會所1號 博藝會

營業中

休息中

老公Eric的安徽牧牛湖清水蟹皇10月15日上市，同日就在黃埔博藝會舉辦四、五十桌的大閘蟹宴。唯靈叔叔（資深美食家麥耀堂）是嘉賓。參與的大多是博藝會的會員，見大部份女仕都身栽輕巧，舉止優雅，穿的衫裙大都是閃閃的舞衣，一看就知道是經常在博藝會跳社交舞的太太。菜單普通。本來我對博藝會的厨房不抱大希望，只一心來嘗嘗剛上市的蟹；誰知菜餚做得頗不錯，喜出望外。先來每枱兩籠熱辣辣的蟹粉小籠包。外皮算薄，內裏豬肉與蟹粉份量配搭得宜，非常不錯。接着主角出場：牧牛湖清水蟹皇。足稱五両半雄蟹，雖是蟹季初期，但已經蟹膏飽滿，而且蟹肉結實清甜，鮮香味美。配着八年花雕「瑤池古坊」，更是相得益彰。花膠燉螺頭湯，十分足料呢。大豹星兩味：脆骨腩及炒球。支竹黑草羊腩煲甚是芳香惹味。唯靈叔叔是無羊不歡之人，對此羊腩煲讚口不絶。當紅炸子雞，雖不是新鮮雞，但味道弄得出奇地好。臘味糯米飯，普普通通，不過不失。脆麻花（疍散），頗是髹化。最後來個薑茶湯圓。薑性熱，可驅除大閘蟹的寒涼。這次蟹宴十分成功，食客都對清水蟹皇讚口不絶。如此豐富菜餚，又有頂級大閘蟹，每桌只收$2880，所以博藝會員爭相認購，還要求明年再舉辦！（完）

舊友約食飯，因朋友常到博藝會飲茶，所以約了在那兒。三個人叫了三個小菜，因為遲到，其中芥蘭炒臘味在到之前已差不多被清掉，只餘幾條芥蘭。先講芥蘭炒臘味，芥蘭是細條的那種，很爽口而且鮮甜，重要的是味道清淡，未有放太多味道調味。豬頸肉煲：因為不是自己點菜，沒有看到菜名叫什麼，但主菜是豬頸肉，伴以不同的椒及洋蔥。這味菜的豬頸肉相當入味，不過獻汁就有點"杰"，但不損味道，整體而言也ok。海蔘豆腐煲：切成方狀的海蔘味道鮮甜而且十分彈牙，相當好味，而豆腐表面是炸過的，吸了湯汁味道都不錯。由於這是會所附設的餐廳，侍應態度十分好，而且最重要的是白飯是覺得好食的。我見白飯比平時食的米粒細一點，但真的食出甜味，是少有在酒樓吃白飯是吃得出分別，這點要贊。環境都舒服，大電視掛在牆上，坐下可以eye level看到，不用昂高頭先，都是為客設想的設計。埋單300，平貴見仁見智。

禽日同事生日,我地成班人上左博藝會飲茶叫左成枱野食,其中有幾個真係幾值得讚首先係個人蔘雞飯,個飯一黎,勁香人參味,本來仲以為咁入味d雞會好柴皮,點知佢好滑喎,真係估佢唔到跟住個蔥油餅熱辣辣咁,仲好脆,好好味(好耐無食過熱的蔥油餅啦)生日o個個同事最鍾意係鮮奶燕窩蛋撻,個撻奶味十足得黎仲真係有燕窩tim最驚喜係黑魚子琵琶翅,同事叫o個時我仲以為佢玩野叫d古靈精怪野,點知原來黑魚子+琵琶豆腐+翅係好食ga wor至於服務水準,都值得讚,起碼午市咁忙一搵人就即刻有人黎理我地,加下水咁我地諗住下午飲茶會再黎e度

最近飲宴特別多，一星期前飲完滿月酒，一星期後就飲結婚酒。今次地點係紅磡博藝會，恕我孤陋寡聞，之前聽都未聽過呢個地方。環境都幾好，雖然樓底唔高，不過都幾大，擺到成三十圍。菜式一般，份量少，而且唔夠熱。蒸魚同脆皮雞都唔得。條魚唔算好新鮮，又細條，蒸過火，肉質鞋。脆皮雞唔夠熱，個皮一點都唔脆！d皮軟晒！咁多樣菜式中，以鮑汁鴨掌係最好食，亦要一讚！鴨掌size 都幾大，下半截已去骨。炆得好夠火候，入味，鴨掌淋而不膩，鴨皮還有點彈牙添！

近日往博藝會飲人地餐囍酒，地點不太就腳，食物十分一般，唯一可取的是場地裝潢很清雅，影相比較好睇。對XX會這類的擺酒地點本就不抱任何期望，結果吃到的食物跟我期望完全一樣。乳豬：有點兒脆，但都凍凍地魚翅：湯很杰但淡，很多雞絲，無乜翅可以食鮑魚仔鵝掌：汁過鹹，食鮑魚仔似咬膠，鵝掌倒是剛剛好清蒸海斑：魚的新鮮度和味道還可以，但條魚太細條，每人得少少燒雞：同樣是皮有點兒脆，但不夠熱炒飯麵：味道還可以，但不夠熱紅豆沙湯丸：紅豆沙味道還好，但湯丸的心竟然是凍的！整個甜品都唔夠熱美點雙輝：糕餅味道不錯服務員服務不錯，但很明顯係唔太熟手如果比我揀，我寧願去真正既酒樓食，呢度只得個場比較好，從賓客既角度睇，唔就腳同食物一般已經代表呢間唔得…上網check到原來君豪會同博藝會係同一個集團，早幾年去過君豪會飲囍酒，質素果然是如出一轍。

我的好表弟大喜日子，中午及晚宴也在這裡舉行。早上完成所有儀式後，主人家包了廂房安排飲茶午膳，由於在新娘家吃了不少脆皮燒肉，到了酒樓我只象徵地吃一點點。蝦腸-晶瑩又滑溜的粉皮包著原粒爽身蝦仁，一碟只得五件，真是矜貴。酥皮奶皇包-咬下時酥皮飛散，包身又熱，內裡又香甜。蟹籽燒賣-沒有豬肉的燒賣，像是欠缺油香。馬拉糕-熱辣鬆軟，只是沒有香味。蛋白瑤柱炒飯-炒出了瑤柱的鮮味，飯粒爽身，沒有油膩之感。兩點多食完後，相隔了幾個小時又在這裡擺設囍宴。大廳寬敞、樓底算高，宴開廿多席亦不會壓迫及焗束，而食物水準與一般酒店、酒樓大同小異，對相比起，我較喜歡中午飲茶。

我第一次到這裡,環境溫馨浪漫,當婚宴場地真的不錯.婚宴上出菜既速度時快時慢,服務方面還好~每一款菜式都比較平均,但係唯獨是.........清蒸大班令我難忘!!魚肉好鞋好韌,完全沒有魚該有既鮮味..........!!相反沒有一款菜式因美味而令我難忘

早排出席好朋友的婚宴，佢揀左成年終於揀左4M的博藝會，因為鐘意呢度的裝潢不像酒樓，但價錢像酒樓....裝修的確係幾清雅，但地板無地毯的地方好'sin"腳，著高踭鞋的我一步一驚心。講返食物，唔知點解好多碟都唔多夠熱，百花釀蟹拑就更加插不入，又無"spoon"提供，一夾就飛左落地，我果圍仲有一個人好似我咁，無法夾得上。叫人refill橙汁又要叫幾次。我果圍在個喇叭前面，播video時震撼到我同d fd嚇親，播播下仲響警鐘，熱鬧得過分。要擺酒的朋友真係要諗清楚。

初二和麻麻一起吃晩飯.訂了2圍枱,菜式有大紅金豬全體:由於隻豬太大,肉一點也不嫩,皮也不太脆了.如意百合蝦仁珊瑚蚌:蝦仁好大隻,只是完全沒有味道,珊瑚蚌相同問題,只是己份量取勝,幸好西蘭花唔會過硬過或過淋,只是食菜也不錯法式海鮮拼素鵝:炸得幾油之餘,也唔夠熱,餡料也不夠豐富鮑魚花膠雞絲翅:唔多覺有翅,雞絲也唔知游了去哪兒??味道也太淡,唔夠熱.發財好市柱甫:瑤柱煮得唔硬,最弊無瑤柱應有的香味.清蒸東星斑:東星蒸得夠火喉,又唔會過熟,吃時還很嫩滑鴻運脆皮雞:雪荿貨色,皮也唔夠脆鮮豔素:竹笙本身無味,汁也帶唔起味道,小棠菜無乜味道,清淡的一道菜蝦子炆伊麵:伊麵炒得勁乾身,只是沒有味道,蝦子也看不見,更加吃不到呢瑤柱蛋白炒飯:麻麻地,又係唔多夠料,幸好炒得唔算油紅豆沙湯丸:紅豆沙無乜豆,豆味也唔夠,湯丸有點怪味新春美點:叉燒酥,皮幾脆,叉燒也唔算甜,幾好味道服務:尚算不錯環境:當然舒適,用每圍3500元,包了1間房可以坐到11點.

嬸嬸新前年送了蘿蔔糕卷俾我們,媽媽今早煎了給我們吃.未食前看外型尚算多料,吃時吃到有粗粗蘿蘿絲,材料只是蝦米,少許臘肉,己沒有甚麼材料了,真是有點齋呢??最慘食完竟然好口渴.要飲好多水呢哎!如果要俾錢買的話,真不會買了

12月31日係一年一度的除夕夜. 要送舊迎新, 當然要一家人齊齊整整的吃個年夜晚. 今年訂咗博藝會, 因之前食過德藝會, 味道都唔錯. 而且家人也有折扣嘛!一行七人, 點了:煎銀鱈魚 : 很普通的一味, 只可說那銀鱈魚係合格的, 但沒啥調味.羊腩煲 : 估唔到幾唔錯, 一向唔食中式羊的我, 怕羶, 竟覺得呢個合格有餘, 因為肉嫩, 沒有太多脂肪, 所以唔會羶. 加入少少生菜灼灼, oh, 生菜好鮮甜呀, 湯底好正.橙香骨 : 排骨脆脆地, 乾身, 橙香加上蜜糖, 好香, 出色的一味. 侍應還很細心, 怕我們唔夠分, 問要否替我們剪開. Good!駝鳥肉炒蜜糖豆 : 蜜糖豆又幾嫩, 無渣. 駝鳥肉ok, 跟牛肉的口感差不多.什菜煲 : 呢個較淡, 嘛嘛.南乳吊燒雞 : 估唔到呢個竟然係最好味的一道菜. 它最遲先上, 按道理, 大家吃得差不多, 該吃剩這個才對. 但這味竟全清! 雞肉嫩滑非常, 以南乳雞來説, 嫩的程度差不多已到極限, 而皮脆到像吃薯片般! 生炒糯米飯 : 另一驚喜之作, 臘腸好香, 可以講係一個糯米飯的靈魂. 糯米飯本身黏度適中, 有口感之飯不會過份黏口. 下的調味剛好

今年又有新意思,唔再去鳯城.改了在此擺2圍酒慶祝麻麻82歲生日.第一道餸:乳豬全體:乳豬凍冰冰,皮出奇地幾脆,肉唔算肥,女仕們吃多幾件也不怕胖.伴碟的海蜇有點鹹也唔夠爽口西蘭花炒蝦,西蘭花炒得唔夠熟,大蝦只得個大字,完全無味.炒蝦球:蝦球熱辣辣好脆口.只是蝦肉不夠彈牙,內放冬菇增添香味,瑤柱菠菜:菠菜和瑤柱味道唔夾,菠菜也唔夠鹹,好清淡. 炸子雞:皮幾脆,雞肉無味. : 冬菇西菜髮菜扣鴨掌:冬菇好肥厚好大隻,鴨掌加入獻汁好入味, 魚:肉唔夠滑,鼓油唔夠味魚翅:當然無乜翅,只是加了冬菇絲好香,加上唔會煮得過杰,易入口.伊麵.唔夠乾身加上太多油,女士們禁忌.臘味飯炒得唔夠乾身,臘味也唔夠香.紅豆沙煲得唔夠火路,弊病太甜,陳皮味也欠奉.壽包好細件,夠熱,只是蓮蓉唔夠香 環境唔算好,因為是在類似麻雀房的地方晚餐.服務尚算不俗,因為嬸嬸識人,整體幾滿意

20080608端午作節，兼賀生辰，預訂了一打壽包，上桌之前才蒸，雖然等的時間長了一點，其熱辣鬆軟則可搭救，尺寸相當迷你，竟然蓮蓉蛋黃俱全，也好，少食多滋味：）在這裏吃的次數多了，發現原來傳統的中式酒樓也喜歡像本土茶餐廳一樣玩一下fusion，或者說是jamming，譬如咖哩薯仔牛筋煲、煎銀鱈魚扒、粟米斑塊等物一應俱全，也虧了它們，使我在數日之後還能記起當晚的菜式：）港式得来，味道也不錯。不過是晚樓上有人婚宴，樓下的桌子因此排得密了些，空間上沒有上一次來感覺那麽好。

同事請飲去左呢度野食真係麻麻地，個侍應又唔掂，連夾送分菜都呢咁 hea，最尾上炒飯仲成碟飛左出黎....乳豬完全唔脆，好似放左好耐 帶子都 ok 不過不失個炸蟹拑好味翅一般大海班好細條，得黎又好鞋其他野都係中下貨仔麻麻地

20080511博藝會中餐的部分有兩層，分別是4/F與4M/F，之前四樓這裏圍板裝修了好一陣子，重開之後第一次幫襯，就是盛大的母親節家族晚餐，唉，如果婆婆尚在就更熱鬧了，在此一併致以敬意。今天人比較少，大大小小也只有九個，加上二姨擔心大型魚類的水銀污染問題，所以舍酒席爾取散點。海鮮什菜煲：清淡得來幾好味，大大煲，頗受好評；魚香茄子煲：很油膩，未敢下箸；炸子雞：皮脆肉嫩，碟地無油，不會太鹹，不錯；小炒三樣（這不是菜名）：如相片中所見鴕鳥肉、牛柳粒與雙蚌，不好肉如我輩，淺嘗輒止，味道及肉質都還好，不過調料下的重手了些，“師傅”料也不少；宮廷醬燒骨：沒有想像中那麼肥，嫩滑入味，略帶酸甜，不錯；荷葉飯：很幹身，是有水準之作。餐後糖水紅豆沙：不過不失。表妹親手製作藍莓芝士蛋糕一個，好評如潮，我們要求餐廳幫手放入雪櫃，她們善意提醒說要吃的時候提前通知以免雪得太硬，又主動提供乾淨盤盞，且無切餅費，值得表揚：）整篇食評寫完，其實最想贊的是這裏的新裝修，用了銀色主調，白紗窗簾、銀灰暗紋牆紙、水晶吊燈、淡綠花飾，清雅至極，是非舊日格調可比，撇開側邊兩個柱子（但也有用極漂亮的雕花鏡子包裹）之外，也不失為一個