朝天門

位於海旁的火鍋店，是品牌在香港開設的第二間分店，不僅延續了招牌的高質火鍋風味，更加入了本地獨有的地理優勢 —— 坐擁無敵海景。店內裝潢時尚摩登，空間寬敞，落地玻璃窗引入自然光和開揚海景，無論日景還是夜景都令人陶醉。更特別的是設有可唱K的私人廂房，讓食客可以一邊享受美食，一邊高歌歡聚，非常適合朋友聚會或慶祝活動。我們這次點選了麻辣口味與菌湯口味、以及麻辣與板栗雞口味的兩個鴛鴦鍋作為湯底搭配。麻辣鍋底香而不嗆，辣度可以調節，花椒香氣十足但不會掩蓋食材本味；菌湯則清甜順喉，入口後能感受到多種菇類熬煮後的鮮味；板栗雞湯則香濃帶甜，有濃郁的家常風味，十分適合搭配肉類與菌菇類食材。在配料方面，最令人驚喜的是極品鮮毛肚，片薄而爽脆，涮幾秒即熟，口感彈牙，每片都處理得乾淨無異味，值得一讚。冷鍋鴨血，麻辣滲透入鴨血之中，口感滑嫩，帶有微微辣香，是火鍋的絕配小菜。另一道招牌菜烽火戲豬喉，以豬喉平放在烽火台上桌，打卡感十足；豬喉經特別處理，口感爽滑，涮熟後吸附湯底香氣，是店內必試的特色菜。海鮮方面，我們選了海鮮拼盤，鮑魚新鮮彈牙，蠔肉飽滿無腥味，食材新鮮度令人滿意。肉類方面，安格斯雪花牛肉拼F4純血和牛皮腱絕對是肉食控的天堂。安格斯牛雪花分布均勻，入口柔嫩油香；F4和牛皮腱則肉味濃郁，不韌，涮煮後口感豐富。黑虎蝦滑牛肉丸也相當出色，蝦滑用料實在，吃得出蝦肉的鮮甜，而牛肉丸彈性十足，肉汁豐富。素菜方面我們點了田園山珍拼盤，內含多款新鮮蔬菜和菌類，洗得乾淨整齊，口感爽脆，是火鍋中不可或缺的平衡元素。肉多多午餐肉亦是一大亮點，厚切片狀不易煮爛，入口鹹香滿滿，極具懷舊感。黑松露和牛炒飯絕對值得一試。炒飯粒粒分明，黑松露香氣濃郁，與和牛碎的油香互相融合，香氣四溢，是火鍋後的完美收尾。而甜品方面的椒香酥肉拼紅糖餈粑軟糯香甜，外脆內糯，紅糖醬濃郁不膩，為整頓豐富的火鍋餐畫上完美句號。總結來說，這間火鍋店不單提供高質素的食材和多元化的選擇，更結合無敵海景與K房設施，提升整體用餐體驗。無論是節日慶祝、朋友聚會還是家庭聚餐，都能在這裡找到樂趣與滿足。作為品牌在香港的第二間分店，無論在服務、環境或菜品質素上都展現出極高水準，絕對值得一訪再訪。…Read More

朋友仔早有預謀，原來一早喺 #環球貿易廣場 #ICC 101樓「朝天門」訂咗位，話要比個驚喜我😉 餐廳嘅設計以紅色中國風為主，由餐廳大門到擺設，就好似進入城門一樣，非常有氣勢！位於 #西九龍 呢間「朝天門」，原來係老闆喺 #香港 開設嘅第二分店，餐廳幾乎每個位置都可以望到西九文化區對出一帶嘅海面🛥️ 食客可以一邊望住柔和嘅海面同陽光、一邊欣賞美食，非常治癒🌱嚟得幫襯，當然要試吓佢哋馳名嘅麻辣鍋🌶️ 湯底以一人一鍋設計，客人可以因應自己口味揀選適合嘅湯底😋 呢日我哋各自揀咗個鴛鴦鍋，配合埋各式各樣嘅火鍋料，一於吃個飽😋✨鴛鴦鍋湯底麻辣湯 - 特製嘅麻辣鍋，配上來自重慶嘅香料，入口有點香麻大微辣，用嚟配肥牛肉同鴨血，更能帶出獨有味道😋 另外嘅菇菌湯同番茄湯，味道就比較清新，放海鮮同埋蔬菜就最合適！✨火鍋料#安格斯雪花牛肉 拼 #F4純種和牛板腱（Purebred） - 雪花牛肉入口即溶，而牛板腱嘅肉味就比較濃郁，放入麻辣湯底，正是 #小秘書 最愛嘅口味😘#極品鮮毛肚 - 放湯幾秒就食得，我就比較鍾意夾埋啲蒜蓉一齊食，味道零舍突出🙂#烽火戲豬喉 - 爽脆嘅口感，加少少醬油喺面，味道好特別😙#海鮮拼盤 - 大大隻鮑魚，同肥嘟嘟嘅生蠔充滿鮮味，為食嘅我好想encore呀🤣#冷鍋鴨血 - 師傅將鴨血處理得非常乾淨，滑嘟嘟嘅口感，好滋補喎😘#肉多多午餐肉 - 自家製嘅午餐肉特別有咬口，放落麻辣燙一齊煮，邊有得輸！#黑虎虾滑 拼 #牛肉丸 - 用黑虎蝦肉同新鮮牛肉搓成嘅肉丸，口感爽彈又鮮味！#田園山珍拼盤 - 食咗咁多肉同海鮮，當然要食啲新鮮蔬菜🥬中和吓，而我就最鍾意拼盤入邊嘅 Q版薯仔造型，啱晒鍾意打卡嘅我😉✨套餐仲包咗個 #飯 同 #甜點#黑松露和牛炒飯 - 師傅將大大塊黑松露放喺炒飯面，香氣更加突出💨#紅糖糍粑 配 #炸酥肉 - 酥肉入口唔會太油膩，最後配埋紅糖糍粑，黏糯嘅口感，甜味幫我將味蕾上剩低嘅辣味帶走... 師傅真係細心呀😘整體我哋都好滿意餐廳嘅服務同食物水準❤️ 我哋除咗可以食到一餐特色菜，餐廳四周嘅無敵大海景，亦令喜歡相機食先嘅我大飽眼福😉 讚！📍朝天門 (尖沙咀)柯士甸道西1號環球貿易廣場101樓B1號舖…Read More

朝天門火鍋尖沙咀店是第二間在香港的分店，集高品質食材、地道重慶火鍋和無敵海景於一身的火鍋餐廳，餐廳設有舒適寬敞的座位和私人包廂，適合朋友聚會或家庭聚餐，但不能唱 K。主打法國傳統重慶火鍋，是全港最高級的火鍋店之一。朝天門火鍋的特色是「非遺鴛鴦鍋」，可以選擇四種湯底中的兩種，包括招牌紅鍋（麻辣紅湯）、番茄湯、菌湯及濃湯豬肚雞湯。鴛鴦鍋上蓋裝飾有金龍玉璽，打開時熱氣騰騰，場面十分壯觀。 海鮮拼盤非常精美，鮑魚口感爽滑彈牙，鮮甜味十足。生蠔肥美，質感細膩，有奶油般的滑順口感。F4純血和牛油花豐富，脂肪分布均勻，帶來滑嫩細膩的口感。極品鮮毛肚：口感脆嫩、味道鮮美。冰川鵝腸爽脆且帶有油脂的香嫩。河豚竹蓀滑：竹蓀內填滿了河豚魚滑，魚滑鮮甜細膩，口感滑嫩。肉多多午餐肉：味道鮮美，肉質多且香。冷鍋鴨血非常嫩滑。田圍山珍拼盤非常精緻且美味，拼盤中包含多種新鮮的蔬菜，顏色呈現青綠色，煮過後依然爽口，食材鮮美且口感佳。椒香酥肉外酥內嫩、麻香濃郁、肉質鲜美。重慶擔擔麵：麻辣鮮香且層次豐富。…Read More

呢度嘅火鍋，淨係睇環境，已經舉世無雙。呢度，係ICC 101樓嘅”朝天門”。作為進軍香港第二分店嘅重慶老字號火鍋品牌，呢度做嘅係最正宗嘅重慶火鍋之餘，仲有啲好有特色而且打卡嘅菜式，當中包括”烽火戲豬喉”、”冷鍋鴨血”等。今次特登嚟幫襯吓午市雙人套餐。講起午市，一定要睇吓呢度嘅無敵海景。由於位處高層，天氣好嘅時候可以望穿香港島以至大嶼山嘅景色。另外呢度亦設有唔同嘅包廂房間，可以容納包括6人、10人同15人等。鴛鴦鍋（麻辣口味＋菌湯/板栗雞口味）麻辣湯底力度十足，但唔會過於刺激，無論用嚟襯咩食材都可以令佢有獨特嘅重慶風味。呢度特別讚吓個板栗雞，湯底用料足，啲雞食落都係滑身嘅。極品鮮毛肚大塊、彈性十足嘅鮮毛肚，烚喺麻辣湯底就最適合。不過要留意烚嘅時間唔可以太耐。煇火戲豬喉呢度嘅signature dish，擁有非常打卡嘅外型。豬喉只需要烚30秒就可以。食落去類似魷魚嘅質感，更推薦用麻辣湯底去烚。海鮮拼盤包括非常新鮮嘅生蠔同巨型嘅飽魚。鮑魚嘅發揮特別出色，事前預備功夫亦做得好充足。冷鍋鴨血呢度嘅特色之一，店員會幫忙將鴨血倒落窩。鴨血無論質感同味道都相當足夠，特別同麻辣湯底好夾。肉多多午餐肉不愧係內地有名氣嘅午餐肉品牌，肉質鮮軟，亦唔會好容易夾散，味道亦唔會搶過湯底。田園山珍拼盤由多種蔬菜同菇類組成，拼盤亦做得好靚。無論蔬菜定菇類都好新鮮。特別推介將菇類用菌湯去烚。安格斯雪花牛肉拼f4純血和牛板腱兩種同樣地高質素嘅牛肉，可以打卡之餘，牛味充足，質地鬆軟，無論邊種湯底都好啱襯。黑虎虾滑牛肉丸拼份量唔細嘅拼盤，特別要讚個黑虎蝦滑，大件足料，蝦味十足，亦具彈性。黑松露和牛炒飯最後食埋呢個炒飯，炒味香，最重要係可以略為中和火鍋中嘅辣味。紅糖糍粑咬落去會流心嘅紅糖糍粑，其中最大嘅用途係用甜味中和湯底嘅辣度，而本身質素亦好高。雖然只係雙人午餐，但已經足夠豐富，無論海鮮、肉類同配料嘅份量都好平衡，加上絕佳嘅服務，無敵嘅環境，呢個午餐真係非常抵食！…Read More

今日帶左媽媽去九龍站ICC 101/F 打邊爐。這是朝天門繼中環後，在香港的第二間分店，主打四川麻辣火鍋。可以一邊打邊爐，一邊享受香港由101/F 看下的無敵海景，大地在我腳下的感覺好得意。火鍋店除咗有大堂位外，仲有私人廂房, 可以家庭聚會、公司搞活動使用，房內仲有唱K設施。來得四川火鍋店，必點麻辣口味過下癮。但又怕太辣，記叫了鴛鴦鍋，一個叫菌湯口味，另一個叫蕃茄口味。極品鮮毛肚 x 烽火戲豬喉將毛肚及豬喉加入麻辣鍋煮30秒上水，非常爽口👍好新鮮。海鮮拼盤超級新鮮蠔非常大隻，鮑魚亦好大隻，煮完後非常之爽口。冷鍋鴨血食得四川麻辣鍋，當然要叫當地必叫嘅鴨血鴨血吸收晒麻辣湯底嘅香味非常好食。黑虎蝦滑牛肉丸超級精緻，用5個玻璃盒，裝住5粒豬肉丸，打卡必影。肉多多午餐肉非常厚切，煮完嘅午餐肉非常有肉味田園山珍拼盤排到超精緻，如同盤景一樣非常美。多種疏菜在內，非常新鮮呈青綠色，煮後亦非常爽口。紅糖餈粑外皮炸到錢黃色，咬落好脆，入面是糯米，食落煙煙韌韌。安格斯雪花牛肉拼F4純血和牛板腱非常吸晴、打卡必點。牛肉脂肪比例均勻。加入麻辣湯底煮熟令牛味更提鮮。亦唔會過嚟非常過癮。松露和牛炒飯細細碗，有松露片在炒飯上。食返碗飯有飽肚感，同無咁辣。幫助吸返d辣油，對胃無咁傷。…Read More

今日我去咗ICC 101樓享受下午打邊爐！真係太crazy，見到咁靚嘅海景，邊食火鍋邊放鬆，真係超級享受😍價錢唔算貴，午市雙人A套餐只需$988，仲有鴛鴦鍋（麻辣口味＋菌湯口味）或者（麻辣口味＋番茄口味），每人一個細鍋，選擇自由，真係超方便🍲環境亦好私密，有簾擋住隔壁檯，唔怕被人睇到，食得安心又自在😌而且呢度都有大房間可以預訂，特別適合大家庭聚會，大家可以一齊玩，但就唔可以唱歌🎤✨F4純血和牛：上菜嘅時候超級浮誇超啱影相，肉質滑嫩，口感極品。✨海鮮拼盤：有蠔有象拔蚌味道鮮美，搭配火鍋湯底，超正🦪✨河豚竹蓀滑：河豚肉質滑口，竹蓀爽脆，搭配火鍋簡直完美。✨極品鮮毛肚：毛肚彈牙，吸收湯底味道，每一口都好正。✨冰川鵝腸：食落去超爽口。✨肉多多午餐肉：經典午餐肉，炒過之後更加香脆。✨冷鍋鴨血：鴨血滑口，火鍋真係一流。✨椒香酥肉：香脆又有椒香味，食完停唔到口。✨重慶擔擔麵：麵條Q彈，醬汁香濃，完美配搭。✨田園山珍拼盤：各種山珍，食落去好有層次感。…Read More

重慶老字號朝天門繼中環首店 而家喺圓方ICC開咗分店啦101/F 居高臨下望到無敵靚海景🗾店內裝潢高級有格調 連餐具都好靚仲設有廂房 房內可以一邊唱k一邊食火鍋🍲午市雙人套餐 每人一個鴛鴦鍋 我哋不約而同都揀咗麻辣味🌶️整體唔會好辣 我食開小至中辣嘅都食到 反而充足香味 麻味微微滲透 另一邊係香甜嘅菌湯 朋友嘅蕃茄湯底都好濃郁🍅ꕥ F4純血和牛超靚擺盤 打卡一流📸牛肉份量都幾多 油脂平均 鮮嫩得嚟肉質有彈性ꕥ 海鮮拼盤生蠔同鮑魚各兩隻🦪生蠔熟咗之後唔會縮好多 仲係大隻厚肉 鮑魚比想像中肉嫩 鮮味同菌湯特別夾ꕥ 冷鍋鴨血呢個配麻辣湯超正 質地好滑溜 係近期食過最鍾意嘅鴨血🦆ꕥ 極品鮮毛肚大約淥10-15秒就食得 薄薄一片 口感爽得嚟有韌勁🐂ꕥ 河豚竹笙滑一個必點推介 用竹笙包住河豚滑 口感有層次 味道仲好鮮甜 好有驚喜✨ꕥ 冰川鵝腸麻辣湯底嘅好朋友 爽!脆!嫩!ꕥ肉多多午餐肉呢隻午餐肉 係中間帶有肉絲嗰種 有咬口得嚟無咁易散🐷香得嚟唔會太膩ꕥ 田園山珍拼盤娃娃菜/皇帝菜/粟米/蓮藕等等 竟然仲有鉛筆菇 出面較少有啊🍄‍🟫另外仲有兩款熟食 椒香酥肉 香口炸物🐖重慶擔擔麵充滿芝麻油香同微微麻辣都好惹味架🍜…Read More

在香港品嚐朝天門火鍋，絕對是一場味蕾的盛宴。我們兩個人，一個選擇咗麻辣鍋一個選擇雞湯。前菜部分，椒香酥肉外酥內嫩，椒香撲鼻，是開胃的絕佳選擇；紅糖餈粑則甜而不膩，糯香十足，為整體味覺鋪陳出溫柔的序章。火鍋配料方面，誠意十足。安格斯雪花牛肉與F4純血和牛板腱拼盤，油花分布均勻，涮至微粉即入口即化，肉香濃郁。肉务多午餐肉則是懷舊風味的驚喜，厚切飽滿，吸湯力強。極品鮮毛肚爽脆彈牙，吸飽湯汁後層次分明，是火鍋中的靈魂角色；烽火戲豬喉則口感獨特，脆中帶韌，令人驚艷。黑虎蝦滑與牛肉丸拼盤則彈性十足，口感飽滿，每一口都充滿驚喜。田鳳山珍拼盤則是菌香四溢，與菌湯湯底相得益彰，清新解膩，為整體味覺增添層次。最後的主食——黑松露和牛炒飯，香氣撲鼻，米粒分明，和牛油脂與黑松露完美融合，奢華感滿分，是這場火鍋盛宴的完美收尾。整體而言，這次朝天門火鍋體驗不僅食材新鮮、搭配豐富，湯底更是靈魂所在。每一道菜都展現出對食材的尊重與火鍋文化的深厚底蘊，絕對值得一試。…Read More

朝天門火煱店聞名以久， 終於可以在香港試一試 。首先， 餐廳全海景，優雅高級！ 價格欲比想像中便宜！我們點了 鴛鴦鍋～ 麻辣 和 菌湯 大陸口味的麻辣真係唔講得笑, 香麻帶勁，辣中回甘! 我們點了 2 人餐， 包括弘純血和牛、海鮮拼盤、極品鮮毛肚、冰川鵝腸 、鴨血等等 還有前菜小吃， 以及主食。非常豐富！特別推介 極品鮮毛肚， 毛肚新鮮爽脆，入口彈牙無腥味，吸飽湯汁麻辣鮮香，口感層次分明！🔥海鮮拼盤內有生蠔及鮑魚。生蠔鮮甜滑嫩海味濃郁，入口爆汁。鮑魚彈牙鮮美入味，配合麻辣湯香濃厚，口感奢華回味無窮。鴨血非常有驚喜。 麻辣湯底香辣濃郁，鴨血滑嫩入味，兩者絕配超滿足！🔥🫕…Read More

重慶火鍋名店「朝天門」喺香港開第二間分店啦！地點仲要係全港最高嘅ICC 101樓！🏙️ 環境設施：廂房級享受嘅無敵海景一入到嚟，真係嘩咗出聲！😍 我哋被安排坐喺窗邊位，雖然唔係四面牆嘅獨立房，但自成一角嘅空間感，加上塊超大全景落地玻璃，感覺同私人廂房完全無分別！你可以一邊食，一邊由黃昏日落睇到璀璨嘅維港夜景，成個體驗好 private，好適合情侶撐枱腳或者同閨密靜靜地傾偈。溫馨提示： 呢度係主打高級餐飲同享受靚景嘅地方，所以廂房係無卡拉OK設施㗎！大家可以放下咪，專心用味蕾感受美食，用雙眼欣賞香港最靚嘅天際線！🤫我哋見到有個二人套餐 ($988)，計過條數好似幾抵，就決定試呢個！個餐包羅萬有，由和牛、海鮮到經典重慶配料都有，非常豐富🤪🌶️ 鴛鴦鍋 (麻辣 + 菌湯)一人一鍋，個鍋一上嚟，氣勢已經贏咗！我哋揀咗一邊係靈魂所在嘅麻辣紅油鍋，另一邊係養生嘅菌湯鍋。個麻辣湯底真係唔講得笑，牛油味超香，滾起上嚟啲辣椒同花椒嘅香氣係咁湧上嚟，聞到都流口水🤤。食落去麻勁同辣勁十足，但又唔會死鹹，辣得好過癮！菌湯就清甜潤喉，用嚟灼蔬菜同海鮮就最啱，可以食到食材嘅原味🥩 F4純血和牛啲A4和牛切到好似玫瑰花瓣咁，打卡呃like指數100分！📸 啲和牛雪花紋理靚到好似藝術品，油脂分佈超均勻。輕輕喺麻辣湯底「七上八下」淥幾秒，牛肉味超級香濃，油脂甘香🦐 海鮮拼盤 & 河豚竹蓀滑海鮮拼盤有生蠔同鮑魚，兩樣都好新鮮！鮑魚灼完之後口感超彈牙，鮮味十足。生蠔大大隻，肉質飽滿，入口充滿海洋嘅味道🌊。另外個河豚竹蓀滑都好有驚喜，魚滑混合咗爽口嘅竹笙，口感好豐富，索晒啲湯汁精華，超好食！💥 極品鮮毛肚 & 冰川鵝腸食重慶火鍋點可以無毛肚同鵝腸！呢度嘅毛肚好大片，上面啲顆粒分明，證明夠新鮮。喺紅油鍋淥十幾秒，入口爽脆彈牙，掛住啲麻辣湯汁，正到飛起！鵝腸都處理得好乾淨，口感同樣爽脆，冇得輸！總結嚟講，呢餐絕對係一次超奢華嘅體驗！由踏入餐廳見到個景嗰下已經「嘩」咗出聲，望住日落到華燈初上，個景真係靚到癲。食物質素方面，特別係個和牛，絕對係頂級水準。雖然價錢唔平，但無論係慶祝紀念日、生日，定係想對自己好啲，呢度都係一個超正嘅選擇！💯…Read More

今日去ICC 101 Sky dining🥰今次揀咗朝天門打邊爐🍲望住無敵大海景食飯真係賞心悅目！選了午市雙人套餐！兩個人食一定飽！最欣賞係一人一鍋唔使煩👍🏻仲可以揀鴛鴦鍋🥰今次揀了麻辣湯及菌湯😋職員會幫手調配朝天門特製醬料，加入「一樽油」及蒜蓉是必需的！因為我點微辣的麻辣鍋都很辣🥵職員話這個特調醬料可以解辣🌶️ 📌F4純血和牛造型滿分💯有如仙女下凡一樣！和牛就像仙女的裙擺🥰當然肉質上乘！好味😋🎼天青色等煙雨 而我在等妳🎶（我諗起呢句歌詞） 📌海鮮拼盤套餐包括兩隻蝦及鮮鮑魚👅👍🏻📌冷鍋鴨血開鍋後，職員貼心提醒我哋要冷鍋落才好味！仲幫我地落鍋🫶🏻味道完全不血腥，很加分👍🏻 📌河豚竹蓀滑竹蓀滑吸收湯底的精華更濃味！外脆內軟的口感令人回味😋 📌冰川鵝腸及極品鮮毛肚淥8秒就食得！兩者口感都很爽脆 📌肉多多午餐肉食傳統重慶麻辣鍋必備的午餐肉！吸收麻辣湯後更惹味👍🏻📌田園山珍拼盤有生菜、娃娃菜、菠菜、蓮藕、甘筍、薯仔及粟米📌重慶擔擔麵食麻辣鍋太辣，可以食啖擔擔麵😂因為麻醬味重，麵質口感彈牙，記得攪拌醬汁後先食。 📌椒香酥肉及黑糖糍粑脆嫩的小酥肉沾辣椒粉食好味及Q彈的糍粑都是我最愛的小食😋…Read More

朋友約了我今天到九龍站ICC吃午餐，選了ICC 101的餐廳，門面以紅色重慶朝天門城門為靈感，十分吸睛。餐廳是第二間在香港的分店，重慶老字號品牌，重慶市非物質文化遺產，中國火鍋十大品牌，大有來頭。全部座位都可以俯瞰維港美景，有雙人、3-4人座位，亦設包廂，私隱度高，非常適合商務宴客或朋友家庭聚餐。今次我哋點了「午市雙人A套餐」，共十一道重慶風味食材，包括：鴛鴦鍋（麻辣口味+ 菌湯口味）F4純血和牛海鮮拼盤（生蠔、鮑魚）河豚竹蓀滑極品鮮毛肚冰川鵝腸肉多多午餐肉冷鍋鴨血椒香酥肉重慶擔擔麵田園山珍拼盤紅糖耙滋服務員首先送上調味格和遞上一片方包在碟上，問了服務員原來是給我們把烚了的食物放在方包上吸走多餘的油分，十分細心！食材優質，F4純血和牛極致柔嫩，入口即化。冷鍋鴨血果凍般的質地，緊實Q彈，獨特的嫩滑和爆汁感令人難忘。冰川鵝腸冰鎮處理，食落爽脆彈牙。麵條口感紮實，配上秘製濃醬和肉燥，麻辣鮮香交疊，十分暢快。最驚喜是釀了豚肉嘅竹笙，鮑魚同生蠔都很新鮮。麻辣湯底很香不會太辣，朋友不太吃辣也能接受。大力推薦極品鮮毛肚和肉多多午餐肉放在麻辣湯底內真的十分惹味！鮑魚、生蠔放在菌菇湯那邊，鮮味濃郁。一人一個鴛鴦鍋女士也可以吃得高貴優雅。…Read More

無唸過係天空中打邊爐食火鍋，仲要係川辣鴛鴦火鍋🍲係環球貿易廣場既Sky Dining 101就可以實現。我哋2個人食二人套餐，抵好多，咁既靚景，抵食！小食有雲片糕，紅棗，麻花三款，都是傳統的中式零食，香脆可口。前菜是椒香酥肉配紅糖糍粑，外脆內軟，糍粑香甜煙靭。主食係重慶麵擔擔麵，要趁熱食，底下有擔擔麵醬汁，要先撈均勻，好惹味😋鴛鴦鍋係純紅油麻辣湯底，係麻辣控必叫，百年老店嘅重慶火鍋風味，麻辣得好醒胃，同所有食物都好夾🈵幾香下，知道有牛油🧈一起調配的。蕃茄湯底，入面有好足料嘅蕃茄，味道好濃郁，鍾意食蕃茄既🍅蕃茄控唔好錯過。雜菌湯底，鮮菇味好香，湯底鮮甜，菌菇本身的味道很突出濃郁香醇。F4純血和牛，擺盤好有特色，感覺特別有氣勢，肉質油花分布平均，和牛入口軟滑即溶。海鮮拼盤: 鮑魚𠝹咗花紋好易熟，爽口彈牙，好鮮味，生蠔🦪好大隻，蠔味好鮮甜。河豚竹蓀滑，新鮮竹笙釀左河豚滑係裏面，口感好特別，外面脆，入面軟軟糯糯。極品鮮毛肚，厚薄好均勻，食落好新鮮爽口。冰川鹅腸，顏色睇落好新鮮，開邊清洗得好乾淨，咬落好爽脆。肉多多午餐肉，厚切午餐入面有好多火腿肉，口感好豐富。冷鍋鴨血，口感好滑溜，完全唔會腥，食落感覺好新鮮。田園山珍拼盤，入面有好多豐富嘅蔬菜，清清地可以解一解油膩。同朋友聚餐或情侶食都好適合🈴配夕陽🌇美景好正🙌…Read More

這次的午市雙人A套餐讓我感受到非常豐富的美食體驗。每人一個鴛鴦鍋，其中麻辣口味和番茄口味的搭配，讓口感層次更加豐富。麻辣鍋的香辣刺激與番茄鍋的清新酸甜形成鮮明對比，讓人一口接一口，欲罷不能。 頭盤小食椒香酥肉外皮酥脆，內裡肉質鮮嫩，搭配自家調製的醬油香料，風味獨特。雪片糕的口感輕盈，清新可口，而椒香扁頭則增添了一點獨特的香氣，值得一試。F4純血和牛肉質細膩，油花分布均勻，煮熟後更顯嫩滑。海鮮拼盤中的生蠔和海蝦新鮮無比，味道鮮美，特別是海蝦，口感彈牙。河豚竹蓀滑則是另一個亮點，口感滑嫩，配合麻辣鍋的湯底，讓人驚喜。極品鮮毛肚和冰川鵝腸的搭配也十分理想，肉多多午餐肉更是讓人懷舊，回味無窮。冷鍋腸血的獨特風味，配合重廈擔擔麵的香辣醬汁，讓整體的享受更上一層樓。餐廳位於ICC 101樓，係第二間在香港的分店，每張枱都係單獨廂房，落地玻璃讓人可以欣賞到壯麗的海景，讓用餐體驗更加愉悅。…Read More

可以飽覽維港壯麗景致的重慶火鍋，傳承重慶火鍋文化 -朝天門，在圓方ICC 101樓，是第二間在香港的分店，朋友要坐高鐵離港，就吃一頓高級麻辣火鍋再離開吧由商場直接搭電梯可到101樓，進店後，被維港景式吸引著，餐廳更採用了一人一鍋的概念，乾淨衛生鴛鴦鍋選了麻辣口味＋菌湯口味午市套餐的火鍋料很豐盛F4純血和牛，上檯非常架勢，放在一大盆冰上冰鎮著海鮮拼盤，有新鮮生蠔及鮑魚，前者肥美後者新鮮爽彈極品鮮毛肚，每一塊都又脆又嫩，放在麻辣鍋內輕灼，非常掛汁竹蓀河豚滑雙拼，河豚滑釀在竹笙內，令口感多一種層次，入口爽滑冰川鵝腸，新鮮鵝腸色澤粉嫩，口感爽脆口感肉多多午餐肉，每一塊都好厚，在麻辣鍋中慢慢滾著，好入味冷鍋鴨血，鮮紅色的鴨血，滑得像豆腐一樣，久煮不硬，而且口感滑嫩，Q彈，好入味田園山珍拼盤，有粟米，蔬菜及黑松茸，非常新鮮套餐有兩碗重慶擔擔麵，必須襯熱享用，味道又麻又辣，香氣十足小吃可以吃到重慶小吃椒香酥肉及黑糖糍粑，前者酥脆後者外脆內軟，好香口Openrice 預付套餐，人均$500的午餐，可以飽覽維港景色餐廳有多間廂房，同樣是採用一人一鍋，空間感大且華麗，不過不能唱K，朋友生日可以多一個聚會地點的選擇…Read More