東京チカラめし

營業中

休息中

呢間之前食過兩次都ok既～昨晚諗住再食可能臨近收鋪當時大約8:45入閘～點了個 牛肉丼配兩件炸雞另外點個餃子～先來餃子～明顯放左一段時間只係微暖都唔緊要算～之後上埋 牛飯同炸雞～真係頂一聲～飯同牛又係微～食牛最忌唔夠熱～即係唔好話要好熱但都要熱先點知飯又係唔熱～又一問題洋蔥部份係生既有部分就熟透～好明顯洋蔥唔夠再後加但又懶得整熟～炸雞仲衰幾乎係常溫～大佬我自己都做食咁既溫度都出得比客既真係做臭人地個名～炸雞都明係會炸定或返炸但唔係常溫囉～當你臨收檔用微波爐加熱我都放過你啦～連微波爐都懶得用廚房真係要打把～明明d野本身唔錯味道冇問題架～係比唔夠熱累事～！

主打即叫即烤日式鐵板燒肉丼，除了丼飯、定食及咖喱飯，還供應泡菜、沙律等配菜小吃等逾多款選擇。所有丼飯細分為「並(普通碗)」、「大碗」及重量級三個不同大小。燒牛肉井配餃子3件招牌燒牛肉加上秘製醬汁提升美味，牛肉肥瘦均勻和綿密細嫩。芝士旨辛雞肉丼把燒雞肉加上水牛芝士碎及巴馬臣芝士粉，再用火槍輕微燒灼至半融化後，拌勻來吃更滋味。鹽燒豚肉丼配溫泉蛋豚肉以特調鹽燒醬汁代替招牌燒汁，鹹香味突顯豚肉的原汁原味，伴葱絲同吃清爽芳香。鰻魚鰻魚厚肉肥美，口感爽脆，魚油香味突出。

數香港嘅牛丼，除咗大家係街成日見到嘅大牌子之外。東京チカラめし我係覺得最好食。繼旺角第一分店之後，原來科學園都開咗分店。經過就冇理由唔食啦。超級推薦食芝士燒牛肉丼，我叫呢個大盛Size真係多過其他餐廳好多。但係重點係面頭嘅芝士，係真係有拉絲，上面仲有芝士粉，聞落超重芝士味。入面牛肉份量都好多好Juicy。最好食係佢哋啲飯，真係粒粒分明。食到一半加隻溫泉蛋撈埋一齊食，又係另一個風味。仲可以追加一份牛肉或者豬肉。肉嘅份量都唔少，性價比非常之高。

喺香港成日都會掛住日本嘅牛肉飯，竟然俾我喺科學園搵到正宗嘅東京過江龍牛丼飯！店內有超過20幾款嘅日式燒牛丼同埋豚丼，樣樣都想食！驚喜哋仲有壽喜燒添！
🥢芝士燒牛肉丼面頭鋪滿大量芝士！多到睇唔到啲牛肉，但係原來牛肉份量都唔少！好誇張！一次過滿足晒所有邪惡嘅念頭！🥢豚肉壽喜燒湯底鮮甜，配菜份量十足！蔬菜吸曬湯底嘅甜味，勁好食！豚肉薄切，烚兩下就已經食得～最後攞埋烏冬吸曬所有味，勁滿足！🥢芝士年糕芝士味濃郁！一啖咬落去芝士漏晒出嚟，好邪惡！🥢鰻魚鰻魚作為小食都勁大條，冇骨味道超濃，送飯食一流！
𓆝𓆟𓆜𓆞𓆝𓆟𓆜🍴 東京チカラめし 📍 沙田白石角香港科學園第二期12E號——————————————————👀 Follow @ahmoon.tt👍 comment｜share ｜like ｜save💬 DM for collaborations

#FoodieParadise #Foodie #HongKongFoodie #HKFoodieFinds #TasteofHongKong #FoodieAdventures #ahmoontt_food #hongkong #香港美食 #美食 #美食

📍東京チカラめし (沙田)沙田白石角香港科學園第二期12E號地下S085- S086號舖日本連鎖牛肉丼除了旺角可以食，科學園都有。以燒牛肉為主，提高扺食日本丼飯。踩單車經過科學園好肚餓，座位舒適，枱上有水，可以自助飲用，另外用QR code 下單，方便快捷，大約10mins 有得食☺️☁️芝士燒牛肉丼$58牛肉燒過，香氣十足，牛肉上面鋪滿芝士同芝士粉，可以拉絲，超級邪惡，將芝士同牛肉飯撈埋，牛肉汁適量，唔會令到個飯太淋，大滿足☁️燒豚肉配鰻魚飯$88日式飯盒裝好半條鰻魚同豚肉，鰻魚厚肉少骨，肉質腍身，醬汁味濃，再加上燒豚肉，內有洋蔥，肉質爽口，肥瘦適中，雙重享受。☁️溫泉玉子$15本身想食生雞蛋，但當日已經賣晒，所以叫咗溫泉蛋，加在丼飯裡，徹底攪勻，每粒飯都沾滿蛋漿，滋味十足☁️煎餃子3件$18即叫即做，熱辣辣，餃子多汁，座位旁邊有醬料可以點☁️炸吉列蠔$40 蠔脆皮不會太厚，一碟有四隻，大大隻，旁邊沙律醬☁️可樂Plus（無糖）$12☁️凍奶茶$18

好耐無食過鮮甜無比嘅壽喜燒😋 無諗到今次入去大埔科學園，竟然俾我哋搵到依間性價比極高嘅［東京チカラめし］🤩🌟🌟🌟 餐廳內面積寬敞，極富空間感❣️ 裡面有眾多卡位提供，坐得好舒服👍👍👍 一場黎到，我地當然叫咗心心念念嘅牛肉壽喜燒😋 食材好新鮮，完全無騷味👍 湯底鮮甜，蔬菜種類好豐富，有冬菇、黃芽白、金菇和芋絲，喜歡食菜類嘅朋友應該好滿足🎈作為小食嘅餃子都超級正😚 皮薄餡靚，足料推薦❤️ 芝士年糕同埋脆炸香芋地瓜丸都好出色🌟 兩者都係即叫即炸，入口香脆又惹味😋 年糕嘅芝士味濃郁又邪惡😈 地瓜丸嘅芋頭蓉夠軟綿，配搭香脆又煙韌嘅地瓜外皮，食完一碟再encore 都唔夠喉😋 整體黎講真係超好味😋🤤 ，下次嚟吐露港踩單車一定會再光顧😊

喺科學園做咗成年嘢，一路都好鍾意食呢個芝士牛丼，滿滿嘅芝士撈牛肉撈飯加埋面頭嘅芝士粉，真係每一啖都係幸福感！但係今次食芝士牛丼真係好失望，啲飯呢濕到勁爛囉，我都分唔到係煮得太耐啊定係落咗太多汁啦總之個飯係黐立立啦同埋啲牛肉好爛，唔知點解係碎到一粒粒散晒咁樣，係靠啲芝士黐埋一舊本身我唔食洋蔥嘅，而呢個飯係冇得走洋蔥嘅，所以我每次都會挑晒啲洋蔥出嚟，不過今次啲洋蔥實在太多喇啩今次真係好失望，我食咗幾啖我就冇食落去啦

我們點了燒牛肉定食，還有餃子和凍奶茶。我本以為這是一頓豐富的日式美食，沒想到卻是一場災難。首先，燒牛肉的份量雖然不少，但是味道卻讓人無法接受。牛肉超鹹，這是腎虧之選，完全吃不到牛味，每一口都有玩命感覺，而且，牛肉的質感也不好，有些地方太乾，有些地方太肥，不均勻。其次，餃子的外皮有點鬆散，不夠緊密，影響口感。沙律和麵豉湯就正常。最後，凍奶茶是最令我失望的。這杯奶茶根本就是奶茶味的水，超淡，沒有奶香，也沒有茶香，這杯奶茶竟然要$18。總之，這間餐廳的食物讓我非常不滿意，沒有達到我的期望。我覺得這間餐廳需要改善他們的食物質量和味道，才能吸引顧客。

第一次來到科學園這個地方，很陌生但找到間日本人氣過江龍店。東京チカラめし 是平民牛肉丼品牌，除了沙田還有另外兩間分店。餐廳很明亮，座位都算舒服。會是QR Code下單，上菜速度都幾快。🍲牛肉壽喜燒 (HKD 88) 湯底很濃郁，帶甜味又不會太過火。份量也剛好夠吃完不用加水。蔬菜不算很多，主要是金菇。冬菇很厚肉，豆腐也很嫩滑。牛肉是分開上的，肥瘦都適中。轉烏冬需要+HKD 10。🍚芝士豚肉丼 (HKD 58/並)如果大吃的話可以選「大」的。不過女生來說並的都夠吃。豚肉上是滿滿的芝士，很厚身且可以拉絲，十分邪惡。肉的份量同樣很多，不過略嫌肥了一些。因為汁夠的關係，每口飯都很惹味。 🐔唐揚炸雞 (HKD 18/3件)很大舊，吃的時候還有點燙口。雞肉很滑嫩。🥬菜心 (HKD 12)因為覺得不夠菜就點了這個，沒想到會是菜心。就只是普通的白灼，放落壽喜燒煮煮才吃也不錯。整體來說，肉稍微肥了點，普通想醫肚子則可以吧。

今日順路見到呢間嘢好似幾吸引咁，就叫咗個外賣試一試，鹽燒牛肉丼+唐揚炸雞餐一開始見到呢碗飯就覺得好似好細碗咁，有啲對唔起呢個價錢..但食落先知原來啲飯係按實咗，都算多嘅，爭啲食唔晒然後啲牛好乾好un，煮得太老喇，咬唔郁，同埋冇咩汁，麻麻地最後咬到個嘴好攰，已經唔想再食了啲唐揚炸雞就硬咗少少同炸得過咗龍，但都算入到口嘅～Btw我個人覺得呢個價錢，應該要有杯嘢飲or有碗麵豉湯飲下..食完好頸渴啊啊啊～

{鹽燒牛肉丼+餃子x3+可樂 - $70}工作關係帶班年青人踩單車，中途站同佢地食啲嘢，因為科學園好多店都裝修中，所以走左入呢間疑似好味嘅，點知中了伏！叫左個鹽燒牛丼，嘩，牛肉柴到一個點，個飯濕到一個點！同餐仲有三隻餃！來貨嘢一早煎定，黎到竟然係凍嘅，啲皮已經硬埋！果一餐最好味嘅，係可樂😢究竟。。。我俾70蚊食左啲咩！加多一點，間餐廳因為天氣凍熄晒啲冷氣，但成間舖變到完全無空氣流通，大家食完都急急腳走！好在無影響同年青人一齊玩嘅心情！美味程度：😋環境指數：🎇番食機會：🦍📍 #東京チカラめし (沙田)沙田白石角香港科學園第二期12E號地下S085- S086號舖

之前同屋企人都黎過呢間餐廳幾次，通常食：1️⃣燒牛肉/豚肉丼，好味，肉、汁量都夠，個飯都好食👍🏻2️⃣鹽燒牛肉丼，抱住好奇心之下試，出奇地好味❤️3️⃣芝士燒牛肉/豚肉丼，芝士量都足夠，個飯食食下可以拉絲😄基於對上幾次既好評體驗，今次試左新野➡️野菜燒牛肉定食🍱主菜：野菜燒牛肉，成盤菜+肉咁上，味道較為咸，適合喜咸人士食用飯既份量亦較大，食唔哂浪費左⋯🙏🏻🤧如果用QR Code 落單嗰陣有得揀少飯就好啦味噌湯正常，入面既材料比其他日式餐廳多少少，沙律係一堆凍菜，無調過味，就咁食真係麻麻地，用返定食既汁、肉撈埋一齊食，又出奇地好食左，中和返牛肉既咸、沙律菜既淡🫢👍🏻定係個set原本既設計已經係咁食？呢個價錢+平日食物quality，喺科學園黎講算幾高CP值了，下次會再黎支持！

Not recommended hahaCame to try this new restaurant Ordered a grilled beef bowl with 2 pieces of fried chicken The chicken was COLDClearly they fried it before and just put in the bowl when someone ordered Although the taste was okay~, still shouldnt be cold in that waySo ironic that they put a sign saying “cook after ordering” Well, it didntNot much taste in the rice Rice were too soft and watery 4 sauces were given and u can clearly see the top layer was old in the grilled sauceTasted weird Hi

之前見到網上雜誌推介呢度嘅芝士燒牛肉飯，好似好吸引咁，之前食過呢度嘅普通燒牛肉飯都幾好味，今次就嚟試吓啦呢度係用QR code落單嘅，而且係冇+1 ，非常好。今日目標明確，直接落單芝士燒牛肉飯一上到嚟，成碗都係芝士粉同埋芝士！等我試吓佢係咪同網上食評一樣嘅先。哇！原來真係可以拉絲！呢個飯真係好好食，牛肉同埋芝士嘅份量都好多！撈勻之後，每一啖都係芝士飯同埋牛肉，真心好幸福！係每一啖食落去都有幸福感🥲🤤但係呢個飯實在太漏！最後係食唔晒嘅

1.呢間分店位於科學園，踩單車踩到半路入來食個飯，小休一會係唔錯的選擇。2.呢間分店好大，喺星期六午飯時間都不用排隊，仲可以揀坐窗邊卡位方便睇住泊喺出面的單車。3.食物方面，叫咗招牌燒牛肉丼（普通）加溫泉蛋，及招牌燒豚肉丼（普通）加溫泉蛋各一。只有普通碗及大碗兩種選擇，普通碗的飯量對我來說都太多，但醬汁唔多，所以要點溫泉蛋撈飯食。4.牛肉同豚油都偏肥，用上秘製醬油煮，吃落會覺得有點膩。（之前在旺角分店姇過鹽燒牛肉丼，牛肉吃起來無咁膩）。5.鋪喺飯上的麻油拌菠菜麻油味好濃郁。6.回頭指數：🌝 🌝 🌝 🌝