東海堂 (屯門市廣場1期)

而家見到東海堂出咗好多唔同嘅款式，呢排佢新出左一個裸麥麵包，我一直鍾情於雙重芝士味，佢入邊好足料，真係包咗好多芝士，$16 一大舊，真係又抵食又美味之選，食落去又香又軟，放一日都唔會乾。😋另外仲買咗個迷你冬甩🍩（$5.5）試吓，呢個係榛子朱古力味，味道都唔錯，小小地過吓口癮又得🤩😋…查看更多

我地一人一杯，綠色係開心果味，白色係牛乳原味，本身我買開心果味，我家姐買牛乳味，開心果味會有濃香同甜味重啲，上面會有啲碎果仁，食落味蕾多幾爆滿足，牛乳原味就奶油甜啲，我個人認為吊味蕾啲，冇咁濃，最後我同我家姐互換左，佢反而中意開心果味，我個人偏向牛乳原味，至於佢$30蚊一杯黎講都唔算平，但雪糕份量都幾多，我同我家姐都要企定定食左有15分鐘左右先食得哂，同埋佢啲雪糕好實，感覺好足料，而且啲雪糕係好實正咁填滿埋成個cone，我個人認為$30當甜品黎講算係咁，推薦！！…查看更多

東海堂出咗新嘅芒果系列💕我就買咗芒果熱情果慕絲蛋糕同小可愛芒果麻糬巴斯克蛋糕♥️✨芒果熱情果慕絲蛋糕內層係軟綿綿嘅海綿蛋糕🍰仲夾住芒果熱情果凍同芒果軟心醬😋口感有層次💕香甜輕盈面層有芒果粒、芒果慕絲、開心果粒同忌廉賣相增加開心氣氛😚✨芒果麻糬巴斯克蛋糕內層有芒果味麻糬♥️入口煙煙韌韌細膩幼滑嘅cream cheese芝士香味突出🧀芝味無窮配上面層嘅芒果粒🥭提升清新感覺☺️甜而不膩……………查看更多

我的2023年生日蛋糕，由細佬負責買，他預先在 <東海堂> 網上訂蛋糕，放工後，走到屯門市廣場 <東海堂> 拿了他都喜歡食的栗子蛋糕給我！栗子蛋糕他預先在東海堂網上訂蛋糕，超過1磅，所以，他拿到蛋糕實物才知有幾大個！表面鋪滿軟滑又甜美的栗子蓉， 而且唧得好平均，內裡是海綿蛋糕，夾雜粉腍的栗碎，還有少許忌廉，甜度適中，大家都好啱食呀！…查看更多

🐻早幾日經過東海堂，發現佢有雪糕賣不特止，仲要買一送一，即刻排隊買返兩杯食吓，佢指定口味買一送一我哋嗰日就係抹茶同扭紋（抹茶加牛乳） 🐻抹茶味都好香濃，雪糕質地唔算係好Creamy有少少似霜淇林嘅質地，$30買一送一，絕對抵食👍🏽但係就唔知佢做到幾時定係突發😀…查看更多