李圓圓 (寶安大廈) (已結業)

黑糖珍珠鮮奶2.0 $33.又一杯定價幾貴既珍珠奶茶. 不過難得飲一次 就由佢 點知撞正新開張買一送一🤣🤣🤣等左45min就有得攞.其實對李圓圓有好大期望 因為好多blogger 都推佢做第一 而我又未飲過😮😮😮 首先講個賣相我覺得麻麻地 因為冇黑糖掛杯效果 已經唔值$30🙄 不過可能買一送一太多單太忙.味道方面就唔差既 2.0既奶味真係會濃d 但係感覺都係冇老虎堂咁濃😅😅 超多珍珠 粒粒都彈牙 同埋唔甜 飲完都飽晒😂🤣 下次試第2間先 我覺得普普通通啦..李圓圓 (旺角)旺角旺角道30-36號寶安大廈地下E2號舖

⁣⁣⁣⁣⁣⁣李圓圓最近喺荔枝角同埋旺角都開咗分店啦。 🤩於是去一去新分店試下。⁣⁣🧐⁣⁣黑糖珍珠鮮奶2.0（$33）【好味度：7/10】⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣2.0版本同埋冇2.0版本分別就在於，2.0版本嘅牛奶再多30%。🥛 所以佢嘅牛奶味係重少少嘅。🐮 而且呢度嘅牛奶味呢都好天然。😙 開頭杯底都好熱，因為係現煮黑糖珍珠。😆 店員特登提醒我哋唔好搖杯嘢飲，如果唔係啲冰就會好快令到珍珠硬化，冇咁qq。🥺 可能因為考慮到香港人都唔鍾意飲太甜，本身嘅黑糖味就比較少，其實可以叫店員落多啲㗎。⁣⁣😅⁣⁣黑糖珍珠奶昔（$33）【好味度：7/10】⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣夏天天氣咁熱嘅情況下，飲呢個就最合適，最涼爽嘞。🍧 因為佢個奶昔係冰沙嚟整嘅。😆 多咗落冰，自然奶味淡少少，但係最緊要夠冰涼。🥶 同埋呢個都係比較少甜，唔鍾意飲咁甜嘅都可以嗌呢個。⁣⁣😉⁣⁣冬瓜鮮檸檬（$22）【好味度：7/10】⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣唔鍾意飲黑糖珍珠咁滯嘅話，都可以試呢個。😗 甜甜嘅冬瓜味配上酸酸嘅檸檬好balance，味道夠曬清新。⁣⁣🥳

作為奶茶控既我，早聽講過係台灣淡水既李圓圓，黎左香港開。剛好同朋友出去買野，經過見到竟然開左係旺角。畀我係金鱼街街頭發現到佢，梗係點最熱門既黑糖珍珠鲜奶2.0試試佢。相比1.0版本，2.0厚奶版的鮮奶份量增加了30%，而唔係杰撻撻既cream或奶蓋個d, 無咁邪惡店員話珍珠都係用黑糖煮足兩個鐘，好彈牙又入哂味，下面係暖既珍珠，中间是濃厚既鲜奶，加上上面既碎冰口感豐富！朋友點左黑糖珍珠奶昔，聽講其他地方無得飲，呢杯要盡量快d飲，因為好快溶

不嬲間唔中都會去佐敦李圓圓飲番杯黑糖珍珠鮮奶，早排見到FB post話旺角開左分店，跟住就專登去飲番杯兼食番舊臭豆腐去到搵左一陣原來係天橋隔離遮住左，係通菜街麥當勞隔離，跟住照舊叫杯佢地招牌黑糖珍珠鮮奶2.0啦，收銀妹妹好貼心話比我聽下煲珍珠5分鐘後就會出，問我會唔會等多陣食啲新鮮啲既，原來兩個鐘換一次珠係真既賣唔晒都會倒左佢，真係好講究質素跟住等左一陣就到手喇，可能係新鮮出爐既關係，冰火既感覺更加強烈，真係再等多陣都抵番晒啦，希望可以繼續keep住個水準，等我繼續有好野飲

見新開張打算一試，買咗招牌黑糖珍珠鮮奶2.0，價錢$32算係區內最貴。點知收銀員隨手勺左珍珠入杯就禁倒奶加冰 過程中完全冇掛杯或者厚奶成份。是是旦旦整左杯野出尼比客就算！！飲落就好似三十蚊買杯奶 飲到一半已經啖到冇味想丟落垃圾桶！大家千奇唔好貪新鮮光顧🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢