影片
營業時間
今日營業
08:00 - 16:00
17:30 - 22:30
星期一至日
08:00 - 16:00
17:30 - 22:30
公眾假期
08:00 - 16:00
17:30 - 22:30
*外賣服務至22:00
以上資料只供參考, 請與餐廳確認詳情
-
網上訂座服務暫停
相關文章
原本已提早Book位 到場後 服務員一直說安排緊安排緊 等左20分鐘 20分鐘內不斷有顧客投訴安排差 令大家入座前已一肚氣 服務員帶位 話得90分鐘食 入座15分鐘後已比單服務員 但見收據22分鐘後先落 野食到已無左45分鐘 途中出餐餐車一直撞我既座位 叫左三個服務補茶 個個都話轉頭幫 最後冇左件事 飲茶但茶都冇 真系大差評！野食普普通通 上菜速度一般 食野途中都聽到好多顧客投訴 但冇人處理 分工差 冇固定職員協助最後埋單 又要等！慢！ 總括而言體驗好差 不推薦
繼續閱讀
震驚迷你片皮鴨？？288 套餐好似好抵, 片皮鴨仲有龍蝦一定好飽點知嚟到, 咦點解得例牌片皮鴨嘅？問下經理先經理話十片係公司規定, 等於半隻鴨....咁公司會唔會規定炒飯得十粒米㗎😢 我覺得呢隻鴨應該係啱啱出世一兩日, 可能係乳鴿所以十片係有多嘅, 算抵食 歡迎大家光臨🤣龍蝦就自己睇相... 都算ok老實講味道唔錯不過份量真係比較少 $780埋單, 出到嚟食返個麥記補數之前疫情過嚟食就真係幾抵, 而家質素真係低咗好多
繼續閱讀
比啲唔新鮮大閘蟹， 仲要擺盤放隻係唔新鮮個隻上面， 食第一隻其實已經膏唔鮮甜，甘苦咁⋯ 再開第二隻又臭又冇膏，即舉手⋯ 已自動波話換過隻， 好熟手， 即日日都咁比唔新鮮客人， 食唔出， 唔出聲佢就贏⋯ 真係唔出聲就冇事⋯ 補返個隻完全同另外食完個三隻唔同味，膏都多啲甜啲⋯ 勁奇怪🤔 要去食就睇下自己好唔好彩啦， 因為之前去過一次食過都ok, 先再同朋友去， 當時擺盤四隻平排， 咁排法知咩事， 今次真做左傻仔
繼續閱讀
秋收同樣係大閘蟹盛產嘅大日子靚蟹貴精不貴多大閘蟹宴同樣重質蟹膏蟹肉入饌食嘅都係功夫菜上年食過幾間大閘蟹宴今年再度返啅東海薈淺嚐「2皇1后」合共8道菜食得放心嘅正宗江蘇大閘蟹蟹公足5兩大大隻白色蟹膏分明而蟹乸約3兩超級爆膏套餐仲有蟹粉小籠包等咗有啲啲耐不過因為真係即場鮮拆即製兩隻小籠包皮薄內裏飽滿真材實料僽爆汁嘅～其他包括花膠雞絲羹、黑松露炒蝦球同鴨胸拼青瓜等要一讚個凰梨黑豚肉豬肉鮮嫩入口豬騷香十足最後甜品有黑芝麻湯圓內餡黑芝麻唔會太甜，有驚嘉薑茶微甜，薑香味夠驅寒
繼續閱讀
又係大閘蟹季節, 以前鍾意搵D任食既酒樓, 貪心可以食多幾隻, 但係覺得D質素越黎越下降, 所以今年黎左東海薈食大閘蟹套餐.睇menu有1位, 4位, 6位餐, 侍應話可以叫1位餐, 同行人叫其他野食都無問題, 咁又幾好, 可以配合唔食大閘蟹既人. 最後我地叫左2個1位餐.一黎係花膠雞絲羹, 料都幾多, 味道唔咸, 1人既份量都幾大.跟住係煙鴨胸拼青瓜, 鴨胸D肉都幾嫩, 反而鍾意個青瓜, 好爽口清新, 同埋上面D汁幾好味.仲有蟹粉小籠包, 每人1粒, 餡好滿, 但係無咩蟹粉味, 剩係覺得好咸, 呢個麻麻地.跟住就黎每人2隻公大閘蟹, 侍應話可以慢慢食, 之後既餸食到差唔多先會上.公既大閘蟹都幾多膏, 味道濃郁, 肉質都好新鮮.食到咁上下就上埋隻后, 膏都多不過係實肉既, 大隻唔會太瘦.食完就黎菠蘿黑豚肉, 2人份都幾大碟, 黑豚肉好軟腍, 隻條都係豚肉無骨, 好味.黑松露炒蝦球, 黑松露味好濃, 但係有D咸, 但係蝦好爽口彈牙.鮮茄菌浸時蔬, 呢個清清地反而幾好, 解左大閘蟹既濃味, 不過加蕃茄仔個配搭好似怪怪地.最尾係薑茶湯丸, 唔記得影, 有2粒湯丸, 薑茶好夠薑味, 驅晒D寒氣.
繼續閱讀