東興小食

營業中

休息中

這夜在附近的大角咀名店之一「金船長餐廳」吃過晚飯後，路過街角的這一間「東興小食」，忽然心思思想買串小食吃，於是叫來一串炸魷魚拿來就在路邊大嚼，一飽口腹之欲。其實這檔「東興小食」確實其貌不揚，舖面簡陋得很，賣的也只不過是尋常不過的煎釀三寶等港式小食，但原來這其貌不揚的「東興小食」竟是禾桿蓋珍珠，炸魷魚好味得很呢！這裡的炸魷魚不像別處的那樣沾脆漿放在滾油中炸，而是把事先已經醃好，調好味的魷魚放進滾油中炸，稍待一兩分鐘後，把完全沒加漿粉，已經炸好的魷魚撈起，稍稍下點豉油，便可以拿給客人享用。這製法的炸魷魚可能不算太特別，記憶中，以前自已也吃過同樣做法的炸魷魚，可惜這種以往不難見到的炸魷魚，在現在的香港已經買少見少，不易找到了。這$6一串的炸魷魚，一共有三塊，全部都鮮爽彈牙，又入味非常，把這些熱熱的炸魷魚一一放進口中，已令人感到滋味無窮。順帶一提，這店雖然簡陋，但服務挺不錯，炸好的小食，店家會體貼地附上一小塊紙巾卷著來讓顧客拿在手上吃，以免顧客的手被弄得油淋淋，可是十分貼心的安排。這次幫襯，只顧著吃，懶得拿相機，沒有拍照，不過雖然相片欠奉，這裡的「炸魷魚」，我可是強烈推薦呢！

睇落呢間平平無奇既小食店,居然非常之好食! 本人極之鍾意掃街旺角深水埗呢d地區已經食唔少之前同男朋友有幸經過呢間小店食完後發誓一定要寫食評!咁好既小食店真係買少見少啦~有食到既包括:炸雞脾$13: 極之大隻, 佢已經炸左1次放左枱面, 我地order左佢先再炸多次, 識炸2次當然脆卜卜啦~ 雞脾完全冇炸粉, 唔會食到成口都麵粉!! 炸魷魚$8: 又係冇炸粉同炸2次, 好好味, encore左2次喲~炸雞軟骨$4: 呢個呢個真係......好食到呢~~~ 冇炸粉兼完全調好味, 食到慾罷不能!!! 又係encore左2次 其他仲有d炸三寶呀, 豆腐呀, 茄子等等, 我男朋友就買左返屋企睇波消夜, 佢話都ok喎~唔記得幾錢...個老闆娘都好好架有卷紙巾放左0係度如果客人冇帶紙巾佢會用紙巾卷住串燒放0係度俾你拎咁就唔會整污糟啦~

呢個平平無奇既小食店..(可能真係佢太平凡又唔就腳啦,真係冇咩人為佢留低1,2句評語!)早2年我已經食過,因為工作地點關係4圍都冇咩野好食...我又比較為食,所以lunch時間短都會4出搵吃..黎到呢間小食店前,其實開頭都冇咩期望覺得佢都應該係普通既煎饟三寶,炸雞翼..試佢既原因都係因為平..6蚊1串鮮魷魚,2蚊1隻炸雞中翼,3蚊1串炸雞軟骨,三寶1蚊粒我記得我第一次係試佢既魷魚,因為好少見仲有咁整鮮魷,唔肯定係咪叫泡油...總知就咩都唔落就炸..你落order佢就即整,炸完入袋見佢落dd豉油就比你,心諗:得dd豉油會唔會冇咩味架!點知一試!嘩嘩聲!真係好好味,好鮮好脆,真係少少豉油就夠架啦!岩岩好夠味!不過真係好彈既都只係佢太多油啦..不過佢即炸快快手入袋冇辦法啦!之後隔日就試埋佢既三寶同雞軟骨雞軟骨都ok,size比普通食既大粒d,3蚊真係冇咩得挑剔架啦!三寶就好普通,不過當中既炸魚旦就好出色!出面個d都溝好多粉,呢間都會溝,不過比例平均,1蚊黎講又係冇得挑剔!呢間野銷售情況都幾好,唔怕會放到凍冰冰賣比你!真係唔夠熱啦,都可以叫ee炸一炸佢...店員黎講其實係2公婆老夫妻黎..叔叔

每當有機會經過,都會忍唔到口,,一定要買煎釀三寶炸,魷魚來吃.因為美食在眼前,點忍?haha東興小食主打煎釀三寶,好味由期岩岩炸起的魚旦及釀尖辣椒就更加very good.炸尤魚肉係最低讚入味又有口感正...老闆說魚旦是用'鯪魚自已每天打做的必食哦!$5:00有五件我個人覺得東興新鮮炸起的煎釀三寶可以說是全西九龍區，最美味的

成日經過都會陪朋友仔買小食雖然只係平平無奇既小食但試過好幾款都食得出係有用心去整既例如簡單既炸魷魚都用醃料醃過先炸所以食落又彈牙又入味只係加少少豉油已經滋味無窮仲有炸雞翼又係好入味皮脆肉滑食到朋友仔好開心佢d煎釀三寶好似係5蚊有6件大大粒好抵食另外佢都有賣豆腐花等等