有運燒味鹵味店

營業中

休息中

晚上7點幾就到8點。佢哋就收鋪，次次行過想試，今次終於試咗油雞燒鴨雙拼飯。飯唔硬，雞夠嫩口，算滑。鴨唔柴。抵食又大件。師傅態度又唔錯。太餓～無拍照😂會再回頭食

位於北角電氣道市政大廈地下有間抵食燒味店個名「有運燒味鹵味店」$20蚊便有双拼燒味飯(話平過兩餸飯$28)，今時今日好多食店都加價，只有此店為街坊仍提供優惠價，十分感激🙏，我揀咗叉燒切雞飯(病後初癒，所以薑葱蓉豉油全走)叉燒切雞飯 - $20元店員好好人比了好似梅頭肉嘅叉燒，叉燒和白切雞肉質冧冧地好正，叉燒和白切雞少少咸，配上熱熱地的白飯一齊食，，謝謝您，令我今天好滿足(ps.若加上薑葱蓉會更好吃)

如果數香港最有代表性的食物，我諗燒味飯一定係數一數二。 由五星級酒店去到草根的街市都有燒味飯賣，雅俗共賞。今次介紹的餐廳係位於北角某一街市的燒味店。燒味飯大碟不在話下，仲要只係賣$20蚊。暖暖的飯，香噴噴的蔥油，肥美的叉燒，十分滿足。呢間雖然係有堂食的，但只係一張細檯，所以大多數我都係買外賣就算啦。另外，如果要甜酸醬係要加$1定$2, 飯唔一定跟蔥油，所以要蔥油拌飯的，一定要事先同師傅講。總括來講，呢間的燒味飯真係窮人恩物。

男朋友係依頭番工 曾經同我提及過係街市入面有間超抵既燒味店。 今次終於有機會一試。位置上係街市門口 如果唔想特登為左入一入去嘟 聽聞可以係門口大叫 職員都會好好咁照斬照行幾步俾你🤣🤣睇一睇個價錢 真係忍唔住「嘩」左聲 真心咁既價錢係依家應該超難求。 仲平過兩餸飯 雙拼飯同單拼飯都係$20 係$20咋。 出面閒閒地都要$30左右。 真心絕對係窮人恩物。即叫即斬 ， 唔好以為$20就細盒唔好食。 非也。 份量絕對係正常 。 叫左油雞叉燒飯，唔好以為個油雞同叉燒係一岩一忽唔令仔，非也 絕對令令仔仔 新鮮熱辣 $30買既未必有既質素。 下次經開依度絕對不妨一試依間平民街坊價燒味店

$20一個飯盒,夠平未?,好多朋友叫我搵下d平價外賣,最近消費券用完又變返窮L,上次經過北角見到間燒味鋪20蚊飯盒,今次終於有機會買到平野唔好高要求去睇,份量同味道都唔差,純粹食飽係OK既燒肉偏咸味,飯又夠多,叉燒偏瘦肉,但味道有淡淡甜味,幾好既唔知你滿唔滿意今次平價美食介紹?另有油雞,燒鴨選擇!非常抵食!仲可以比支付寶!有運燒味鹵味店 北角電氣道229號電氣道市政大廈地鋪