杉玉 (香港仔中心2期)

營業中

休息中

開咗咁耐, 幫襯過兩次, 第一次食午餐, 選擇小質素不過不失, 今次食晚餐就出事, 唔怪之得夜晚都冇乜人幫襯冷清清😅入座時趕得切happy hour時段, 所以order咗兩杯半價特飲😄食評話好食嘅薯仔沙律, 唔知係咪已經放得太耐只係食到好重又奇怪嘅酸薑味, 中間嘅蛋黃一啲都唔流心硬實實, 味道古怪又難食😑壽司正常發揮, 但魚生切得比較薄, 壽司飯嘅醋落得重手咗, 冇壽司郎咁好食😓炙燒魔鬼魚鰭好似冇燒過咁, 硬到咬唔開😓炙燒昆布清帆立貝壽司配生海膽, 食完唔知食咗乜嘢🤣總括而言, 食物味道差, 十個伏😢😢

杉玉之前剛開業時在灣仔吃過，那時很難Book到位，之後就沒去過。最近發現原來杉玉在香港仔也開了分店，午餐時間沒得Book位要walk-in。本來預想應該會頗多人？沒想到12點幾來到可以直入。有實體Menu，不過點餐的話需要Screen QR code。午餐時間有午市餐牌，有壽司加拉麵的定食。壽司．鯛魚湯拉麵定食 (HKD 98)壽司擺盤有點像打風就像快要飛出碟子般。一共有10件壽司，壽司飯不是一般的白米飯，是有味的醋飯。基本的像是三文魚、甜蝦等款式都有，而且都算新鮮。熟食壽司則有鰻魚、熟蝦和玉子。Wasabi 頗辣，但給超少的。拉麵的鯛魚湯底幾清甜，還有數隻蜆肉。

起29/10，我同同事走左去食下佢嘅午市套餐。之前試過佢晚餐，對佢嘅感覺係偏貴，雖然食物幾好，不過淨可以散叫。咁入到去因為算新店所以環境唔錯，日本和風風格。當時叫左天富羅壽司餐（88）同刺身船餐（128）。刺身船限定數量，所以早到早有。魚身超新鮮，米飯似係用黑色醋混合，所以係咖啡色。天富羅新鮮炸，尤其是針魚，外脆內軟。總體午餐，如果想食好啲非常推薦。晚餐要睇個人接唔接受到150-200一人咁散叫。

個鋪位幾廿年終於唔係再開酒樓 / 火鍋店呀😂終於開返一間另外類型嘅食店…. 入到去見到豉油有個Local, 原來先知道係壽司郎旗下嘅店舖，可能新開都仲好乾淨，見到有吧枱有普通枱卡位…今日星期日都有八成以上入座， 大約等左10分鐘。入去門口設計有兩套自動門，唔知點解😂入到去職員都好好招呼同埋都有好有禮貌， 用QR code入單，叫左一炸嘢食，短評嘢食質素好似一般啦，唔算太美味，不過佢新開張做promote follow 社交平台每人有一杯凍飲，咁都扺返嘅😂😂因為住香港仔區，但應該都會回頭食下，總評不過不失啦⋯⋯

約咗朋友嚟呢一間食飯，先知道係壽司郎集團旗下的，滿心歡喜諗住去試吓，不過都係奉勸大家有心理準備，份量少價錢比較高，食唔飽⋯我個人就認為食壽司郎更加好。首先講吓杯嘢飲先，黎到嘅份量已經係咁少左1/3杯綠色嗰杯綠茶，甜到不得了⋯唔好飲，下面西柚soda味道都OK嘅，只係個份量比較奇怪食物味道一般全部都係比較細碟，壽司嘅話我會覺得壽司郎好食啲，全部都好似小食咁，冇乜特別，三個人食咗成千蚊，就係食小食咁⋯坦白講唔會再去第二次

假日都有午餐，不過選擇不多，但仍然好多人，好彩好多卡位，所以都坐得好舒服，夜晚食過一次質素唔錯，所以今次帶阿sir嚟試，佢話好味好抵，下星期要再encore。🥢杉玉御膳 $148 ⭐️⭐️⭐️⭐️柚子蘿蔔+荀／薑薯仔沙律／玉子／刺身四款／天婦羅／壽司五件／蒸蛋因為個蒸蛋所以叫咗呢個餐，不過凍咗先食就變得唔好食，基本上所有食物都好食，最出色係天婦羅，沙嘴魚、魷魚、番薯、茄子，夠熱辣香脆又唔會厚粉，其他就正常發揮，每日限定20份喎。🥢舟盛丼 $128 ⭐️⭐️⭐️⭐️寫呢篇食評嘅時候，呢個丼我已經響灣仔店又食多一次，因為呢個丼好抵食，不過呢唔知點解香港仔店同灣仔店嘅刺身數量會有出入，明明種類係一樣嘅。不過最正係有好多魚子，同埋厚切刺身，全部都好新鮮，限量20份仲唔搶咩！二人共消費：$304

今日去咗香港仔的杉玉，他應該係壽司郎嘅居酒屋版。三個人食咗$606一碟吞拿魚刺身拼盤呢碟係好味的，因為刺身比較新鮮。柔情綿綿吞拿魚是吞拿魚他他版，我覺得價錢$38都唔算太貴。甘鯛一夜乾我覺得煎得不錯，但朋友話覺得有點鹹。鹿兒島名物白熊蛋糕朋友都話食落去幾特別，我就覺得入邊有水果好fruity。牛油果味噌蝦拌麵亦都比較精彩味道濃郁奶油味出。但今次等位嘅時間都等咗一個鐘。他仲有個甘味溫紅薯$8限定價格，都算幾抵。螢光魷魚醬油漬就比較鹹。佢哋嘅壽司飯同平時食嘅壽司有啲特別比較黏。不過今次係第一次來杉玉，睇返張單他寫下次來店舖消費時會有$20優惠，同埋回答問卷調查會獲得折扣 。

頭3碟壽司都唔錯，點知一上熟食開始水準就跌左幾個level個紙鍋真係好普通，同埋味道都唔算好好食，湯底唔鮮炸魷魚，其實食落似係炸墨魚膠，唔算好難食不過都係麻麻地，我哋全部人本身都好鍾意食炸魷魚，食唔晒都係第一次天婦羅都係普通，正常味道牛舌大根，算得上係最差，好少喺日式餐廳會食到咁韌嘅牛舌，完全咬唔爛，個大根又無乜調味，好難食😞海鮮茶碗蒸，又話大碗，黎到完全唔覺有幾大碗，個份量似杯多過碗鮟鱇魚肝海膽大根，唔好食…一pat醬喺蘿蔔上面，兩樣海鮮食材個味道都唔突出，完全唔知食咗啲乜，食完一啖唔想再食第二啖唯一真係得壽司算做得唔錯，不過呢個質素整體性價比唔算高，3個人每人食左三百幾，應該都唔會再食第二次

今日新開張，開1100！我們準時1100到場！二人枱取票時已經去到第二十幾張！等候時間應該會超過一小時。跟手拎多張3人枱票，等第二張！如是者好快有得入座！仲有張4人檯坐！如果坐二人檯應該幾迫。餐廳人手都幾足，好快就有人過來落單。我就點了一個舟盛井！用一個船型既木盤上菜，感覺幾有趣，加了分。魚好新鮮，美中不足的是魚生有白色一絲的筋！減了分！飯係正常份量，份量岩岩好！好滿足的一餐！眼見門口好多人排隊，都唔好意思再坐甘耐阻住人做生意了！新開優優送毛巾仔。