朱兆記

營業中

休息中

見網上好多人讚朱兆記牛腩，於是就去試試。店內環境好舊，都幾污糟，而且好多烏蠅飛黎飛去，坐店外應該好好多。叫咗個腩河同蔥花蝦米腸。腩河先來，落單時並無要求咩腩，好在都唔太韌又唔太肥，牛味濃，算不錯，但又未至於一定要試。蝦米腸即叫即拉，有米味，滑嘟嘟，蔥花份量正常，但蝦米就好少。

近期搬入了天水圍，區內完全滿足不到任何對食有要求的人，餐廳選擇少而且價錢亦比其他區貴。鄰近的元朗無可厚非是各式各樣美食小店的戰場，所以晚餐一般都選擇元朗區。這天選擇了很多人推介的朱兆記，做足功課，MENU都唔洗睇就已經決定選擇牛筋牛腩河。牛腩是不二之選，可是又心大心小想食牛筋，最好就是+$6解決選擇困難的問題。在這裡，只要點一碗麵，便會送一杯菊花茶，在現今物價飛騰的世代，還可以保留這種服務，真是小店的專利。三五知己一齊食飯又點可以唔叫小食呢，不過人少少只可以試碟炸兩。炸兩皮簿，油炸鬼亦鬆脆，可以一試。牛腩河份量十足，這個價錢完全超值，五六件切腩完整放在上面，已較市面上很多小店的碎腩有誠意。牛筋牛腩炆得淋身，肉質鬆化，配上不多不少的粉麵，它已經勝過一些港島區的坑腩名店，絕對值得再次光顧。咸雞是朋友所叫的，$26元卻有完假雞脾，肉質嫩滑，和附近的霸王雞名店有過之而無不級，若然大食之人，來一個牛腩咸雞雙拼，相信絕對可以捧腹而走。