會所1號 博藝會

營業中

休息中

表妹大喜日子。身為表哥嘅當然要到場慶賀la..好熱鬧，好高興。想起一年前自己都感受過，回味...飲宴水準? 當然亦係例牌嘢la -- 乳豬、翅、蟹拑...睇見都怕怕...已經係兩個月來第三餐la...大部份嘅菜都已攤凍咗，可以點呢?"恰"埋隻眼，糊裏糊塗咁吞落肚就算嘞...

今晚嫲嫲生日, 訂左呢度食生日飯, 一家人齊齊整整, 本來都食得幾開心既. 一向係度飲茶, 以前都試過係度飲, 水準都唔錯, 但係今晚好似麻麻地, 包括服務同食物. 5分滿分的話﹕大蝦沙律(2分)﹕叫大蝦, 但係仲細隻過我隻手指尾, dressing又太多, no good.西蘭花炒花枝片+珊瑚蚌(4分)﹕呢味其實好難整得唔好食既, 不過都叫做大大份, 落既料都足, 唔錯.酥炸帶子盒(3分)﹕蝦多士既帶子版, 一向對勁油既蝦多士無乜好感, 塊炸包吸晒全部油, 由蝦改左做帶子亦未有驚喜. 與炸蟹鉗比較的話, 蟹鉗跑贏十條街.節瓜瑤柱甫(4分)﹕另一不易失手之作, 好在個獻汁唔太勁, 唔似食緊漿糊.食到呢度, 我阿媽已經不停叫口渴, 味精作怪.四寶翅(2分)﹕唔知四樣寶係咪識隱形既呢? 四寶我又唔見, 翅又唔見, 得個漿糊湯. 炸子雞(2分)﹕好咸, 所以其他都唔駛講. (可能有太多地方而家整炸子雞都整得好好﹕脆皮得黎又不失嫩滑, 所以我以為炸子雞好食係必然既，不過今晚呢隻, 唉, 真係好咸)上湯浸雜菌時蔬(4分)﹕清清地, d菰切到一條條咁, 口感都不俗. 主角﹕清蒸大海斑(0分!!!)

20070617一為作節，二為honey媽咪與二姨的生日，幾家人濟濟一堂，老老少少十幾口子甚是熱鬧。加上是晚此處本就座無虛席，所以雖然名義上是個會所，卻沸反盈天得更甚於外間酒樓，還好吵歸吵，總算是一團喜氣。人多，叫的是餐，由長輩做主，所以大都不知道名字，只能說雖然是些typical的菜式，但overall感覺都幾好，醬肉排尤其有傳統風味，只是燜鵝掌的芡汁太厚，有點難以入口。驚喜的是最終的壽包，一早已經預訂，上之前即蒸，所以頗等了些時候，只是等得值得，大大蒸籠端上來的時候很有氣勢，皮薄面軟，蓮蓉甘香流溢，著實一流，兩位壽星喜歡得不得了：）也要多虧honey這麼有心：）

三月多婚禮，上週日是第二擊。　博藝會位於會所之內，想不到環境未如預期寧靜，反而超級熱鬧。當然，這與新人相識滿天下又靜不下來的性格大有關係，場內三十多席大半是後生的，怎可能不熱鬧?新婚子更是超級精靈，跳跳紮紮的，如此興奮及開心的婚宴，真可少有，特以「世紀囍宴」為題紀念。　食物評分時間：鴻運乳豬全體-估不到打頭陣卻是較差的，主要是乳豬皮太韌，一點不脆。翡翠珊瑚玉帶-帶子與珊瑚蚌皆十分鮮味，水準比前一味好很好，令人信心回升!百花釀蟹拑-夠熱夠脆，份量細細易食，ok!花膠雞絲燴生翅-翅含量遠不如花膠，不過味道夠鮮夠滋味，懶理內容照食可也!清蒸大海斑-稍稍煮得過火，令魚肉有點鞋及硬。碧綠鮑片扣玉掌-獻汁多得有點嚇人，令人提不起食慾...當紅炸子雞-皮脆肉也滑，算好吃；只油份稍多，我懷疑它是炸而非正宗潑油處理。福建炒飯-多數酒席是虎頭蛇尾，但這裡相反：平時飯麵是墊底野不花心機，但這個炒飯乾濕度完美，食料多而好吃，非常對味，不覺不覺就清了!雙囍伊麵-可惜吃完炒飯飽極，沒試了!紅豆沙湯丸-說這裡蛇頭虎尾真沒錯，這個紅豆沙勁起沙又不會太甜，加上我最愛的湯丸，個人很喜歡，只恨胃納有限。美點鴛鴦-賣相精緻吸