松本日式料理放題

營業中

休息中

［131］用家自費分享！Walk in 唔使等，太早只有1台客。7️⃣0️⃣3024/2/28/三/17:07，平日晚餐時間，17:00-18:00入座最平$148，放題任食2小時算平，二人埋單連加一共$328，平均每人$164。樓上鋪，都唔算難搵，正正常常裝修，燈光偏暗，坐位闊落，招呼也很客氣。因早場，可惜好多食物都不提供，因太飽，火煱、飯、烏冬、炸雞……都未食，飲品選擇唔多，整體食物好味嘅，路經會再去。7️⃣0️⃣魚生6️⃣0️⃣韓式炒蜆8️⃣0️⃣日式一口和牛粒8️⃣0️⃣鹽燒海蝦7️⃣0️⃣海老天婦羅4️⃣0️⃣西京燒鯖花魚，有啲醒。7️⃣0️⃣汁燒尤魚鬚7️⃣0️⃣海瞻手券8️⃣0️⃣軟殼蟹壽司6️⃣0️⃣鮮帶子壽司6️⃣0️⃣火炙三文魚腩壽司6️⃣0️⃣火炙醬油清壽司7️⃣0️⃣花之戀8️⃣0️⃣和風炒牛舌8️⃣0️⃣豉汁蝦8️⃣0️⃣燒三文魚骨8️⃣0️⃣一口炸豆腐8️⃣0️⃣馬拉盞炒時菜5️⃣0️⃣飲品，選擇唔多。

訂了7:30 7:20幾分已經到咗，個姐說我們的訂了台，宜家執緊，一陣可入座。與此同時，有兩位係沒有訂位的，個姐問佢坐側邊問佢介唔介意，佢哋話唔介意。然後幾分鐘之後，張枱執好了，叔叔就帶了那兩個人(不介意坐側邊位的那2個人). 在我前面飄過，然後説，你們兩個慢慢等吓。我哋就響度諗，究竟發生咩事？然後等咗20分鐘之後，佢叫六人入座，我哋再問佢，兩人為呢？佢話等吓先，跟住再等咗10分鐘，佢問四位？四位可入座，我哋又話有2位，佢話2位等下先。我都搞唔明白點解訂左兩位要等半個鐘都冇位，不停叫四位同六位。等到八點，問佢兩位幾時有？佢話慢慢等吓。然後8:05，我們不等了。如果唔招呼訂咗位嘅兩位，早啲出聲㗎嘛。擺明歧視已經有訂座的兩位客人。之前食過，明明叫壽喜燒唔知點解你嘅係雜菜火鍋。

來到才記起10年前來過,裝修可以話舊,也可以話有氣氛的日式風格（10年前的放題好多咁裝修）.木地板的確有點......舊. 嘢食都係10年前的水準,（嗰時無大瀛喜、大喜屋等等放題）,連價錢都無咩升過（嗰時好似128起？依家149起）,159+10%=175落樓. 以2024年既大家樂同M記都50蚊消費而言,175蚊可以响旺角食魚生放題2個鐘, 其他什麼服務員年齡大D、嘢食種類少D、地板黏D都變得可以接受了,唔可以攞嚟同270~300嘅放題比,一分錢一分貨,抵食

这个餐厅绝对是性价比高，食物出品这个价钱没什么好挑剔，但员工态度有点古怪，在正常情况下员工是有点礼貌的，但当顾客有一些无心之失小问题出现，员工就会突然用些命令式嘅语气同顾客沟通令顾客很不自在，例如这间餐厅是没有厕所的，想餐前餐后洗手的话要落商场两层先到达厕所极不方便，好在餐厅收银台对出是有一个洗手盘，洗手盘亦冇标明员工专用，我用完餐后洗手没为意它水压偏大開大了少少（情况是可接受范围内）但即刻有员工用命令式对我说你不要在这裏洗手去商场五楼洗，又例如隔篱枱可能台细将一些用完后嘅碟放了其他位置，员工就会好紧张和顾客说碟不能乱放，其实只是一些小问题不需要那么紧张说一说就是，冇必要这么紧张，再例如点了一碗汤饮了两啖觉得不好飲不要了，员工又会好认真噉问你汤出了什么问题为什么不要 我不好意思说碗汤唔好饮只是不适合我口味所以不要了，员工还是不停追问我什么原因，我重复了四次原因她先肯罢手停問…讲真顾客出来食饭是想放鬆，看见服务员这么紧张状态下服务，形成一种压力食也食得不安乐……讲真顾客唔係大晒，但起码要得到基本尊重…这餐厅虽然性价比很高，出品亦冇问题，但服务质素真是好大问题不可以说他没礼貌但服务员就是会

一入去坐低就知道中伏，menu極少選擇，然後嗌火鍋比錯湯底咁都算啦，跟住我諗住嗌兩碟肥牛點知佢出得兩塊比我。另外刺身方面一樣咁差，魚鱗都未刮乾淨，份量極少，仲要經常漏單。食過咁多次放題體驗最差係呢一次，寧願比多$100去第二度食好少少。

價錢畀連鎖店抵,仲有火鍋,味道中上,刺身新鮮,羊腩煲又入味,火鍋料都ok,飲品同雪糕方便就少左D,環境都ok,人手都足夠,漏單情況亦好少但整體都算不錯,可以再試

今日去左兆萬搵野食，就上左去兆萬7樓 松本。早收工 6:30前價錢又平，加左一 都唔洗200元。 而家入冬兩個人就可以叫個期間限定既羊腩煲。食放題最緊要就係刺身拼盤，基本上要有既都有，我最欣賞既係佢既大虾同大大粒帶子，新鮮得黎又鮮甜。鐘意食海胆就一定要點海胆手巻，手巻不大件但海胆都好足料。美極大虾，天婦羅大虾 或者用黎火鍋既大虾都好值得點，全部都係超新鮮，食落都好彈牙。其他壽司一樣有水準鐘意食牛既都要點牛柳粒，香得黎又唔韌。總括黎講唸唔到食咩上去就實無錯，放題最好就係大家想食咩就點咩，仲有食物夠新鮮，料又足。

松本一直都係聚餐之選，抵食又坐得舒服。 平時食開既放題坐位都會好逼，呢度就唔會啦！ 比你舒舒服服咁食返2個鐘食物方便又多選擇，刺身，壽司，炸物，小炒，火鍋，小食等等，大部分都算新鮮，而且出菜都算快 野飲方面有多達十款港式，韓式飲品，又有唔同款既雪糕。 最最重要，價錢方面又平過出面放題 如果想普通聚餐又唔想洗咁多錢，真係超推=＞松本

在旺角兆万商埸楼下，寻找食物馆，沿扶手電梯上到七楼，叫松本日式放题，抱着试下先，座低，先拿汽水，品种多，开始叫刺身，三文魚新鲜，其他带子，甜虾，大赤虾都很鲜味，有中式炒牛肉粒，炒蜆，炒菜，有洒楼风味，天婦羅，烧烤，品种很多，另外有火锅，肥牛，蜆，虾，食到很飽，价錢特平，黄金時間每人200元左右，低食，下次会再来。

好好地打去book 枱，接聽電話個個吖姐態度超差，問兩句就已經唔耐煩，仲Cut人線！仲要未Confirm 我有冇枱就Cut人線！我再打翻翻去，佢竟然話都幫你mark哂名，仲唔Cut咩，唔通仲要講唔該？想問一下，一間餐廳都算係服務業？連最基本嘅講聲唔該？bye bye ?都唔可以？再講佢係完全冇確定我哋嘅Booking ?我哋都唔清楚你係咪真係Book咗比我地，然後先再加上基本禮貌，都會講聲? 完全黑名單，唔想再去！

松本日式料理在旺角西洋菜南街1號兆萬中心七樓刺身三文魚帶子赤蝦，十分之新鮮，天婦羅又趣口，中式小炒夠鍋氣＂價錢特別親民，食完一次中日放題，港幣200元左右＇好平、低食，會再來。

本人訂枱1. 環境衛生欠佳，地板好黏2. 食物品質惡劣，食物與相片嗰度有差距，刺身不夠新鮮。例如花之戀壽司比一般壽司店或放題差勁多，只有一兩片三文魚圍繞。飲料選擇少，店內有日式風格，但部分飲料都是簡體。3. 服務態度欠佳，嫌疑職員對客不公，分別訂枱及不訂枱，本人雖已訂枱，但沒有說出已訂枱，而且很明確分別對待，當天2023-06-14 19:30左右，有一批已訂枱的客來臨，本人觀察到員工出餐並大聲與廚房的人要新鮮食材，相反對於不訂枱的客人，她沒有作出回應，反映對客不公，對客偏心

朋友講，去食放題，五個人。收工之後，就落地鐵站等。按照這个地址，旺角西洋菜南街1N號，兆万中心七樓，叫松本日式料理，有朋友介紹的，講這間松本低食，我地5个人上到這間店鋪，安排了一張長台，算是比較舒適。點樣一盤刺身。都很鮮豔，比較新鮮。食完再嚟一盤刺身，三文魚一樣係好新鮮。還叫了一些中式，小炒，炒牛柳粒。炒辣蜆，炒辣子蝦。都好好味，菜都炒得不錯，好似酒樓啲做法，夠曬惹味。夠鑊氣。還有啲，大眾化的，天婦羅，燒烤。包埋火鍋，任食，有肥牛，蝦，菜都是任食。同其他放題都差唔多食物。衹是價錢特別平。黃金時段，200元港幣左右。可以食這么新鮮的食物，都好低，朋友沒介紹錯，會再來。

星期一兩個人嚟食，好彩冇坐爆畀呢個價錢絕對有交代，我會再嚟我覺得冇邊款係唔好食，刺身全部都正常，唔會有出面雪味或者唔新鮮味道份量亦唔細，呢度最出面係大蝦，見親人都叫好多蝦！日本帶子都值嘅今日去冇漏單，花之戀係我嘅最愛，方便食留肚食其他，中間的飯好細粒，啖啖三文魚肉熱食真係比較推介,炒飯起碼粒粒分明，菇菌夠味道飲品也有更新，有雪花啤酒，有粒粒清涼爽和馬汁，常見韓國樂天飲品，正常啦。雪糕是有3款，朱古力/芒果等，轉了牌子但都OK，也有雪米滋。環境，算乾淨，枱大，唔似中環老蘭食過的超迫放題！總結，200落樓，收貨了！

我第一次黎松本黎度食放題，環境衛生好好，食物處理好好，侍應服務態度非常好，真係好鐘意黎呢間松本真係做得好好，好滿意佢既服務同埋送餐既效率非常好所以一定要同朋友黎呢間食放題，我誠意推薦你地黎松本食放題，佢地好樂意為你服務，我比好評一啲都唔難，因為呢間值得推介，食過都會再番食，呢間真係好好食，你地一家大細甚至同你屋企人慶祝生日都要記得黎呢野，呢間野你值得一試，保證你食到定唔到口，我好鐘意黎松本食放題，價錢合理