東京チカラめし

營業中

休息中

今次行到白石角科學園，搵到呢間來自東京嘅「チカラめし」，主打燒牛肉丼，一個飯再加三隻煎餃，只係六十蚊，對於科學園午市嚟講算幾抵食！🍚燒牛肉丼（中）+ 餃子三隻 $60燒牛肉丼一上枱就聞到陣陣香味，牛肉片鋪滿成個飯面，煎香之餘帶少少焦脆位，帶甜味嘅醬汁滲入白飯，食落鹹中帶甜，幾開胃。牛肉口感唔算太嫩，但勝在夠味，熱辣辣食幾滿足。配菜方面仲有少少洋蔥，平衡吓牛肉嘅膩感，白飯軟硬適中，不會太濕，吸晒燒汁一啖啖都幾惹味。餃子就屬日式薄皮煎餃，底煎得脆口，入面餡料唔算太多，偏淡口，可以配埋佢哋嘅醬油辣油一齊食會好啲。三隻嘅份量啱啱好，當小配菜唔錯。

科學園快閃🙂🙂冇乜特別嘅hidden agenda 純粹過嚟兜吓風行吓，搵吓嘢食Hea下😆 膚淺膚淺🤪小食 正常發揮 有薯角，有泡菜，有鰻魚☺️椰菜肉片 份量好多 味道偏淡，我要點泡菜一齊食😆個人比較鍾意牛肉 入味啲送飯好食啲 另一個係椰菜炒牛肉 都係份量超足，味道很好👍 有湯有沙律有飯 就轉個麵豉湯都幾好飲有好多選擇 免收加一超抵食 現場都見到餐廳有好食客 下次有機會一定會再嗌其他，試吓其實望到佢旺角有分店，已經想去試😂😂報告完畢🤭

燒牛丼元組係一間CP值超高嘅日式丼飯店，由日本開到嚟香港都已經有幾年㗎啦，佢唔止份量大，而且仲要免加一服務費，兩個人食到好飽，埋單都唔使$300, 真係親民好實惠！餐廳設計簡潔，座位闊落，餐牌好清晰見到有好多種類，除咗人氣必點🐮牛丼，仲有🐷豚丼！另外亦有鐵板燒和定食：野菜燒牛肉丼，鰻魚丼等等；而且仲有小食：炸雞，餃子，季節時蔬🥬🤭𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒ᵂᴴᴬᵀ ᵂᴱ ᴼᴿᴰᴱᴿᴱᴰ𓐎燒牛肉丼配溫泉蛋 $58牛肉丼飯配上溫泉蛋撈勻食，每粒米都係蛋漿汁，真係會食唔停口🫣而且牛肉係即烤即燒，肉質又嫩滑香濃，但有微微焦香，真係食得好滋味😋𓐎鹽燒牛肉丼配唐揚炸雞兩件$68另加 溫泉玉子$15用上優質美國牛腹脅肉，同樣加上溫泉蛋係冇得頂👍🏻 跟餐有兩件唐揚炸雞，都好香脆可口，外脆內軟滑，仲好Juicy 架，估唔到呢間炸物都咁出色👍🏻𓐎牛肉壽喜燒$98-加配烏冬$10一向牛控嘅我，仲點咗壽喜燒，壽喜燒汁甜度適中，牛肉配埋烏冬胃口大增🥰𓐎吉列蠔 $40炸蠔外層麵包糠香脆，入口鬆軟，蠔嘅鮮味突出，有驚喜👍🏻𓐎凍檸樂$15真心推介俾大家，如果有時間行過一定要試！估唔到質素咁高，每樣都唔會令你失望😌

🐮招牌燒牛肉丼配餃子三件 💰$58燒牛肉丼用左美國嘅牛腹脅肉，肉片大大塊，再加埋洋蔥、菠菜、芝麻同埋特製醬汁，經鐵板燒烤逼出油脂後，牛肉就更香，但仲可以夠嫩，加埋溫泉玉子撈飯都係$15，有埋蛋汁更加正🤩另外餃子有三件，size唔算好大，帶微脆🧀芝士旨辛雞肉丼 💰$55香港限定款式‼️睇中佢係因為見到餐牌幅相嘅芝士好誇張，好邪惡，原來真係會做到拉絲😆芝士係用左水牛芝士碎及巴馬臣芝士粉，芝士面再落咗啲辣椒粉，芝士嘅份量完全遮晒啲雞肉，加上辣辣地，邪惡得來好惹味😂🥘咖喱飯配炸蠔 💰$78Chikara嘅日式咖喱唔同其他國家嘅咖喱，入口香甜濃郁，一啲都唔辣，咖喱汁嘅份量唔少，用嚟撈珍珠米飯實夠，另外揀咗配炸蠔，炸蠔有三件，炸得金黃，夠脆🔥唐揚炸雞三件 💰$18日式炸雞食落都脆口，雞肉都嫩滑🍜湯烏冬 💰$25唔想食飯可以揀另外叫烏冬，但係就冇得跟套餐，我自己就加埋溫泉玉子落去食，然後再叫唐陽炸雞，加埋就好似自己自製一個套餐

週末去了科學園踩單車，多年沒有來這個地方，原來現在已經開了不少有特色的餐廳，而且還位於海濱長廊附近，環境不錯！今次吃的餐廳叫東京チカラめし，有各種不同的日本菜式選擇，無肉不歡的我點了牛肉壽喜燒，鍋物有菇菌、芋絲、白菜、胡蘿蔔等等，另點了烏冬作為主食及追加了一份豚肉(100g)。牛肉味道濃郁，肥瘦適中，吸滿壽喜燒湯底很美味。整個鍋份量都很多，價錢相宜，吃得很滿足，調味適中不會過淡😆另外點了旨辛燒牛肉定食，這個菜式是用鐵板上桌，燒牛肉伴炒椰菜及泡菜，味道有微微辣，開胃惹味，份量很多滿滿一碟，牛肉也不會過老而且很入味，十分推薦👍🏻而定食還有日本米飯一碗，沙律及味噌湯 。唐揚炸雞賣相吸引，一份有三件每件都很大件，肉質很juicy，而且炸皮不厚，日式炸雞果然不會令人失望餐飲加$18可以跟凍檸樂，冰鎮可樂很解渴，配搭著今日的餐點十分滿足！😋

望到有好多唔同嘅牛肉飯同咖喱飯真係好吸引！決定試吓佢哋嘅重量燒牛肉飯同鰻魚～仲叫咗個溫泉玉子配餃子。重量燒牛肉便當真係好大盒！份量超級足料！牛肉份量好足！仲有洋蔥同埋薑絲可以一齊食～食落唔會油膩！再來就係鰻魚,個鰻魚肥美滑溜,外邊焗番一層烤漆，配埋白飯一齊食，真係好有喺日本既感覺！牛肉壽喜燒配烏冬真係好match!壽喜燒嘅牛肉好新鮮！壽喜燒甜甜好好味！仲有好多唔同嘅菜健康又美味！我再加咗個溫泉玉子,咁滑嫩嘅蛋黃,流落入面嘅時候,真係幾滋味！最後連埋餃子！餃子皮薄餡厚,汁多味美,重重嘅煙韻同豬肉香味～

踩完單車🚴 向科學園渡過一個午餐落地玻璃過江龍🇯🇵食堂「東京チカラめし」以豬、牛、雞、海鮮、餃子、咖哩、野菜等⋯定食及丼為主，仲有壽喜燒🥘整體飯嘅份量足夠有餘，抵食～壽喜燒牛肉壽喜燒（+10轉烏冬）牛肉、冬菇、金菇、小棠菜、京蔥、魔芋絲、豆腐及甘筍；牛肉細嫩，發揮材料吸收好平均咖喱飯$43簡簡單單黑咖喱飯配蘿蔔腌菜已經她開胃，仲有啲辣度+$12泡菜芝士燒牛肉丼(大)$68| 燒豚肉丼 $48用到粒粒飽滿嘅珍珠米，兩款上面蓋滿肉；牛肉芝士拉絲邪惡大滿足，啖啖肉都帶住黑椒和醬油香氣，2碗份量深厚大碗☕️熱咖啡$10｜🍋凍檸檬茶$18

話說大家去日本都會話“返鄉下”🤣但確實唔係成日有假期可以回鄉思鄉嗰陣阿公就會搵家鄉嘢嚟食頂住檔先😝卒之搵到去科學園🤪門口好Sharp醒嘅 橙色招牌入到去以簡單木系裝修🪵食物以豬🐽牛🐮雞🐔為主體再演出唔同嘅食法🤤例如鹽燒🧂咖哩🍛炸物🍤鐵板🍳等等而且仲可以選丼飯或者定食丼飯仲可以加小小錢揀大飯▫️◻️完全滿足哂所有唔同食量人士♾️食物質素 梗係睇相就清楚哂啦😉其實夜晚嚟到 環境唔洗多講好清優好舒服😚餐廳一出已經對住海邊🏞食完餐美味嘢再行下海邊咩嘢煩惱都無哂啦🤩大家都嚟試下啦

科學園其實都有幾多餐廳，今次就去試東京チカラめし，佢係日本一間鐵板燒牛肉丼連鎖店，種類繁多，主打價廉物，岩哂打工人食亦適合假日過黎踩單車既朋友食😎.🥟餃子 $18三件餃子底煎到微脆，皮薄餡靚夠juicy.🍤吉列蝦 $40新鮮炸起咬落脆卜卜，炸漿唔會太厚，蝦肉無雪味，好食🤤.🦪吉列蠔 $40同樣都係新鮮炸起咬落脆卜卜，炸漿唔會太厚，蠔都幾大隻，外脆內軟，好香口.芝士年糕 $30芝士年糕幾出色，煙煙靭靭，一啖咬落去芝士漏晒出嚟，芝士味超濃郁！好邪惡啊～.鰻魚丼 $58鰻魚厚肉肥美，醬汁味道超濃，送飯食一流！.旨辛燒牛肉定食 $78呢個set勁豐富，有麵豉湯、沙律🥗做前菜，牛肉同埋野菜同泡菜一齊炒，辣辣地好開胃.雪碧 $12玉泉忌廉 $12.

主打即叫即烤日式鐵板燒肉丼嘅日本人氣過江龍店東京チカラめし, 我哋一直想試好耐!! 座位夠闊, 好大嘅玻璃窗, 採光度好充足, 環境唔錯🫰🏻QR Code下單, 上菜速度都好快! 我哋叫咗:- 牛肉壽喜燒湯底好濃郁, 帶甜味, 大人小朋友都啱食👍🏻 牛肉係分開上, 份量好足夠, 蔬菜就少咗少少, 但佢有提供加配選項, 有需要可以加配. 整體材料份量啱啱好, 夠食完都唔使加水, 保持湯底keep住濃郁好味道到尾!燒牛肉井配餃子3件招牌燒牛肉嘅秘製醬汁幾好味道, 單點丼飯可以揀 並(普通碗) / 大碗 / 重量級三個不同大小👍🏻兩個都性價比極高, 去開科學園值得試一試!

東京チカラめし分店有2間，一間係旺角，另一間就係沙田科學園，每次踩單車都鍾意喺科學園搵美食。今次踩單車到呢間日本菜快餐店進食🍱🍜日本人氣食丼飯，座位舒適，以自助方式，掃QR code落單。✅豚肉壽喜燒(烏冬）$98✅唐揚炸雞（$18/3）✅溫泉玉子$15✅餃子3件 。$18✅熱咖啡$10 總括：喺科學園內可以用實惠價錢食到CP高嘅食物,真係假日首選餐廳。🎊東京チカラめし沙田白石角香港科學園第二期 12E號地下S085 - S086號舗

晚上踩單車來到科學園，就會經過呢間東京チカラめし來自日本的分店，價錢真係超級親民，兩個人食到捧住個肚走都只係三百蚊左右，味道仲好好。餐廳環境好大，擺位同日本嘅餐廳差唔多，乾淨企理⭐牛肉壽喜燒 +加多份牛肉牛肉畀預期中要好，又幾好食，牛肉味濃而且煮完仲保持嫩滑，加少少玉子蛋汁食仲正。⭐辛辣燒豚肉定食呢度鐵板燒豚肉定食份量好多，仲有沙律和味噌湯。雖然話係辛辣，但係算BB級，贏在夠惹味。⭐炸雞（三件）炸雞要食呀，非常juicy多汁。⭐泡菜⭐溫泉玉子 東京チカラめし #日式丼飯# 科學園#日本菜 #japanese #科學園美食 #香港美食

🥰屋企人知道我最鍾意就係食芝士，超級鍾意食日本丼飯，佢早排去科學園返工話發現到一間食日本丼飯嘅舖頭，竟然有芝士拉絲丼飯食😲就約咗我星期四去到科學園嗰邊試下原來去科學園係好近嘅！只係喺大學站嗰度搭巴士，五分鐘多啲就已經到咗😂天氣超熱，我哋行到過去滿頭大汗,一入去發現冷氣好充足！！樓底好高，同埋枱面有凍水畀你自己斟好細心呢度係qr code落單嘅但係侍應睇到我搵嚟搵佢都搵唔到啲項目佢就拎咗餐牌畀我睇😂我哋叫咗三個飯食🥰🔥旨辛燒豚肉丼呢個飯嘅豬肉辣辣地好開胃，裏面配有一啲炒過嘅野菜好清甜，應該係珍珠米，圓碌碌入口煙煙靭靭🥰🔥燒豚肉丼配唐揚炸雞呢個燒豚肉嘅肉汁非常好味🥰配搭洋蔥炒過嘅豚肉，豚肉亦都唔會好硬，非常之淋滑🔥芝士燒豚肉丼拉絲！拉絲！拉絲！超濃厚嘅拉絲芝士，配上豚肉原來係可以咁好食嘅！！佢額外喺飯上面有一啲醬汁令到成個芝士嘅味道昇華咗🥰芝士控一定要試下🥳🐔小食餃子，溫泉蛋，唐揚炸雞餃子底係脆嘅🥰個面同裡面仲係好juicy溫泉蛋我加咗入飯裏面食，濃濃嘅蛋香味🥳炸雞炸得夠乾身但係裏面都仲有肉汁，可以點下佢枱面嘅醬汁，非常搭配📍東京チカラめし沙田白石角香港科學園第二期12E號地下S085-

依間餐廳近住海邊，平日下午除了科學園區人食，仲有好多單車🚴‍♀️友泊車係外面當係個休息點。餐廳窗口同一部分天花使用玻璃，陽光☀️照入來，開揚感十足。食物款式多元化，包括：日式丼、鐵板飯、定食、咖哩飯及壽喜燒火鍋🍲。野菜燒豚肉定食用小鐵板上菜，豚肉份量剛好，底下墊了很多椰菜，很健康。豚肉肉質爽口，有少少油份。［小食］餃子3件及吉列蠔4件—小食即叫即製，外皮外脆。餃子🥟內的肉餡味道剛好。蠔🦪肉彈牙。［壽喜燒］ 牛肉（配烏冬）牛肉係一碟分開上，鍋內有冬菇豆腐及野菜。牛肉色澤偏淺色幾新鮮，肉質嫩滑。加配豚肉：兩人share一鍋想試埋豚肉；壽喜燒汁都幾濃味；豚肉索晒味好正😊

呢間東京チカラめし，日本過江龍，好有日本feel 😂座位夠闊，仲有自助飲水機添！🤩⭐牛肉壽喜燒⭐湯底好濃郁，帶甜味，牛肉肥瘦適中，好正！🤤 不過蔬菜就少咗啲，主要係金菇同冬菇，如果可以加多啲其他蔬菜就更完美啦！🥬 #壽喜燒 #牛肉 #熱騰騰⭐炸吉列蠔⭐蠔好大隻，炸到金黃色，外脆內軟，好香口！🤤 不過個醬汁就普通啦，唔會特別驚喜。 #炸蠔 #香脆 #外脆內軟⭐豚肉⭐豚肉燒得幾香，肉質唔會太乾，但係就比較肥，食得多會膩。🐷 #豚肉 #燒肉⭐菜心⭐菜心就普通啦，白灼，冇乜特別。🥬 #菜心 #清炒⭐蔬菜拼盤⭐蔬菜拼盤就比較豐富，有番茄、青瓜、蘿蔔等等，可以解膩。🍅🥒🥕 #蔬菜 #解膩 #健康飲食