朗豬爸爸小廚

屯門人福音～呢間位置紅橋外賣小店又抵食又有質素，唔止份量足，味道仲有驚喜，超級推薦以下呢幾款✨• 口水雞（半隻）$53左右：雞肉嫩滑，皮薄油香，配埋辣醬＋蒜蓉，香辣惹味，食完想再叫😋• 葱油雞（半隻）$53左右：蔥油香氣十足，雞肉滑得黎唔會冇口感，啱晒唔食辣嘅朋友• 蠔仔肉碎煎蛋：勁足料超多蠔仔，好香好好食🤩• 菜脯肉碎炒蛋飯（特價飯）：鹹香菜脯＋滑蛋＋肉碎，配埋白飯真係完美組合，平靚正之選🫶無味精自家靚湯：大大碗，加一碗已經夠二人份量每款都係住家飯味道，外賣都好乾淨企理，住附近一定要試吓💛…查看更多

虹橋本身好多嘢食，今晚好想食飯，就揀咗朗豬爸爸。餐牌好多嘢揀，有選擇困難症嘅我，今晚揀咗豉油王美極肉排，屋企人要咗個蠔餅。行到返屋企，理論上蠔餅已經會淋晒，但係店主好細心，個盒拮穿過窿，再𠝹花個盒，仍然係好味嘅。我叫嘅係客飯套餐，一盒飯一盒餸，絶對足夠兩個唔太大食嘅人。好多人都企喺度睇咗餐牌好耐先落單，雖然舖頭細細，但係選擇好多。款式好多，有客飯、有碟頭飯、有兩餸飯、有炒粉麵飯，亦都有小食，三十零蚊有飯食，想食好啲就四十幾，絕對啱一般人士如我。太多餸，下次要揀個新嘅嚟試吓！…查看更多

哩間朗豬爸爸已經喺區入面做左六、七年有多，係由一對夫婦，即係朗豬爸爸同朗豬媽媽兩個人經營嘅小店。間舖淨係做外賣飯盒生意，雖然區內有齊記出現，但朗豬爸爸出面都經常有好多人喺度等外賣，好多熟街坊都會成日幫襯。朗豬爸爸除左小炒同埋粉麵飯，重有好多野可以揀，例如煎釀三寶、蠔餅、雞豬牛扒常餐，大時大節重會有盆菜訂！今日我就試左西蘭花牛肉，重有我成日必食的芙蓉蛋！西蘭花牛肉好足料，牛肉好嫩，西蘭花入味！芙蓉蛋大塊到可以遮哂成個飯盒！而且口感厚實，唔係普通茶記薄痴痴一塊，正！朗豬爸爸除左方便，重點都係平同大份，性價比高！上面兩樣野加埋都係$78，但始終都多人排，等待時間都有點長，記住喺屯公打定電話叫外賣呀！餐廳：朗豬爸爸小廚地址：屯門青翠徑9號多寶商場地下73號舖 Address：Shop 73, G/F, Dor Boa Shopping Arcade, 9 Tsing Chui Path, Tuen Mun #肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔lunch系列 #灣仔 #屯門 #美孚 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #小炒 #屯門dinner系列 #朗豬爸爸小廚…查看更多

屯門虹橋呢度有間性價比高嘅小炒據聞已經響虹橋開左好耐舖而家間舖淨做外賣不過好多熟街坊成日幫襯呢度嘅小炒可以揀跟飯同唔跟飯重點係跟唔跟都超平同大份今日嗌左沙嗲金菇牛肉粉絲煲/沙拉排骨/ 奇味雞 唔跟飯沙嗲金菇牛肉粉絲煲牛肉唔韌 個汁唔會太咸 粉絲夠多同爽口沙拉排骨 份量超多 岩哂肉食人士同男士 不過留意個醬係千島醬奇味雞雞嘅份量好多人 個汁似似地雞煲汁少少辣 好好送飯仲要只係$43-45一個菜式 價廉物美 應該大力支持💪🏻💪🏻💪🏻…查看更多

今日早放工，返到屯門先7:30。屋企附近周圍行下揾食，見到呢間即炒小菜外賣店。抵食又好食！！我叫左個蝦仁炒蛋，佢比兩個盒我放，一盒飯、一盒餸，企企理理，加分！小弟對炒蛋系列既菜式好有要求，佢既蛋嫰滑，蝦仁足，夠鑊氣，高分👍🏻 $45有埋白飯（大約兩碗飯既份量），我覺得抵。因為本來無諗過會寫食評，所以無相放，但個蝦仁炒蛋既size，係多過白飯既份量既！間野仲有好多古靈精怪野賣，三寶、蠔餅、炒公、撈烏冬。我見前面啲人買蠔餅，見到廚房出品既一剎那都對版。下次會試！佢仲有一個兩餸飯、單餸飯系列，好似啲蕃茄蛋、葱油煎豬扒、鹽酥雞、粟米肉片咁，都係即叫即炒！！仲要只係$35！！唔心急既，我覺得值得等下佢炒!街坊野，價廉物美，支持下，一定再幫襯！…查看更多