曾記粿品

營業中

休息中

自從知道曾記有出潮州月餅， 就年年記住黎買。有綠豆蓉，芋泥，烏豆沙，三個味。今年已經開始有得賣了。 急不及待， 即刻去買。 曾記潮州月餅勝在新鮮出爐， 有別一般廣東月餅一盒盒咁，唔知做起幾耐。 去到曾記， 佢地仲係一盤盤熱辣辣，好特別！

喺中環返工無咩做緊係蛇王下啦，所以行左去上環皇后街熟食市場，呢度有間潮州人開嘅潮州粿品店－曾記粿品❤身為潮州人嘅我已經聽過呢間嘢好耐啦，點都要試下嘅😹👆🏻搭電梯上到去，一開門就喺熟食中心，有好多唔同嘅檔口，而曾記粿品就喺最角落頭，一望就望到架啦👇🏻行到過去會見到鋪頭將整好左嘅粿放係度，呢啲都可以堂食架，堂食會幫你煎啲粿，拎走就唔會啦！除左粿之外，仲有其他熱食同糖水，例如肉碎蠔仔粥、蠔餅、綠豆爽等等，午餐下午茶都啱晒！！！😋👇🏻下午茶時間緊係嘆返碗糖水啦～清心丸綠豆爽白果😋綠豆唔淋有口感、清心丸透明幾靚有咬口、白果就幾香👍🏻好有水準嘅潮州糖水💕大家有機會要黎試下啊！

疫情關係不能外遊是你我的心聲，望梅止渴唯有對自己的嘴巴好一點，今次就扮去潮州。這家的粿非常有名，我們一邊坐著吃著，來買粿的人絡繹不絕，由於供不應求，粿還未蒸熟，有些客人要坐定定耐心等待。我們點了兩咸粿三甜粿，另外再點了水瓜烙及家鄉炒麵線，原本想再點蠔餅，幸好老闆出手阻止，他說吃完再點，因為我們真的點了很多，而且全都是飽肚的，可能吃不完。即場食的粿可煎可不煎，不過我覺得煎的粿更香更好味，不過卻很多油，兩款咸的粿分別是韭菜和荀，據說荀粿是季節限定，粿內的餡料很爽很好味，值得一試。炒麵線很乾身，比想像中少油，不錯。水瓜烙在外邊比較少地方有得吃，水瓜配上薯粉，爽口好食，不過卻是最多油的一碟。最後再點了清心丸白果綠豆爽劃上完美句號，成功地扮演自己在潮州吃喝玩樂。

嚟到上環皇后街熟食市場！🥳去到一樓就會發現有好多隱世美食，而位於熟食街市角落就有一間專賣潮式糖水及茶粿既小店！見到有好多街坊都幫襯呢間小店，而大家都一次過買8至10個粿返屋企食🤣🤣🤣非常誇張！推薦菜式：清心丸綠豆爽味道：🌟🌟🌟🌟價錢：🌟🌟🌟🌟環境：🌟🌟服務：🌟🌟🌟呢度嘅價錢亦都非常公道，亦都有唔同嘅潮式糖水同埋特色小食俾大家去揀！🥰其實呢度有好多唔同嘅粿去簡！蘿蔔粿、綠色粿、芋頭粿、芋泥粿等....粿子可以揀即食或者煎(要買滿三件才可以煎) 😋今次我就試咗即食！粿外皮煙韌帶有一點甜味，而皮身都比較厚，內餡芋泥足料不太甜，所以一次過食晒一個粿子都唔會感覺好膩🤩🤩🤩清心丸綠豆爽係我覺得嚟到呢度最值得食嘅🤩一邊嘅每一粒綠豆都脫皮得乾乾淨淨～而加入白果都唔會令到糖水內帶有苦味！食晒一整碗亦都唔會覺得好膩！

朋友推介話上環曾記粿品有正宗潮州粿賣，媽媽最鍾意食潮州粿，所以趁星期五就趕去買啲返屋企～ 4點幾去到已經賣哂咁滯，得返十幾個全部比我買走哂～店主話黎緊專賣潮州粽，要7月先會賣返粿，即係話我好好彩咁買到6月最後一輪既粿返屋企後媽媽煎到勁香口，好食！

香港鋪租高企，好多小店捱唔住貴租，迫住結業，懷舊老店真系買少見少好耐無行過皇后街市，今日難得經過見到久違嘅曾記有開舖，即刻買返幾件潮州粉果返屋企食真嘅手做嘅潮州粉果有分甜同埋鹹兩款，最後買咗兩舊甜嘅芋泥果返屋企食<芋泥裸$7>鍾意食芋泥嘅朋友絕對要試吓呢個芋泥果，芋泥餡打得好幼滑，芋頭味好香又天然，而且又唔會過甜個皮用糯米去做嘅，稍稍厚左少少，返到屋企凍咗有冇蒸返熱食，所以有少少硬，食完一個絕對會飽幾個鐘

呢間在上環皇后街的店專賣潮州食品中的粿，其實就係類似客家人的茶果，有咸有甜，幾好食。除了可以買走，亦可以坐低食，D粿雖然係炸唔係煎，不過都好食。另外佢仲有蠔餅、炒粿條同炒麵線，都好味，值得一試。我通常會蠔餅、炒粿條同炒麵線三選一，再叫最多兩件粿，一人前黎講已經好飽。

聽說這間曾記粿品十分出名，今天來吃餃子，順便買兩件回家吃。到達店舖門口時，已經有很多人圍住店員購買。原來分為鹹粿和甜粿，款式甚多，令人眼花繚亂，不知揀哪款才好。見很多人買「韮菜粿」和「黑桃粿」，心諗這麼多人買這兩款，應該沒錯，所以決定「照跟」，我問店員回家後應怎樣翻熱，她說用蒸的方法便可。回家後，我便急不及待將戰利品蒸起來。「韮菜粿」內裏果然有很多韮菜，吃完後成口都是韮菜味，但我以為粿皮會十分煙韌粘連，像糯米皮似的，但蒸熱後，發覺粿皮只像普通麵粉皮，沒有想像中QQ的口感，有點兒失望。反而「黑桃粿」的芝麻皮頗有彈性，煙煙韌韌的，綠豆蓉饀質感綿密，幼滑細緻，甜度適中，配搭得很好吃。

黑桃粿 $7外皮黑色既外皮係芝麻味芝麻味幾出，好食過原味😋口感煙韌、有口感，煙韌控最愛💯扣分位：質地較黏手，而且皮都幾油下☹️餡料用綠豆蓉作餡，餡既份量大方，吱曬出黎🤩綠豆蓉質感綿密、幼滑，甜度正常 (芋泥偏甜)同芝麻皮配搭得幾好👏🏻芋泥粿 $7外皮原味外皮，厚度適中；質感同樣軟糯、有咬口😇美中不足既係糯米香氣唔太出🍚餡料係我既最愛芋泥🤤芋泥打得幼細，口感軟滑綿密。偶爾有細細既芋頭粒增加層次~但甜度較高，食到較為人工既甜味，唔夠天然🙊頭幾啖仲可以食到芋頭香，可惜後面就比甜味蓋過💔整體而言，外皮同餡料比例剛好，粿皮煙韌無得輸💞餡料可以減低甜度~而兩個粿中，我會比較中意黑桃粿🏆(雖然本人係芋頭控)，黑桃粿既綠豆蓉甜度較低加上芝麻皮豐富左味蕾層次👍🏻神奇既係睇得出外皮用左唔少油製成🥃而且內餡用料豐富，甜度亦頗高🍯但食完兩件都唔會覺得好漏🐒温馨提示：最好即買即食或食之前加熱！粿既上層曝露係空氣中，水份會流失♨️皮既質感會變硬，會影響口感💁🏻‍♀️

呢間舖頭基本上唔洗點介紹就知道係食潮式糕點 -「粿」啦，不過除咗林林總總又有咸又有甜嘅粿之外，佢仲有一d大家唔可以錯過嘅嘢，講緊嘅就係蠔餅、炒粿條、炒麵線、魚麵，仲有一定要食埋個糖水清心丸豆爽。一睇落去，就有一個共通點，就係全部都係澱粉質，所以真心建議你一係分幾次食，一係就叫埋一大班朋友一齊食。呢d潮州食品味道雖然係好正宗，不過就比較油膩，所以真係要趁熱食，如果唔係就好易食到人食到飽飽滯滯，雖然係咁樣，但係都無阻我每次經過心思思想去食嘅衝動。不過提一提大家，呢間野係唔做夜市嘅。差啲唔記得講，端午節前一兩個星期，佢哋會暫停做粿，淨係做稯，佢d稯都好好食架！

細細間噶潮汕小吃店，都幾隱蔽波，不過好多人都特地去幫襯，證明好味道，專門賣粿品，都好多選擇，有甜又有鹹，都幾多花樣噶。我就比較中意食甜啦，所以點左綠豆蓉粿同埋紅豆蓉粿，兩款豆類噶都好香豆豆味，食落去不會太甜，軟糯噶口感，好好食，平時都會買翻滴翻屋企同屋企人share噶。

小時候每逢一經過上環皇后街街市🏚，就會到「曾記粿品」食我最愛吃的潮洲煎韮菜/芋頭/蘿蔔粿🍘。網上好多人都說佢地d粿品偏油偏鹹🔥，但我覺得非常合理👌🏻，如果不油根本都煎不起個皮🍳（試過自己買返屋企煎唔夠油煎到散晒😅）。雖然見住個粿品由$3一個變成$7一個💸，但回憶這個東西💎有錢是買不了的⚡️另外個蠔仔餅整得勁好味，個蛋漿加咗薯粉，d蠔大大粒，加埋魚露或豆瓣醬食仲好味！😋同埋枱不可以亂座，有劃分店的。最好問一問先好座，廢事尷尬☺️

就到中秋佳節，講起月餅，朋友就介紹咗我喺上環嘅一間出名傳統粿品。未食過潮洲月餅嘅我係完全無認識，一開始仲以為只係餡料嘅唔同，類似伍仁月餅咁。去到曾記，發現檯面上已經放滿一盒盒嘅潮洲月餅，原來賣相同台灣嘅綠豆餅差唔多！的確充滿懷舊風味！月餅分咗三隻味：芋蓉、綠豆蓉、烏豆沙，咁我同朋友就一齊試咗其中兩隻味。店員知道我哋係即刻食，仲等登俾咗盒新鮮滾熱辣嘅我哋添！不得不讚，曾記嘅潮洲月餅皮係做得唔錯，外皮酥脆，但亦無好重嘅油益味。而餡料方面，綠豆蓉係我比較喜愛嘅味道，唔太甜但亦不失綠豆香！相反芋蓉就略嫌淡味，未夠芋頭香！但整體嚟講，中秋食潮洲月餅亦係人生一大嘗試，如果大家對傳統月餅或者冰皮月餅生厭，不妨轉下新口味！味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️性價比 ⭐️⭐️⭐️

長話短說1. 極度肥膩，好油2. 花生粿麻麻(味道唔突出，唔甜但又唔鹹)，綠豆同芋泥都ok好食，韭菜量少左d唔夠香3.水瓜烙用嘅蝦仁size比較普通，口感都算香脆。整體黎講，食到滿嘴油，嘗鮮黎講唔錯，不過我唔會翻兜

星期天的早午餐，來試一試曾記的潮州食品。之前吃過她們家的各式各樣的菜粿，今天就吃水瓜絡吧。裡面有鮮蝦仁、豬肉條混合水瓜，煎成表面焦香，裡面軟韌的瓜絡餅。撒些胡椒粉，蘸著魚露，有菜有肉還有蝦，非常適合怕胖又愛吃的我。清心丸白果綠豆爽，看來是用紅糖調味，甜度適中。清心丸晶瑩剔透，很有嚼勁。配合剛才鹹香的水瓜絡，非常適宜要提醒朋友一聲，這裡工作的嬸嬸姨姨，可能受環境的影響，有幾個說話特別大聲，讓人覺得她們脾氣暴躁。溝通之後也不覺太差，專心享用美食就是了。