果子｜海南雞飯·喇沙摻摻 (啟昌樓) (已結業)

太和成日都有新餐廳，本身以為呢間果子cafe係普通cafe，原來食星洲野。價錢都幾抵食，叫左2個主食，1個菜2個小食2個野飲都係$263。😯😯😯喇沙好多料，湯底幾香不太油，摻摻姐係油麵加米粉，正！南乳雞翼椰漿飯本身以為椰漿飯係綠色嗰隻，點知係白色😂南乳雞翼都幾香南乳味👍🏿馬拉盞炒通菜好香，正！另外要推介嘅係西瓜香橙沙冰，真係有西瓜同埋香橙味，好開胃好消暑，同埋好似冇另外加糖咁，好健康呀！😁

好靓好有氣氛既cafe。完全睇唔出係東南亞野食既cafe。好鐘意咁樣既創新。貓貓入左去，覺得好舒服。燈光同餐廳給貓貓好文青既感覺。貓貓order左個印尼炒飯。炒飯既香味好濃。蛋黃同炒飯混合。好香好好味。另外更加驚喜既係，串燒好好味。沙爹醬整得正宗。係馬拉既味道。食到啖啖花生既沙爹醬好好味。串燒都整得滑又好食。弎巴醬都重蝦味，完全係印尼野食。貓貓濕左個嘴啦！薏米水。係馬來西亞都會叫呢杯野飲。清甜又好味。加左檸檬更加fresh。精神！薏米多，野飲唔會太甜，健康系列。貓貓鐘意。南乳雞翼，油酥餅。南乳雞翼又係出奇地好食。雞皮有濃郁既南乳，令雞皮一咬落去好似乳豬既皮咁脆。但入邊水份多，又滑好juicy。南乳味道香。值得食。油酥餅點咖喱汁，好有馬拉印度煎餅既味道。一時間食好多東南亞國家既美食。貓貓好興奮呀！抹茶紅豆蛋糕。講明係間cafe。梗係有靓靓蛋糕食啦。貓貓一早準備左另一個胃迎接甜品。抹茶紅豆蛋糕。好濃既抹茶味。貓貓食一啖個心都溶化左。紅豆同抹茶真係好好味。蛋糕唔會太甜。好健康既甜品。貓貓好鐘意呢間cafe！

昨天去大埔探朋友，順道大埔遊，朋友一盡地主之誼，帶我吃跟玩。第一站她帶我去她家附近的果子吃個豐富午餐，果子超近我下車的巴士站，沒想到這麼方便，因為平日總覺得大埔距離我家很遙遠，原來不是。果子的午市套餐挺便宜，48元至64元不等，且可以免費多添飯，麵。我當然吃海鮮喇沙摻摻，既可吃到我喜歡的海鮮，亦可吃到喇沙湯麵。香噴噴的海鮮喇沙摻摻上桌，喇沙摻摻用料豐富，鮮蝦，豆卜，魚片，雞蛋，蜆肉，多迷人的組合，喇沙的香氣飄滿整個餐廳，讓我一邊聞一邊流口水。米線，油麵入味非常，油麵甚具彈性，米粉軟硬度剛好，兩種粉麵，兩重口感。厚切的魚片有著濃濃的喇沙香，令我回味無窮，鮮蝦的蝦味顯現，蝦肉鮮甜彈牙，新鮮度表現還不錯。蜆肉飽滿肥美，海味十足，佔喇沙摻摻重要的一席位。豆卜更不用多說，吸收喇沙湯的精華，滋味極了。沒吃菜總覺得不健康，所以我加22元多配森巴醬通菜。翠綠色的森巴醬通菜賣相佳，口感清脆，森巴醬微甜微辣，跟通菜超搭的。最近吹起一股黑糖珍珠鮮奶的風潮，愛喝黑糖珍珠的絕對不能錯過果子的黑糖珍珠鮮奶。黑糖珍珠鮮奶杯旁髒髒的紋理蠻好看，底部的黑糖珍珠和鮮奶完美融合，甜而不膩，珍珠富嚼勁，喝過的都會讚不絕口。朋

同friend去左太和食晚餐，黎左呢間餐廳食東南亞菜。我地叫左兩個晚餐set，叫左一個海鮮喇沙摻摻，同埋一個南乳雞翼撈麵。晚餐set係配野飲嘅，我地就叫左兩杯熱柚子茶。海鮮喇沙摻摻味道不過不失，勝在海鮮嘅數量好多，有好多隻蝦同蜆。而南乳雞翼撈麵就比較好食，撈麵好香。雞翼亦都好惹味，南乳味十足。另外仲有雞湯一碗。另外，我地都跟餐加$18叫左兩個小食，有白雲酸辣鳳爪同埋馬鈴薯炸蝦卷。酸辣鳳爪嘅味道酸酸甜甜，再有啲辣味，十分開胃，仲可以中和一下其他食物較濃嘅味道，配搭主食唔錯。而馬鈴薯炸蝦卷就不過不失，都幾香口，點辣醬食較好食。另外，我地仲叫左個小食，白汁煮藍青口，呢個係我地叫嘅野食入面最好食，青口好新鮮，配上白汁嘅味道好夾。佢上菜嘅碟墊都好靚。最後，我地叫左個紫薯牛乳慕絲，跟餐價係$22。呢個蛋糕都上得好靚。蛋糕有香濃嘅牛奶味同埋淡淡嘅紫薯味。

今日發現左屋企附近又開左間新餐廳，二話不說今日收工即刻同男朋友去試下先😋門而睇落裝修好用心咁喎原來係食星馬菜之類，有印尼炒飯丫，馬拉盞等等環境光猛，寬敞，坐得都好舒服😌檸檬薏米水清甜解渴，薏米份量都好多香茅豬頸肉湯麵係鴛鴦麵，金邊粉加油麵，口感彈牙，湯非常濃郁，唔算太辣，豬頸肉煎得脆口，醃得都夠入味。馬拉盞炒通菜火喉夠，菜剛剛熟不會過老，馬拉盞味濃郁咖哩牛腩仲有烤餅，撈汁食一流。牛腩出乎預料地多，超抵食。咖哩味香濃，牛腩非常軟冧，牛味很重。烤餅都夠香口，撈汁食一流。小食拼盤有魚餅，雞翼等，全部都香脆可口仲有近期最火紅既黑糖奶茶。以為呢啲餐廳唔會夠出名專門店好飲，但竟然出乎意料，珍珠超好咬口而且多黑糖味夠甜，真的不錯👍🏻

連飲品都好有水準嘅餐廳其實呢間舖都開咗一段時間，不過一路都冇時間試聽屋企人講呢間餐廳嘅東南亞菜唔錯，而且飲品都有出面飲品店嘅水準，所以今日就抽時間嚟試下呢度環境光猛舒服，啲位唔會坐到好逼餐牌上面嘅食物都算多元化，有飯有麵，加少少錢又可以有小食飲品比我想像嘅多款式，仲有呢期好流行嘅珍珠奶茶鮮蝦撈麵個麵算爽口，加咗醬汁去撈好惹味驚個麵會索曬啲汁好乾，餐廳另外配咗個清雞湯 可以加落啲撈麵度印尼炒飯我炒飯比我想像中足料，因為除咗個炒飯，仲有兩串串燒同埋三隻蝦個飯加咗少少辣椒去炒，再加埋煎蛋嘅蛋汁，又辣又好味串燒味道好濃，啲肉唔會煮得太老啲蝦另外加咗少少辣醬，食落好味好多小食我哋另外加咗個白雲鳳爪白雲鳳爪酸酸哋又冇骨，食落好爽口飲品我地揀咗珍珠紅豆奶茶屋企人食咗一啖，佢話個茶底係用伯爵茶嚟整，比出面一般用普通紅茶茶包嘅味道更特別加上有紅豆同珍珠嘅煙韌口感，水準拍得住出面嘅飲品店另一杯係黑糖珍珠鮮奶好重黑糖味，有淡淡奶香，同樣係好似我喺出面飲三十幾蚊杯嘅飲品呢度只係加十幾蚊就飲到咁好嘅水準，真係好抵

呢間小店好舒適怡人,係太和既一個角落,你好容易錯過左。今日見佢個MENU價錢好相宜,環境又好文青咁,於是就同朋友去左食啦!都幾抵食呀,係我去新加坡前食到新加坡菜。有好多野可以點,連飲品既選擇都好多。今日行完山覺得好熱,叫左杯西瓜橙沙冰,好解渴呀!係新鮮西瓜加橙汁BLEND出來的,飲完仲有兩塊西瓜食添,好清甜呀!98蚊有成大碟青口,加埋D SAUCE好CREAMY。好大份,食極都食唔完。個小食拼盤一次過滿足我幾個願望呀!最中意都係個網春卷。個蝦粉絲BOWL好入味,又唔會太乾,仲有4隻蝦,岩晒中意食海鮮既我。個雞SATAY得2串,岩晒樣樣都想試D既我。豬頸肉既PORTION都幾好,岩一個人食,個鳳爪唔會好SPICY。本身想試埋個甜品,但已好飽,下次再黎食過!

太和越開越多新食店，見到呢間餐廳咁新，好似開左冇耐。同朋友分別叫左個豬頸肉喇沙摻摻同埋香茅豬排椰漿飯。 喇沙湯底好鮮味！重椰漿味, 發現面底係有2款！有米粉又有油面，好特別。豬頸肉鬆軟，唔會un到咬唔開。入面仲有豆卜，魚片，芽菜。香茅豬排椰漿飯大的豬排都好鬆軟，香茅味足夠，飯旁邊仲魚乾仔同花生粒，撈埋落飯食，口感豐富d, 朋友表示飯中好香椰漿味。另外叫左2款小食，有吉列蝦同春卷，配有泰式辣椒醬，點呢個醬咩都好味！炸物不過不失，但值得一提的是，炸得酥脆，唔厚粉。野飲叫左檸檬薏米水同朱古力咖啡，呢到飲品選擇多，仲有最近熱潮的黑糖珍奶。薏米水飲到好fresh, 個底會有粒粒薏米。最後店員推介話出左新甜品menu, 有蛋糕。叫左紫薯同抹茶紅豆口味，好食！ 好濃郁既抹茶味！好滿足。

今日去大埔探親戚， 記得喺太和附近有間馬來西亞菜嘅餐廳開咗冇幾耐， 所以午飯嘅時候去咗試， 餐廳環境都幾光猛， 感覺乾淨， 坐位都幾好坐。午餐價錢都唔算好貴， 加18蚊有指定嘅小食豬頸肉喇沙摻摻初初望餐牌嘅時候， 都不知摻摻是什麼， 然後問下店員， 原來摻摻係兩溝嘅意思， 係用油麵和米粉嚟溝， 個湯底好濃郁既咖哩同椰漿嘅味道， 豬頸肉都做得唔錯煎得幾香口， 配菜仲有魚蛋 ，半隻雞蛋和豆卜， 豆卜入曬湯嘅味道。印尼炒飯朋友叫咗個印尼炒飯， 覺得幾抵食 ，有兩串燒雞肉 ，三隻蝦，煎蛋等， 份量都幾多， 串燒雞醃得幾入味， 配沙嗲汁食落幾惹味， 蝦嘅肉質幾爽口， 個炒飯外表幾深色 ，但係食落唔會覺得好鹹， 有少少辣， 幾好味。吉列炸蝦和魚餅 吉列炸蝦幾脆身， 蝦肉都幾爽口。魚餅過質感幾彈牙，有香茅嘅香味。飲品叫咗美祿暴龍和黑糖珍珠鮮奶美祿暴龍原來係美祿， 上面加咗朱古力脆脆。黑糖珍珠鮮奶， 珍珠夠煙韌， 黑糖和鮮奶味都幾濃， 比起街上面賣嘅台式飲品差不多。

今日未夠12點就去左食lunch, 去左果子食馬拉菜。環境好好，坐得好舒服，仲有卡位。2個人叫左印尼炒飯，海鮮喇沙摻摻，配絲網春卷，同馬鈴薯炸蝦卷。印尼炒飯食落有D似糯米飯不過亁身d冇咁黏，有咬口，用三色豆炒。連2件雞串燒同3隻蝦，雞串燒夠肉汁，仲有D有花生粒嘅醬，甜甜地幾夾！蝦都算有鮮味，唔錯！海鮮喇沙摻摻，海鮮冇鯹味，值得一讚！裹面有2種麵底，而呢個喇沙湯底真係好正，望落囂算好濃，飲落第一啖辣味比較重，之後椰奶香開始湧出黎，但唔會太油，煮得好好。2款小食之中比較推薦絲網春卷，十分香脆～飲品叫左2杯梳打，味道偏淡。鋪頭仲有賣甜品，試左抹茶紅豆同朱古力蛋糕。抹茶紅豆比較清新，有淡淡嘅抹茶香，cream都好滑。朱古力蛋糕好香濃，但唔會過甜，鐘意濃朱古力嘅人一定鐘意。

係太和搵野食，話難唔難，話易唔易！今日同朋友行行吓，就發現咗呢間泰國野，睇佢鋪面清潔乾淨，又光猛....  所以諗都唔諗就入咗去喇！ 我呢啲都係外貌協助會員🤭🤭🤭入到餐廳... 即刻覺得入黎係無錯的！價錢十分相宜，一啲都唔貴，一個小食併盤都係幾十蚊，而家其他餐廳一個小食都幾十蚊啦！入到黎好食食放題咁... 2個人叫咗勁多野，特別飲單都係廿蚊杯！ 平到呢😍😍一個海鮮喇沙，一個咖哩牛腩配薄餅，一份馬鈴薯炸蝦卷，仲有個小食併盤！ 一人仲叫咗一杯野飲...推介 咖哩牛腩配薄餅，入味又夠淋！ 配薄餅又好過成日食飯咁悶！另外炸蝦卷口感特別，雖然無想像中咁脆，但都香口美味！小食併盤簡直無得彈，4款小食當中，我最鐘意係南乳雞翼，咸香味美！大家想食平野，又要有質素，呢間小店係唔錯嘅選擇！

呢間餐廳雖然同火車站唔近，但絕對係值得一試再試！餐廳的門面同環境都唔錯，絕對係一個俾人舒舒服服食餐飯嘅餐廳。這次我叫的是南乳雞翼撈麵，餐點份量十足，絕對夠飽！味道方面，撈麵用左油麵，撈起醬汁嘅時候可以大範圍地沾上，令味道提昇！食嘅時候記得要再由底撈一次，味道會更勻旬！友人叫左個海南雞飯，而且是無骨版，十分適合懶人食！雞肉大大份，白飯都係，如果怕食唔哂嘅女仔可以選擇同朋友share。另外仲叫左個馬拉盞通菜，非常入味，估唔到喺呢度都食到大排檔嘅風味，燒豬頸肉更是燒得好香口。飲品方面叫左個黑糖珍珠奶飲，用黑糖煮成嘅珍珠竟然同出面食到嘅一樣咁有咬口，幾好飲！總括而言，就是價格優惠，食物足料，味道不錯，cp值頗高的一間餐廳！整體而言十分抵，叫左5樣野埋單都只係二百多，已經好飽了！

去大埔行街經過呢間餐廳見到都有人排隊 好似唔錯就入去試下門口貼住啲食物相望落都好吸引 我地先點左兩個主食 呢到試下菜都算快 首先上菜既係白雲鳳爪 酸酸甜甜既開胃菜 不過不失 價錢都算平 如果想食下開胃菜都可以點呢個 然後主食點左海鮮喇沙摻摻喇沙湯底微辣 摻摻有兩種麵 兩個麵都好食啊 裡面有蝦有蜆 蜆有少少沙 不過都唔影響整體都係好食！朋友點肉骨茶飯 湯係藥膳湯 感覺好有營養又好飲裡面既肉都好腍 推介比想養生既大家試下想食菜可以點炒通菜 佢用一個鍋型碗裝住 份量都唔少兩個人岩岩好仲叫左沙嗲雞肉串 $25有兩串 好好食又香又夠味下次黎要試埋佢啲雞翼最驚喜係佢地既飲品叫左杯黑糖鮮奶($24)但質素絕對唔會比出面$30既差 佢珍珠甜度適中 又夠腍唔會好硬不過見最多人飲係沙冰 佢地沙冰係即整 而且有水果舖面 叫左杯芒果沙冰有粒粒芒果好甜下次會再黎食！

今日同朋友去左太和到食馬拉菜，食完之後就去深圳，好順路！呢間餐廳有午市套餐，包埋野飲，全部午市套餐都係5、60蚊，好抵食！加15蚊仲可以轉啲特別啲既野飲！我就叫左肉骨茶飯，裡面好足料，有三大舊大大塊既排骨！肉骨茶亦都夠濃味，我就鐘意倒埋啲飯落去當湯飯咁食！仲有雞蛋同豆卜。好吸引！我朋友就叫左海鮮喇沙摻摻，摻摻即係粗麵加米粉，佢既喇沙湯底有少少辣，但係好惹味，真係幾正宗！我就加左15蚊轉黑糖珍珠鮮奶，估唔到呢杯黑糖珍珠鮮奶竟然整得咁好飲，完全無諗過餐廳整既台式野飲可以拍得住出面既台式野飲專賣店，呢杯野飲只需加15蚊，出面買一杯閒閒地都要30蚊，所以真係超值啊！我地仲加左個馬鈴薯炸蝦卷，蝦卷炸到好香脆，唔錯！

閒日最啱就係約埋大埔區朋友周圍搵食 今次搵到太和間新開餐廳 主打馬來西亞菜餐廳有卡位坐 兩個人都坐得好舒服 晚市套餐主食配飲品 +$18就可以加小食 朋友點咗香煎豬頸肉喇沙摻摻 佢話喇沙湯底香濃重椰漿味帶微甜 好惹味豬頸肉爽口彈牙 摻摻就最特別 原來係油麵溝米粉我就覺得肉骨茶飯套餐好抵食 用料豐富 雞蛋 豆卜 排骨 仲可以自加油炸鬼又可以加添辣椒粒 自由控制辣度主角肉骨完全吸引湯汁 建議咬骨吸骨髓 肉骨茶藥味適中 用上黑醬油作調味 有別於新加坡重胡椒味嘅肉骨茶 另外添加小食沙嗲雞肉串燒及白雲酸辣鳳爪前者沙嗲醬重花生味 夠晒正宗 燒完嘅雞肉串無過乾 依然多肉汁肉質嫩滑 後者酸辣開胃 鳳爪無骨 令到酸辣滲透得更好而且方便食用 小朋友食都唔驚會啃骨為實行均衡飲食 我地叫咗馬拉盞炒通菜通菜炒得爽脆 馬拉盞保留小蝦粒 食落有口感香氣撲鼻 一上檯就聞到強烈馬拉盞味飲品方面非常特別 估佢唔到可以點台式手搖杯我就試黑糖珍珠鮮奶 見到條條黑糖紋珍珠有咬口及彈性 整體無過甜 好難得大埔區又多一個食飯好選擇