會所1號 維港皇宴

營業中

休息中

爸爸行過Clubone見佢推出左每晚抵食推廣優惠，几吸引就約齐一家七個人去試試。兩個抵食推介；$18隻紅燒皇子乳鴨 - 驚喜，外脆內嫩好Juicy，我地叫左四隻服務員好細心幫我哋切開$38位紅燒飽魚花膠佛跳牆-賣相都ok, 足料鲍鱼都弹牙的，海参都Q弹的。另外叫左孖寶同三個餸薑蔥焗桶蠔 - 豪油味重左d蓋過左薑蔥味。成都口水雞 - 普通叉燒鱔- 唔錯 蜜汁調果剛好，鱔有魚香味松露百合鮮元貝 - 不過不失瑤柱蛋白炒飯- 淡口得來，飯炒得几香，濕度硬度都好好。酒樓有送糖水總結呢餐價錢都合理，我地一家都食得好開心。

去了會所1号新的分店食晚飯，地方很寬敞，如坐近窗位置就最好，因為窗位置是可以望向維港景色，全海景，感覺很舒適，場地的擺檯又唔密，我去過會所1号咁多飲茶，發現它們擺檯都很寬敞，沒有迫的感覺，非常好。今次想介紹一吓「丹麥皇冠叉燒」做得很好，肥瘦適中，肉質唔會燒得太硬，淋度剛好，年紀大的老人家都可食到，加上落了少去蜜糖，真係好好食，所以值得推介。服務員又熱成，介紹食品又落力，日後會再去試食晚飯。

想試這間可以一覽維港夜景嘅 ClubONE 好耐啦。終於約咗舊同事，一行三人到此飯聚。為了健康，大家都唔食得咁heavy，叫了幾款輕省嘅試吓味道。老火湯足料味道啱啱好火候夠； 脆皮雞雞如其名，雞皮卜卜脆，好食；焗石蠔和美極虎蝦真係好食到冇得彈。 可惜唔記得影埋最好味嘅飯後甜品：生磨蛋白杏仁茶。每次去ClubONE 飲茶或晚飯，都一定要食呢個杏仁茶，ClubONE 邊一間既水準都係一樣咁穩定，係好完美嘅 ending。 問舊同事有冇 encore， 佢哋話：靚景靚場靚食物 ，更係會再黎啦。

今晚同個上咗年紀嘅好朋友慶祝生日，當然係上左酒樓食飯啦。佢無叫坊間個d生日圍餐，今晚既餸菜全部係自選。先來3小碟前菜; 涼拌青瓜海蜇，青瓜勁新鮮、海蜇勁爽口。 炭燒鰻魚，燒得半脆同個自家汁好襯。薑汁豬手，辣辣地非常好食。最特別嘅係今晚 一人一隻乳鴿， 而唔係食乳豬全體。 乳鴿全隻多，勁嫩口，一口咬落去d乳鴿汁流曬出嚟，勁得。跟住再上兩隻約五斤重既長腳蟹， 又係全隻上，蟹肉鮮嫩，好有海水味。其他嗰啲餸菜……自家帶嘅星斑，條靚魚無被人偷龍轉鳳，實屬難得。仲有個花膠燉竹絲雞，超級好味，無味精，勁有家的感覺。食到呢度已經好飽，估唔到呢個朋友仲叫咗個蛋散。呢間雖然唔係一間五星級嘅酒家，但係我覺得佢哋嘅環境，食物水準唔會輸畀一d所謂高級既酒家。喺我心目中呢間比好多五星級嘅酒家仲要高分，非試不可！

服務態度一般, 餐具由筷子, 碗, 碟, 茶壺好似完全冇洗過咁.......   唇膏跡, 上手食物碎..........  等等.  所以成餐都唔敢食. 不過話分兩頭, 酒店環境唔錯, 個景都幾靚, 唯獨是整清方面真係要認真正視一下, 同埋員工服務水平真係要檢討... 

上網睇到近排帝國中心新開間Clubone裝修好靚, 就搵個星期日晚同屋企人去左食野.D位闊絡, 個場好光猛, ,個場好好坐.職員會同客人保持距離, 可以同家人靜靜地傾計, 非常識做.講完環境講食物. 菜單唔少海鮮選擇, 而且都好出色.

位於尖沙咀麼地道68號帝國中心一樓的 ClubONE The Victoria (會所一號 維港皇宴），主打精緻廣東菜。酒樓的環境頗為優美舒服，走廊的位置頗適合拍照。點了一款晚市推介，有些菜式更是限量供應，頗為受歡迎。紅燒BB鴿來到了，侍應更細心地詢問把乳鴿切開一半還是切成四份，前者吃得更過癮，後者則可以與朋友分享。BB鴿新鮮熱辣，外皮十分香脆，肉質十分嫩滑，味道鹹鹹香香，朋友喜愛啃BB鴿的頭。點了一人一客老火湯，是日為花膠節瓜燉湯，花膠大大片，感覺滋潤養顏，骨膠原充足。燉湯的味道鮮甜，不會過鹹。吃過一口乳鴿後，再飲一口滋潤的老火湯，感覺不錯。湯的份量充足，而且可以用合上小蓋子，保存溫度。蝦醬海山骨來到了，新鮮熱辣，表面微脆，蝦醬味十分濃郁，能吊起豬肉的味道，整體味道鹹香。椰汁紅豆糕的質感不會太硬，彈彈的，椰汁味道濃郁。

星期六同啊妹去左尖沙咀諗住行下新激安血拼之前食個午餐先～去左新開既Victoria 到飲茶入面幾舒服又唔迫，重點有個無敵靚海景！如果係到食晚餐/擺喜宴應該都幾靚！ 我地叫左幾個點心有張叫<新點主意>既點心紙 我地揀左兩個幾得意試下 <假的真不了> 原來係平時食既牛肉球但入面內有乾坤！入面係和牛！內外口感唔同！出面未食過啊～～唔錯唔錯！ <蜂巢炸芋角>芋頭控既妹妹見到即時要叫呢個，因為平時比較少有得食。一食落口 外面好鬆化入面熱辣辣又爆曬芋頭！好正！ 另外仲叫左叉燒腸～超多料同好滑！仲有椒鹽豆腐同炸饅頭都好驚喜！ 我地食完都飽 因為樣樣都好足料！我決定下次帶埋爸媽過黎嘆下茶～～～

自從轉左名，無論係點心 / 小菜味道和質素都好差，又唔新鮮，而且價錢又貴過之前好多，有折扣都沒有用，難怪而家咁冷清，個個都寧願落下一層果間酒樓食好過，真係不值得再來。就算裝修完，環境睇落都好有鄉土風味。係果到擺酒就慘。三個人食左成500蚊都係得6-7碟野食，服務又差。

新品點心@會所1號 維港皇宴 網址: 地址: 尖沙咀麼地道68號帝國中心1樓 電話: 39621188 食點心食點心，今日享受一下上茶樓食新口味精緻點心$35 魚翅餃有點小貴,但個皮薄，蝦肉彈牙又混了些肥肉？不是梨- deep fried meat dumpling ,從英文中就估是是乜東東，炸肉餡餃是也。 炸完個外皮脆而香口，難得中間飲餡又唔會乾爭爭,有d似炸鹹水角，糯米層qq ，造形滿分食完熱氣野，搵些小菜平衡一下 $58 青菜$128 BBQ pork 肥瘦比例岩岩好，蜜味鮮明肉夠腍一個人食唔得多，不過見到好多新點心都幾得意架，除了傳統架有小小創新，別有一番風味。地方富麗堂皇，面積又大又舒服，又不似傳統茶樓那樣嘈，一個人我會選擇來這裡慢慢食點心

公司隔離開左間Club One The Victoria，我過條天橋就到，咁近當然要去試下全場無柱大禮堂，一覽無遺，個場非常靚更加靚既，當然係呢個無敵大海景，180度無遮無擋既維港靚景 望住個咁靚既香港景色，真係唔捨得走架~ Club One The Victoria 的禮堂均以淡雅淡逸為主，脫俗而清新，我自己就好鐘意呢種STYLE ~我今日的LUNCH係~飲茶~2個女生估唔到都愛呢個 胡椒咸菜肚尖呢個改良版的胡椒豬肚湯，比傳統的煮法較清，胡椒味唔會嗆喉，酸菜仲爽口 而肚尖則彈牙有咬口，唔會煲到淋PAT PAT~ 荀尖蝦餃皇，老實說，不算太便宜呀 不過質素係有保證的四顆大大的蝦餃差不多塞爆籠呢 雖然皮未算透薄通盈，但唔會黏口痴牙。每隻蝦餃入面都包住了原隻大蝦，爽口美味超有睇頭和創意的牛肉球 名都好搞笑 叫(假的，真不了) 一放上枱已經被佢既外表吸引左 食落口亦無失望呀，牛肉球好實淨，睇樣都睇到有彈性 最特別佢唔係用支竹而係用左金菇, 有新鮮感之餘又幾夾喎薑蔥牛栢葉滿滿的牛栢葉伴以紅紅綠綠的配菜，賣相很吸引對比起其他的點心，我覺得這個牛栢葉有點兒失色 可能放涼了的關係，

近排ClubONE推出左名為果宴的晚宴海鮮套餐，由多款水果製作的菜式都幾特別，一班老友耐無見想聚一聚，而且見係尖沙咀就去左試下。甘多款菜，最吸引當然是橄欖油蒜蓉蒸波士頓龍蝦，我地有6人，叫半圍，每人剛好有1邊，每邊大過我地隻手掌，大家都食得好開心。而且蒜蓉蒸，蒸得唔老，有蒜香之餘，還鎖緊肉汁，正~其次鮑魚柚子沙律同螺頭花膠燉蜜果都值得一讚，因為鮑魚也是每人分一個，而且都比想中大，柚子沙律形式配鮮鮑魚食也頗新穎，柚子的酸甜，作醒胃菜恰到好處。而螺頭花膠湯更是落足料，花膠好大塊，湯更是鮮甜不油膩。其他菜式還包括:士多啤梨松子魚，火焰菠蘿肉鬆炒飯，珍珠茄浸菜苗及番石榴脆皮燒雞。松子魚是油炸方式處理，再配酸甜的士多啤梨醬汁，適合夏日炎炎，想食香口食物之餘，又唔太油膩。 魚的皮雖炸到香脆，但仍可保留魚肉嫩滑。珍珠茄浸菜苗及番石榴脆皮燒雞就比較普通。火焰菠蘿肉鬆炒飯比較特別的是，佢真係火燒菠蘿，而且炒飯有菠蘿，提子，肉鬆，所以係格外開胃。最後用Movenpick雲呢拿雪糕作結，完美開心。套餐價錢係全圍$3488，及半圍$1888。如果係會員，價錢會更平宜，全圍$2688，及半圍$1488。當然另設

由於有會員價，周六日都有8折優惠！所以通常歎茶就會選擇環境氣氛同服務都好好嘅會所1號分店！雖然場內已爆滿，但座位安排闊落, 依然唔會覺得焗促！懷舊點心紙，名字都比較有創意！我地叫左3款試下！不是梨 （大）可愛別緻的啤梨造型嘅咸水角，真係令人愛不釋手！單連小朋友都會非常中意呢款啤梨咸水角！比平時食到咸水角更加脆口，減低油膩感！黑松露蝦餃 $68原片黑松露放上蝦餃上夠貴氣～蝦餃飽滿，皮薄蝦肉爽口彈牙。紅油抄手 （特）上海雲吞有5隻，用醋、豆瓣醬調製過醬汁，幾開胃。瑤柱蒸蘿蔔糕 （特）比煎我更愛食蒸的蘿蔔糕，加胡椒粉、甜豉油，更突顯蘿蔔絲嘅清甜。山竹牛肉球 （中）牛肉球唔會太鬆散同太淋，食落去都幾彈牙！不錯～奶皇流沙包 （大）流心程度唔係好高，但奶黃餡都幾香。兩人食左7款點心，飽飽埋單300幾左右！