東記上海麵

營業中

休息中

本身我唔係住大埔果頭既不過咁岩去開呢頭就突登上IG搵下有冇D咩美食推介大埔墟街市既豬扒麵都幾出名不過其實係有兩間豬扒麵我地都唔係好知有咩分別就打算到時再決定食邊間好多HASHTAG都SHOW佢我同朋友就決定試試佢!果日係紅日黎既咁我同朋友黎到既時候就已經差唔多2-3點不過成個熟食中心都好多人!!係東記好不容易搵到個位就決定係食佢啦!!我地落ORDER既時候個店員已經同我地講要等30分鐘左右同埋果陣時已經冇得揀雲吞同竹旬肉絲佢點菜既方式就係揀豬扒/雞翼 配一個麵 咁麵都可以揀一個餸既咁我就揀左雪菜肉絲 朋友就揀左炸菜肉絲為左可以試晒雞翼同豬扒 我地都一人叫一樣~不過豬扒係大約4點既時候就聽到店員講話冇晒啦!豬扒同雞翼都係炸 但又唔會好油既感覺炸粉都好薄!! 值得一試!而個麵呢 其實係可以揀米線既但上海麵好似特別D咁就試下不過個麵又唔係話好彈牙 粗幼度就好似烏冬咁上下我覺得麻麻 但朋友就OK既 真係睇個人口味喇下次我就應該會揀米線雪菜既份量都幾多 不過肉絲就冇乜***溫馨提示:如果有雲吞記住要揀雲吞!!果陣對面既一對食客係揀雲吞份量好多!! 都有成7-8粒仲要睇落幾好食希望下次有機會試到啦

東記應該係成個大埔街市最出名嘅一間鋪頭亦都係最旺嘅一間 星期六過嚟都要等半個鐘先有得食🤥 但係係咪真係咁好食？我自己覺得有啲名過於實😕.🌟雪菜肉絲豬扒上海粗麵$36豬扒係招牌 我覺得唔夠鬆化 肉質偏乾 唔夠脆 好容易痴牙 同埋好大浸油味 雪菜肉絲反而比較出色 應該似係自己整 好夠味 唔會整得好碎 粗麵一夾就斷 質地似平價烏冬 完全唔彈牙 完全唔似上海粗麵.🌟雲吞雞翼米線$36雲吞係細細粒嘅 一共有四粒 豬肉應該有半肥瘦 有少少麻油香 皮夠薄 好食 雞翼比豬扒好食 可能係雞本身啲肉都比較滑啲 同埋有少少脆皮嘅位 亦都冇咁大陣油味 米線正正常常 比較幼果種.成餐飯我覺得最高質嘅係 辣椒油 炒得好香 同埋好似有少少蝦米碎 又唔會太辣 如果有得一樽咁買我會自己買走

今日三點半鐘收工，既然係大埔又近火車站，咁當然要專登行多兩步，試試係熟食中心傳聞好多人食既豬扒麵，去到之後可能因為差唔多收鋪，的職員都開始清野，咁我就即時叫個豬扒拼雞翼米線啦，點知...雞翼已經賣晒啦...得返豬扒...咁就淨食豬扒米線啦，等左一陣，上枱啦~ 上枱啦~ 整碟豬扒好噴噴，份量好大，真係兩個女仔食都無問題，豬扒大約有塊半至兩塊到，食落口熱辣辣，豬扒即叫即炸，外脆內嫩，肉質好鬆化，加埋一碗份量幾大既米線，咁一個人食就真係好豐富啦~ 成個餐就都係$36蚊，價錢上都不過不失啦~ 另一方面叫野飲就要幫襯隔離檔啦，會有其他職員主動過黎問你嫁，所以都好方便，成個環境既氛圍都唔錯，可以再去~ 不過下次要早的去食雞翼!!!

-🍜竹筍豬排上海麵（$36）（🤤：7.5/10）🔽好多人講起去大埔都會話食豬扒麵，可能係因為大埔熟食中心上面既兩間賣豬扒麵既鋪頭做到出左名，令大家去到大埔除左踩單車食豆腐花之外，仲多左樣必試既野。🔽真心講碗麵個麵記非常普通既姐，同其他鋪頭既差唔多，無咩咁特別。重點係佢既餸，竹筍爽脆而且帶甜，份量唔少，炸豬扒都幾大份，都算厚身既，岩岩炸起熱辣辣，肉質夠腍夠鬆化，加埋少少蒜燈，非常香口，但係就真係好油下，陣油味都幾重下。🔽📍東記上海麵📍大埔鄉事會街8號大埔墟街市及熟食中心2樓CSF27鋪#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#foodseekerlu_bie#LuBie大埔#吃貨#美食#香港美食#大埔美食#食好西#東記上海麵#豬扒麵

在沙田科學園跑完步過來覓食，在熟食中心繞了一圈後，就被眾多食客的豬扒麵吸引著，一開始是打算吃另一家的，但午飯時間沒有空枱，剛好這家有少量位置，便誤打誤撞遇上這家的豬扒麵。一坐下，便被告知最少需等上半小時，沒關係，由於假日1時正整個熟食中心人頭湧湧，實在不想再找其他位置。阿姐人很好，由於我們第一次來，連餐牌都沒看清楚，便讓我們先看一下，等一下再過來點餐。男老闆(?!)也溫馨提示沒有售賣任何飲品，可以在其他店舖買完再拿過來喝。最後跟友人點了兩碗豬扒粗麵，等候時間足足有半小時，豬扒很大的一塊，已貼心切開方便食客進食。味道方面炸粉不太厚，但不算香脆。肉質偏乾，容易卡牙縫，而且沒有味道。粗麵方面，雖說是上海麵，但麵的顏色卻不是純白色，反而吃起來有點兒像平價烏冬的質感。而且麵質稍稍過淋，如果店家名字以上海麵為主打，這無疑是失色的上海麵！豬扒麵索價$36，以性價比來説不吸引，吃罷感覺平平無奇。OK評分是給予服務，以這麼忙的小店店員仍沒有表演岀煩躁的表現，以現今香港的服務業實在難得。在用餐末段聽到店員對剛入座的食客表示需等候45分鐘，值得與否由閣下去決定。我表示試過一次便不了。

黎得大埔個個都知豬扒雞翼面係E間熟食市場一定要食既食物我地當日1:00PM黎到,見到坐左9成人,我地兩個人就比較容易搵位,搵到之後就去店前叫豬扒雞翼米線,不過太多人,我地起碼等左20分鐘先有得食,D 姐姐係會親手送上黎,豬扒雞翼米線,成為$36雞翼:炸得好脆,粉好薄豬扒:粉好薄,保留到肉汁,肉好厚,好食米線:夠林,但好似用雞粉整湯低,所以無特別

大埔新墟街市的位置是臨近大埔墟站，固此人流也很多。街市上設有熟食中心，其中東記的豬排面更是本人的最愛。東記上海面除了提供炸豬排外，更提供了炸雞翼、雲吞等佐料供食客選擇。是次點了炸雞翼和炸豬排配幼面。飲料方面東記是沒有提供，需要光顧場內其他的茶檔。不論是豬排還是雞翼，東記每一客的份量都十足，醃製更是十分出色，令到炸物的味道很好。此外，雞翼更是炸得十分出色，酥炸後的肉質保持嫩滑，值得一讚。下次再到大埔時也會一嘗東記的炸物。

其實我不是住在新界區，不過另一半住呢邊，所以呢一區都會成為我嘅飯堂選區，而且呢度價錢相對平，泊車又易，都係個句，呢間我都食過好多次，次次都炸豬排，今次就食炸雞翼，粗面幼面都試過，你話十分好食又未到，不過你話粗粗地食個食得落口嘅午餐，簡簡單單，又ok喎。呢度環境就唔洗多講，熟食中心相信普通香港人都去過，不過佢嘅枱就普遍都要搭位，同埋要留意返唔同枱有唔同餐廳，佢地暗啞底都分門別類，呢度係揾呀姐叫完野食，食物到就比錢嘅方式，得野食係無野飲，野飲就要去隔離舖落單買，非常自助。我同老公二人食了炸雞翼粗面同炸豬排雪菜粗面，炸物就夠脆，份量都多，有陣蒜麻油嘅味，再夾雜啲味精感覺，面呢就上海面，之前食都唔錯幾彈牙，今日食就覺得好似淋左少少，加埋個湯底味道就一般啦，夠飽肚，我自己都食唔哂，不過都係個句，要求太高就唔好黎食啦。

聽講大埔街市，有好美味嘅豬扒麵，順道經過，就試一試啦😁豬扒上海麵，賣相唔錯丫，一咬落口，豬扒微暖😓，唔脆添😓，應該係放咗太耐，乾豬咁喇😓。炸菜粗麵個湯都係暖嘅😓，麵就好彈牙好味道呀😋。試過就第喇。

今日放假難得嚟大埔行下同搵好嘢食，聽講大埔墟街市裡面有間食豬排麵好出名嘅鋪頭，就算上到嚟熟食中心見到鬼咁多人等位，都一於照搵位不過我同朋友唔多識呢度嘅潛規則，結果難得搵到位但有另一個檔主又趕我地走，話一定要幫襯佢先可以坐，搞到我地要搬嚟搬去，有點掃興好彩最後都食到東記嘅豬排雞翼上海麵，仲試埋街坊推介嘅張煥記奶茶☕️，雖然碗麵都等左幾耐，但炸豬排同雞翼確實係幾好味，唔似用鬆肉粉醃過，幾香脆，以呢個價錢嚟講，都幾抵食而隔離檔張煥記嘅凍奶茶都好好飲，奶同茶嘅比例剛好，大大杯可以消下暑，一個字，食完今日嘅午餐好滿足

自從介甩左「瘋購梁九記」條癮之後，已經好少會去大埔。今次仲上埋街市上面搵食，見到東記就決定聞名不如試食。我覺得最難既係搵位，我哋飄泊咗好耐都拍唔到張好檯。之後隔離檔向我地招手，話幫襯飲杯茶可以搭單食個麵～其次就係等食，大大話話都等左半個小時先有得食。豬扒炸菜上海麵炸菜海量多，淡口唔會咸。豬扒超厚，外層金黃帶蒜末；可惜太淋太多油了。略覺豬扒唔夠入味，但有肉汁補救。老實就唔係太喜歡這個上海麵，好似浸到發左咁，淋得過份。味道普通，但足料份量取勝。可能就係街市熟食既租金唔會壓榨食店，店家可以回饋多點俾客人吧

呢間東記次次嚟最大嘅挑戰就係搵位...好艱難搵到位，就要好艱難再搵啲阿姐姐落單，再唔係就直接出去叫（記得千萬要指清楚坐邊），麵未嚟想叫野飲就有個聯營茶檔寫野飲；麵嚟到即俾錢，飲品都係～都難怪嘅，度度都坐到人，只要係佢地自己嘅老友店就可以坐我叫左個炸豬扒麵加筍，筍嘅味好濃，濃到聞落係有陣「押」味，食落就梗係正同無「押」味啦！豬扒唔係熱辣辣，但又未至於林晒，岩我！老公就係叫左炸醬雞扒，雞扒都好林，咬開仲有汁；炸醬好夠辣，好有自家味道

大埔墟街市熟食中心東記上海麵 。。上堂之前去熟食市場食lunch。中午嘅時間，成個熟食市場都人來人往，好多人都喺度等位，本來我哋想去食蝦子麵，不過記得朋友推介炸豬扒面，姑且一試，座位當然係一啲都唔輸蝕啦，第一次試炸豬扒米線，等左差唔多30分鐘，因為係即叫即炸嘅關係，但係我哋都一心要事，一於等。炸豬扒麵終於黎啦，豬扒係幾大塊😱炸得好金黃，不過唔夠鬆化😩食第一啖，已經覺得好油膩😔，食到最後，嗰碟底都油跡斑斑。。後來先知道原來佢都係熟食市場幾出名。性價比都算高，豬扒可以配雲吞、榨菜、雪菜……唔算好伏，但係唔會食第二次。👉🏻👈🏻。

去到好多人，成日都要搵位等位，夏天會熱死，而且附近有廁所，我有時聞到怪味。但勝在東記平又好味，所以都依然會去食! 其實麵就真係冇咩特別，好普通，個餸先係重點。叫左炸豬扒同炸雞翼麵，食左炸豬扒先，勁大塊，熱辣辣，覺得都幾好食，幾滿足，覺得好抵。之後食炸雞翼，即刻將豬扒比下去😂 炸雞翼超級脆，又係勁大舊，又熱辣辣，好多肉汁流出黎，超嫩滑!!! 食過一次真係覺得佢既炸雞翼一流!!!! 食完好想再食淨雞翼，打包走人😂會再去!!

細個讀書時成日去世記食lunch, 放假得閒當然要去回味下, 當日中午去到依然十分旺場, 自己搵好位之後就叫阿姐落單, 人雖然多, 但阿姐好快已經送到來, 熱氣滕滕, 未食已經流口水!雞翼豬扒湯河係必點動作, 炸到皮香肉嫩, 非常juicy, 湯河同肉分開上唔會整到雞翼豬扒稔晒, 呢個位真係好好, 另外朋友叫墨丸河和上海面都好好食, 加配埋少少辣椒油真係正到不得了! 價錢當然比以前讀書時貴左少少, 不過仲係物超所值, 呢個味道仲要係由細食到大, 回憶真係返晒來!