有間茶記响附近

營業中

休息中

今次老公同我食呢間茶餐廳，野食賣相精美，份量多，帶BB嚟食都唔怕因為BB車太大而冇位擺，因為呢度地方好闊落，坐得好舒服土魷蒸肉餅我老公好鍾意食土魷蒸肉餅㗎，所以通常如果見到茶餐廳有嘅話我都會叫，一上枱都覺得佢好大份，兩個人唔係好食得晒。第一啖食落口已經覺得佢唔係！好 Juicy 好嫩，魷魚份量都幾多，每一啖都食到咁滯。蒜蓉娃娃菜＄53通常我哋出去食飯都會叫碟菜嘅，呢度嘅時蔬有得揀娃娃菜，所以我毫不猶豫就揀咗娃娃菜。唔會覺得蒜蓉味太過鹹，反而清清地鮮菠蘿拔絲咕嚕肉＄98一定要叫佢哋嘅 Signature ！！好夠鑊氣嘅菠蘿拔絲咕嚕肉，甜到入心既菠蘿同埋咕嚕肉醬心，仲做埋拉絲效果，好夠鑊氣。成個擺盤都好精緻，旁邊仲有乾冰，拍得住高級中菜廳無骨海南雞 $98我最鍾意呢個海南雞係下面有啲雜菜墊底，酸蘿蔔好爽ロ又酸甜海南雞肉嫩。香燒豬頸肉 $68正喺度糾結到底食豬頸肉定係瑞士汁雞翼好嘅期間，隔籬嗰張枱好大聲咁講咗句豬頸肉好好味然後我就因為佢呢一句叫咗，果然冇令我失望 。唔會燒到柴晒反而仲有啲肉汁-利賓納半價-珍寶檸檬茶半價

最近朋友推介呢間喺土瓜灣嘅茶餐廳，一入到去已經見到唔少街坊支持，平時都幾鍾意影相嘅我，發覺佢哋嘅菜式賣相吸引，擺盤有心思風味辣子雞：呢款菜式啱晒食得辣嘅人，辣得相當過癮，雞肉細細粒，某啲係帶骨嘅，先炸後炒非常惹味沙嗲金菇肥牛煲：送飯嘅首選，金菇、粉絲、燈籠椒等非常足料，牛肉香濃易入口椒鹽白飯魚：呢款係我嘅最愛，椒鹽嘅調味啱啱好，唔會太鹹，但又夠味，白飯魚非常完整，唔會好似某啲舖頭咁樣炒爛晒，仲食到魚嘅香味另外喺呢度仲飲到超巨大檸檬茶 我同朋友都忍唔住打卡，超鍾意檸檬茶嘅可以喺度飲到夠

今晚同朋友慶祝生日嚟咗土瓜灣呢間餐廳食飯，呢間餐廳小炒嘅水準拍得住大排檔，非常有鑊氣。首先叫咗個海南雞半隻連荷葉飯，荷葉飯佢冇咁多雞油，而且食到荷葉香，口味清淡，我比較鍾意。之後叫咗佢哋出名嘅先菠蘿柚子斑塊，柚子同埋菠蘿非常夾個口感，而且斑塊啱啱炸起，好鬆脆。再食咗個咖喱鰻魚牛肋骨，啲牛肋骨非常腍，而且咖喱係好香，送白飯一流之後因為朋友都要飲啤酒，所以叫咗幾個小炒，叫咗個薑蔥魚頭煲，非常之香口，另外佢個蝦頭油膏炒飯，真係炒得非常好。而且嗰個一口豆腐，送酒一流。值得推介香港絕少有地道港式大排檔小炒。

有間茶記响附近早午晚選擇都好多，晚餐仲有小菜食～鮮菠蘿拔絲咕嚕肉菠蘿粒係原個新鮮菠蘿帶出酸甜味咕嚕肉炸粉唔算太厚，酸酸甜甜，幾開胃送飯一流忐咕嚕肉真係可以拔絲啊送飯一流無骨海南雞口感嫩滑！海南雞好滑唔會鞋口即使係例牌份量頗多甜酸脆皮炸大腸雖然好邪惡，但外皮超脆口味道甜甜鹹鹹咁食落非常滋味，如果用嚟佐酒一流（椒鹽豆腐即叫即炸！外脆內軟椒鹽香氣非常惹味同樣係送啤酒一流！趕得切六點嗌埋下午茶芝士焗爆滿肉醬珍寶熱狗配薯條超大份熱狗、芝士肉醬配熱狗原來係咁夾下午茶時段仲有珍寶檸檬茶送～成個份量簡直係大滿足

住土瓜灣的朋友話有間茶餐廳的小菜好高質，母親節食飯就去試試。附近星期六日可以偷雞免費泊車，一家人去都好方便~ 📍酸菜魚（$108）成個"面盤"咁大….份量十足，魚片大塊且嫩滑。湯底微辣不嗆喉，配料有: 支竹、豆卜、木耳，都OK豐富。特別值得一提的是酸菜切得細碎且份量多，確保每一口都能食到。一定好過有D餐廳一大片咁自己咬, 就會太咸太酸，咁細心去切都係一份心思❤️。📍甜酸脆皮炸大腸（$88）一上台就聞到勁香👍，外皮炸得香脆，大腸肥瘦適中。搭配菠蘿和甜酸醬，可以中和油膩感。不過要share食, 因為2個人都未必食到咁多豬大腸~ 📍蜜椒薯仔牛柳粒（$98）薯仔煎得焦香，裹滿黑椒蜜汁。牛柳粒肉質軟嫩，蜜汁調味適中，送飯必備🍚~ 📍椒鹽白飯魚（$88）炸得酥脆，搭配炸蒜粒增添香氣。送酒岩. 🍺每道小菜都送白飯/例湯，平均每人消費都係100蚊內，以茶記來講, 價錢好公道!  茶記的姐姐都好有禮貌，媽媽都話有驚喜~ 下次經過都可以再去~ 

晚市小菜好多選擇連雞煲、酸菜魚、海南雞、避風塘海鮮、撈一丁、碟頭飯咩都有款款都好高質，好味過大排檔雲吞雞煲 $108雞湯好濃吸晒精華一上檯先飲幾啖雞肉好有彈性有雞味雲吞皮薄餡靚，大大粒裡面係鮮蝦餡娃娃菜吸晒湯汁好好味用砂鍋上檯仲可以保溫金湯酸菜魚 $108好足料和抵食份量夠2-3人食湯底夠酸大約微辣裡面有好多去骨魚片、豆卜、萵荀、黑目耳和紅薯粉魚片啖啖肉好滑嫩鮮菠蘿拔絲咕嚕肉 $98一上檯仙氣十足用蛋白做為外皮來炸冇加炸粉凍左食一樣係脆！卜！卜！架！裡面係用豬頸肉部位所以好有嚼勁魔鬼西多士 $52超邪惡！西多士面層係滿滿 Oreo餅乾碎一切開係爆餡流心煉奶中間仲有夾心Oreo醬！野飲叫左脆脆華田和椰汁紅豆冰都不錯

位於土瓜灣浙江街一間較新派嘅茶餐廳🍳都幾多街坊幫襯,未到7點已經接近坐滿一半🍴價錢合理,每樣份量都幾大🔸 紅燒頂鴿 $88估唔到茶餐廳都有得食都幾大隻,即叫即燒～燒到個皮外脆內嫩唔使淮鹽都夠味🕊️🔸金湯酸菜魚 $108份量好多,魚肉嫩彈無魚骨金湯酸酸地帶有微辣,鋪滿好多蒜葱好惹味🧄配料好有萵荀,豆卜,枝竹,粉絲..🔸有間小炒皇 $98小炒皇炒得好香,好有鑊氣好大碟好足料,有菜甫,蝦仁,蝦乾,魷魚,韮菜..🦑🔸脆脆華田 （跟餐半價）🔸珍寶檸檬茶 （跟餐半價）

【面盆咁大盤嘅川味水煮魚喺邊度食到？一定要過嚟土瓜灣🔥】 今日同朋友殺入土瓜灣覓食，竟然發現咗間超抵食嘅隱世茶記！🔥 一入門口就見到每枱必點嘅「巨型面盆水煮魚」，即刻雙眼發光🤩 即刻同大家分享食評👇 🍲🌶️ 川味水煮魚 真係冇誇張！個盤大過我塊面😱 湯底麻香帶辣，魚片多到懷疑人生🐟 嫩滑冇骨，仲有吸晒湯汁嘅萵筍、木耳、紅薯粉同豆卜！最正係紅薯粉掛汁力MAX，嗦到停唔到口～ 🐔✨ 無骨海南雞 雞肉滑到似食緊啫喱！皮薄肉嫩，配埋三色醬（薑蓉、辣醬、黑豉油）同酸瓜酸菜，清爽解膩～ 重點係完全冇骨，懶人恩物啊！ 🦑🐷 土魷蒸肉餅 傳統家常菜但超有驚喜！肉餅鬆軟多汁，土魷鹹香有嚼勁，撈埋飯食簡直係靈魂組合🍚 朋友直頭想打包多份返屋企🤣 🌶️🦢 豉椒鵝腸 鵝腸處理得超乾淨，咬落爽脆彈牙！豉椒味濃郁帶微辣，仲有洋蔥同青椒爆炒，鑊氣十足🔥 送酒一流～ 💰 晚市二人套餐 $188 可以揀蒸魚/海南雞 + 1小菜 + 炒菜 + 兩杯飲品 + 例湯 + 白飯！今日例湯係「粉葛蓮藕章魚湯」🍲 湯頭超濃郁，啖啖老火滋味～ 仲有朋友勁推嘅「仙氣咕嚕肉」✨ 話外脆內嫩仲有乾冰效果，下次一定要試！

今晚經過土瓜灣,去咗呢間茶記開餐，環境不錯，餐品十分豐富。鮮菠蘿柚子咕嚕肉~很有仙境的嫩滑咕嚕肉，彩椒和鮮菠蘿帶來色彩斑斕，配合柚子醬汁甜酸得宜，十分開胃。招牌蝦頭油膏海鮮炒飯~又是一款吸引眼球的海鮮炒飯，味鮮香，略嫌不夠爽乾爽，但冇影響食香味美。咖哩牛腩上枱面已經香氣撲鼻，咖哩汁略帶微辣，除了牛腩，還有我喜歡的牛筋。魔鬼西多士與脆脆華田是美味，也是懷舊中添加新意的小食和特飲，十分喜愛。整體嚟講係不錯抵食的，下次會再來！

今日晏晝去咗土瓜灣間茶記，推門就聞到陣陣煎炸香。舖頭唔算大，但冷氣夠涼，卡位坐得幾舒服。伙記又唔會粗聲粗氣。焗豬扒飯真係冇得頂，芝士多到拉絲，豬扒厚身又唔韌，飯底炒得乾爽唔會油淋淋。炸雞髀外皮脆到"索索"聲，咬落去仲有肉汁爆出嚟。西多士炸得金黃，淋滿煉奶同牛油，邪惡但真係忍唔住食晒。凍檸茶茶味夠濃，熱華田飲到底仲有朱古力粉，夠晒真材實料。坐低個幾鐘，見住街坊同伙記吹水，電視播住六合彩結果，呢種街坊茶記嘅人情味，先至最難得。

今次發現咗間隱世打卡茶餐廳！📸 就係呢間有間茶記响附近啦！😎 今日同朋友去咗呢間支持街坊嘅茶記，叫咗幾個抵食超水準嘅小炒，真係大件夾抵食！首先，我哋叫咗個雲吞雞煲🍲🐔！雞煲真係好惹味，雞肉嫩滑，雲吞皮薄餡靚，湯底濃郁！🤤 正到爆呀！👍🏻然後，我哋叫咗個紅燒鴿🕊️！鴿燒得好香，皮脆肉嫩，真係好正！😋 我哋仲叫咗個鮮菠蘿拔絲咕嚕肉拉絲得好正🤤 酸酸甜甜，外脆內嫩，配埋鮮菠蘿真係好開胃！最後，我哋叫咗個滋味流心三文治🥪！有鹹牛肉炒蛋同埋餐肉，真係好吸引！😍

聽日又放假，今晚又可以一家五口食餐飯！ 每次都好鍾意同埋兩個小朋友出街食，唔鍾意留屋企食工人姐姐煮嘅飯😆「媽咪！我要食會朱古力西多士😍」 我個仔今日想食西多士，就搵吓附近嘅餐廳，呢間出名嘅 #魔鬼西多士 原來就係我哋屋企附近！阿仔見到煉奶🥛+朱古力🍫脆脆山真係尖叫🤩 切開仲有流心，邪惡到阿仔想舔碟😍🔥 全家晚餐大公開 🔥 ▫️【花甲蒸水蛋】$88 嫩過BB肌膚！花甲多到似尋寶🐚 兩個細路👦🏻👶🏻搶住撈飯 ▫️【鮮菠蘿拔絲咕嚕肉】$98 最衰我哋太夜啦，無哂乾冰🧊打卡📸 咕嚕肉酸甜脆口連爸爸都偷夾多件 ▫️【雲吞雞煲】$108 阿仔飲咗3碗湯🥣！🐓雞味香濃連湯都係起膠，雲吞脹卜卜仲大過佢拳頭👊🏻 ▫️【蜜味薯仔炒牛柳粒】$98 薯仔外脆內綿🥔 大大件牛柳粒軟第身無渣超juicy✨ 💫 必點神飲：凍脆脆華田 $32 上網睇阿華田d cream 係個杯嘅double🌋 我哋去就係正常版😝 飲到底仲有驚喜！ 📍有間茶記真係「响附近」！門口位仲睇到啟德體育園🏟️ 兜兜轉轉又好近屋企！ 店員俾咗角落2張枱我哋，BB車都放到～

土瓜灣地鐵站附近嘅新派茶餐廳。裝修乾淨企理，嘢食又唔貴，好受附近街坊歡迎。佢哋杯加大版凍檸茶好鬼正，下午茶時段仲有得free upgrade！🔸菠蘿拔絲咕嚕肉 $98用嘅部位係冇骨冇軟骨。外脆內軟，食到尾仲係脆皮，而且炸粉一啲都唔厚。🔸椒鹽鴨舌 $88鹹鹹辣辣，做下酒小菜就最啱！估唔到平時係彈牙爽脆，油炸完係香口酥脆。🔸咖喱牛腩煲 $98典型港式咖喱，香濃重椰漿味。牛腩肉全部大大件，煮得好軟熟。🔸金銀蛋浸白菜仔 $72鹹蛋、皮蛋混合唔少豬肉碎，吸收晒上湯，撈飯一流。菜仔煮得夠腍。

💖 有間茶記响附近 (土瓜灣)✨土瓜灣浙江街19-23號旭日豪庭地下6號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️土瓜灣係一個寶藏地帶🫶🏻，收埋收埋勁多好野食😋。今次老公就同我食呢間茶餐廳🍴，野食賣相精美😳，份量多☺️，帶BB嚟食都唔怕因為BB車太大而冇位擺，因為呢度地方好闊落，坐得好舒服🥳-土魷蒸肉餅🦑我老公好鍾意食土魷蒸肉餅㗎，所以通常如果見到茶餐廳有嘅話我都會叫😚，一上枱都覺得佢好大份🤣，兩個人唔係好食得晒😆。第一啖食落口已經覺得佢唔係！好Juicy😋好嫩🫶🏻，魷魚份量都幾多，每一啖都食到咁滯。-蒜蓉娃娃菜🥬 $53通常我哋出去食飯都會叫碟菜嘅，呢度嘅時蔬有得揀娃娃菜，所以我毫不猶豫就揀咗娃娃菜😌。唔會覺得蒜蓉味太過鹹，反而清清地🤩-鮮菠蘿拔絲咕嚕肉🥘 $98一定要叫佢哋嘅signature‼️好夠鑊氣嘅菠蘿拔絲咕嚕肉，甜到入心嘅菠蘿同埋咕嚕肉醬😍，仲做埋拉絲效果🤩，好夠鑊氣。成個擺盤都好精緻，旁邊仲有乾冰☺️，拍得住高級中菜廳😃-無骨海南雞🐥 $98我最鍾意呢個海南雞係下面有啲雜菜墊底，酸蘿蔔好爽口又夠酸甜😎。海南雞肉嫩🤤。-香燒豬頸肉🐖 $68正喺度糾結到底食豬頸肉定係瑞士汁雞翼好😵嘅期

茶餐廳入面都算大，有好多座位，而且座位同環境都好舒適，坐得舒服。鮮菠蘿拔絲咕嚕肉呢碟咕嚕肉擺盤好靚，仲會噴煙。佢嘅咕嚕肉個粉好薄，食落去仲保持外脆內軟，又拉絲，同埋個汁一啲都唔酸，好食。芝士焗爆滿肉醬珍寶熱狗配薯條呢個熱狗上面鋪滿芝士肉醬，大件夾抵食，而且味道都好好。韭黃蝦仁滑蛋飯佢嘅滑蛋好濕潤，味道啱啱好，配埋叉燒一齊食，好味！椒鹽白飯魚好耐冇食過白飯魚，呢碟椒鹽白飯魚炸得香脆，而且有椒鹽調味，口感好好。椒絲腐乳通菜通菜都好大碟，而且炒得青綠。