮好香脆必點🥰-♡ 是日燉湯 （椰子🥥雞）♡ $38平時要做嘢都唔得閒煲湯喺呢度飲番杯熱辣辣嘅燉湯，真係補充體力。-♡ 生薑杞子桂圓茶 ♡ $21桂圓勁大粒～亦都好夠味。#❥ 茶室專做街坊生意好有人情味👍 小店一定要支持！#⇢店鋪資料：柚子茶室 (旺角)旺角棕樹街2-20號榮富苑地下1A號舖#-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美

首先聲明一下，餐廳枱嘅顏色影相出黎嘅效果確實唔太好睇吖。呢間餐廳逢禮拜2就會過黎幫襯，阿仔嘅學校係附近🏫，有時送完佢返學自己就會過黎食嘅早餐，新🆕開張堂食🈶9折，我覺得好抵，宜家就係著校服入去消費一樣🈶9折，上個禮拜六學校🈶活動，我地兩仔乸早餐午餐都係呢度解決。早餐:沙爹牛肉麵+雪菜肉絲公仔面🍜午餐午餐:沙姜雞🐔+咖喱牛肉飯呢個沙姜🐔唔好食，好hai呢個咖喱牛肉，仔仔話都ok，好送飯總體都算ok，其他菜式有機會會嘗試。

🌟餐廳：柚子茶室📍地址：旺角棕樹街2-20號榮富苑地下1A號舖💰價位：～$51 - $100⏰營業時間：星期一至日 07:30 - 21:00📱電話：2806 0886今日同媽媽出旺角行街買野，落毛毛細雨大家唔想買餸返屋企煮飯，但又好想食下家常便飯，經過大角咀，見到呢間柚子茶室，自創柚子為主題既菜式，雞同燉湯亦係佢地既招牌菜，一於同媽媽簡簡單單咁食返餐家常小菜先～———————————————————🔹淮山圓肉燉烏雞足料燉製，有齊淮山、圓肉、黨參、瑤柱等湯料，好滋潤清甜，食完成個人都暖笠笠！———————————————————🔹話梅醉雞雞肉肉質細嫩，滿滿花雕酒既酒香，特別加入話梅浸制，味道零舍清新又醒胃。———————————————————🔹柚子雞翼大大隻生炸雞翼，外皮香脆可口，雞肉Juicy多汁，加埋餐廳自家製柚子特色醬料，酸酸甜甜好惹味！———————————————————🔹蟲草花木耳蒸雞飯配是日靚湯好味又有營養既菜式～雞肉滑嫩，爽脆有咬口既蟲草花同木耳索滿肉汁既精華，拌飯一流～是日靚湯係紅蘿蔔粟米煲豬展，鮮甜足料好清潤，岩哂而家天氣飲。———————————————————

今晚冇煮飯又出去搵嘢食，呢度最出名應該係食雞，主打有海南雞，瑤柱貴妃雞,藥膳雞同沙薑雞。今晚叫左半隻海南雞($98)，賣相唔錯幾有光澤。個雞好滑，就算係雞胸位置都唔會嚡，最鍾意點埋個酸辣汁。另外叫咗個白飯同埋燉湯, 燉湯係椰子雞湯,味道幾清甜，入面仲有雞呀紅棗椰子片幾足料。雞湯娃娃菜：好耐無食菜~清清地健康嘅選擇滷水豬手飯($56)：豬手份量都幾多,而且厚切.豬皮同肉都炆得夠晒腍，加埋個汁撈飯好開胃。

柚子茶室係一間茶餐廳裝修格局, 面積唔係太大, 聽講佢哋係專做雞既專門店, 今日過開嚟順便入嚟叫吓雞。果然係雞嘅專門店, 店舖由一位媽媽級有整雞三十多年經驗的主婦經營, 餐牌上佔咗85%都係雞食品, 有藥膳雞、燒雞、海南雞、沙薑雞.........所有雞種都可以配麵食或海南雞飯, 價錢仲非常實惠, 另外見到有豬手飯、猪扒、咖哩類及泰式豬肉飯等。參鬚紅棗桂圓水 ($9/下午茶餐加配)好欣賞而家啲餐廳開始明白市場上有養生熱飲的需求, 會煲唔同嘅養生飲品供應, 例如補氣補血的紅棗杞子養生茶或去濕清熱的薏米檸檬水等, 我今日啲杯參鬚杞子紅棗桂圓水, 味道微甜, 參味濃郁, 紅棗及桂圓補血安神又香甜, 全部用新鮮食材自家煲制, 真係有病醫病,冇病都可以補吓身呢。紅豆西多士 ($36)熱辣辣香噴噴上枱, 成寸咁厚, 炸得金黃香口, 切開西多, 同樣有一層厚厚的香甜粉綿的紅豆蓉, 外層煎得脆脆的西多士, 內裏卻柔軟綿綿, 香甜甜, 實在太好味了, 為食之徒點抗拒?南乳脆皮妙齡春雞 ($108/隻)春雞以香茅醬料醃過, 有單才即炸, 春雞食到好香既香茅味道,  雞皮薄薄一片, 冇肥膏的, 脆到好似食緊

秘掣無骨海南雞配油飯，雞肉好嫩滑，而且都幾新鮮，因為入口都唔會食到雪藏味。另外油飯都好惹味，又唔會太油。酸菜份量都好多，又夠哂入味！冰室除咗有主打海南雞仲有港式咖喱，我哋就試咗咖喱肥牛肉飯，入口唔會太辣，都好溫和，餸飯一流！燒肥牛木瓜沙律份量超大兜，而且肥牛量亦都唔少，另外肥牛亦有額外調味，所以唔落泰式酸辣汁都啱啱好！柚子薏米茶第一次試呢個組合，平時飲開檸檬薏米水，薏米配柚子都幾夾，而且好大杯，好養生！

近日有朋友同我講話呢度附近開咗間新餐廳叫柚子茶室，但係入邊食嘅嘢一啲都唔茶餐廳，而且係你意想不到的有驚喜的食物👍✌️👏————————-🐷蔥油厚切豬扒：一吃就想不到好有驚喜的厚切豬扒，外皮卜卜，裏面熱辣辣的又軟熟的，蔥油的味道更是令人吃得特別的滋味⋯⋯😋————————-🥟酥炸雲吞：自家製包的酥炸雲吞，即叫即炸得香口———————-🐷滷水豬手：滷水豬手滷得入味又夠腍，味道更是令人一口吃完有一口，滿滿的骨膠原，望見就已經想吃😋————————🐔荷香藥膳雞：平日好小地方有這個雞🐔的做法，咁特別，當然要食吓，很喜歡吃藥材的味道，加有荷葉的香，藥膳的烹調，健康滋補，完美的配搭⋯⋯😇—————————-🥪心太軟西多士：作為一個飯後甜品的心太軟西多士，夾雜着留心的朱古力🍫熱辣辣的⋯⋯實在令人吃得又有驚喜的一個餐後甜品👍————————🍯生薑柚子茶：主題柚子的飲品，當然要品嚐———————-🍹生薑杞子桂圓茶：健康又滋補，凍飲熱飲一樣咁滋味😋————————-🧂柚子薏米水：食嘢仲有得送飲品，自家製柚子薏米水，開胃…解渴…健康….————————-食物有驚喜…柚子主題好啱味😋其實開心🥳簡…單就在你身邊..