有口福

營業中

休息中

今日來此處是來试巴蜀魚因朋友是食巴蜀專家，已食過不少巴蜀店，而我是第一次嘗試！入來已見老板安排我们座近廚房位置，所以能望入去，見到廚房也很乾凈。又可以見到廚師不停忙著煮出一味味的好餸。探看牆上的相片就已经好想試。今晚ordered了麻辣底小辣。你哋望下。幾色香味俱全。可惜，你們嗅不到。雖然ordered小辣，你望下好足料的胡椒粒，以為會好辣。剛好辣度！！！魚有三款，我们選了鉗魚比較少骨。嘩！ 好新鮮有鮮味越食越開胃。所以再加餸。最厲害是這個厚切午餐肉。你再留意下。係煎香了的。放落麻辣湯底食法更特別。好厚呀。最後少不了天地壹號bill pls! 不用$450抵食！！

9月尾嘅最後一個星期日，同家人嚟有口福食小菜，第一次黎，餐廳地方好細，得幾張四人枱，冇乜裝修比較舊，有閣樓，好多雜物，隔離就有個凍櫃，估唔到…。不過啲嘢又真係好食，夠火喉，所以係值得幫襯嘅。當晩三人叫咗半隻胡椒豬肚雞加蟲草花，清炒蒿笋絲，大盆花菜，家鄉炒米粉同埋葱爆羊肉。個豬肚雞煲好有藥材味道，冇乜胡椒味，食完覺得好補身，雞分量都好多，食得出用嘅雞係靚嘅，夠滑又有雞味。兩個菜一個比較清一個濃味。大盆花菜有落煙肉一齊炒好野味，係油少少。蔥爆羊肉，啲羊有啲so 我就唔啱食囉，老豆話好味😚。個家鄉炒米粉真係必食，夠火喉，應該有用豬油，所以好香，米粉炒得夠乾身，唔會好多油。見都多人叫辣雞煲食，下次要去一試。

多得屯馬線開通，黎九龍城食野多左。雖然好多推介，但賣廣告多。發現左呢間真係好地道的旅館，當然無華麗裝修，但勝在貼地。食左酸菜魚，藥繕雞煲，味道有國內正宗好味。再加上小菜，瓜炒瓜，菜炒菜。火喉足。新鮮熱辣。如果真係要講就係環境一般，似茶餐廳，沒有裝修華麗，枱與枱相隔不是太遠。但勝在真係貼地價錢，晚市簡單小菜價錢平靚正。當晚一班人食，兩魚一雞一蟹。再加多樣小食飲品。飽住走埋單都唔駛300/位良朋相聚吹下水。抵到難

九龍城區這間有口福的酸菜魚真係食過返尋味。門面裝修毫不起眼， 不過各款川菜味道正宗，小炒火喉十足， 諸葛烤活魚尤其係拿手菜。酸菜魚$188份量好大， 今次先嚐一口湯底， 鲜味十足， 辣度接着來，屬於辣得有層次， 唔太食得辣嘅人都接受到。酸菜好夠味。 原條魚起骨切片， 有不少魚鮫，魚翅部位， 魚片也非常嫩滑，實在美味！配菜也十分豐富， 有大量芽菜， 還有薯粉， 吸滿鮮甜嘅湯汁非常美味！涼拌海蜇絲$48海蜇絲切得比較幼細， 調味比較清淡， 青瓜爽脆夠味!酸辣腰花$88鑊氣十足， 青椒，紅椒，竹筍等同炒， 非常惹味！ 腰花薄身入囗爽脆，豬腰處理得好好本身亦冇怪味。 酸辣度也恰到好處， 惹味得嚟又唔太辣，送飯一流。乾扁四季豆$58這也是做工複雜的小菜， 四季豆乾身夠嫩， 混合肉碎和乾辣椒，惹味又香口。番茄炒蛋$58家常小炒， 做得好好， 最重要係炒蛋夠香夠滑， 番茄炒得酸酸甜甜，也能解辣。每款小菜也做得出色， 即叫即做夠鑊氣！ 價錢夠經濟， 再回頭幫襯冇難度～

成日話九龍城多泰國菜今日同朋友行完啲泰國香料鋪諗住食番個晚餐先番屋企但又唔想又食泰國野見哩間既酸菜魚好似幾吸引一於黎試下——————————————-酸菜魚 （$188）賣相好靚 我地揀左小辣一上枱已經聞到微微帶麻既酸香味魚肉份量多 每塊大片厚切無骨而且肉質滑嫩得黎相對結實 唔會一夾就斷開幾截酸菜爽口 水晶粉同芽菜浸完湯汁更加入味脆椒雞軟骨 （$88）脆椒我地就唔敢食啦 雞軟骨炸得乾身焦脆 非常香口惹味食落完全唔油膩再加埋炒香既花生芝麻朋友話哩味餸 配酒一流孜然寸骨 （$108）孜然粉就食得多孜然我同朋友都係第一次見寸骨我同朋友又係唔知咩黎 Search完先知係豬後腿既某一條骨仲話每隻豬得兩條寸骨辣椒葱花孜然蓋滿左六條寸骨寸骨混合左重重既孜然味拎住條骨大口大口食肉既感覺幾爽————————————————————-好耐無係香港食過咁有鑊氣既小菜坐係廚房門口仲聽到入面傳黎既拋鑊聲菜式色香味俱全 價錢合理只係餐廳格局平民如果齋睇面門既話真係會好易錯失左哩間小店

嚟到九龍城食嘢， 好有口福呢到有口福。呢度啲 水煮魚好出名就叫咗個試下我哋分別叫咗四度菜 水煮魚 炒四季豆 番茄炒蛋 同埋口水雞。你自己都係平時成日食的菜式 咁就最後師傅功力 一食就食得出 煮得好唔好味。首先 讚下個炒四季豆 炒得好夠鑊氣 好嘢未 肉鬆配上黑椒 非常 上味其次就係個蕃茄炒蛋 呢一味餸 好多人都識煮 但要炒到個蛋好滑就未必個個得 而且番茄好新鮮好鮮甜。主打當然要介紹返個水煮魚 個水煮魚 辣辣地 好醒胃 有好多魚肉食 湯底仲有玻璃粉 夠曬豐富。口水雞同樣都係成為 雞肉嫩滑 辣辣地 非常惹味。

今次嚟咗九龍城呢一間餐廳食川菜，朋友推介話想食辣嘢就嚟呢間啦。話說今日想食辣嘢所以就黎試一試啦叫咗酸菜魚、胡椒豬肚雞、土豆絲同農家小炒肉。胡椒豬肚雞真係第一次試 平時都好少地方係配搭雞 但估唔到又幾match 個湯飲落去唔會太重胡椒味 好開胃 豬肚同雞食落去都好入味。另外，酸菜魚係朋友推介一定要食，果然係好推介呀 ，魚肉嫩滑，啖啖肉，辣椒酸菜配料香味十足。😋😋但有樣估你唔到就係農家小炒肉好惹味，配飯一流。最後，叫埋清炒土豆絲，費事樣樣都食辣😂

屯馬綫開通了，去九龍城覓食也很方便，乘地鐵到宋王臺站，步行數分鐘巳可到達九龍城。未開通屯馬綫之前，也曾經吃過九龍城打鼓嶺道一間別樹一格的川菜有囗福，餐廳簡約設計，實而不華的裝修，勝在食物頗有水準和有多款招牌四川菜、雞煲和火鍋。疫情雖然放緩，餐廳已噴上消毒塗層，可讓食客吃得安心👍鎮店之一的酸菜魚，老闆建議可加嫩滑鴨血令這道菜式添加美味；魚肉入口嫩滑少骨，配上水晶粉、酸菜、牙菜、🌶️和黑胡椒，酸辣醒胃，也有驅寒驅風去濕的作用，至啱我啲虛寒體質。蒜香炒幼嫩秋葵也是健康之選。鹹香酥脆的樟茶鴨配搭冰涼啤酒， 感覺淋漓盡致！

有了屯馬線 所以來到九龍城食飯就方便得多了今日叫了水煮魚少辣 有薯粉起底索晒汁 好辣好正 魚肉夠滑唔多骨飲埋杯冰凍啤酒 夠爽 豬耳麻辣汁好味另外清炒萵筍絲好爽脆食咁多辣野要叫返唔辣清清味蕾

外出工作完畢，無須回公司，收早少少當福利🤭🤭🤭，順便跟同事在宋皇臺附近一帶揾食。 去到邊，食到邊，真係區區有美食！ 食個雞煲後再加水變火鍋，快人一步烚吓烚吓🥢🥢，暢快無比，✌✌✌！ 香辣雞煲(半隻)香味濃郁的小辣雞煲，配料有芹菜，青瓜，洋蔥及大蒜，精心製作的雞煲，雞件非常入味，香辣外還帶些微麻辣味道，食落更有層次！ 頂級手切肥牛肥牛在煲內拖拖，入口肉質嫩滑，牛味香，一食即知高質食材！👍 讚岐冰烏冬 有肥牛定必有配烏冬，呢款冰烏冬彈牙好食😋😋😋篙菜店長介紹，我未試過篙菜，即管一試，烚的時間要多一些，原因莖部分比較粗，食落幾特別，都幾適合打邊爐食！食菜又多一個好選擇，真好呀！ 烚吓烚吓點少得飲罐可樂呢，爽！

因為很喜歡吃川菜，朋友就帶我來到這九龍城小店餐廳內只有數張檯，感覺很隨性食物質素高，份量大很推薦大家去一試◭脆椒雞軟骨 $88 🅙🅙🅙🅙🅙/5本來沒有很喜歡吃雞軟骨但是這道菜有驚喜，香脆香辣的，很惹味吃完一粒，會繼續想吃下去，停不了口◭水煮魚 $188 🅙🅙🅙🅙/5一大盤水煮魚，魚肉頗多，肉質嫩滑麻麻辣辣的，配飯最好不過配料如寬粉和芽菜也很入味◭干鍋肥腸 $108 🅙🅙🅙🅙/5⚎⚎⚎Recommendation 🅙🅙🅙🅙🅙/5⚍⚍⚍

九龍城見到一間食川菜嘅店即刻心思思晚餐就食佢店其實雞魚鴨呀乜都有得食我同朋友見到眼花撩亂決定最後選擇左香辣口味嘅小辣烤鉗魚再嗌左半隻口水雞同干煸四季豆烤魚一上到黎成個紅色已經食慾大增跟住一面煮香味更加慢慢走出黎魚只係中間有條大骨唔使驚有其他細骨可以放心食魚又香又辣惹味之選本身已經有配菜仲大豆芽同埋豆皮吸晒啲精華口水雞唔似出面只係一對紅油包住店就自己調約咗好特別蒜蓉豆豉辣加埋大粒嘅花生一邊食軟滑嘅雞加埋個醬成個感覺好有口感雞嘅份量比一般嘅例牌來講叫做多干扁四季豆唔會太油加咗少少嘅肉粒加埋辣椒粒但係個辣度容易接受有唔同層次兩個人食埋烤魚，雞同埋菜又係好滿足烤魚之夜

今日有口福，因為三兄妹去九龍城食川菜，阿哥請客，仲唔食盡佢😂😂😂而家去九龍城食野好方便。我地行三分鐘就揾到呢間《有口福》，好在阿哥一早定左位，個場都幾爆，walk-in要講運氣。我地坐樓下，地方都乾淨，啲碗碟仲好靚添。叫定三罐可樂解辣先今日黎既目標，係佢地既酸菜魚。佢地係用鉗魚，加大量酸菜，豆芽，酸荀，水晶粉，份量驚人。仲話可以加其他配菜，不過我地冇加，要留肚試其他美食。如果冇估錯，佢地係成條魚，拆肉起骨比客人。因為除了有大塊魚肉片，還有魚頭，魚尾。可以啖啖肉，又可以食下魚骨，唔錯。魚肉大大塊，冇骨清得很乾淨。孜然寸骨阿哥對佢讚不絕口，因為佢唔好太辣但勁重孜然味道。因為佢地係用左大量既孜然芹作調味，而唔係用孜然粉，所以味道更濃更香。而且啲肉一煮得很嫩滑，加埋重口味既孜然香料，很惹味。干煸四季豆，加上紅椒和肉碎一齊炒，乾香爽辣，很惹味。清炒萵笋清甜爽口，解辣一流。蔥爆羊肉羊肉大大片，新鮮無氈味。同埋啲大蔥一齊炒，鑊氣十足。海蜇絲爽口彈牙，可以作前菜吃。呢度價錢大眾化，食物有質素，下次再去過👍👍

近舊機場，本來食肆多， 昔日淨係照顧班機場嘅員工，每天三幾萬人，就流量每人每日食一餐兩餐，真係養活這區好多食肆。泰國食肆最主要，近日有收變，唐洋日韓西餐乜都有，今次走嚟搵雲桂川菜，話說呢間水煮魚非常出名， 當然唔會錯過啦!坐低兩個人食唔多，知道份量唔係少!叫咗個矮瓜跟個水煮魚，飲支天地一號，簡單晚餐好易過。水煮魚 分量真係唔細呀嚟到幾乎嚇一跳，成個鍋咁大，仲驚住食唔曬，魚片一片，厚厚薄薄都有，全部啖啖肉，骨唔食到，廚師手勢好，不過我哋叫個唔好咁辣，都依然係咁多辣椒 ，減減下，蒐集下，都一小碟幾多㗎，仲有啲紅薯粉打底，味道煙韌入口爽滑，不過我就冇入口，我怕食咁咁透明嘅嘢，真係冇叫錯，冇試過，亦都冇試錯，呢味水煮魚，食得嚟試，仲有啲芽菜配菜等，真係抵食。仲有個紅燒，矮瓜好正好好有味道，唔算多油，無油燒唔開，燒得開又唔算油膩，再讚師傅好手勢，所以食得好開心，識得天地一號減減啲油膩啱啱好呀! 酸酸味味入口清涼，晚餐一餐又飽飽喇。

去九龍城邊個話一定要食泰國嘢，其實好多好好食嘅餐廳都係九龍城架！依家有地鐵隨時過嚟食好嘢今日就去食烤魚啦，我哋兩個人食所以嗌咗半條魚同埋其他配菜見到佢一大盤已經急不及待想夾，職員同我哋講條魚未熟晒要等一陣，佢話因為如果煮熟晒先出嚟，客人食得慢嘅話條魚一路煮住就會老。真係好細心。食落去條魚真係好滑，又入哂香辣既味。我地嗌左香辣，所以就無麻辣咁辣同埋無一粒粒既籽係湯度。配菜我哋嗌左萵筍，鴨血，肥牛，豬脆喉骨，樣樣都好好食。萵筍夠甜，鴨血我哋煮耐啲先食等佢入味肥牛半肥瘦所以唔會鞋口，最極力推薦就係豬脆喉骨好爽脆。兩個人我哋基本上都食唔晒因為本身佢會有芽菜同腐皮做配菜 。太好食嘅關係我哋都盡量食晒佢食得好回味下次一定要再試下麻辣同埋酸辣