曼谷車站

營業中

休息中

平時少有係九龍灣淘大/德寶一帶食飯，朋友提議去德寶搵食，一去發現餐廳選擇唔算好多！比較吸引我地既就係呢間曼谷車站～平日晚市時間，但人流少7點幾都坐唔爆😳我地兩個唔係好餓，只叫兩個餸share食！明爐烏頭魚配冬陰功湯($142)條烏頭係先煮熟，上菜時先再加冬陰功湯。上枱時連爐邊煮邊食😆 佢冬陰功湯做得幾好，惹味夠濃郁，魚肉同配菜點左湯都好好味～佢另外比左一碗湯，以防佢煮到乾水。唯一缺點係，佢魚預先煮熟但近骨位未熟透，但本身魚肉又放到凍晒，就算有爐煮住都要等耐D啦～想叫多個飯麵食，食泰菜當然係要叫泰式炒金邊粉($62)呢個Pad Thai 味道正正常常，炒得唔係濃味，上碟係少熱但就冇即炒感覺🙃🙃另外我地各叫一個椰青，可能因為唔合時，椰青水偏淡冇乜味，椰肉好薄幾乎冇肉食😂整體呢間餐廳還可以，有機會再黎可以試多D食物～但今次呢兩款就都有進步空間😂😂

在openrice見到這間泰國菜食評不錯，於是用openrice訂位同黃兔試下。如在openrice訂了指定時段的座位還可享９折優惠呢去到得寶商場上2樓，沿著天花上的指示牌走，好容易便搵到呢！餐廳以火車車卡做主題，好特別！幸運地我們被安排坐上車卡卡位，坐得好寬闊舒適值得一讚上菜速度快仍能保持食物水準，不但碟碟溫度夠熱，而且惹味無窮另外沒有加一收費！我地點了:咖哩軟殼蟹＄128 - 賣相吸引份量比想像中多咖哩微辣香濃，軟殼蟹炸得酥脆，口感啖啖肉，洋蔥香甜，整體上好惹味泰國金柚沙律＄68 - 金柚肉厚多汁清甜還有些炸蒜片，炸椰子片，腰果，蝦等做配料，味道有層次，惹味非常串燒（豬／牛）半打＄68 - －上枱已聞到好香而且賣相不錯！2款肉類均燒得香口，肉質嫩不會過韌！加上沙嗲醬更為惹味蝦炒金邊粉＄62 - 金邊粉炒得乾爽不油膩，和醬汁配合得恰到好處，好味椰汁冰＄23 - 略遜色！－般。青檸梳打＄23 - 梳打水好夠氣，味道清新怡人

🧒🏻Happy Mother’s Day!The photo doesn’t really look good 🤫because I focused on my family instead of the quality of photos as I was having Mother’s Day celebrations dinner. Yet I still wanna leave a record for the dinning experience and the quality of food in this restaurant! I ordered many food here, we got 6 people in total.1️⃣燒牛肉燒得唔勁惹味，泰國菜黎講好淡味。個汁可點可唔點，睇個人口味，就算點完都唔會好濃味！2️⃣青木瓜沙律除左有青木瓜絲，仲有蘿蔔絲、熟蝦。有菜又有肉，全部都好爽口，個泰式沙律汁酸酸甜甜好開胃！3️⃣生菜包個豬肉炒得好乾身，冇乜肉汁，亦冇額外將醬汁搭配，我本身大愛生菜包，🤷🏻‍♀️但呢度既真係唔太吸引。4️⃣飛天油麥菜炒得唔係好香，有少小辣，平時食唔到辣既人都

今日去左徳寶商埸，原來裡面有咁多野食！俾我發現左呢間成個裝潢成加車咁既泰國菜！價錢平民化，仲要唔洗加一添。真係好抵！如果鐘意飲啤酒,仲可以試下呢度既泰啤。環境都幾好，坐得舒服夠闊落食泰國泰當然唔可以無既 泰式生蝦生蝦大大隻，冰鎮住夠哂新鮮，蝦肉彈牙肥美！沾埋個泰式辣醬，無得頂！泰國小食拼盤。大大碟，有四款每款有四件。岩哂四人食呀炸蝦餅，好味！好彈牙，食落非常香脆！春卷 好足料，有好多蘿蔔絲青瓜絲，食落口感豐富惹味。魚餅同鳳凰卷也不錯！

好幾個月前去完泰國，當時瘋狂日日食辣，食泰菜，真係到上癮呀！返香港後都好想食泰菜，所以就精挑細選左呢間位於牛頭角得寶商場的「曼谷車站」，好耐之前已經黎食過，今次晚飯時間都有唔少客人喺門外排隊我點了清湯烏頭，魚肉好鮮嫩呢！最可惜朋友唔食冬蔭公，如果唔係我一定會叫黎食🤣除左條魚，我地仲叫左一個馬拉盞炒椰菜苗，炒得香口但又唔油膩，非常健康！椰菜苗炒得好嫩口，唔會太老或太韌。加上份量都唔少，我地兩個人食都好足夠泰式生蝦刺身一共有六隻，大大隻，好新鮮！蝦肉夠晒棉滑同鮮甜最後梗係叫埋個椰青，完美嘅泰國餐個感覺簡直係置身係曼谷!!

大半年前嚟過呢間位於得寶花園嘅曼谷車站，覺得價錢平得嚟味道亦都十分好，於是呢晚決定再訪，可惜退步咗少少😔。小食拼盤（$98）不過不失嘅炸物，新鮮炸起熱辣辣，價錢合理。春卷出色，皮脆，食到蔬菜餡料嘅鮮甜👍🏻。冬陰公湯（大）（$118）味道正宗，材料豐富，有兩隻蝦。蒜蓉炒翡翠苗（$57）好大碟嘅炒豆苗，有鑊氣，一啲都唔油膩。以呢個價錢來講份量十分多，甚至比我上次嚟食嘅通菜仲多😍。青咖喱牛肉（$62）香料味道層次唔算豐富，小辣，送飯唔錯。無骨海南雞飯（$68）配三色醬、油飯。肉嚡，肉有少少怪味，仲有骨。上次食好好味😭。

地點：曼谷車站餐廳重點食物：海鮮濕炒河粉話明海鮮炒河粉，海鮮又點少得呢，有魷魚青口大蝦，而呢度俾嘅份量都幾多下，認真大方。 再加多菜粟米芯、芥蘭、 紅蘿蔔， 成個河粉即刻生色不少，口感同味道豐富哂！成個河粉上面有好多餸鋪係面見唔到d河粉咁滯，個份量真係好好好大份。泰式辣椒醬炒青口，青口一向都係我最愛，呢個個醬汁非常好食，如果佢份量再多D，就更加開心啦。馬拉盞炒芥蘭 ，芥蘭新鮮，落左D酒、糖同埋馬拉盞去炒，所以唔係好食到芥蘭本身GE苦澀味，份量都多，辣辣地幾香口。

突然間好掛住泰國街邊嘅小食，本身諗住都去九龍城睇下有咩泰國嘢食，但係點知上Openrice發現九龍灣開咗一間名為曼谷車站嘅餐廳，見到食評介紹唔錯，來試吓！地鐵站一出行5分鐘就到！真系好方便…路痴既人都吾怕啦睇一睇餐牌就點左個冬陰公海鮮湯麵： 又香又辣嘅足料冬陰公跟湯麵一齊食，十分開胃，真係連湯都飲晒! 海鮮配料份量OK！之後朋友就點左個跟住就係菠蘿炒飯，原來個菠蘿已經幫忙起埋肉，所以食落真係又海鮮，又菠蘿，又炒飯，口感十分豐富，朋友都食咗好多碗！下次都必定要同朋友再食

今日同同事收工食嘢, 投票決定食咩菜,最後最多人揀嘅係泰國菜,之後我們上網搵咗陣餐廳,最後揀咗係牛頭角嘅曼谷車站。入面裝修平實簡約,看看餐牌及是日推介,就點咗幾款嘢食濕炒海鮮河粉，食啲濕濕地既河粉岩哂喇，無咁油膩，又幾大盤。有唔同既海鮮 大蝦，魷魚等炒成，將汁撈匀，河粉夠哂入味！馬拉盞炒通菜 炒到好香又濃味，食落有少少辣味，幾開胃。通菜炒到好爽口，唔會話好乾。個汁又幾好味仲叫左甜品,椰汁西米糕。香濃既椰汁糕，底下仲有粒粒西米，好有口感

星期五落班約左同事到淘大曼谷車站吃泰國菜。餐廳位置交通算方便，九龍灣地鐵站B出口步行7分鐘就到，餐廳內裝修擺設好有特色成個車站一樣 我們點了 明爐烏頭魚 （冬陰公湯） HKD 142 即叫即整是最為美味，而呢到有爐具邊煮邊食以保持其熱度，最岩凍凍地天熱！原條魚開邊鱗打得乾淨，旁邊有磨菇、菜、泰式料及冬陰公湯等材料，很香溢。夾起魚肉不易散又雪白。不單止，晤夠湯底旁邊還有碗冬陰公湯底不斷加。海南雞飯來了，充滿油黃香飯煮得軟糯適中，分量十足，啱曬我地兩飯氣之人 海南雞做到嫩滑鮮甜，連皮一齊吃好好味

今次係九龍灣搵食。呢間泰國餐廳係一個九龍灣一個細商場得寶商場入面嘅二樓。生蝦刺身 $78生蝦刺身呢個價錢都算幾合理，唔使過百。蝦幾新鮮，爽口。而個汁都幾夠味。唔錯! 蝦炒金邊粉$62蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。芒果糯米飯 ~ 泰國甜品首選， 糯米飯熱辣辣夠煙韌， 芒果是用泰國芒果又甜又香， 配埋椰汁的香味，食到停唔到口。

試過幾次經過這裏睇醫生都見到有間泰國菜館叫 曼谷車站，一路都很想入去試下，前幾日下午終於有機會會一會佢。場內裝修得像坐在火車上品嚐食物， 又新鮮又有趣。 每次到新餐廳都最鍾意睇餐牌睇裝修。餐廳環境装修似火車，有扶手，行李架等裝飾挺有心思。最後點左蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。每次吃泰國菜都會點的生虾刺身，肉質彈牙肉厚，沾點甜酸汁好味道。椰青夠冰夠甜,夏天飲真係一流。

今日朋友生日，朋友想食泰國菜，我們就選了這間位於九龍灣德寶商場的曼谷車站，雖然是平日，但人流都算多，但裡面大部分都是卡位，座位都坐得幾舒服。整個裝潢及主題都是火車站，包括有火車站的時鐘，天花有扶手的手把，窗也特意造到跟車裡的包廂一樣，好想置身於火車裡晚餐一樣，感覺很有趣。 我們看了看餐牌，就決定點食泰國菜都必點的肉碎生菜包（$65），冬陰公湯(小）（$68），香葉肉碎煎蛋飯（$62），青咖哩豬肉（ $62）和一個椰青（$35）。試試他們的手勢夠不夠正宗！首先上枱的是冬陰公湯，湯都十分足料，裡面有草菇，蝦，蕃茄同香茅等香料，味道不會太辣，像我這種愛吃辣但又不能吃太辣的人剛剛好，偏酸，香葉味和椰奶味都很濃，很好喝，蝦雖然只有一隻，但咬落啖啖肉！味道很鮮！這個湯很細心，店主怕客人會喝到會冷掉的湯，所以是用小火爐一直熱的，每一口都熱燙燙的湯，好滿足！大推介大家點這個！ 肉碎生菜包的肉碎肉質彈牙，肥瘦比例剛剛好！材料豐富，辣汁鮮味，一流的生菜，很新鮮， 滿滿的肉碎份量十分慷慨，肉碎帶小小辣很惹味，我和朋友吃個不停！每次食泰菜都必點的一款菜式！ 香葉肉碎煎蛋的金不換味道很重，飯面上有煎得香香的太陽

食物：冬陰公湯每一次去食泰國野冬陰公就必叫而呢間既湯辣度適中唔會過辣而且配料都好多菇蝦肉爽口重有有個養養住確保夠熱美中不足系蝦無分2節飛天炒通菜每次食泰國野都叫馬拉盞今次見到呢個名幾型就試下岀奇地幾入味又幾香唯獨系菜炒得唔夠淋串燒6串豬牛雞各2配獨有既汁整體上樣樣都唔錯不過唔知系燒既技術肉好痴條竹籤要用d力咬出黎無骨海南雞飯呢個不得了個飯無黃油飯勁香配埋無骨既雞肉配埋3款汁十分開胃由其是中間果款汁龍眼冰呢杯龍眼冰比較似港味因為都幾甜下不過系清甜果只甜掂啊珍多冰勁甜對於食完辣野既人黎講係好適合既因為可以解辣環境：呢到設計好有心思整到好似火車卡位咁配埋高位既行李似食緊便當

本身鍾意食泰國野,特別係依加呢D天氣。知道牛頭角有間食泰國菜既都幾出名,就慕名去試下。呢間店位於得寶商場1樓,叫做曼谷車站。可能因為係平日,所以人流唔算多,唔使等位就入到去座。睇左陣餐牌,我地就點左幾樣野食。以下介紹幾款好食的。首先是海南雞飯,海南雞雞油十分香,食落唔會好大陣雪味,雞肉嫩滑,用黎爬幾碗飯完全沒問題。之後到泰式冬蔭公,冬蔭公非常之辣,而我本身都算係食我辣既人,入面D配料例如蝦果D都幾新鮮!最後到蝦膏炒飯,蝦膏味好重,炒飯鑊氣幾夠,飯底炒落唔算好油膩。