有間麻辣燙

營業中

休息中

公司搬咗過嚟 #東九龍 都有三四年，不過我都仲好似未習慣😅 周圍都人多車多，食飯時間更不在話下😅😅 好在好多時都有 #首領 帶路，間中我哋都會搵到啲好嘢食🤤 呢日我哋嚟到 #九龍灣港鐵站 附近嘅寫字樓大廈 #Eastmark 搵食，見到二樓開咗間新餐廳 有間麻辣燙，門口望入去已經feel到嗰股人氣，應該味道都唔錯，一於試吓佢😚餐廳採用自助形式，一入到門口，姐姐就馬上喺個消毒櫃拎個竹籃出嚟俾我哋，鍾意食咩嘅，就埋去個大雪櫃拎，將食物夾落個竹籃裡面😚 各式各樣嘅肉丸、肥肉、豬肉片、鴨血、蔬菜、粉絲、出前一丁… 種類都幾齊全😚 我揀咗個牛骨BB麻辣湯底，入口辣辣哋、有啲麻，味道都幾鮮味🤤 夾埋啲粉絲一齊入口，零舍醒神🤤 不過一向眼闊肚窄嘅我，對住面前一大碗 #麻辣燙 真係有啲壓力😅 不過呢… 原來食麻辣燙真係會上癮㗎，雖然價錢有啲超出預期（$16.8/100g），而且餐廳地方都有啲迫，不過我真係有少少掛住佢㗎！唔知有冇人想陪我去試吓呢？😆📍 #有間麻辣燙 (九龍灣)常悅道21號Eastmark 1樓2號舖

朋友話帶我試新嘢，佢話最近好興好高人氣，原來係自助港式麻辣燙🍲食材湯底醬料都係任人配搭，我哋去到餐廳見到裝修都好潮好colorful, 夠晒年輕😂餐廳有晒教學指示，首先去消毒櫃攞熱辣辣嘅籐籃同食物夾，然後去揀想食嘅餸，總共有三大個雪櫃，有九十幾種餸比你揀，餐廳標榜香港人口味，好多地道新鮮材料，有雞翼尖，蜂巢百頁豆腐，鴨紅，秋葵，萵筍，仲有好多洗得好乾淨嘅菜， 揀好曬之後再加埋想食嘅粉麵，就可以擰去收銀處磅重，價錢係$16.8/100克，我揀嘅時候因應自己嘅口味，自己想食乜嘢就揀乜嘢，每樣夾一件，不知不覺都一大碗😂比錢時揀埋湯底，依度總共有4種湯底，分別係牛骨湯底，有BB辣小辣大辣選擇；招牌藤椒湯底；特濃蕃茄湯底；濃香菇菇湯底；我哋揀咗藤椒同蕃茄，藤椒唔會好辣，偏向麻嘅感覺多啲，蕃茄湯底鮮甜，感覺好健康😋然後餐廳就會根據你揀嘅湯底去煮，食落好新鮮，特別推介蝦滑，好鮮甜，依度仲有兩款特色飲品，港男爆打檸檬茶同埋錫住港女檸檬茶，個名好搞笑，我要咗杯港男，好清新解渴😋依度店員好友善，地方乾淨，下次再嚟食其他湯底先😍評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：

每次返國內都必定要食麻辣燙，終於喺香港比我搵到一間正宗又好味嘅麻辣燙「有間麻辣燙」，呢度嘅湯底有四款選擇，有間牛骨湯、招牌藤椒湯、特濃蕃茄湯同濃香菇菇湯，牛骨同藤椒係辣湯，蕃茄同菇菇就係唔辣嘅😋食材擺滿三個雪櫃有超過40款選擇，不過我今晚因為夜咗去，所以部份食材已經售罄🥹另外，出面仲有一個自助醬料枱，上面擺放咗香油、醋、辣椒、香蔥、蒜泥、豉油同埋有我最愛嘅麻醬呀🤩🤩🤩可以根據自己嘅口味自由配搭👍🏻👍🏻👍🏻我揀咗牛骨湯大辣一手就夾起咗大量芫荽😆白玉菇、本菇、豆腐串、鵪鶉蛋、蛋餃、超長嘅蟹柳、午餐肉、竹筍、米線、粉絲、寬粉，超級大碗🤭推介豆腐串，索滿晒湯汁，一啖咬落去會爆汁👍🏻湯底辣得黎夠晒鮮味，我加入大量麻醬，飲晒成碗湯都唔會覺得口渴👍🏻朋友仔揀咗牛骨湯BB辣配菜有牛柏葉、波波腸、午餐肉、腸仔、秀珍菇、菜心、日式魚片、鵪鶉蛋、米粉，男仔食一碗都已經夠晒飽肚港男爆打檸檬茶茶底味道香濃帶甘甜，加入青檸酸酸甜甜，解辣又解渴錫住港女檸檬茶港女檸檬茶加入蝶豆花，顏色吸引，必定要試呢兩杯特色飲品📍有間麻辣燙 (九龍灣)九龍灣常悅道21號Eastmark 1樓2號舖人均消費：$100-150食物：⭐️⭐️

行到呢間舖頭覺得有啲得意，因為佢哋係重量嚟決定價錢，簡直係「磅秤自助車仔麵」！入到舖頭初頭有啲疑惑…店員耐心有禮地向我解釋點單程序：首先要去消毒櫃入邊攞個筲箕同鉗，之後再去食物櫃揀選自己喜歡的食材。食材基本上係各種丸，菜，雞肉，肥牛，牛腩，面都有好幾種。最近減醣，所以專登揀啲非澱粉質健康啲嘅食材 。拎住一筲箕嘅食材同飲品，去到收銀度磅重同揀湯底。佢哋嘅湯底都好特別，當然我二話不說就即刻揀咗我嘅至愛藤椒湯底。佢哋宜家有會員計劃：$138就可以入會做會員，送50支飲品同全年九折。諗諗吓其實為起支飲品都係兩個幾，真係值回票價。買咗單先見到佢哋兩款手調檸檬茶，下次要試吓。今次第一次食呢一間，試咗一啲比較特別嘅食材：蛋角同潮汕餃好好味，好值得推介。呢度仲有筍同牛脷可以揀，真係第一次見。以為大大條蟹柳冇乜特別，咬咗落去先發現原來係芝心蟹柳！有驚喜。佢哋有廚師腸，芝士腸。但我對波波腸情有獨鍾。好味。佢哋個藤椒湯底真係冇令我失望，好香麻椒味但又唔太辣，冇點面食嘅我都過足癮口，好滿足！

牛骨湯自選公仔麵🐮湯底濃郁而香醇，散發著牛骨的天然香氣。公仔麵吸收了湯汁的精華，彈牙可口。加入的雞柳、雞腎、牛肉和午餐肉，為這碗麵增添了豐富的層次和飽滿的口感。每一口都讓人感受到濃厚的滋味😀番茄湯薯粉🍅則是另一種清新選擇。湯底酸甜適中，充滿番茄的自然香氣。薯粉滑嫩，搭配薯仔片、粟米和秋葵，讓整道菜品既有嚼勁又不失清爽😄豬耳麻辣撈🐷是一道充滿驚喜的麻辣小吃。自選食材搭配獨特的麻辣醬汁，辣味適中，香氣撲鼻，豬耳的爽脆😀自選的多樣性和高品質的湯底，無論是牛骨湯公仔麵，番茄湯薯粉，還是豬耳麻辣撈，每一碗都能根據個人喜好自由搭配，融入香港人口味，自己喜歡食乜都可以😌

九龍灣新開咗間可以自選食材既麻辣燙，感覺好新奇，所以就搵埋朋友一齊嚟呢度食Lunch一入門口就有個消毒餐具既櫃，可以喺果度攞個筲箕同食物夾，然後行去後面夾自己想食既餸食材有好多款，好似火鍋料咁由蔬菜到丸類以至肉類同麵食都有好多選擇。呢度計錢都好得意，每100克$16.8，鐘意每樣食少少既人就啱晒啦，可以夾一粒丸又夾一兩菜都得。不過要小心唔好夾得興奮得滯越夾越多，好易就夾到過百蚊架啦😂湯底有辣有唔辣，牛骨、藤椒、蕃茄同菇菇湯四款可以揀

有日經過此辦公大樓，見到此門面乾淨，香港人開設的麻辣燙小店，決定一試。此店材料多樣，蔬菜乾淨，按重收費統一$16.8/100g，有選擇困難症都無問題，十幾個餸過足口癮。這裏湯底有辣有唔辣。區區和太座要了兩個小辣湯底。其中牛骨湯加上辣油味道十分平衡，藤椒湯不太油麻感十足。整體食材高質，丸類新鮮無雪味，豬紅等內臟類結實無腥味，蔬菜爽脆，加上必點的蜂巢百頁豆腐盡吸湯汁，絕對吃得過癮。最後加上兩枝有氣涼茶，清爽解暑，完美作結。

好鍾意食麻辣既我最近發現公司附近開左一間新麻辣燙【有間麻辣燙】，所以揾日放工就去左試。食物係自選、自己夾然後磅秤，$16.8一磅。湯底可以選牛骨湯、藤椒湯、番茄湯同菇湯，可以自選3個辣度、BB辣、小辣同大辣。另外仲可以自己調配醬汁。麻醬非常好味！個人就選擇左番茄湯小辣，不過個人覺得小辣都唔係好辣，本身食得辣建議食大辣。番茄湯都算香濃、又唔會好重味精之後食完好口渴。食材都算好新鮮、而且一無、店員就會添。建議夾多D蔬菜，因爲非常吸湯。

有間麻辣燙 地址: 九龍灣常悅道21號Eastmark 1樓2號舖電話: 68419717===================== 過去妹妹九龍灣屋企，上去次我通常食野先，同會去附近行下商場。今日search 到間是先令個兜仔，夾自己想要食的食材，再去按重量量比價錢。成個過程feel 好有去到大陸的感覺。重點是價錢一d都唔貴，一個人$60-80左右一碗，視乎食量夾到幾多食材。食材主要是丸類腸仔，還有菜同麵食類。夾了一籃，因本身有氣，所以會計算了一定重量湯就有辣有唔辣，好似我唔太食到辣、就要了個蕃茄呢碗就有菜，芽菜，魚蛋，秋葵，火腿，午餐肉，蟹柳，蛋、椰菜花同粟米仔，共十個。

今日夜晚又要一個人食飯，見到德福附近, 比較近九龍灣工業廠區嘅呢個Eastmark 商場，原來入邊都有幾多餐廳底層有人氣麵包舖，我搭扶手電梯上咗一層就比呢間叫有間麻辣燙嘅餐廳吸引咗，因為佢門口有一隻好大用氣球整嘅醒獅，好有型好有氣派😻😻菜類洗得乾淨，近乎每條菜都有水點，有清洗過嘅痕跡，生菜🥬、芫荽🌿、魚蛋、芝士豆腐豬肉，牛肉，午餐肉，腸仔等等應有盡有。湯底方面仲有四款選擇，有辣有唔辣，呢間餐廳真係值得一讚🥰🥰有間麻辣燙 (九龍灣)九龍灣常悅道21號Eastmark 1樓2號舖

平時好少食麻辣燙，因為通常見到啲湯係溝出嚟，真係冇乜胃口。今次經歷就完全唔同，令我對麻辣燙有咗全新嘅睇法。 憑住我多年食粉麵嘅經驗，當我食第一啖嘅時候，就已經好清楚知道，呢個湯底係真真正正用心煲出嚟嘅。湯底濃郁香滑，唔似一般溝出嚟嗰啲高科技湯，口感非常自然同埋舒服。 作為一間以湯為主嘅食店，最重要嘅就係湯底，呢個真係唔可以馬虎。呢間店做得好，表現出佢哋對食物嘅用心，唔單止湯底好味，仲令我呢啲平時唔飲湯嘅人都忍唔住飲曬。可以話，對呢間店最大嘅敬意，就係連湯都飲埋，真係好味到停唔到口。 唔單止湯底好味，性價比仲高。呢個價錢能夠食到咁高質素嘅麻辣燙，真係好值得推介比大家。呢次嘅經歷，令我對麻辣燙有咗重新嘅認識，亦都明白到，有啲食店真係會用心去煲好每一煲湯，帶比顧客最正宗嘅味道。 總結嚟講，呢間麻辣燙真係令我刮目相看，好味之餘價錢仲合理，值得一試再試。大家如果同我一樣平時對麻辣燙冇乜興趣，不妨試下呢間，保證唔會失望！

每次出九龍灣我都會順便買埋享樂 今次諗住近近地就係享樂隔離個商場食埋野 經過見到呢間「有間麻辣燙」本身仲以為係食麻辣野 但原來個湯底係有得揀牛骨 藤椒 蕃茄或者菇菌湯 呢度嘅點餐方式係自己拎個筲箕盤裝野食再拎去磅重 幾得意咁 食物種類都幾多 有丸類 蔬菜 菇類 薯粉 米線等等 而且洗得幾乾淨 仲可以自己調配醬料 我就揀咗蕃茄湯底 飲落蕃茄味都幾濃郁 最鍾意蜂巢豆腐 食落同一般豆腐唔同佢係好彈牙 唔會一咬就散開 豆腐串索哂蕃茄湯勁入味 比較驚喜嘅係有流心松露丸 食落好香黑松露味朋友就揀咗純牛骨湯 佢話飲得出唔係味精湯 蟹柳好大條而且入邊竟然有芝士 好驚喜 米線嘅質地同平時譚仔個d唔同 呢度會比較滑身飲品方面就叫咗忌廉同甘草羅漢果 特別之處在於佢係有汽涼茶嚟 第一次飲感覺幾特別

話說都係九龍灣工廠區做左6年野，個人好鐘意食重慶酸辣粉、麻辣燙、酸菜魚呢類菜式，一直以嚟除左譚仔集團，都係得工廠大廈2樓鋪"酸辣姐"可以頂到下，但個人覺得佢係搞唔掂嘅，再唔係就要特登落牛頭角搵馬姐。今日上網見到Eastmark 呢間終於開左就嚟試下。入到去，形式係內地"福客"、"楊國福"，自助揀食材再按重量計，呢到就$16.X(唔記得有冇零頭)@100克，平過中環"楊國福"。湯底有蕃茄豬骨、蘑菇、麻辣 3款選擇，蕃茄豬骨本身唔辣，不過可以加麻辣，辣度有 BB辣、小辣、大辣(係冇中辣嘅)。我揀左大辣(利申 譚仔食開中/大辣)。環境幾闊落，雖然係6人枱，但枱同枱之間唔會好逼，就算搭枱都唔驚走個陣唔方便。食材上有唔少蔬菜、菇類、有D特別嘅蛋餃、粉條之類 (sorry 冇影相)。揀左西洋菜、波菜、金菇，望落全部都洗得幾乾淨。蕃茄湯底幾鮮甜，但又唔係海底撈個種甜(個人覺唔喜歡，有D怪)，食到有D洋蔥，唔似有味精，食完唔會有好口渴嘅感覺。加左麻辣大辣(唔算太油，呢樣幾好)，個人覺得可以再辣D (再利申 譚仔食開中/大辣)，不過出面bar 枱有調味料可以攞，自己再落左D陳醋、鮮辣椒碎、蔥花。下次要試

同屋企人去呢度食嘢本身屋企人以為係辣嘅，老闆娘好好人講解比屋企人知麻辣燙原來係一種菜式其實有辣有唔辣 湯好味 有三種湯（蕃茄湯，蘑菇湯，麻辣湯）嘢食又多選擇同屋企人去食，屋企人聽到麻辣燙就以為係辣嘅跟住同佢哋去到先知，原來有蕃茄湯，蘑菇湯，麻辣湯。 去到佢哋唔食辣都有得去揀湯底仲要自己鍾意食咩就夾乜嘢地方又大又乾淨價錢方面: 都Ok正正正正呀

1.自己先拎一個特色筲箕2.之後揀自己鍾意食嘅配菜有啲好得意，食都未食過嘅配菜，因為我近排健身唔食澱粉，可以自己唔揀澱粉嘅食物3.之後就揀埋嘢飲個遊戲菊花茶幾好飲，好得意嘅涼茶，襯返晒麻辣燙4.自己再行去埋單5.自助調配醬料整體嚟講，個湯底飲得出係好用心機去做，會下次再返嚟食 。