東海堂 (新都會廣場)

營業中

休息中

我的好同事們知我呢個為食鬼特別貪食又鍾意試新野，所以係我生日一次買左兩款東海堂沖繩之夏系列cake little俾我，實在太感動啦～～左手果一款係紅石榴夏夜cake little，右手邊果個係沖繩菠浪cake little。紅石榴夏夜cake little總括黎講唔好食，有陣藥水味，雖然外層的O者O厘配上慕絲內餡及海綿蛋糕口感本身都幾特別，但味道蓋過一切，唔推薦大家中伏。沖繩菠浪cake little味道很清新而且不太甜，雖然菠蘿的味道不算是很突出，但整體口感味道都很平衡，而且內餡有清甜的菠蘿果凍及果肉，配上芒果慕絲，味道真的很MATCH～

在週未,去了葵芳行街,行了一會覺有點累,便到這間東海堂堂食之餘,也乘機休息一下。點了北海道牛乳芝士蛋糕及花畑芝士蛋糕。我自己幾喜歡食它的牛乳芝士蛋糕($20),不過份量有點少,但勝在又滑又夠濃,我每次食蛋糕的必定選擇。此蛋糕底還有少許朱古力的餅底做底,令到味道不但有牛乳味,也有朱古力的味道。花畑芝士蛋糕($24),份量比牛乳芝士蛋糕大一點,不過味道就淡一會,芝士味夠濃,但就沒有牛乳芝士蛋糕這樣濃,也下去也會覺得容易滯一點。口感像木糠蛋糕這樣,略為失色。另外,也叫了一杯凍綠茶,看似很大杯。一口入很大陣綠茶味,飲了幾口後,再飲已經淡了很多,整杯凍綠茶差不多2/3也是冰,雖然味道入口時很濃郁,但之後的味道很淡,真的幾口已經飲晒一整杯。這cafe是自助執好餐盤,我自己也習慣這個模式,但看到地上就很多食物的碎,感覺環境和衛生差了一點。

新都會廣場內竟有東海堂cafe東海堂的蛋糕🍰一向都是高水準，而cafe賣的除左了自家製的蛋糕，飲品，仲有意粉等主食，都有很多款式可選擇!是日經過看到有雪糕窩夫，我這個甜品控又點會放過我點了草莓●北海道牛乳雪糕窩夫，由於即做所以需要等候，店員會比個「電子呼喚器」，當食物製作完成就會震動通知，好方便賣相同份量都比想像中有驚喜，有4塊即做即食仲係熱辣辣，窩夫散發出好香好香的牛油味配料都很足夠，🍓🍓有2粒鮮草莓，窩夫點著充滿濃濃牛乳的雪糕及草莓醬令整個甜品的口味提升不少!東海堂cafe能保持其品牌一貫高質素的水準，值得一讚!

🍵🐮3.6牛乳抹茶黑糖水晶 🍵🐮 $28真心希望佢開多d分店。。呢間有得坐，有早餐，沙律，麵包，好靚靚既蛋糕西餅。。😍🍰而家仲要有埋野飲!! 😍價錢仲要大眾化 ，蛋糕野飲都係20幾蚊😍🍰鹿兒島紫薯甜品 😍🍰 $24又係#紫色控 既原因，我揀左佢😂外面同個心係紫薯蓉~夾雜一d杏脯乾~中間嗰層係cream~加埋最下層既餅底~評語: 略甜 >< 其他蛋糕都好靚，我下次要試晒佢地!!

今日行過見到, 見得幾吸引, 就買左杯沖繩紫薯軟雪糕(HKD30)試下. 雪糕聞菅去已經好香, 質感好特別, 好似紫薯蓉咁, 味道好濃紫薯味, 又唔會有果d假薯味, 但我嫌佢略甜, 似糖水甜.

行來行去唔知食咩好，見到唔駛等有位就食呢度啦～2人餐＄128有沙律，意粉同兩杯飲品，價錢非常合理，我哋咖啡揀凍碳燒咖啡每杯都係加多＄6。總共$140。沙律有3款，凱撒沙律，栗米煙肉沙律同日式南瓜沙律，我比較喜歡式南瓜沙律，南瓜軟綿香甜，配有蛋白碎粒。凱撒沙律配柚子醬汁，感覺清新，蔬菜都十分新鮮。花畑芝士鮮蝦蕃茄意粉 － 大量芝士碎響面，成個火山咁，十分邪惡。個意粉其實可以講係蕃茄湯意粉，湯底濃稠，味道濃郁，蝦有5，6隻都算爽口，意粉如果可以硬番一d會更好，呢個價錢算係咁啦。碳燒咖啡有香濃碳燒味，黑糖水晶條都幾煙靭，唔錯唔錯。

在新都會逛街時，經過東海堂cafe，不經意於眼邊閃過黑紫色的物體🤔🤔😏看見紫色，腦海自然浮現紫薯，紫著對我吸引力極高，於是買下它但吃下去還是有點後悔我想我買時此西餅應該不是新鮮的，感覺是已放了一兩天，竹炭糕底吃下去沒軟綿綿的感覺，有點硬甚至,加上紫薯有點滯口，唯一好處是不太甜罷了。個人不太喜歡

每次經過東海堂總會被櫃中玲琅滿目樣子討巧的甜點所吸引。見到赤莓系列三件有85折，減肥甚麼的都暫時記不起，一食為快先得。赤莓系列最吸睛之處就係果一粒粒飽滿鮮紅的草莓，食起來甜中帶酸，上層的Cream相當軟滑，又唔會漏。最鐘意係佢的撻底，奶油味重，咬落下香酥可口，好食！順便買兩袋麵包當早餐，牛乳方面每次必買，牛奶味非常之香濃，厚切，食兩片够飽。厚切紫薯包第一次買，都唔錯。入邊一絲絲的係紫蓉，唔會好甜。蜜柑爵茶寒天，減十蚊換購的，好伏，兑太多水，一啲味都無。不建議買，飲品成日令人失望。

在葵青劇院看話劇之前，找個地方一個人坐一坐，兼吃個輕盈晚餐一直都知道新都會有間東海堂Cafe附近亦有間A1 Cafe，之前已經試過同樣是日式麵包店開的Cafe，而且一向都喜歡東海堂的麵包，所以相信它的Cafe都會OK是晚朋友未到，「一人前」的晚餐，東海堂Cafe簡簡單單menu的就特別合適了Peachy.foodie rating: ✮✮✮☆☆(3/5)作為麵包店的cafe，令人抱有最大期望的當然是多士，厚身而且鬆脆，略帶少少牛乳味道3.6牛乳炒蛋同樣牛乳味道出色，又香又滑，不過不是太熱；火腿普通日式叉燒湯意粉都屬普通，唯獨湯底有少少牛乳的香甜，有驚喜飲品加錢轉了Peachy.foodie rating: ✮✮✮☆☆(3/5)被宣傳圖片吸引了，雖然牛乳味比抺茶出色，而且紅豆太甜，但整體都屬於不錯

3 件有85折，所以點了：紫薯竹炭roll- 紫薯cream挺滑但不輕身，cream有紫薯味，味道不假，我很喜歡。但竹炭蛋糕我就唔鍾意喇，吃下去不是一般蛋糕的質感，很怪，很人工，亦沒什麼味道。strawberry mousse cup-底層strawberry jam酸酸甜甜很開胃，mousse不夠滑，失望！海綿蛋糕有少少乾身。紫薯撻我冇食，媽媽說很甜（但她其實不喜歡很甜品/甜的食物）。

14/2係一個好浪漫既情人節，粉紅色總是令人覺得特別配合情人節的顏色，可能係咁，東海堂就出左幾款草莓系列，款款都好靚啊，無女孩子喜歡吧。白色的草莓個款都幾貴，記得去年既情人節食過，幾特別，今年他準備左粉紅色有兩層草莓既慶祝呢一個節日草莓一直都係我至愛，呢個蛋糕咁多草莓，見到都開心，每粒都好飽滿，又甜，香甜味四溢，中間既奶油好軟滑，又唔厚身，冇好滯既感覺，蛋糕好軟熟同唔係乾到硬，係有足夠既水份做出黎既蛋糕，可能草莓多，不會好飽。推介

一直都係東海堂fans, 每次佢地出新產品，都好吸引人去試，靚得黎，又有質素。呢排東海堂出左紫薯系列，仲要在咁浪漫既白色情人節推出白色既蛋糕入面係靚到不得了既紫薯，朱古力蛋糕，cream相間，一層一層咁鋪排，好有層㳄，亦有好濃既紫薯味，而每層既layer,都有各自既味道，不會搶左紫薯味之餘，反而十分配合，又唔會甜得滯，蛋糕好軟哦，不乾，而外面白雪雪的奶油又好滑，好味

東海堂推出赤莓系列已經一段時間，但都未有機會去試。今晚難得早放工返家，又適逢白色情人節，便買個赤莓賀賀佢。我不明白，為何差不多的蛋糕，美人之赤莓可以貴成百幾元。精明的我當然揀左赤莓之盛宴。樣子雖無美人赤莓咁張揚，但士多啤梨香甜，牛奶忌廉充滿奶香又幼滑，真係好好食。東海堂蛋糕總是令人覺得性價比高

之前已經知道東海堂開左d cafe, 公司樓下都有間可以賣沖調飲品同三文治既分店，但就未試過有得坐低咁食，仲有意粉添！！咁就嗌左個芝士鮮蝦蕃茄意粉黎試下，見佢話用左隻特別既芝士haha, 唔記得左咩名，但見到既時候即時嘩一聲！因為超級多芝士粉！！！仲好多蝦好好食！蕃蕃茄味都好濃好吸引！另外我地仲嗌左個沖繩紫薯3.6牛乳，同埋抹茶黑糖切餅，紫薯牛乳唔甜應該真係得紫薯同牛乳，冇乜落糖，岩哂健康人士！

今日下午我們去咗葵芳新都會廣場嘅「東海堂」食下午茶！ 我們叫咗鮮蝦芒果牛角包三文治、花畑芝士蕃茄意粉同草莓牛乳雪糕窩夫！ 鮮蝦芒果牛角包三文治嘅蝦都幾爽口彈牙， 蕃茄同生菜都幾新鮮，芒果亦好香甜， 牛角包都幾鬆軟！花畑芝士蕃茄意粉嘅蕃茄湯過份濃郁， 而舖面嘅芝士超多，感覺好膩同好滯，意粉都幾爽口彈牙，蝦肉嘅份量都幾多有6隻！草莓牛乳雪糕窩夫嘅北海道牛乳雪糕牛奶味好香滑濃郁， 窩夫都幾香甜鬆軟，草莓亦幾新鮮！