影片
港鐵荃灣站 B1 出口, 步行約4分鐘
繼續閱讀
電話號碼
26882360
開飯介紹
現代裝潢、時尚別緻的海鮮火鍋菜館，早午市提供多款懷舊點心、荷葉蒸飯等傳統粵式料理；另設有卡拉OK包廂，讓食客隨時大展歌喉。 有別於普通中餐館，我們每天精選最優質、最新鮮的食材入饌，以現代烹飪手法，為您呈現新派中菜的新潮風味。
繼續閱讀
營業時間
今日營業
07:00 - 01:00
星期一至日
07:00 - 01:00
公眾假期
07:00 - 01:00
公眾假期前夕
07:00 - 01:00
以上資料只供參考, 請與餐廳確認詳情
有關獎賞計劃
一個星期前已經用OpenRice訂枱預備同屋企人食生日飯，仲驚有咩甩漏所以再打個電話去再三確認。到咗食飯今日1月24日嘅下午，收到電郵話餐廳取消訂枱，原因係餐廳已滿座。 我問餐廳點解一個星期前訂枱已確認，而家先嚟話滿坐？跟住先解釋話個同事唔小心睇漏咗，問我介唔介意食8:30或者坐張細枱坐迫啲。呢啲係乜嘢餐廳服務態度？離晒大譜，將我張枱俾咗其他客人，仲要我改時間將就😡，所以話香港食肆衰落唔係冇原因。
繼續閱讀
提早食團年飯既時候朋友推介試下 這間食店於是一行8人就決定食這間香麻萍果手撕雞 一隻$248😋龍躉孖寶😋紅燒乳鴿$28一隻😋羊腩煲 + 蒸鱔套餐😋小炒皇😋炸蝦球😋還有其他小菜 一樣好味道新裝修 環境👍👍老闆同侍應服務友善 招呼👍👍🥰吾收開瓶費 不趕客大家食得開心好滿足🥳🥰👍
繼續閱讀
今次訂左房擺兩圍，慶祝老公50歲生日。約晒親戚家人俾個驚喜佢。有卡拉ok同麻雀耍樂。16:30俾我開始秘密佈置房間。等我有足夠時間準備。又冇收切餅費。仲不時問我哋要唔要幫手佈置，好好人。食物質數方面，每位親戚都讚大碟夾抵食，而好味，特別是蝦多士。龍蝦🦞伊面啖啖肉，好正😊。今次選朝日館慶祝生日🎂好開心。老公好滿意👍。下次我們有人生日如要包房都會首選呢度。
繼續閱讀
大概兩個月之前行過見到早茶有特價，好似幾抵，攞咗張點心紙返屋企慢慢睇，如是者過咗一排又唔記得咗，早兩日執屋摷返出嚟，今日決定去試吓。星期日晏咗起身早茶特惠完了，點咗一向鍾意食嘅點心，加埋special promotion嘅乳鴿，先試試水溫。鮑汁鳳爪滿有驚喜，夠熱夠淋夠入味，呢個下次可以encore。 乳鴿夠熱夠香夠脆口，唔似係返炸再返炸啲friend唯一美中不足嘅係四寶雞扎，咬咗一啖發現原來件雞未熟透，拿拿淋叫個夥記更換，阿姐態度好好不斷話唔好意思，最終雞扎已經售罄張單取消了。整體意見所有點心都好食，唔怪得早茶午茶全場爆滿啦見到有晚飯package唔知好唔好食呢？下次可以試吓！
繼續閱讀
食物非常之好， 小菜有鑊氣， 賣相夠靚， 值得一試， 特別係佢嗰個蝦多士， 加芝士醬嘅配搭非常之好， 另外白肺湯非常入味， 蒸白鱔非常彈牙可口， 咕嚕肉好香脆， 最緊要係服務態度良好， 對老人家都非常有愛心
繼續閱讀