東方小祇園齋菜

營業中

休息中

近日特地吃素！今年中秋節曾在太子吃齋素，有剩餘帶了回家做早餐的方包餡料，覺得這樣吃很好味！今天依樣葫蘆，去這間灣仔老字號齋素食，滿懷期望買了甜酸、叉燒和飽魚各一份共36元，可是.......超級失望，單吃已經無厘味道，更不用說夾麵包了........

其素食變化多端，可以假亂真，齋鹵味美味可口甜點精美係少有既素食酒樓,香港已經不多歷史悠久算是香港齋館中的老字號午餐都可以食素食點心 價錢也不貴 單碟$23起素食春卷配素蘿蔔糕 改用冬菇代臘肉,味道一樣幾香, 蘿蔔絲清新, 少了肉既油膩感,煎得幾香口素食朋友都好滿意出品水準素春卷,包住幾層春卷皮,入面有蘿蔔絲南瓜蓉,係甜甜地既春卷餡料,味道脆香水準不錯消費$60灣仔軒尼詩道241號

身為九龍人，很少過港島。但每次去開灣仔，總會在這裡午餐。這裡歷史悠久，算是香港齋館中的老字號。今天小妹跟媽媽又經過灣仔，當然不自覺又走進這店光顧。我們點了一個「豉汁涼瓜竹輪卷」套飯，當中包了一個前菜：「涼拌南乳蓮藕片」、一碗例湯和一碗白飯。兩個人，再多叫兩碟點心，那已經吃得飽飽了。老字號果然是老字號，點心好吃，餸菜不油膩。讚！

剛剛經過見冇人幫襯 諗住買盒斎我阿媽食。點知門口嗰個150/day 落嚟未講得正 廣東話嘅阿婆侍應，叫佢比多啲酸齋比少啲咖喱根佢就竟然一句話「冇咁多㗎啦⋯⋯要多啲 要加錢呀！」我根本都冇叫佢加野淨係叫佢減少其他 加某樣嘢多啲傘嘛。呢啲咁嘅服務態度差 返xx算吧啦..

雖然我好鐘意食肉，但係間中都會食素調理一下心情。今日去咗灣仔一間好老字號嘅齋舖「東方小袛園」，因為我婆婆住灣仔，令我有機會見證東方小袛園喺灣仔嘅悠久歷史。作為孤獨的美食家，我叫咗一個羅漢齋湯麵和無蛇羹。羅漢齋湯麵真係好好味，羅漢齋做得好出色，鹹淡適中，配合湯麵一齊食簡直係絕配。另外，我原本想叫一個例湯，但係經過侍應遊說，我聽佢提議叫咗一個無蛇羹。第一次食，估唔到真係同真蛇羹味道好似，有埋菊花花瓣和薄脆配搭，對於近年無再食野味嘅我，依碗蛇羹真係驚為天人，絕對推介。最後，想同大家補充番呢間齋舖有幾個一人座位，啱曬我依種lunch time想有me time嘅人士😬

食左素差唔多6年，一路都未有機會黎依間有過百年歷史既齋鋪。本身以為傳統齋鋪都係咁上下啦，殘殘舊舊又有啲污糟，滿天神佛，但東方小祇園完全係out of expectation咁好。去齋鋪就緊係要食下齋滷味啦，得兩個人就嗌左個細既，送到上黎嚇左跳，原來細碟既份量都唔少，我諗4個人食都冇問題。佛門齋滷味有成6-7款，酸齋、咖喱齋、鴨腎、叉燒、素鵝同素雞，啲色素唔會太勁，而且又唔會好油膩，恰到好處，唔怪得咁多人都讚佢地既齋滷味，可以話係我試過當中最好既。叫左個煲仔飯餐，加廿幾蚊就多個蛇羮，幾抵食。未食素之前都冇乜食過蛇羮，唔係好知應該係咩味，但蛇羮主要都係冬天補暖，咁飲完個素蛇羮個身都有啲暖笠笠既感覺，功效方面完全保留到。翡翠法輪卷同法輪功唔知有冇關雖然唔知個名既由來，但都無阻我去試依個菜式。一碟有成8件法輪卷，絕對係抵食夾大件既佼佼者。煎得香脆既腐皮入面包住髮菜、金菇同紅蘿蔔絲，一咬落去外脆內juicy，好正。另外仲有少少生菜同冬菇墊底，兩個人完全冇可能食得哂，要打包走。壓軸登場係我最期待既松子雞樅菌煲仔飯。之前喺興記食過素煲仔飯，材料就淨係得啲冬菇同梅菜，食落都幾dry。依個煲仔飯一打開我

有「香港第一齋」美譽的東方小祇園歷史悠閑久，食品當然有一定的保證。喜歡吃齋鹵味的我今天途經這素食餐館，絕對不會放過帶一盒雜錦齋鹵味回家慢慢品嚐。～佛門齋鹵味一盒五十元約齋鹵味份量並不是太多，但卻有齊各款的齋，能滿足食客多個願望。酸甜齋非常醒胃，且能打開味蕾、咖喱齋微辣、豉油齋又不會過鹹；齋叉燒、齋鴨腎和齋鮑魚既有咬口又不會過硬；素雞軟滑、層層齋燒鴨外脆又不會炸得過火，真是難得。最喜歡這店的齋鹵味既有著佛門地的撲素，又不會有不必要的添加調味。簡簡單單的食物頓時亦變成味美健康的佳品。

一早book定，安排座位狹窄，話有人走會再安排；但有人走了向侍應查詢卻說已安排其他人入座，但我之後食咗15分鐘都未見有人座，侍應服務態度奇差，仲要係年初一食物質素也炒麵係靭嘅，比啲咁嘅嘢人哋食，有冇良心?!

一直有幫襯開買外賣齋，買一盒50蚊雜齋由從前大外賣膠盒裝到後來變成中盒，到今天竟然再變成細盒，別人買單種二十幾蚊也是細外賣膠盒，實在是太過份了，店員還跟我說中盒跟細盒份量是一樣的，怎看也不可能是一樣囉，好食還好食，也應該老實一點，賣齋都咁唔老實，我不知道是店員問題還是怎樣啦🙄🙄

媽媽少時在鄉下幫公公打理餅店。她最懷念公公做的棋子餅。今天路經湾仔東方小祇園，見到有個老人家買棋子餅，便買了些给老媽吃。東方小祇園是香港歷史最悠久的素食店。半磅棋子餅有12個。我選了豆沙餡和蓮蓉餡。散買5元一個，95元一磅。48元半磅有12個。媽媽話棋子餅做得不錯，不太甜，乾身不油膩，老少咸宜。雖然沒有公公做的美味，但是值得支持的傳統唐餅美食。來一杯普洱茶，吃兩件棋子餅，和媽媽談談她的童年往事，快樂可以很簡單。

灣仔軒尼詩道呢間東方小祇園，係經營咗幾十年嘅老店，齋菜出名好好食，同老公係附近食完野經過，忽然間好想買盒齋鹵味返屋企食，於是就買咗盒雜錦齋鹵味，我揀咗酸甜齋、齋义燒、鮑魚、齋燒鴨、鴨腎同素雞，甜齋中酸甜齋係我至愛，面筋唔太厚同黐口，酸甜味較得好適中😋,而鴨腎、义燒同鮑魚煙煙韌韌，素雞爽滑，齋燒鴨酥香，豆香味好重😋，款款齋都好好食，唔怪得咁多人買啦😍

今天約了朋友仔到灣仔聽講座，出發前先吃個午餐，今天想吃得清淡點，決定去東方小祇園吃齋。 店舗重新裝修過，增添了古雅的元素，感覺不錯，我們被安排到樓上入坐。樓上坐位需由店舖外一個大廈門口進入，走樓梯上一樓才能到達。我們點了一客炒意粉和一個小菜，干炒花枝雜鮮菌意粉和翡翠法輪卷。翡翠法輪卷裡面有些金菇、髮菜、甘筍絲...等，腐皮香脆餡料爽滑，好吃。法輪卷下墊有玻璃生菜，清爽脆口，口感很不錯。我們點了干炒花枝雜鮮菌意粉，卻來了一碟豉椒花枝片炒麵。 喚來店員，卻說沒意粉了！怎麼下單時沒說呢？ 原來是下錯單了，由於時間關係，算了吧。誰知道，這個炒麵非常鹹，要用白開水清洗一下材料才能吃。後來，店員送來兩個紅豆糯米糍作補償，味道不錯。整體來說，質素不平均，不是自己點的還是退回好了。

平日傍晚時間來到，店內客人不多。 古舊的齋菜館，裝修有一番味道，好似去了另一個地方。餐牌選擇很多，店亦有提供外賣齋菜和點心。餸菜價錢介乎$60-100，酥炸類非常吸引，可惜，我們兩位食唔到咁多。 香芋荔卷這個做得很好！香芋細滑，芋頭好香腐竹香脆，口感一流一碟有十件，三個人食會好d香芋扣玉煲汁太濃，上枱一陣就有一舊舊了扣玉，肥肥太逼真好大件肥玉呀！這菜可以不試。太極鴛鴦炒飯白汁和紅汁跟食開的一樣不錯不錯呀！

和朋友來到灣仔這間開店百年的老店，中午吃飯時間人流不斷。地方空間不大，所以稍為有點迫。餐牌有小菜、飯麵等可單點外，另有套餐附送前菜和湯品。鼎湖上素，樣子和餐牌不一樣，和店員確認後才肯定沒有上錯菜；味道和賣相都很一般。翡翠法輪卷，十分喜歡脆脆的竹苼外皮，為整碟菜增加不少口感，醬汁亦不會太咸。咕嚕肉，口感和外表像真度都很高，味道適中。咖哩饅魚飯，咖哩汁濃淡適中，配料也不少。可致電查詢可否訂座，不收加一但有茶芥，只收現金和八達通。

清明節食素就係最好嘅選擇！今日黎到灣仔嘅尼到！真係要介紹一下！嗰個炸芋頭外脆內軟，加上用豆腐整嘅咕嚕肉！真係完全估唔到！素食魚翅啱曬！又環保又好味！鍾意食齋嘅朋友可以試吓！價錢合理