林記點心

營業中

休息中

幼年時爸媽已帶我幫襯林記了，印象中由 $8 蚊碗飯食到依家 $14 蚊，由大埔臨時街市轉到依家新街市。依家仲係 $14 蚊碗，真係好平好抵！全港 no.1 既林記排骨飯去了那裡呀？新明發升到 Top 1 ！最初走到新明發，但東主有喜休息七天，唯有走黎林記食啦！過份的增磅日，紅洋蔥小籠包晚餐、after 5 生蠔加三多炸雞髀宵夜，臨瞓前還要整碗林記排骨飯，要操多幾日消脂先得喇！每朝街市熟食檔都人山人海，等位是必然的。林記又平又抵又唔太差既經濟點心同蒸飯，當然坐無虛席啦。剛才食個撈麵仔點夠我食喎，走黎排隊加多個排骨飯就差唔多！飲酒到清晨五點多暈住飄到林記嘆早飯呢！琴日朝先飲通宵再黎宵夜，今日又黎清晨五點幾醉昏昏食排骨飯，想肥死人咩！咸水角，外脆內嚥韌，香口就香口，但一咬噴由，少許肉碎作餡，味道還算可口。鮮竹卷，唔似蠔汁又唔似上湯，界乎兩者之間。腐皮夠軟棉嚥韌，吸得芡汁透徹，整條塞入口不讓半滴精華流失！肉鬆菜蔬融會，卷內蘊藏大量可口汁液，一咬爆汁，有如洪水般滋養味蕾，滋味無窮。山竹牛肉，結實牛肉球混上時蔬、香蔥，但青味使我吃不消，因我什麼都要走蔥的呢！淋下大量喼汁，不停打滾讓肉球均勻地沾滿再

今日收工收早，捉咗男朋友起身去食早餐一於食呢間想試好耐嘅點心魚翅餃好抵食不過入邊冇粉絲😂皮都幾簿唔錯嘅蝦餃就個皮太厚啦唔得牛肉球好食，足料，有肉味鳳爪都淋身入味之後再叫咗春卷，排骨，同埋雞扎春卷完全唔掂林左，皮實的的，畀晒男朋友食排骨正常雞扎大大件夠抵食重點係喺呢度食完啲點心唔口渴唔會頭痛唔駛飲可樂證明佢味精唔多非常好大件夾抵食下次可以再嚟

難得放假又早起咗身。就行去次次黃昏去親街巿都食唔到嘅點心店嘆個早茶。碟碟都係11、12蚊。盅飯15、16最正香茜魚翅餃。9蚊有四粒蝦餃就麻麻，皮太厚春卷都麻麻。可能已整好一段時間。炸皮硬咗。整體都ok, 夠味亦唔太鹹。

我很喜歡歎茶，於假日總想整返一盅兩件，而事實上，近年好吃的點心店或酒樓已買少見少，每次去大埔總有衝動上市政街市歎返一盅兩件……今日就去咗林記點心，可能12點幾已經算晏，去到想叫牛肉同腸粉，阿姐都話已經賣晒，失望!於是兩個人合共叫咗四個點心，樣樣都好好味，正!

日前往大埔墟街市熟食中心搵食，食完欽記的魚蛋粉後，意猶未盡，好自然走去這裏同樣在早上時段開檔的另一間好店，那就是「林記點心」了。佢地既排骨飯真係好掂。論環境這裏唔係比你好舒服吃東西的地方，有點擠迫，要乾淨的也勿來，但隔離左右有不少老人家，他們顯得悠然自得，可見這間價錢便宜的點心店，真是庶民吃早餐的天堂。講番食物，這裏最正斗的點心正是排骨飯。份量唔多，唔係用盅而係用碗裝住去蒸，難得的是蒸的時間掌握得好，飯粒粒分明唔會「削pat pat」，肥瘦適中的排骨肉味滲晒落飯，加一點帶甜的豉油，極品也。叫多個鵪鶉蛋燒賣，唔算話好出色，但勝在外間也不是有很多酒樓有此點心供應了，碰到的話自然要支持。

今天約了朋友行山, 在行山前當然要醫肚先啦, 我們相約在大埔墟熟食中心, 早上十點多來到, 人山人海, 到了林記點心, 要小心分辨座位屬哪間餐廳的, 我們自行等位, 還好等了一會就有位, 要小心地下頗滑, 老友記容易滑倒。 第一次來, 坐低後有店員沖茶, 想好了吃什麼可向店員說, 然後埋單就自己計好總數, 店員也不會再計算, 講個信字, 來吃的多是老街坊食客, 這點信心人與人之間越來越少。  現場見有些長者一個人食, 點心都細細份, 我地三個就可以叫多d 款式, 叫左叉燒腸、蝦餃、牛肉、鵪鶉蛋燒賣、雞扎、魚翅餃、鮮竹卷、排骨飯..  個魚翅餃同鮮竹卷個餡基本一樣, 味道幾鮮, 牛肉都唔錯, 有傳統正宗風味, 腸粉皮就稍厚, 但算有米香幾軟熟, 蝦餃裡的蝦幾新鮮爽口, 雞扎用料足, 最失望係排骨飯, 本身睇左某報章來食, 用瓦碗蒸說是 特別好食, 但結果飯又乾又硬, 排骨份量唔多, 唔夠肥, 不知這天是否失手了, 令人失望。 整體水準中上, 價錢平, 每人三十幾, 怪唔得咁多人食!

朋友話入到大埔，想食地道嘢就去街市熟食市場，就嚟試一試點心~哩度點心嘅味道就係街坊茶樓嘅味道啦，環境擠迫衛生麻麻，但真係好平，6 個點心只係$71! 仲有咩投訴？？最可惜冇雞球大包，想重拾童年回憶都唔得...... 好多人食蒸飯，見到細細碗幾靚仔，但食完幾個點心都夠飽喇所以冇試。後記：有對上咗年紀嘅相信係夫婦吧坐住張2人枱，個太太離遠見我同女友企喺度兩頭望搵唔倒位，佢向我揮手示意可以坐佢哋張枱。久違嘅人情味~~~蝦餃皮都幾厚下......雞札有芋頭，蟹柳同雞(當然吧~)燒賣鵪鶉蛋燒賣，皮好薄，不錯叉燒腸，叉燒粒比較少......馬拉糕密度夠唔會鬆泡泡，口感豐實~

星期日放假，一早入大埔街市，去熟食中心一試大埔群組推介的林記點心，座位唔多只得8張枱，人山人海，但好在所有人食完就走，等位約5分鐘，點心足料，平民價錢，而且冇味精，值得一試！

而加傳統野食已經買少見少 有傳統茶樓可以話係碩果僅存 大埔墟街市上面呢間就真係古早味啦 燒賣蝦餃排骨飯係必食推介 但唔太好坐d位 好滑 好逼 都係快快脆食完就走就ok 一個人大概50蚊

典型熟食中心，如果堂食要收每位兩蚊茶錢，由於距離屋企不遠，今次叫外賣。點解會話係舊式茶樓，無他既，最主要是食物的特色。盅頭飯不是普通的盅頭飯，份量只是一個碗仔，外賣打包就真係打包，見圖果兩舊野大家千期唔好誤會是河葉飯或糯米雞，其實係用油紙包住碗排骨飯同埋牛肉飯，至於味道方面，講真真係唔係好好食，飯霖，排骨硬、靭。點心方面，蝦蛟味道就唔錯，皮薄蝦鮮甜，而最特別的是鵪鶉蛋燒賣，特別就特別在而家無咩地方可以食到，不過大家要注意呢個只得三件一盅

大埔熟食中心果然有各式各樣的美食，桌子上可擺放着不同食店的食物。就連小型茶樓也就位於此，點心種類雖沒有茶樓的多，但勝在價錢低廉。好味叉燒腸 $11ввq porĸ rιce roll乾蒸燒賣 $11ѕυιмaι⋯💁🏻叉燒腸稍為失色，叉燒餡很少，感覺光吃沾了醬油的腸粉皮，皮不薄。💁🏻燒賣則不錯，以豬肉為餡，肉汁尚有，不過始終燒賣皇后的更為結實。兩者均算對得起該價錢，經濟實惠。一班人能圍着相聚享用，而且阿姨態度頗好，但大約下午三點停止售賣。👨‍👩‍👧‍👦👀盼望下次能嘗鵪鶉蛋燒賣和蝦餃🍤！@hktpy 《K》

呢間鋪頭係大埔熟食中心出晒名，價錢平民化，料又足，我第一愛燒賣，因為份量足，d豬肉好滑溜，唔會好多味精，食完唔需要狂飲水，咬落唔會乾痴痴，好鮮嫩肉汁，新鮮又惹味，第二係山竹牛肉，滑溜鮮味，加埋喼汁，簡直美味之极，一不小心就會食滯，最後係鳳爪排骨飯，肉汁滲入飯中，啖啖肉汁香，加上街坊價錢，美味又抵食!

大埔墟熟食市場排骨飯$15雞札—無D好腥嘅魚肚，但有平嘅蟹柳，唔緊要，因為塊腐皮真係扎得好實燒賣—豬肉幾林，無成隻蝦係裡面，因為已經同豬肉融為一體啦！豬油撈麵$23其實食唔到咩分別，都係蝦子撈麵好好多。麵爽，但同時有嘢漿住把口一隻糯米雞$8(兩隻$15)叉燒包（兩隻）——唔會得蠔油味，會有其他香味，唔知係咪有沙爹糯米包——有花生，都算香三個人食，茶錢$12,唔計碟麵$73

今日同老媽係街市食tai式粉面，等食物其間去了林記叫了兩籠點心外買，蝦餃10元及旦旦燒賣10元蝦餃的皮比較厚，蝦粒爽身，味道不過不失。旦旦燒賣都是一般般不過這樣的價錢，都是差不多

大埔墟熟食市場 林記排骨飯$15雞札—無D好腥嘅魚肚，但有平嘅蟹柳，唔緊要，因為塊腐皮真係扎得好實燒賣—豬肉幾林，無成隻蝦係裡面，因為已經同豬肉融為一體啦！之後叫埋隔離平記豬油撈麵$23其實食唔到咩分別，都係蝦子撈麵好好多。麵爽，但同時有嘢漿住把口 一隻糯米雞$8(兩隻$15)叉燒包（兩隻）——唔會得蠔油味，會有其他香味，唔知係咪有沙爹糯米包——有花生，都算香三個人食，茶錢共$12（叫普洱，茶算幾靚）,唔計碟麵$73