月光光

營業中

休息中

見麗豪酒店竟然開咗間24小時仲有得食甜品既餐廳, 一定要試試啦!環境都唔錯, 乾淨企理, D位都幾舒服, 點都好過晒附近D大排檔一打開MENU, 有超多選擇, 粥粉麵飯樣樣齊仲有好多甜品!!!最驚喜係真係一D都唔貴!最後同個朋友試左木瓜汁, 芒汁什果涼粉同煎釀三寶個木瓜汁真係新鮮搾同有好多果肉喺入面, 夠晒天然又唔甜, 正正正!芒汁什果涼粉賣相都非常好, 分量都好夠, 味道亦很好煎釀三寶都好好味, 唔似街邊檔淨係食到成口油, 其中以蝦餅特別好食今次食得好滿意, 會去多幾次試多D 其他野

　昨日去開沙田搵舊同事食完飯，點知見到有間野叫做"月光光"，仲要係麗豪酒店開既24小時既糖水&粥麵店，見佢門面幾靚仔，所以膽粗粗就入去試下D甜品啦~點知MENU入面有勁多款甜品，我地3個見有D係餐廳推介既，就Order左!一共我地叫左兩個甜品同一杯果汁，分別係: 月光光班戟同黑芝麻萬壽果奶凍，仲有一杯鮮榨奇異果汁。個班戟賣相幾好，係香蕉味既，食落不太甜。而個奶凍由於我唔食木瓜既關係，所以冇ｔｒｙ到。而最抵既就係個奇異果汁，好鮮甜，有少少酸，但一飲就覺得唔係用糖水溝出既～ａｎｙｗａｙ，ｏｖｅｒａｌｌ都唔錯，平均都係洗左３０蚊，抵食！

前兩日試過麗豪酒店新開既vi，今日有機會試埋另外一間新餐廳月光光。呢間餐廳個名同個logo超得意喎~~~間餐廳唔算好大，但啲梳化好好坐，啲野食既種類比我想像中多好多好多。試咗xo醤炒蘿蔔糕、牛肉粥、煎釀三寶、雲吞麵、牛楠、楊枝金露、桂花糕 。味道都唔錯，碗粥好好食，仲有好多甜品可以選擇，但一次過食唔晒，下次要再黎試埋其他。

屋企附近好多大排擋，晚晚開到好夜，估吾到隔鄰間麗豪酒店都有一間開通宵既餐廳，賣既都係D地道小食。我呢個夜鬼梗係即刻去試啦，起碼都乾淨D.我買左杯芒果汁, 只係$18，比起好多地方平，仲要保證係先窄，咁咪好抵?! 再要多碗雲吞麵同雞粥同阿媽兩份，粒雲吞都幾大粒，隻蝦仲好爽添。碗粥阿媽係咁讚，話夠綿喎.最值得提既係價錢，無諗過酒店出品咁鬼平，個餐牌食物仲多到不得了，咁有得揀既，我都會放棄多年食開既大排擋，轉食酒店靚野咯!