曼谷車站

營業中

休息中

難得入牛頭角梗係搵間好食啲嘅餐廳食啦，我就平時比較少喺牛頭角我住新界嗰邊，咁我見OpenRice嘅食評寫呢間泰國餐廳好似好好食咁咁我就一於試吓啦，之後同朋友就入咗去食啦，咁我同朋友兩個人食都係叫返啲平常餐廳有嘅嘢，但係今次我特定要讚下春卷同埋鳳爪，春卷炸得外脆內院仲有少少汁緊好好食😋仲有個鳳爪食完我仲外賣左多一份返屋企食因為個鳳爪好爽口，會有追想食衝動，加埋佢啲洋蔥同配菜口感好新鮮好爽朗辣到啱啱好，完全可以睇住電視當小食禁食所以忍唔住買多一盒返去食， 屋企人當然有一齊食個個都話買得好！大家一定要去食。

好耐無食過泰菜，見近近地又有好多正平就決定試下！無失望😍！疫景下都坐滿一半人，仲見不斷有外賣單！服務態度勁好，見有小朋友即安排坐卡位，坐得好舒服，落單自己寫，可以慢慢揀！味道泰菜黎講偏淡，好適合一家大細去食

今日帶女朋友嚟食泰國菜,本身我地兩個都唔大食既,所以叫得唔多,我地只係叫左海南雞,生蝦,同炒金邊粉,又幾好 wo !海南雞,唔會淋zizi ,一D腥味都無! 加埋點上 個3款醬,真係添加左唔少既鮮味! 到生蝦啦,我平時好少食生野既,三文魚刺身個D我好少食, 但生蝦我就一定食!,我一定要食到全球最好食既生蝦仁, 因為好食既生蝦係好好質感好新鮮!好似直接係海水游入你口到甘!,真係好中意!邢呢間都唔錯嫁,都新鮮明肉質keep 到!而呢度既金邊粉,真係炒得唔錯!,唔會炒到D粉淋晒, 口感入味,唔錯嫁! 大家去試下!

《泰享受》晚上不想煑及想食泰菜！夫婦俩便去左九龍湾得寶商場~曼谷車站！酸辣鳳爪，辣中帶酸甜，鳳爪大份及爽脆，味較得好適中！很正！泰式小食拼盆，碟頭大及賣相佳，食材新鲜，有蝦餅、春卷、鳳凰丸、魚餅，很驚喜的精彩拼盤，有两種甜酸醬汁伴食，係好食好豐富的必選的菜式！冬陰公，我地向喜的湯，此湯一向是泰湯表表者，飲這湯那濃濃香茅加埋大大隻蝦，棘度適中而味蕾味覺超欣赏，好！泰干炒牛肉河粉！鑊氣夠，厨房功力很好！再來大大杯珍多冰，多種食料也多，價格合理！店子舒適及環境清雅，有置身泰國之感，店員服務細心及態度良好！此是很值得推薦的美味泰菜店！一定會再來！

餐廳最特別就係用火車既主題黎做裝潢連小朋友都會比佢吸引到🤣呢到都好多野食選擇 岩哂一家大細黎食👨‍👩‍👧‍👦👑泰式炒金邊粉 $62-平時食開炒米粉,今日就試下金邊粉,原來都係咁好食,而且份量好足、仲有好多配料👍🏼-啲蝦夠大隻夠彈牙,味道好夠，夠鍋氣👍🏼(推介*)👑小食拼盤 $98-裡面有蝦餅、春卷、鳳凰丸、魚餅 (我個人推薦蝦餅一定要食*)-炸到外脆內軟、又香口又好味道🤤仲有泰式甜酸醬可以點👑椰青 $35-食左咁多熱氣野，緊係飲返個椰青啦-又清甜又清熱解毒，超健康👍🏼而且大大個椰青超滿足

第二次嚟呢度食飯食過翻尋味呀！冬陰功湯食泰國菜絕對不可以錯過的一定會有冬陰功湯以香茅、檸檬、紅辣椒等等配料調味出來的特色酸辣海鮮湯，真係會令人難以忘懷，一飲再飲，湯味集合咗酸、甜、辣味，聞上去非常香，泡飯或者泡麵是最佳，我最喜歡撈飯食，因為我本身唔係一個好食得辣嘅人，但係無法抵擋冬陰功的魅力，所以一定要跟白飯一齊食，中和一下辣味。小食拼盤拼盤有冬陰功魚餅、春卷、蝦餅、鳳凰丸。魚餅有啖啖冬陰功味，飲完冬陰功湯食佢以為係因為飲咗冬陰功，後尾先發覺原黎係本身就係冬陰功魚餅！鳳凰丸幾特比，出面係腐皮，入面包住雞肉，炸得好香，味道夠濃。椰青食完辣野同埋炸野，再叫個椰青清下，真係好正！成個人覺得好fresh！椰青好清甜

前幾日同屋企人慶祝生日去咗間泰國餐廳度食飯，估唔到間餐泰國餐廳都幾好食，我哋叫咗好多嘢食啦，有冬陰功有牛扒有雞扒豬扒雙包春卷鳳爪炒什菜, 等等。。我推薦幾款我平時都食開嘅送俾大家，薄餅啊春卷，鳳爪同炒雜菜呢四味係我哋老少咸宜都會鍾意食嘅一道菜☺️☺️佢哋呢邊炒得好有鑊氣，薄餅好香口春卷好趣口，鳳爪我不嬲由細到大都好鍾意食㗎所以呢間好似我細細個食開個隻味🥰🥰🤩🤩大家去試吓真係好難形容。我一定會嚟呢間餐廳☺

今日同班好鍾意食好野既舊同學食飯,次次同親佢地食飯都好貴,今次佢地話搵到間價錢合理既泰國野,佢地話睇OPENRICE好多好評,所以一齊試下,大家都大個左,個個都有自己既工作要忙,難得約到出黎齊人,緊係要搵間唔會中伏既餐廳開開心心叙下傾下大家近況啦!一send個地點出黎,就係我之前試過既泰國野!之前都介紹過, 呢間餐廳都幾特別,啲座位好似火車車卡咁,幾得意,野食方面都幾多選擇,我地叫左好多野食,我就唔逐樣講啦,有幾樣必試既,生蝦生菜包,食泰國野一定走唔甩一定要點既,但黎到曼谷車站,有幾樣野係估佢唔到好好食既~炸蝦餅,泰式無骨海南雞,小食拼盤,個炸蝦餅,真心推介比大家!!

本人呢無論食乜嘢菜都好啦，都比較食得齋啲嘅， 唔關任何宗教信仰是，只係由細到大都養成嘅習慣。今次我想同大家介紹呢間餐廳叫曼谷車站，環境優雅舒適，大家見來啲美食圖都係比較齋啲嘅🤣有蒜蓉包，薄餅，炒菜心同埋春卷，呢四個就係我覺得好食既基本菜。蒜蓉包同薄餅都整得好香口，春卷，望落去已經好想食😻菜心仲係好香又鮮甜，如有有人同我食嘅嘢類型差唔多嘅，可以留意下呢間餐廳，係唔錯㗎，我見其他餸都整得好靚好靚我屋企人都話好好食😋

很多人即使來過很多次九龍灣，都不一定認識得寶商場🙂周一晚上到順豐站寄貨，順便來這裡吃泰國菜～餐廳以列車為主題，頗有特色🚃座位寛趟，多人聚餐都ok👌✨小食拼盤 $98共有四款小食，有蝦餅、春卷、鳳凰丸(雞肉丸)和魚餅，適合一大班朋友happy share👭👬四款之中我最喜歡煎魚餅，口感鬆軟，裡面夾著一點葱碎，也帶點檸檬葉的獨特香味🥰✨海南雞飯 $68每次到訪一家新的泰式餐廳都必點的菜式，這裡的海南雞雞肉鮮嫩，份量適中，配油飯很不錯🤗✨泰式炒金邊粉 $62另一款必點的就是炒金邊粉🤤酸酸甜甜很開胃，配料都比一般餐廳多👍🏻飲品方面叫了一杯龍眼冰 $25 和一杯芒果沙冰 $28😛芒果沙冰很清新，不會有很假的人工水果味🥭龍眼冰很濃甜，數粒飽滿的龍眼粒在口感上加了分數😊這次到訪全部菜式和飲品都在預期水準以上😆必定會再幫襯呀～

前個排我去左一間泰國餐廳食飯我唔係住牛頭角嘅,都係相距較遠嘅地方之前同朋友食過呢間餐廳嘅網上外賣平台 外賣,因為朋友話好好食,所以今次就試下堂食，睇下係咪一樣水準而我都有做功課,上網睇吓D 食評,反應都好一致,有d 仲話好好味添出名嘅咖喱蟹, 見到個賣相金黃色,都幾吸引睇睇入面既蟹肉,都有見有肉汁流出我就一D都唔客氣嘅, 用手食,一啖食落去,蟹汁爆出嚟!好正,一D都唔會乾,仲有咖哩嘅香味(加上淡淡嘅椰香)!好西利嚟遠都聞到咖哩好幼滑,好夠味道,係可以食到蟹嘅新鮮!呢個程度的確幾難食到我lam lam脷差啲連手指都啜埋椰青水新鮮，即叫即開，係食泰國菜必備嘅飲料

係呢度俾番個好評俾餐廳,做番個record 位於牛頭角既曼谷車站,真係好食!今次講下正宗泰式無骨豬手,真係好好食!佢可以整到個豬皮爽爽既質地,入面豬膏位又唔會太入口肥膩既感覺,雖然食完都係肥~,仲有D 肉唔會好唉口,係好食嫁!好鬆軟嫁!,好入味,唔會得個樣子,大去食一家要食呢個! 到泰式金柚沙律,食完個泰式無骨豬手再食泰式金柚沙律其實真係好爽,呢個沙律主要清爽,按一按住豬手既罪惡感,食下食下都想去轉泰國,但又係岩岩係泰國番嚟,哈哈.

好耐冇食過泰國野啦🤭所以今日就近近地揾下附近有冇泰式餐廳😛於是就係網上揾到呢間位於牛頭角的曼谷車站🚊🚏🚨而且優惠期間仲免收加一💰...絕對抵食😋💕食泰國野一定唔小得的當然飲返個椰青先🌴🍹同埋最鐘意就係食泰國野的串燒🍢呢兩樣係不可缺少的⛔選左牛肉串燒另外就叫左個炸蝦餅🍤同春卷好好食。。仲有泰國好多時都點的菠蘿炒飯🍍🍛每樣食物的分量真係好多下，真係大件夾抵食，會多多來支持。

今日係我同囡囡二人世界親子日,同囡囡學完琴,帶佢行左陣街,意外發現利間泰國野,成間餐廳都係以火車為主題,利個係好重要,因為囡囡勁開心,野食價錢又唔算貴,其實我一向好小會帶個囡食泰國野,開頭仲有啲驚囡囡會唔岩食,估唔到佢話咩都想試下,我地叫左個菠蘿海鮮抄飯,叫左個小食拼盤,叫左杯珍多冰。🥰因為份量夠多,所以我地兩個都食得好飽,囡囡好鍾意杯珍多冰,可能小朋友都比較鍾意杯野飲多啲,但我反而覺得個菠蘿海鮮抄飯飯值得推介,好香好開胃,如果鍾意食泰國野,或者有小朋友,曼谷車站係個不錯的選擇😋

前幾日同朋友出街食飯一早已經book左依間餐廳食飯費事到時食先排隊或者無位，食唔到會好傷心咖嘛聽人介紹，我地book左曼谷車站地點都好容易見到搵到一聽個名就知食泰國菜啦我同朋友都好中意食泰國菜耐唔耐就會搵新嘅泰國菜餐廳食我地去泰國餐廳都係食開平時都會食既野頭盤既生蝦新鮮既生蝦,配上自家製既生蝦醬汁之後係冬陰公湯味道幾balance~又幾好飲喎生菜包好鐘意生菜包可以食到肉肉，又有菜中和吓個油膩最後嗌多個菜食到飽飽又滿足晒