李家 (山林道)

營業中

休息中

每當我想食韓式炸雞既時候， 好多時第一時間都諗起李家。李家除左係作為香港第一代既炸雞店，成功帶起炸雞熱潮之外，仲因為我第一次喺香港食韓式炸雞就係食李家，所以成為左我心中永遠既No.1。❤️自選半半炸雞（原味+醬油味） 佢除咗有先set好咗嘅半半炸雞之外，其實仲可以自選雙併，非常貼心！仲有無骨雞可以簡tim ar! 我朋友最愛原味，而我因為想試下醬油味，只可以簡有骨雞。不過其實都係啖啖肉。炸雞炸得超香脆， 平時食kfc話打我一定唔食皮🥴， 但呢度嘅炸雞皮實在太香呀， 我全部都食曬🫣。外脆內軟充滿肉汁，原味可以食到 雞有雞味， 另外有個特製醬可以比你沾住食，個醬真係勁正，小小甜辣帶有蒜香，勁惹味。而韓式醬油味係以生炸既方式去炸，無左個層炸皮好似無咁熱氣😂。炸雞被醬油包裹住，充滿醬香味但陣唔會死咸，都幾好食。芝士+韓式鳳爪+薯塊 我成日睇YouTube見人地食韓國野都會介紹呢隻可以拉到超長既烤芝士，原來呢度都有🤤！ 唔知有冇人同我一樣都係好鍾意食韓式鳳爪， 之前去廣藏市場 我一定會點無骨鳳爪嚟食， 係香港成日都搵唔到，呢度都一樣有。我最想食嘅兩樣combine埋一齊❤️ 呢度既鳳爪比韓國多咗中間

✨芝士雞蛋卷超大份 應該可以足夠四人分享雞蛋卷 質感厚實 有淡淡蛋香 中間有少少芝士 芝士味唔算好濃 趁熱食會有少少拉絲效果 沾上茄汁同甜芥茉醬食味道酸酸甜甜 幾惹味✨芝士調味炸雞炸雞熱辣辣炸起 表面灑滿芝士粉 外層鬆脆 肉質軟腍 味道鹹香 好香口✨蜂蜜蒜蓉炸雞炸雞香脆 肉質偏結實蜂蜜落得重手 味道香甜帶濃濃蒜香 微辣 味道幾豐富✨蘋果西打麗塔蘋果味清香 有淡淡酒味 易入口好清爽 係配炸雞嘅另一好選擇總結：食物可以 份量足環境服務正常 價錢可以

韓迷同事至愛吃炸雞，話李家炸雞正宗又美味，餐廳卡座位寬闊舒適。剛坐下店員送上醃蘿蔔、沙律🥗我們點左原味炸雞$168Original Fried hole Chicken份量頗多，炸得鬆脆又可口，雞肉嫩滑又多肉汁，沾醬更惹味。😍😍😍燒烤雞$198BBQ 醬少少辣，雞肉好香滑好夠味，上層年糕好煙靭，底層有洋蔥🧅增添香氣。芝上雞蛋卷$128Cheese Egg Hrap蛋味香濃很滑好好食，蛋捲頗多的芝士，夾起時芝士流出來，很滿足很美味👍👍👍。

🍗粟米味炸雞 自選半半炸雞 $123 另收加一 (8/10)揸得好香脆雞肉又好亂畫有肉汁！有幾舊炸粟米同埋粟米片，粟米咬落去好香甜，炸雞粉有股香甜嘅粟米奶香味，粟米味都幾香，又有少少鹹鹹定甜嘅感覺！都幾特別！🍗青辣椒蛋黃醬 自選半半炸雞 $123 另收加一(9/10)蛋黃醬好香好creamy，有輕微嘅辣椒香，但一啲都唔辣，加埋上面嘅洋蔥絲有少少攻鼻好清新！唔會好膩好清新感覺，好食🤤🍴 韓式玫瑰炒年糕 $188另收加一 (9/10)哇呢個好驚喜嘅，冇諗過年糕呢佢會做成烏冬咁嘅樣，好似麵條咁樣方便過平時食咁粗嘅年糕！年糕非常之煙韌有口感，同時亦都非常卦汁，個醬汁係香香辣辣，有一種意式香料嘅香味，似辣醬加咗忌廉，幾creamy，仲有啲香腸魚餅，蕃茄仔，感覺好西式，雖然越食越辣，但越食越想食。推薦指數: 9/10真心係好好食，錢又唔貴，估唔到玫瑰炒年糕都好好食，不過份量都幾大可以幾個人share！

走到山林道的盡頭，就在酒店的對面有一間炸雞店。店內環境有點像韓國街頭的小店，大部分都是卡位。蜂蜜蒜蓉炸雞 | $118叫了半份半份的炸雞雙拼，半半炸雞只可選同款有骨或無骨，我們要了無骨雞脾肉，食得爽快點。有蒜蓉在炸雞上，加了大量蜜糖，多到浸著底層的雞，不會太甜，雞炸得好脆，另有幾粒蒜蓉。甜辣炸雞 | $103不會太辣，怕辣的朋友都食到，炸粉好薄，而雞肉依然嫩滑。兩個人食兩個半份都食不完。海鮮蔥餅 | $168好大塊的蛋餅，有蝦、墨魚條，蝦肉爽口大隻，蛋餅帶少少煙韌，夾著一些大蔥，味道幾香。濟州橙汁 | $28橙汁甜度適中，夠冰凍。兩款飲筒都配了色，好突出。西柚梳打 | $38要了少冰，幾開心餐廳真的有做到少冰，不會超凍，亦都不怕冰溶後溝淡了味道。西柚梳打好解渴，配炸雞好正。

呢間可以名為係香港元祖級別嘅韓式炸雞店，由正宗韓國人主理，提供各式各樣嘅傳統韓式主菜同小食，更有多款啤酒飲料俾大家啤一啤🍺 餐廳環境舒適，座位距離適中，燈光較暗，店員服務態度友善，幾適合同朋友過嚟聚餐😚海鮮炸醬麵份量驚人，麵底偏淋身，醬汁夠多，以黑豆製成，鹹度適中，食完都唔會覺得口渴，而且海鮮嘅配料都好足夠，魷魚大大條，彈牙爽口🦑、八爪魚帶點煙韌，蝦仁鮮甜爽滑、同時混合豬肉碎、蔬菜、薯仔、洋蔥、青瓜絲等食材，搭配店員提供嘅椰菜絲同酸蘿蔔，十足十模仿到韓劇裏面男女主角食到舔舔脷嘅情節呀😋聽聞年糕餃子湯係韓國家庭農曆年必食嘅小菜之一，年糕片口感軟糯、餃子飽滿又多汁，配上清甜嘅湯頭十分match！平平無奇嘅炸魷魚鬚反而有驚喜，新鮮炸起熱辣辣，足足有成兩大條，炸皮唔厚，外皮脆身，內裡彈牙，不得不讚竟然仲放咗把鉸剪俾客人，方便食用！另外私信推介蒸水蛋，完美嘅水分比例，簡單又美味💞

山林道有好多餐廳，如果你有恆心，行到入最後面，就會發現有間韓式店，👧🏻半半炸雞 $211(跟口味有不同) 有好多款，你可以揀有骨/無骨，我既最愛係甜辣，另一款揀左蜂蜜蒜蓉，因為中意食有醬既多D，佢既甜辣既係偏辣少少既，但又未至於超辣，所以就算你唔食得辣，都無問題~蜂蜜蒜蓉完成係螞蟻人最愛，甜甜既，仲有一堆蒜蓉，份量又多，每半份有大約7,8件，食到一半見到底部全部都係醬汁，滋味程度100分！ 👧🏻雪濃湯 $168味道濃郁，仲有D牛肉，我地再加左$15要個白飯，湯配白飯好正！ 👧🏻蘋果梳打 $38 下次會再想試其他炸雞！

無骨半半炸雞 （蜂蜜蒜蓉炸雞+甜辣炸雞）$203芝士拼辣BB豬骨$298韓式魚餅湯$169好味指數：😋😋😋😋😋抵食指數：💲💲💲💲環境舒適：😌😌😌😌 環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：去完韓國🇰🇷，男朋友見到我在韓國吃過的食物，覺得好吸引，好羨慕。為了報答他辛苦幫我照顧2隻貓6天，所以就請他去吃韓國炸雞🍗。選了去李家，印象中這是第三/四次到訪了，暫時仍是我在香港去過最好的韓國炸雞店。今次2人點了3款食物。無骨半半炸雞 （蜂蜜蒜蓉炸雞+甜辣炸雞）量好多，似是2份炸雞🍗。炸雞粉漿薄又脆。甜辣汁不太辣，不能吃辣的男朋友也吃得到。蜂蜜蒜蓉汁甜甜的，小朋友應該喜歡。炸雞的量比想像中多得很，最後吃不完要打包。喜歡那個外賣紙盒，跟韓國的餐廳外賣紙盒🥡一樣，可以讓我延續我的韓國之旅。另外，盒內有錫紙，可以做到保溫效果，又方便我回家直接取出放進焗爐翻熱。芝士拼辣BB豬骨肉質好腍，辣得過癮。烤熱過的芝士捲著BB豬骨拉起，可輕易做到拉絲放效果，極度邪惡。薯角夠脆。韓式魚餅湯塞滿魚餅在鍋內，吸盡湯汁。除了魚餅，還有芽菜。個人認為比我在首爾廣藏市場吃過的魚糕味道更好。最近天氣比

悠閒的日期，最好相約姊妹聚會，姊妹的話題總是離不開對食物的美味程度，「李家」尖沙咀的韓國菜，味受精緻富有特色，享受慢活寫意的生活，當然感覺開心快活。裝修有韓國的氣氛，播住韓團mv，店內高樓底，空間感幾好，舒適很寫意，乾淨整潔，自在輕鬆。我點選了幾款食品，食物質素良好，上菜速度頗快，享受美食的滿足滋味。沙律菜及醃蘿蔔店員先送上沙律菜及醃蘿蔔，沙律菜清新，醃蘿蔔酸酸地，味道不俗。半半炸雞（原味＋甜辣）餐廳以主打家傳秘方製作炸雞，一半係原味，另一半係甜辣味，即叫即炸，炸到金黃色，外脆內軟，肉質鮮嫩，非常香脆，我比較鍾意甜辣味，少少辣，甜度剛好，食落非常好味，仍然保留了誘人的味道，味覺和口感湧現出來。牛肉炒粉絲牛肉炒得有鑊氣，入面有好多牛肉，粉絲也入味，多菇食落質感軟綿，十分清爽，美味可口。薰衣草梳打水入口味道清新，不會太甜，陣陣薰衣草味，非常止渴。藍色多腦瑪梳打水顏色好靚，令人心曠神怡，喝後在喉嚨徘徊片刻，充滿優雅不膩的滋味，口感細膩的飲品。李家（尖沙咀）地址：尖沙咀山林道54-56號利雅商業大廈地下2號舖

來到“李家”= 一秒到韓國這是我最喜歡的炸雞店皮薄多汁 不油不膩不塊是老闆祖傳秘方的炸雞我每次來都必點原味因為李家的炸雞很特別不需要添加其他的味道就可以嚐到最鮮甜的原味皮是皮肉是肉汁是汁還可以選有骨或無骨一半一半的口味混合 “燒五花腩肉”請看照片鐵板上的五花腩肉好像會跳動配上特製辣蔥和醬菜單吃腩肉 或是 夾著配菜吃都可以獲得巨大的滿足“芝士粟米”拉絲芝士加上鮮甜玉米綿綿長長到天邊的拉絲程度“趁熱吃”可以吃到世間上的所有美好“辛拉麵”每次到韓國餐廳必點的是一個儀式感今天來吃的時候剛好天氣很冷吃上一口辛拉麵真的幸福李家就是你家我一定會常常來的

今日出開柯士甸做野，又落雨，行過山林道，見到上次食過既荃灣李家，呢到都有，好掛住佢個炸雞同芝士雞蛋卷，就同同事入左去。正宗韓國人，入單既姨姨都係講韓文，好地道。由於得2個人，我地叫左份炸雞，呢到好好，可以拼2隻味，簡左上次試過輕微嘅蜂蜜蒜蓉味，上次我想試，試唔到嘅粟米炸雞。$241黎到唔止熱辣辣，一咬開好多肉汁，而且入邊啲肉好滑好入味。蜂蜜蒜蓉甜甜地好好味，粟米味入面仲有幾截粟米，好好食。芝士雞蛋卷同上次一樣咁好味，好香蛋味，一切開見到一層層，好考功夫，中間仲有芝士拉絲。兩杯梳打，士多啤梨好似食緊糖，檸檬好清，好解喝。

🐣好耐無食過韓國炸雞，諗起炸雞就一定係諗起李家，第一次接觸韓式炸雞亦都係佢🔸自選半半炸雞想試多幾隻味既岩哂，另外可以揀有骨同無骨，自己就揀左有骨1️⃣蜂蜜蒜蓉炸雞每件雞都沾滿蜂蜜，面頭仲有蒜蓉，炸粉一啲都唔厚，脆卜卜2️⃣醬油炸雞醬油味好濃，咸咸香香，尼款同另一款唔同，面層無炸雞，少少似烤雞🔸雪濃湯天氣凍飲岩哂，飲完成個人都暖笠笠，牛骨味好濃好甜，入面配埋啲麵線，麵線索哂湯既味，牛肉好軟腍🔸濟州橙汁飲到有少少果肉，似鮮榨橙汁🔸西柚梳打顔色好靚，味道似平時飲個隻西柚味汽水😆

上次因為太飽, 無食到李家嘅鐵板難得今日去開尖沙咀, 就俾朋友拉左去食<芝士拼辣韓式豬手>李家嘅鐵板好受歡迎, 基本上每枱都會嗌一份share用煤氣爐熱住嘅鐵板, 野食可以keep住熱辣辣, 冬天必食芝士拼辣韓式豬手份量好大, 芝士落得一啲都唔手軟配搭香脆薯皮同入味膠質辣豬手, 簡直一流<他拿麗塔>傾計食鐵板最啱邊飲酒邊食, 他拿麗塔酒精感唔太重, 味道甜甜哋好啱女仔飲<科蘿拉麗塔>朋友嘅科蘿拉麗塔啤酒味就重少少, 鍾意酒精嘅朋友可try try

尖沙咀｜李家 韓國人經營🇰🇷皮脆肉嫩炸雞🍗(新)玫瑰醬炒年糕 $204- 醬汁同辣雞麵卡邦尼口味一樣，辣辣地，又有啲忌廉、好濃厚。仲有好香嘅香草味，同年糕好夾🤤🫶🏻🫶🏻- 年糕份量超多超煙韌，3-4個人share完全冇問題👍🏻半半炸雞🍗(冇骨) $178<原味>- 炸粉唔會好厚，雞皮炸到好似薯片咁脆，而雞肉leep到好嫩、好熱🥰👍🏻<甜辣>- 原味炸雞上面淋上甜辣醬，鐘意重口味嘅朋友可以試試👍🏻保持到雞皮嘅脆口，又多汁🍗🤤前菜(左)士多啤梨梳打 $38(右)西柚 $38 <— 推薦👍🏻🔺有加一服務費整體而言▪️味道 4 / 5▪️環境 4 / 5▪️抵食 4 / 5📍 尖沙咀山林道54-46號利雅商業大廈地下2號舖

星期日過左lunch時段都咁多人，可想而知佢既炸雞有幾出名！送既泡菜有醃蘿蔔同椰菜絲，一大碟既酸蘿蔔配炸雞時食就最岩！蜂蜜蒜蓉炸雞 $208一大盤有十幾件炸雞，炸雞件件大塊，雞槌雞翼都有。由於炸醬唔厚，所以份量真係好多！！好在真係好好食，雞肉唔嚡唔乾，我哋先食得哂！雪濃湯 $168太多年無去韓國，要叫番個雪濃湯一解鄉愁！熱辣辣飲個湯驅走寒氣，湯有牛肉味清甜不膩。仲有碟泡菜蘿蔔, 加$15跟個白飯，食埋個飯真係非常飽！一人一杯梨汁同桃汁（$28/杯），甜味剛剛好，唔會太甜/死甜。