松記糖水店

營業中

休息中

Hong Kong is definitely not lacking in the dessert department. Chung Kee has everything from traditional Hong Kong desserts like tong yuen and red bean soup to newer styles like shaved ice and lava cake. Their menu is extensive, quality is decent and prices are reasonable. My go to spot after dinner.

早兩日有啲熱 熱到成廿幾度 咁岩經過松記糖水就食番碗糖水降降溫🤣 但都係一向咁多人 所以都係叫外賣 方便快捷！去到見到餐牌有芋圓仙草 諗住早個輪都好興呢個配搭 但又未係松記試過 咁就叫左黎試😂😂 同我想像中有小小出入 可能什果放面頭 搶左仙草同芋圓既味道...🙈 芋圓都幾有口感！ 但如果相比其他地方食過既芋圓仙草 松記係呢個甜品就稍遜一籌 加番分既係有生果😂😂 但個人覺得哈蜜瓜同蜜瓜配芋圓仙草係有啲奇怪/唔係好夾🙈價錢同口感味道而言 一試無妨. 但松記都係食其他糖水好味啲😂

荃灣區呢條街成條街都係糖水鋪，一到夜晚成條街滿曬人，甜品仲間間滿座，上次因爲松記無位，去左隔離食鬼甘難食，見松記有位就入左去食，我更係食至愛榴蓮甜品🍮我就食左榴連布甸，成舊榴連肉放係面👍布甸又好味😋😋朋友個甜品吳記得左個名😂😂又係好味，不過吳夠我個好味😅仲叫左個拿破崙，不過呢個一般，無特別驚喜😝不過真係好多人，所以坐位都迫，甜品黎到連埋食10分鐘吳夠就要走人，無計，太多人等位，好衝忙的甜品時間😅😅

中秋節梗係要食湯圓，懶得煮所以出街食，晚飯時間黎食糖水即刻有位唔使同人迫，我點了Summer，朋友點了六寶湯圓share黎食!! 兩個甜品都唔錯，以呢個價錢來講都幾抵食!!

松記在幾年開始興起，開初都用心制作，特別是湯圓，這裡的六寶湯丸令人上癮，味道獨特。可是，近年松記的質素真的是每況愈下。雖然多了不少時令推介，如芋圓等，但其他的真的保持不了味道。今次我再點的芒果紫米露，十分稀，不再像以前的稠，擺盤也很求其，真的令人很失望。

如果我話荃灣無咩又抵又好食的糖水店，大家認同嗎？每次出街晚飯後都想食下甜品糖水之類，但每次到荃灣都好頭痛唔知邊度食糖水，因為試過幾間都係伏店！呢間松記算伏店中較抵食吧，所以長期都多人食！今次點左芒果白涼粉同什果馬蹄露！芒果白涼粉的賣相真係唔知點形容，有圖有真相，自己睇，好在芒果是時令水果，所以好香甜，但汁同忌廉奶太少，食到尾好乾！而什果馬蹄露不過不失，但如果水果切細少少會較易入口不過呢個價錢同附幾間店比較，算係平得黎唔太差嘅！

假日食完晚飯，總覺得要有下半場，一係食甜品，一係飲野。今晚先食甜品後飲野😂。松記一直俾我既感覺就係抵食，之前都係食開啲普通穩陣既甜品，今次試下啲特別既甜品（新登場）。見佢話鮮芒脆脆金磚有極脆口感，所以就想試下佢有幾脆😂。底面既金磚又真係幾脆既👍🏻，但就好甜。中間既cream份量太多，所以撥開左冇食。芒果有少少芒香，但唔甜又唔酸，感覺冇咩味😅。雪糕可以揀唔同味，我揀左抹茶味😁，幾好味。鮮芒雪糕窩夫既窩夫唔似平時食開既窩夫，佢比較實，似餅底，又有啲似曲奇餅🤔。 可以說比較特別🤔。

紫薯芋圓仙草凍($27)芋圓做得相當差 賣相差 顏色淺 入到口係好硬 完全唔煙韌 而且無味 紫薯偏乾同味道淡紅豆都係乾我諗唔係夜晚11點幾12點想同朋友傾多陣計都唔好揀呢間

舊日讀書成日同同學仔去松記嘆返個summer消暑.. 現在松記開遍香港, 而荃灣依間入夜常有人龍, 座位非常逼人, 今晚一試已非當年事了 ..甜品選擇可以說是非常多, 點了薑湯六寶湯丸。可惜甜品選擇多而不精 , 簡簡單單的薑湯丸也做不好.. $23有六粒不同口味的湯丸, 個人覺得傳統花生芝麻最好食, 但湯怕是太辣應該是薑落得太多。沒有問老公那碗芒果紫米好不好吃, 只是看份量實是與從前落差太多了。除非很有甜品慾望且不用排隊, 否則再光顧機會不大。

想當年在深水埗讀書時期,松記超紅,無人不曉。有時幾個姊妹放學hea下就會去食甜品。轉眼闊別好多年。某日同阿妹行街，竟發現連荃灣都有松記了。心想開遍全港，質素應該還在，否則應該倒店了。就進去給妹妹介紹下當年產物兼懷勉過去。-肚仔餓兩個人點了三個甜品。先來的是木糠布甸(合理,冰箱拿出加雪糕就ok）店員有問喜歡軟的還是硬的，我們挑了硬的，結果是冰箱冷凍品硬度能媲美石頭，敲到湯匙彎掉也沒吃上一口。唯有剩食雪糕，再等布甸略為解凍，想當然味道不會太好，因為有雪味。-第二個上的是鮮果芋圓，喜歡地瓜跟芋頭，所以在台灣很喜歡吃芋圓，香港看到有就想試試鮮果花奶椰汁都好正常，不錯。但主角珍珠跟芋圓，應該是煮起放太久了，全部都沒有軟糯的感覺，本身沒味道，又硬，唉。-第三個甜品出場，窩夫一睇就知沒有最伏只有更伏窩夫很乾似餅乾條兼全部穿洞，很奇特。紅豆竟是顆粒分明，同窩夫完全不夾。最驚嚇是整碟隨意的淋上了草莓醬，人造草莓味連唯一可取的鮮果也污染了-妹妹說，姐你又話呢間好出名，大不如前，大失威信。唉。不要浪費食材，認真一點製作可以嗎

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！有追開食評就知我好鐘意去大鴻輝一鍋堂打邊爐，但你又知唔知我好少食個度嘅雪糕？無他，因為我要留肚去松記買外賣番屋企食！其實基本上我唔係好嗜甜，但我個好有性格又鐘意食甜品嘅女友就好鐘意食糖水，往往都會痴佢幾啖食，痴下痴下搞到我都幾鐘意！因為女友好鐘意食芒果，同時又好鐘意食西半個d一粒粒口感嘅野，所以每次都一定叫芒果大西米多奶！入面會有三塊芒果肉、大西米、花奶同芒果汁！四樣都係好簡單嘅野，但夾埋就好好食！識食嘅，拎到番屋企擺凍箱雪多幾個字先食，幫你個邊爐下一下火！

其他地方分店都食過，今次黎到荃灣分店試下，只可以講十分伏，本身我係大明珠fans，所以叫左個雜果明珠，嘩！真係未食過咁乾爭爭嘅明珠，芒果汁固然超少唔在講，d椰奶又少又杰，d奶仲"鯨"到一塊塊，明珠又痴埋一舊，唔講以為撈左蛋黃沙律落去，生果仲完全唔甜tim，冇乜味。另外叫左份三重朱古力心太軟配雪糕，一d都唔流心，自己係屋企叮都流心過佢，完全唔合格

松記係我由細到大都最鍾意食嘅糖水，記得細個嘅時候只係可以去到深水埗先食到，但係而家松記分店越開越多，難得今日嚟到荃灣食完個晚飯，就梗係要去松記到食返個飯後甜品啦。黎到松記吾洗簡，我一定係會叫佢最出名嘅幻彩明珠，最緊要仲要加芒果汁同埋淡奶，裏面嘅水果好新鮮，有我最鍾意食嘅西瓜，蜜瓜，奇異果，仲有芒果，配上冰凍嘅涼粉同埋一啲嘅小丸子，十分之豐富，真係見到都已經好開心，果然係幻彩明珠至於朋友就叫咗個薑汁麻蓉湯圓，薑汁好濃嘅薑味，湯圓方便皮好煙銀，而且啲餡好細滑，搞到我忍唔住食咗朋友兩粒添

記得以前中學時期都已經成日食松記，不過大左之後通常有得揀都食d坐得耐少少嘅😖😖今日諗住近近地就同朋友去食下啦，點知食完真係。。。幾後悔☹️😟呢兩碗係楊枝甘露加涼粉/西米雪糕。。唔係掛🤯🤯🤯真係未見過楊枝甘露係咁嘅樣，冇料嘅！朋友都話唔好食😩紫薯芋圓仙草都好少少，不過太少水😕好似就咁食仙草同芋圓，好乾🤦🏻‍♀️雖然三碗加埋先100蚊，但真係冇下次🤦🏻‍♀️唔好食，座位又迫🤯我直頭個身係要貼住人地個身喺度食糖水😖😖😖只想拿拿聲快d走

昨晚與小朋友行經此店,小朋友想吃甜品,但係小朋友又感冒,不能吃凍嘢,經此店阿姐介绍她說有熱的榴槤西米露.于是叫了外賣熱榴槤西米露,还有熱炖蛋和凍杨枝甘露.(我有同阿姐和落单的阿叔讲係熱榴槤西米露)等拿外賣时最衰我冇打開來睇一睇.等我哋離開此店來到後面停车场,揾位坐下打开来想开吃.一睇熱榴槤西米露是凍的,我又不可以俾我小朋友吃,小朋友就开始当街哭和吵,我都不知如何是好.我認为此店推銷手法好有問題明明冇熱榴槤西米露,咩讲囉.我咩唔叫依样囉.阿姐又話有,但又俾唔到熱的我.那同掛羊頭卖狗肉有咩分别.我劝告买外賣的朋友一定在此店攞外賣时打開睇睇才走.不然會後悔.