札幌拉麵 Miso No.1 x 辛味屋

營業中

休息中

平時響鑽石山荷里活廣場食飯都好頭痛，因周圍都排長龍，所以今日特登早啲食晚飯，6:00 已去到，見到有間札幌拉面店，難得仲有位，隨即入內食，叫左個二人套餐$198，包括自選兩個主食，可選拉麵或飯、三款小食。第一款主食，叫了豚肉拉麵，拉麵麵質彈牙， 湯底濃郁，略嫌多了油份，但勝在夠味、落足料去煮既濃湯底，令麵條沾滿味，豚肉醃過夠稔身，粟米粒夠多夠甜，還有大量海帶。第二主菜叫了鰻魚飯，有大半條鰻魚，厚肉，醬汁味十足，醃夠味的燒鰻魚撈埋飯食份量啱啱好。而三款小食揀了煎餃子，有六隻夠大隻，份量都幾多！餡料以豬肉餡料加少少菜泡製而成，煎得香脆，另一款叫了出名的炸南瓜忌廉薯餅，好creamy , 炸至外身鬆脆，沾上沙律醬一絕。第三道小食係魷魚鬚，用醃味醬汁炒過，魷魚煙韌，有鮮魷魚甜味。仲不時加添麥茶，服務很好呀！臨走時門外又企滿人了，幸好今次早到咋。

門口好多人等位，滿座。好好彩一取票有得入去吃。……………………………………………………………………咖哩炸豬扒定食……………………………………………………………………咖哩：不太辣，不不太甜，頗杰的。炸豬扒：炸粉不夠多，不夠幼細，不夠脆。沙律：夠凍，good。味道一般。味增湯：非常一般。整體：一般，不過不失。感覺不太日式，好像港式日本餐。桌上有兩款漬物，一紅一白提供。吃完飯後齒頰留香 -- 好強勁的咖哩味。埋單時送印仔卡儲積分。

黎到荷里活廣場睇戲，睇完都就黎10點咁呢個商場d食店又比較早關居然發現呢間開到11點喎呢間係荃灣都有分店，之前都食過都唔差既然咁夜又得番呢間同甘味揀，甘味又貴同之前食過其他分店覺得唔好食，咁就食呢間啦！黎到唔駛等又有位，咁睇完晚餐又比較貴，都係散叫啦！叫左個滑蛋雞飯，滑蛋好滑，好夠味，但汁就比較少，用黎送飯係一個幾好嘅選擇另外仲叫左炸雞配咖喱烏冬炸雞新鮮炸出黎，好熱辣辣，幾好食呢間仲有蛋包飯，拉麵，烏冬，等等如果行到諗唔到食咩，呢間都係1個唔錯嘅選擇

在香港, 大大小小的拉麵店真的有很好.亦有很多有水準的拉麵店.這次來到札幌拉麵 Miso No.1 x 辛味屋, 原本打算試試她們的拉麵.不過又給她們的蛋包飯所吸引.於是就放棄吃拉麵.我就點了一份炸雞塊奄列咖哩飯, 66元. (注意:這裡會收加一的, 66元就收7元加一)再補充一下, 下午5點就開始轉到晚市.職員把飯送到來的時候還是熱辣辣的.賣面不過不失.一個套餐包了一碗湯,和一碟沙律?! (不肯定, 我只吃了一口)可以轉做其他飲料, 但要加錢的.這個咖哩不辣的, 不能吃辣的人也可以吃.薯仔和紅蘿蔔都煮得入味, 但份量真的太少, 一共才有3小件.如果能夠多一點就好.至於蛋方面, 包著飯的蛋是薄薄的, 而且挺滑.不差的.對我來說, 這個飯最值得讚的是她的炸雞塊,做得很好吃, 外脆內軟, 而外層炸得脆但不會硬,不會像一般餐廳做的脆而硬,所以覺得她做得出色.而內裡的雞塊很嫩, 脂肪是有的,但不多.整個飯的份量也很足, 絕對夠飽的.最後, 我覺得職員的服務都不錯, 有問必答, 態度挺好.

勉強可以給三顆星荷里活廣場三層美食區通道的一家店鋪。中午食客蠻多B想吃拉麵就落座選單，這家是可以一個人來吃飯也不會尷尬的餐廳，很多雙人座位，間隔也不大，不過大家都不會吵鬧聊天。點了一份拉麵配兩份飲品，服務一般飲品兩杯等他吃完一半多都沒有來，還要去問服務員才趕緊上來。凍奶茶略甜，拉麵還可以起碼拍照好看。

好少黎荷李活廣場呢面，見佢主打拉麵又有串燒同小食食下，諗住幾正，點知中晒伏。佢有個餐係一碗拉麵加碟小食$88蚊，但冇我最鐘意食既牛舌，唔緊要，咁咪分開叫囉，結果碟牛舌太薄全無口感不特止，仲要凍冰冰，完全唔熱，非常難食!碗辛辣拉麵味精感重，第一唔夠辣，第二辣味全無層次感，整體尚可接受，但一定唔可以話係好食，尤其係一間以拉麵做招牌既餐廳。收到張單話要加一真係呆左一呆，比多10蚊8蚊唔係問題，但由餐廳成個格局同服務完全唔會令人聯想到要加一，基本上等同茶餐廳質素。總結係由服務到食物質素都毫無誠意，不可一不可再!

今晚同朋友0係鑽石山睇完戲，就搵飯食 =]佢 suggest 話平平地不如食拉麵，於是去左札幌拉麵 Miso No.1 x 辛味屋～好彩等左2-3張就入得！一坐低，見個 2 人套餐都幾抵食，計返比散叫抵食～於是就點左個 2人套餐，有 3 個小食 + 2碗拉麵。 揀左牛舌～牛舌切得好薄，不過好爽，好香牛味！ 炸豆腐，外脆內軟，豆腐非常滑溜～ 燒雞翼+ 燒雞軟骨~唔會偏咸，味道岩岩好，不過有少少熱氣haha! 2個拉麵我地就揀左招牌牛油拉麵;賣相吸引，超中意牛油，上枱時香氣撲鼻， 叉燒肉質嫩滑～ 另一碗要左海鮮拉麵，湯底濃郁，麵質彈牙，海鮮份量都幾多，唔錯！

上個月有日要到鑽石山工作，個日活動早左搞掂就自己食埋晏先返屋企休息見到呢間有set又唔洗排隊就入左去呢度既lunch set有好多唔同既選擇同配搭！心大心細既我最後用左成10分鐘先決定到食咩見佢好似主打拉麵，所以最終決定要“豬軟骨拉麵配迷你鰻魚飯”HKd$73+10%呢個套餐不過個拉麵真係好一般，拉麵麵質正常，湯底係港式既豬骨味精湯，豬軟骨都係普通質素，而隻蛋就.....大家都有眼見啦雖然個飯既份量真係好迷你，得一舊鰻魚，但鰻魚無骨厚身兼有燒過既香配上鰻魚燒汁同白飯好彩個迷你鰻魚飯有啲驚喜，都無咁失望！食飽就安心回家休息嚕！

暑假開始同太太到荷里活廣場睇戲， 但係 成九點幾都未食晚飯， 買咗10點35分嘅戲飛睇蜘蛛俠強勢回歸， 到三商場3樓搵嘢食。我同太太都鍾意食拉麵，見到有間札幌拉麵店 就走入去試下他大叫咗一碗燒豚肉拉麵 加小食多春魚， 而我呢就叫咗一碗雜錦拉麵配煎餃子， 感覺令我想起喺日本 大阪嘅將王，但係價錢就就貴好多。四件餃子熱辣辣手先送到，味道都算唔錯， 其後都來嘅係雜錦拉麵， 雜錦拉麵包括有 豬軟骨 蟹柳 同埋日本嘅叉燒， 望落去好似幾大玩 但係其實呢係 面嘅份量係 一般 唔算特別多， 食完都唔係好飽。 拉麵麵質彈牙， 湯底都算啦味濃， 豬軟骨同日本叉燒 各一件， 味道唔錯稍為多油, 二太太叫嘅燒豚肉拉麵呢亦有此感覺， 還有小食多春魚三條 份量相當少， 味道尚算不俗， 埋單兩個人都要二百幾， 只係食一碗中規中矩嘅拉麵。整體來說 ，札幌拉麵店性價比不高。 但在荷里活廣場裏面呢，食肆嘅價錢較高， 再加上，夜晚九點半後，選擇不多，總算填飽個肚，開開心心去睇戲。

係香港地食個拉麵閒閒地都差不多8, 90蚊一定走唔甩但竟然有一間係68蚊就食到拉麵套餐, 真係抵到爛至於好唔好食就等我食完再同大家分享 今次我嗌左既係燒肉拉麵燒肉好香牛香味, 食落去口感會係軟淋淋咁有少少油香味, 但係又唔會好覺得油膩 另外拉麵最重要當然就係拉麵本身麵既軟硬程度岩岩好, 唔會太硬太DRY, 亦都唔會太淋冇哂口感佢係偏向於少少硬既口感, 而個湯底就好香濃, 味道一點都唔差 小食叫左係串燒雞翼, 有少少偏咸, 但係用黎餸拉麵就VERY GOOD. 係串燒食品都唔差既餐廳 最後差一點就飲哂成個湯, 真係飽到有點OVER哈哈

因為岩岩先係日本返黎香港好掛住日本既美食, 所以就去左搵日本野食 拉麵不嬲都係我既最愛今次我叫左既係雜錦拉麵, 咩都有少少咁樣食係我覺得比較HAPPY, 因為可以同一時間試哂所有自己想食既野食 個麵既SIZE都算幾大, 等左15分鐘先有得食, 我相信係因為呢間小店係即叫即整 味道唔會太淡或太咸, 加上佢優惠選擇都多多, 所以呢個價錢黎講冇得彈 我地仲叫左有餃子, 廚師煎到香噴噴就馬上上店, 賣相唔差而入面都好JUICY, 值得留少少肚去食D小食, 真心唔差的!!

玉子拉面：賣相好好。但一了開個面成個底都係洋蔥。應該最少半個洋蔥落左係入便。內有海帶及蛋。湯底完全冇味。慘過家樂牌既雞湯湯底。奶茶估計餐廳為求慳錢用Walk in 客人巳可以飲用既茶加奶黎做。相當於你飲緊普洱加奶既感覺。最出色應該係個親子蓋飯。佢個蛋同個㳄較為入味。但個飯就相對地硬。未能夠做到大眾口味。上面既炸雞扒更為石頭感覺。整體餐廳座位較迫。而服務生既態度就以不變應萬變。整得加許😂。希望呢間餐廳快啲轉手。令鑽石山居民有啖好食。

去完朋友屋企落去樓下，食飯行左幾個圈都諗唔到食啲乜嘢，朋友就介紹準一間札幌拉麵話佢嘅質素都唔錯而且價錢適中所以就去一試行到去餐廳光線充足而且好整齊，侍應亦都好有禮貌，傳送食物嘅速度都好快， 落左單大概十五分鐘已經到齊我就點左個咖喱吉列豬扒飯，豬扒炸到好脆身，啲粉唔算好厚，食落好鬆脆，肉汁keep到而且外層金黃色令人流哂口水，咖喱亦都好惹味，送飯食一流!鰻魚蓋飯鰻魚好大條，個燒汁亦都好惹味，一啖鰻魚一啖飯

沈晚同個朋友番完工，諗住搵d野食下，係鑽石山個商場行行下，見到有間札幌拉面店逼爆哂人係到等位，所以心思思走去試下。我同我老友叫左個二人套餐$198自選二人套餐，好快手簡左兩個拉面、三款小食。第一款，Ankake拉面，成個面既賣點係湯底，超好味、勁濃味，落足料去煮，唯獨美中不足，果幾片肉，我中意再濃味d。第二款，豬軟骨拉面，湯底都幾正，但係可能我比較鐘意食濃味d，會較為鐘意第一款，值得一提係豬軟骨拉面，入味之餘，幾爽口，口感黎講真係唔錯。以下三款係小食第一款，2串燒雞軟骨同2串雞翼，味道ok，無用醃料醃過，淡淡的，口感可以。第二款，吉列蝦，食日本野點可以無天婦羅，天婦羅配拉面簡直係我既至愛，即叫即炸，新鮮而不油，如果有多幾條更加好，鐘意食炸物既你，唔好錯過😉。第三款，煎牛舌，好爽口，煎得幾香，切得都幾厚身，牛舌可以話係呢間店必叫既野食，加埋檸檬汁，正！！！

周圍啲時裝店都做緊summer sale,血拼嘅同時當然唔少得醫下個肚，就係Hollywood plaza芸芸餐廳中揀咗呢間佢有兩個舖頭名，唔知係叫札幌拉麵定辛味屋，但係出面睇menu好似有好多選擇，所以就卜鎚食依間啦叫咗個午市拉麵套餐配小食，朋友叫咗咖喱蛋包飯，然後一齊再叫多個薯餅share首先話咁快就上嘅係煎得熱辣辣嘅自家製餃子(套餐配嘅小食)，4隻餃子唔多，啱啱好夠塞住我哋個口入面嘅椰菜爽脆，多肉汁，配上日式餃子汁，完全係典型係日本食到嘅味道食完當然唔夠喉，之後就上咗南瓜薯餅薯餅外脆內軟，餡料更係比想像中淋身，幾乎一用筷子夾就切開咗薯蓉好香南瓜味，唔使兩三下就ko同南瓜薯餅差唔多時間上嘅係牛油拉麵一睇個menu見佢招牌係呢個拉麵有啲出奇，事關日式拉麵好多都係豬骨湯底熬製，再加上牛油唔會好奇怪咩食落去令人意外嘅事情就發生啦，原來牛油嘅香味同拉麵個湯係咁夾架，本來唔係特別嘅湯底，隨住面頭嗰塊四四方方嘅鮮牛油溶化之後變得好香濃推介最後朋友嘅呢碟日式炸雞咖喱蛋包飯都不過不失，炸雞好大件，炸粉都好食，加上薯仔沙律同味噌湯，大滿足餐飯$200有找，又食到餃子，又有拉麵同咖哩，真係一次過滿足哂