木兆小品 (海趣坊)

今日吃過午餐不算太飽，閒蘯在海趣坊時被此店易拉架海報吸引了便進去一試。得到了侍應協助得到了放BB車的面海窗四人卡位雅座，海景一覽無遺。說回食物，只叫了雞扒炒麵及鮮茄焗豚肉飯，兩個都是特價下午茶餐而前者配紅荳冰。先來的是雞扒炒麵，厚雞扒熱騰騰爆汁兼有彈性，應歸功選料及煎法吧，而麵則很乾身帶嚼勁和入味，此乃值90分的出品；再來的焗豚肉飯肉質偏薄而汁略嫌不夠，但帶芝士焗味道還可，不過是迷你size當然不可跟午餐比量，此餐以茶餐廳價位共$80吃可算物超所值了。…Read More

晚餐唔知食咩好，經過見到家常小菜，就份去試下！叫左「砂煲豬膶啫啫雞煲」，認真味道好一般，啲雞炸過再兜埋一齊，啲味完全唔夾😵‍💫😵‍💫豬膶過左火，好難咬，好韌，仲要冇乜味🙁🙁認真麻麻地，唔會再食！另一款「菠蘿咕嚕肉」，有個好大反差！！！外脆內軟！！！勁多肉汁！！！啲肉一早醃左，所以好入味！！炸嘅外層好薄，唔厚粉！！勁！好！食！特飲叫左「三花淡奶紅豆冰」，真係好似成罐花奶倒左落去咁！好濃好好飲！啲紅豆煲得好爛，食落口好軟熟，好好食好甜！！！…Read More

落風球後一早起身，落街做完運動就去享受返個早餐。而間餐廳裝修後，第一次黎食早餐，叫左個豬扒煎蛋公仔麵同皮蛋粥炒麵餐。本來想加3蚊加件蒜蓉包，但今日包不多唔俾加，有點失望，因為見人地食個餐件蒜蓉包好似好美味咁，唯有下次再試。豬扒煎蛋麵豬扒好諗味道好夠味，湯底夠濃郁，整體都好好味。皮蛋粥炒麵個粥唔會太咸，但個麵就比較乾同無咩其他料。下次可以試其他的早餐…Read More

今日同老公出街食早餐,行到屯門碼頭海趣坊,經過木兆小品門口,見到好多餐牌,有多款中式和西式早餐.於是吸引到我哋入去試下.老公叫咗濃湯火腿絲通粉,蒜香牛油厚多士,熱奶茶.火腿絲通粉:熱辣辣嘅湯底係用雞湯製作的.非常濃郁,如果通粉再多D就更滿足.整塊厚多士鋪滿蒜茸和牛油,非常惹味.熱奶茶都幾好飲.我就叫咗奶醬厚多士,熱咖啡,加配一個輕量雪菜肉絲米線.奶醬厚多士:奶醬多到滿瀉.厚多士咬落有口感,熱咖啡一般.每次經過都見有好多人食早餐,價錢畀其他餐廳平啲.…Read More

今日去試下唔同的小店，見呢間店有位，決定去試下味先。我地今次叫左咖哩牛腩飯、鐵爐烤魚酸菜味、煎肉餅、京都肉排及蠔仔泡飯。煎肉餅及京都肉排都算OK，味道唔錯，份量亦足。咖哩啲牛腩真係好少, 飯好多, 味道 OK 夠辣，但成份咖哩好似得薯仔無肉食。鐵爐烤魚真係唔太好食，味道差，D酸菜好似未洗乾淨咁，好多沙粒咁。魚肉都算Ok，不過不失。最難食的係蠔仔泡飯，份量好多，三個人食都無問題。但味道差，飯粒似糊仔，湯無咩味，好腥味，菜心係全生，唔敢再食。整體有好有壞，未致於差評，但真係唔會再食。…Read More