木玥巷

營業中

休息中

位置及環境-首先位置位於景峰輕鐵站附近的隠世小店，間舖頭大概可以坐20至30人左右，晚上都會比較full建議大家可以OpenRice預約入座❥-食物1.招牌牛肉麵首先湯頭比較順口，牛脂嘅淡香味亦點綴了牛肉麵，以及牛腩燜得都幾淋，豆卜吸晒啲湯嘅精華，超推介陪啲湯一齊食👍🏻同埋亦都有啲蔬菜令到牛肉麵整體唔會好有負擔感2.鹽酥雞呢個價錢令到我都幾驚喜，外皮都算幾鬆脆，同埋配合甜酸汁一齊食好夾，炸粉亦都唔會太厚，以及啲雞食落去都幾嫰3.炸花枝丸佢有好香口嘅台式花枝丸味，唔係市面上比較遜色的花枝丸會有好濃的雪藏味，同啱啱鹽酥雞個醬汁有點類似，都係可以令花枝丸本身嘅味道昇華。4.水果茶（西柚及熱情果）建議微糖，可以配搭水果一齊食，咁就可以唔使咁甜～同埋個茶底都幾香，同埋西柚西瓜菠蘿個味都好新鮮唔似坊間加咗糖嘅水果❤️

對木玥巷屯門虹橋嘅第一店一直都追隨好耐，作為仲有兩個月脫離元朗嘅元朗人，梗係要嚟朝拜一下佢哋嘅元朗新店，元朗店比起屯門店要大兩倍有多，等位唔洗等咁耐， 實屬粉絲嘅福音。木玥巷黃金水果茶，水果茶味道甜美，有多款新鮮嘅切粒水果喺裏頭，感覺清新。藍莓多多綠茶，多多綠茶喺好多台式餐廳都有，但係配以藍莓就唔係咁常見，藍莓同多多綠嘅味道都幾配襯。雙色鹽酥雞，雙色嘅意思係鹽酥雞除咗原味之外，仲有南乳味，原味炸得酥脆，係不折不扣嘅台灣風；南乳味味道香濃，叫人驚喜。木玥招牌紅燒牛肉麵，牛肉份量豐富，湯底充滿著香濃嘅牛肉味，麵條彈牙，加少少辣椒油一齊食風味更佳。黯然銷魂安格斯魯肉飯，魯肉飯肥瘦均稱，有適量油脂嘅加持入口相當軟滑，配菜有燶邊太陽蛋、新鮮露筍同埋醃菜，其中醃菜有少少似 kimchi，但係無 kimchi 咁大陣草青味，同滷肉飯嘅油脂好夾。

木玥巷開業無耐已想過來試試，某個晚上一心去試下啦，但去到見到門口人頭湧湧馬上令我卻步這幾日放假就決定過去食lunch, 因驚要等位嘅關係，所以開門不久就到，最後真係唔需要等位打開餐牌午餐選擇唔算多，但樣樣都好似好想食咁，有選擇困難症嘅我最後同老闆揀咗「木玥鹽酥雞飯+紅燒牛肉麵」飲品就只要了兩杯凍咖啡。先來鹽酥雞飯，單睇賣相已經好吸引，滿滿嘅鹽酥雞，旁邊有一小碟伴菜，而醬汁旁還加上一小撮菜絲，睇到已經好想食先試鹽酥雞，炸得好好唔油林林，可惜雞本身唔係好夠咸，再用埋旁邊甜甜嘅醬汁味道就剛剛好，之後再食一口青瓜可去除熱氣嘅感覺。再來紅燒牛肉麵，先試一啖湯，唔似台灣嘅牛肉麵咁濃味，但就有好清甜嘅蘿蔔味，再試埋舊牛肉，望似好鞋，但食落超林，好軟滑，最後差唔多成碗湯都飲晒第二日即刻帶埋我家小老闆一齊過嚟試埋其他款式。黑糖蘋果西打豬軟骨飯，酥炸排骨飯和木玥鹵豬手便當🍱，飲品就叫了柳橙汁百香果茶和凍咖啡。豬軟骨飯份量十足，豬軟骨勁軟滑，勁入味用嚟送飯一流酥炸排骨都幾大塊，廚房好細心送上前已先介了幾多刀，方便人客食用，同之前鹽酥雞一樣炸得非常好，但今次嘅排骨就偏鹹。最後豬手便當一樣相當出色，豬手非常入味

晚市時間，大概七點四十五分到訪，仍有一兩枱空枱點菜後，不足5分鐘，極速地 飯及湯麵及鹽酥雞都已送到…餸菜只是微溫狀態黯然銷魂安格斯滷肉飯..（如圖）蛋的狀況 好明顯過熟了🙃穿破後，流心蛋黃 只有幾滴…另外，點了一個招牌紅燒牛肉麵，湯頭偏甜，但屬可接收範圍，可能🤔每一碗都有一大舊紅蘿蔔，以致湯底偏甜唯一較好的是髯鬚雞分量足夠，亦都比較熱 能保持溫度今次是第二次幫襯，可能冇下次！款式不多，但做得不夠精細，價格亦不親民留唔到人，真係有好理由。生意難做啊！

好少一間餐廳會黎完又黎，仲要係午市晚市都會黎咁多次。原因好簡單，因為真係好好食。今次又係叫左個招牌牛肉麵，牛肉依舊咁軟腍，手工既麵條相比起一般既麵條較有咬口；風琴豆腐依舊香脆，每次第一啖都係就咁咬，之後先會浸湯食，吸下D牛骨湯簡直一流。為左可以同朋友分享啲滷味，我地叫多一份滷水拼盤🤣啲料係一樣既。不過份量就比係個麵既多啲。朋友叫左櫻花蝦鰻魚炒飯，份量夠，鑊氣夠，夠乾身。冇左原條鰻魚飯，用呢個做替補都算唔錯。另外叫左兩枝手工唔啤，一枝烏龍茶手工啤、一枝菠蘿手工啤。個人口味感覺上菠蘿啤既味道較好，因為味道較突出。

聽朋友燒到去試一間好食既台灣野餐廳🍴見係屯門附近就過去紅橋個邊試下，除左食雲川燒米缐，呢間餐廳真係幾唔錯店鋪入面裝飾係偏日式多啲一坐底就有俾咗一細碟嘅隻糖合桃俾我食，朋友好鍾意食，好快就食晒🤣如果無限添就好啦🤣🤣🤣同朋友要咗兩個主食，好後悔添兩個人食唔晒，分量太大啦🤣好彩到最尾打包拎走左，冇浪費食物。叫咗蟹肉明太子炒新竹米粉同埋大蝦帶子黑松露炒飯，兩樣都係炒嘅主食真係好好食，份量又勁大，覺得米粉好食，入面有好多嘅明太子，食耐左覺得有啲鹹但係一杯嘢飲就啱啱好啦至於個炒飯正正常常，但係入邊大蝦好似有10隻！份量好多，好驚喜！！而且帶子size算大粒，數量都好多喎，雖然主食喺屯門小區個價錢有啲偏貴新但係睇返個份量又覺得好值得，加埋啲材料咁豐富覺得都幾值得呢個價錢😝至於台灣腸有兩款，一款係黑色我估係墨汁墨魚汁佢食落就相對上淡過平時見過嗰隻色嘅香腸，兩隻都好鍾意食，鍾意食台灣香腸嘅不妨試吓😝至於杯嘢飲係好大杯，兩個女仔飲都可以！

🍜木玥招牌紅燒牛肉麵 $96配料有牛𦟌牛筋牛肚，仲有串豆卜乾。個人比較鍾意佢個湯底甜甜地，整體味道唔錯份量都🆗外賣左兩碗比屋企人試下都係讚佢個湯底，不過就話牛𦟌無味😂-🍚黯然銷魂安格斯滷肉飯 $84果然係比一般滷肉飯好食又無咁多肥膏，仲有條炆到好淋好入味嘅牛筋，撈埋煎蛋送飯一流👍🏻-🍹木玥柳橙汁水果茶 $38上枱嗰陣大杯到嚇親，呢個價錢好抵飲，唔會好甜又有茶味。-🍵金莎抹茶奶泡 $32因為賣相靚而且唔貴先揀嘅飲品，估唔到質素幾好，拍得住cafe嘅matcha latte。-總結：食物質素唔錯但價錢略貴，飲品抵飲，暫時歸類到此一遊💁🏻‍♀️

每次經過開呢間餐廳附近，都有勁多人係門口等位，特別係每日嘅夜晚時間，同埋星期六日嘅晏晝，都好多人好多人等位。今次係星期四嘅下晝時間，佢有lunch Menu，冇記錯係一點至三點，最熱門嘅台灣牛肉麵同埋牛肉銷魂飯都有得叫，仲要比晚市Menu平，所以大概2:00就去試下睇吓使唔使排隊，平日果然可以Walk in直入。今次Order左台灣牛肉麵，個湯好甜好清非常好飲，連蘿蔔都炆好林好好食，夠牛肉又大又林，真係抵佢平時咁多人排隊等位。

想試呢間好耐，但係周末係一定要排隊嘅，今次平日夜晚黎竟然唔洗排，即刻有得入。一坐低就有一個小食琥珀合桃，啲合桃粒粒分明，每粒都沾滿糖又夠脆。主食我就叫左招牌紅燒牛肉麵，男友就揀左安格斯滷肉飯。個牛肉麵湯底好唔錯👍🏻，好似平時飲嘅老火湯，啲配料全部都好入味，牛肉都好淋。面頭有一串炸豆乾，店員上菜嘅時候有提醒浸落湯度會好食啲，果然係唔錯，浸完湯之後好似打邊爐嘅響鈴，仲係脆脆地又索左啲湯。個麵底我同男友都鐘意，唔會太淋，有少少粗粗地。然後到滷肉飯，食落嘅味同台式個啲好唔同，有啲似日本嘅牛肉飯，但係加埋蛋汁係好食嘅。小食叫左個鹽酥雞，都幾大兜，新鮮炸起唔會乾，配左個柚子汁點幾好味。仲叫左兩杯飲品，一杯黃金水果茶，好大杯，兩個人share飲都得。個茶都唔錯，飲落唔甜又有水果味。另外一杯係玫瑰可可鮮奶，玫瑰味啱啱好唔會好怪。總括黎講，呢度嘅野食係有誠意嘅，但係唔係台灣古早味個啲，如果想試下新派嘅絕對可以黎試下。

餐廳：木玥巷地區：屯門地址：屯門井財街7號力生大廈地下4-5號舖日期：27/9/2021時間：20:30人數：2人 等位：0 min木玥巷之前已經食過一次lunch，食完回味無窮，今次再過嚟食多次依間咁正嘅台灣野☺️雖然佢晚餐無lunch set咁平，但都唔貴，都算正常合理價錢。櫻花蝦鰻魚炒飯 $88:炒飯絕對係用心製作，鰻魚入口Q彈，係高級啲嘅鰻魚🤩落醬油炒落得適中，炒到好香好好味😋搭配粟米🌽、紫菜、櫻花蝦食真係一流👍🏻而且分量極多，真係好抵食！安格斯滷肉乾拌麵 $78:滷肉滷得非常之香，同去台灣食嘅滷肉差唔多好食，而個麵亦軟硬適中，加上荳苗、半熟荷包蛋同滷肉拌埋食真係正！戰斧鹽酥雞扒 $82:果然係戰斧雞扒，超級無敵大塊！個size真係大過人塊面😂 鹽酥雞扒外皮炸得非常香脆，而且炸衣緊貼雞肉，切開嘅時候都唔會甩，肉質亦嫩滑，搭配雞扒醬酸酸甜甜非常開胃，真係食唔停口呀😝木玥黃金水果茶 $38:之前已經試過佢嘅招牌水果茶，覺得好正，今次就試下佢嘅黃金水果茶，依款水果茶主打鳳梨加百香果，味道清新，大大杯飲非常健康！🤣冬瓜蜜檸檬紅茶 $32:冬瓜蜜配檸檬紅茶基本上無得輸，又係清甜解膩之選👍🏻

這日我和媽媽又去品嘗美食啦！屯門市中心地帶已常常去，今次行遠啲去了一間以台灣菜為題的餐廳，以木系裝潢，我最鍾意木餐具，使我寫意又舒服的環境！聽說這餐廳是由前酒店大廚主理的💕蒲燒鰻魚飯鰻魚份量很大份，肉質嫩滑，配以日本珍珠米很滋味!黑醋蘋果西打豬軟骨飯味道特別，以黑醋醬汁醃過豬軟骨，再帶點蘋果味好開胃呀！木玥招牌水果茶🍹長直身玻璃杯，除咗有西柚之外，還有一粒粒八香果，十分解渴！木玥巷 屯門井財街7號力生大廈地下4-5號舖

木玥招牌水果茶$38$估唔到有咁大杯 有新鮮水果放落百香果到 唔係好假既糖水甜，飲落仲有百香果回香。玫瑰可可鮮奶$32$玫瑰清香既朱古力特飲，有特色！基隆甜不辣$42$炸得好香脆，蘸啲秘製醬汁，開胃小吃。木玥招牌紅燒牛肉麵$96$地道台式風味，湯底帶左藥材甘甜，但唔會太重，係正宗台灣牛肉湯。配料大件夾新鮮，高質牛肉麵。黯然銷魂安格斯滷肉飯$84$用安格斯整成肉碎混合滷水汁的確唔同，仲有荷包蛋，件事黯然銷魂左。食曬成碗飯😋👌🏾個人黎講好鐘意加埋啲醃製（梅/蘿蔔）乾，好好味啊！

虹橋真係越來越多好嘢食😂其實次次經過都見到好多人喺門口等位可能完咗最繁忙嘅午飯時間，就快三點😋今次好好彩有位唔使等好耐🥳仲坐咗個好舒服嘅卡位，陽光仲好給力☺️好掛住台灣滷肉飯，所以叫咗個黯然銷魂安格斯滷肉飯（$65）牛肉炆得好琳好入味，肉碎份量都唔少加埋雞蛋送飯一流！蒲燒鰻魚飯（$78）鰻魚十分肥美😋而且鰻魚醬汁亦唔會過甜，肉質嫩滑，分量亦令人十分滿足佢哋水果茶賣相太吸引叫咗一杯木玥招牌水果茶（西柚，百香果）水果茶超大杯，而且充滿生果😍而且茶味剛剛好唔會覺得淡，充滿水果香甜味，唔會過酸亦唔會過甜，非常好飲😋（跟套餐+$28）同埋見到台灣有手工啤酒見啱啱立秋冇幾耐，應節叫咗支立秋。東方美人茶啤酒（$64）首先台灣手工啤酒呢個賣點都幾吸引，另外就係見佢寫住入邊有「台灣茶葉」好得意😎再加多咗個小食- 澎湖花枝丸（$38）第一次飲台灣手工啤酒，一睇到樽身原來係得獎啤酒🍻更加令人期待 餐廳提供左一個品嚐啤酒嘅玻璃杯 感覺上更加有品味😍啤酒好易入口，有好重嘅麥芽香 估唔到茶葉會同啤酒咁夾👍🏻再配埋個彈牙煙韌嘅花枝丸小食 心情更豁然開朗😋😋

之前機緣巧合睇過呢間餐廳係youtube嘅訪問，今日上完瑜伽試堂就決定試下。呢間餐廳嘅裝修都幾舒服用咗唔少嘅乾花佈置，卡位亦都好新淨，坐得舒服。要咗個鹽酥四季豆杏鮑菇，木玥招牌紅燒牛肉麵及蝦排拼椒麻拌麵。飲品方面就揀咗個木玥黃金水果茶同埋木玥巷台灣鳳梨啤。飲品先到，估唔到杯水果茶咁大杯，滿滿嘅夏日清涼感覺，用料十足，有好多鮮果，我呢杯係鳳梨同百香果，好清新。朋友個鳳梨啤都好飲，無外國手工啤咁苦澀，但有比普通啤酒味道層次較豐富，佢覺得好岩飲。至於食物轉頭就到，牛肉麵好吸引，湯頭濃郁帶微甜香，牛筋，牛腩，牛肚都炆得夠晒淋但仍帶少少咬勁，火候岩岩好。唔係誇張，連蘿蔔都煮到入晒味，咬落啖啖湯汁，好好食。另外跟係碗上嘅豆串，放落去吸汁又係一流，豆香湯香又有d脆個外皮，好味道。個蝦餅椒麻拌麵，蝦餅份量多而且脆卜卜，內面蝦肉真材實料，咬到粒粒蝦肉，食落唔會有好粉好假感覺。個拌麵看似同屋企拌嘅一樣，但佢嘅醬汁好好食，唔會得個辣，仲要麵身都好唔錯，食落仲有少少彈牙，幾開胃，好快就食晒。最後送上嘅鹽酥四季豆杏鮑菇，真係好味到震，超級台灣嘅味道，個炸粉真係同台灣一模一樣，開頭朋友見我唔揀鹽酥雞揀鹽酥豆同菇都

今日又嚟咗木玥巷食dinner，同上次一樣都係全場滿座啊😱鹽酥四季豆杏鮑菇 $60上次見到隔離枱嗌咗覺得好吸引 今次終於試咗 結果真係無令我失望 好好食😍😍上碟嘅時候熱辣辣 完全做到外皮脆 但依然保持到四季豆同杏鮑菇本身嘅水份 調味亦都啱啱好 唔會太咸 送酒一流💯干貝醬蝦仁炒飯 $90雖然睇落係平平無奇嘅炒飯 但份量超級多蝦仁大大粒仲有啲元貝🍤個飯炒得好靚 啲飯係粒粒分明好乾身 睇得出大廚嘅功力深厚👨🏻‍🍳蟹肉明太子炒新竹米粉 $90第一次見用明太子炒新竹米粉 味道非常好加咗好多椰菜炒令到口感更加豐富🤩不過略嫌炒得乾身咗少少 不過整體都好唔錯 而且份量同炒飯一樣都係咁多👏木玥黃金水果茶 $38上次試咗招牌水果茶 今次試咗另外一款 味道以鳳梨同百香果為主 而且有粒粒果肉 非常香甜🍹木玥巷台灣鳯梨啤 $48今次menu新加咗幾款手工啤酒 呢隻鳯梨啤麥味好重🍻第一啖飲嘅時候有淡淡嘅鳯梨香味🍍不過飲到最後就得返小麥嘅味道🤣 另外幾款茶味嘅手工啤都好特別 下次一定要試埋！感覺今次食物嘅份量比上次多咗 而且仲keep到同上次一樣咁好嘅質素👍🏻👍🏻