影片
夜晚突然想飲茶？新蒲崗呢間點心鋪係我嘅首選！平靚正，超抵食！餐牌經常更新，次次都有新驚喜，仲要近新蒲崗廣場，垃圾房旁邊但完全無怪味，放心食！🥟花膠海皇灌湯餃😋花膠海皇灌湯餃真係正！湯鮮甜，餡料軟滑爆汁，仲有大塊花膠。餃子皮Q彈，啖啖都好滿足！性價比超高，個人鍾意加啲紅醋落湯到，連餃子同湯一齊食，味道肯定勁到爆，每次過黎都必食🍚籠仔冬菇蟲草花蒸雞飯😋雞肉鮮嫩多汁，冬菇同蟲草花搭得超正，香氣撲鼻！份量仲大，兩個人share都夠飽！下次一定要試，感覺係滿足嘅一餐其他點心好味，值得一試~
繼續閱讀
點心唔算出得好快，當日好凍但點心好夠熱基本上每樣都好食推介俾朋友試完，朋友都覺得滿意 - 響螺燉肉排湯 $42冇味精，飲落好舒服-蟲草花燉土雞湯 $42-越式米網炸兩腸 $33腸粉皮唔會好厚米網炸兩又夠香口鬆脆-黑白擂沙芝麻球 $28香濃芝麻味-點心拼盤（8隻）$48
蝦餃、潮州粉果、菜苗餃、叉燒包，每款2隻-白灼靚菜心 $23
繼續閱讀
新蒲崗新開的點心店, 行過就去試下, 味道正正常常, 無咩驚喜也無嘢投訴 食物 : 東哥蝦餃皇 $36 ~ 皮都幾薄, 蝦肉彈牙 鮮竹牛肉珠 $26 ~ 正正常常 懹舊大米雞 $36 ~ 而家比較少見, 大大隻, 都唔錯 安蝦鹹水角 $25 ~ 有三隻, 都幾好食, 唔會好油 蜜汁义燒腸 $26 ~ 皮唔算好厚, 味道正常 茶位 $6/人 環境 : 坐位比較迫 服務 : 職員有禮貌 費用 : $161 (無10%服務費)
繼續閱讀
啟德新開左商場 -雙子匯 The Twins，星期日去湊下熱鬧，行完街街想食小店點心，搵到呢間新開小店，下午1點30有人龍排隊，店內人頭湧湧🔸黑松露燒賣 $32黑松露味唔會好濃，依然食到燒賣原味道，大大粒的 最欣賞係佢地自家手工做🔸點心拼盤 $48蝦餃+潮州粉果+菜苗餃+叉燒包各2件，餃皮做得幾細滑彈牙，菜苗餃同平時食開既有D唔同，佢菜苖部分似碎菜心 用蝦做主餡料🔸鮮蝦腐皮卷 $32腐皮炸得又透又輕脆，餡料加左少少紫椰菜 切開上枱時好靚🔸金腿蘿蔔絲酥 $42咬開蘿蔔絲 軟熟同時仍保持到一絲絲狀態 火喉做得好好，唔會因過熟而溶晒🔸籠仔鳳爪排骨飯 $48籠仔其實係大籠 飯份量約3盅咁多 排骨鳳爪都鋪滿飯面，每一舊排骨都骨肉均稱 唔會出現淨肉or淨骨情況，最驚喜係飯食落有荷葉香🔸響螺燉肉排湯 $42湯清而不油膩，用肉排燉 口感唔會柴 都好足料，響螺用左螺片🔸黑白擂沙芝麻球 $28一口咬下...軟糯糯米外層炸得脆脆 熱熱的，入口滿滿濃郁甜香芝麻餡，呢個唔肯定係咪自家制 不過真心好味，甜品一流*茶介位位$6，無+1服務費*點心即叫即整 每一款都熱辣辣上枱*份量幾多😂點左7項 多到夠4個人食飽飽*唔主張外賣，凍左再翻熱既點心略見失色*Keep住有客人排隊等位，個場夠大 唔需要等太耐
繼續閱讀
東哥點心名下東記，靜悄悄開進了新浦崗，就在補習社臨立既新浦崗廣場隔離，早茶和下午茶性價比很高。孖寶裡居然有北菇綿花雞，鳳爪，排骨，鮮蝦腐皮卷。現在出面好多酒樓也不會放此4樣做孖寶，賺錢麻。盅飯既比例也是大大砵。义燒腸粉也不吝嗇，外面通常放一行將之卷埋，呢道就將义燒放到腸粉皮既所有面積，那裡也有一些然後卷埋，層次當然好丰富推介當然去早茶，下午茶啦！價錢平正常價估計有3至4成。這裡唯一唯一解決不了，是搭枱問題，小小的枱，2個人是必須。如果2位都是大胃王，就得出全枱點心了。好多好多老街坊，湊完返學既家長們嘆茶，在場看見
繼續閱讀