暖心芝作

營業中

休息中

去開太子，記得老爸愛吃芝麻糊，就走去”暖心芝作”朝下聖。第一次去，先試芝蔴糊同芝蔴菲林卷回家做下午茶。 老爸食芝蔴糊；我就芝蔴卷。嘩！真心好食，貨真價實！芝麻糊甜度適中，芝麻磨得細膩；芝麻菲林卷，小小一卷，－盒有6小卷，很久沒有見過由薄薄的芝蔴皮捲成；真心比較X太的芝麻卷做得細緻、精巧，更是芝麻量比重高及比較紥實，不是一口粉。如果久違了兒時的芝麻味道，值得去試試、支持。下次試埋芝蔴丸同買啲回家看下門口先。

事出突然🤭當天早上打開社交平台見到呢間小店既資訊，再望下地圖😳發現位置好近攞新眼鏡，於是乎立即save低即時安排去幫襯！暖心芝作𝐻𝑒𝒶𝓇𝓉𝓌𝒶𝓇𝓂𝒾𝓃𝑔 ，位於太子汝洲街，係間專賣石磨芝麻既小店，《𝐻𝑒𝒶𝓇𝓉𝓌𝒶𝓇𝓂𝒾𝓃𝑔》主打無添加、健康食療，店舖門口有部石磨機，係真野嚟架唔係擺設🥰，而呢度最受歡迎係黑芝麻豆漿、石磨芝麻糊及黑芝麻菲林卷！聽附近啲街坊講平時都唔洗點排隊，可能多咗宣傳所以要排下隊～小妹當日去到差唔多下午4:30，已經有條人龍啦，排左差唔多15分鐘就到，不過芝麻糊要再等10分鐘，可惜菲林卷要等25分鐘😢下次先買嚕，最終只買了3碗芝麻糊。石磨芝麻糊非常出色，首先包裝碗高質素，可循環使用；另外芝麻糊質感優質、口感濃厚，純天然以黑芝麻製成，食唔出坊間嗰啲開粉質感，再加上好大碗，食完飽到食唔落晚餐🤣🤣喜歡黑芝麻的一定要品嚐下吖🖤🩶🖤🩶溫馨提示🔔提提大家暖心芝作𝐻𝑒𝒶𝓇𝓉𝓌𝒶𝓇𝓂𝒾𝓃𝑔 ，只有外賣自取‼️

繼上兩次到坊也買不到芝麻布甸，吾系賣晒就系未整好，攪到心都灰晒，依件事一直都耿耿於懷。於是又再一次的起心肝平日出動，今次揀左下午時份踩場一眼望去已經見到有十個八個烏卒卒 的布甸在雪櫃等緊我，巧開心。呢個黑色嘅布甸真係超吸引，如果你係芝麻控你一定明白我嘅感受打開蓋子已經聞到陣陣嘅芝麻香，質感完全係動L級，布甸嘅中間係芝麻糊，口感完全係雙重享受，濃郁芝麻香味將整個口腔包圍，又香又滑，甜度適中，佢喺我印象中係數一數二嘅芝麻布甸，希望佢繼續keep住呢個質素俾fans 一份「暖心」

見IG介紹，特登由朗豪坊行過去買試一試，可惜2pm已經冇菲林卷，下次請早或店主建議星期一至四12noon後過會去好D，唯有買芝麻糊今晚宵夜，用熱水座熱，口感好鞋，唔夠滑，食完會漿住喉嚨，感覺不良好，家人對菲林卷也失去信心...haha

收藏左呢間一段時間，終於有時間黎試吓可惜黎到當日雪糕機要維修試唔到不過唔緊要，買到黑芝麻菲林卷$25盒有6條，份量都多菲林卷咬落煙靭，黑芝麻味香濃甜度適中（對我黎講可以再少甜D, 但友人就覺得岩岩好），下次經過會再買

聽講呢度主打即磨芝麻，專登黎試下。第一次係食流心布丁，好驚喜，好濃芝麻味，加上中間流心芝麻醬，口感一流，超級好食，之後有再去食第二次。之後再試下黑芝麻荳漿啦，umm...完全無特別，亦飲唔出芝麻味，好普通。之後又再去，今次試芝麻糊啦，諗住布丁咁出色，芝麻糊一定好食，點知好！失！望！好稀，完全唔可以稱為芝麻糊，味道方面，食唔到芝麻味，淨係食到有陣芝麻油味加好似少少薑味？？好難食，完全唔係正常既芝麻糊！芝麻糊應有既味道同口感都無。平時有買開芝麻醬食，本身都諗住買黎試下，而家都唔敢買lu。總括黎講，淨係得流心布丁值得推介。

店舖細細，有一條人龍，個個買雪糕🍦門口放咗一部石磨芝麻，睇住啲芝麻漿慢慢磨出黎，真材實料！🔸黑芝麻雪糕(💰25)(9/10)黑芝麻軟雪糕麻香超濃烈，幼滑細膩。配合濃厚嘅芝麻醬層次豐富！好味！買完之後店員逐杯慢慢整，大概兩三分鐘先會拎一杯出嚟，真係慢工出細貨。本身想等埋兩杯一齊影相，但雪糕等唔切了🫣🔸石磨芝麻糊(💰30)(8/10)店員話要等半小時先有，真係落足心機煲。好綿好香滑好濃稠嘅芝麻糊，唔會太甜，仲有一層不可分割嘅芝麻油，芝麻糊絕對足料。食唔哂雪凍佢，聽晚試凍食嘅芝麻糊！🔸黑芝麻菲林卷(💰25)(7.5/10)限量供應嘅芝麻卷，睇住店員忙碌咁製作。菲林卷一樣有香濃嘅芝麻味，煙韌但我覺得可以再有咬口多啲。由於一次過買得太多甜品🤭真係要分兩日食呀！下次一定會黎再食雪糕，真係出色呀！😋

芝蔴控的初心。。。暖心一心去食雲吞麵，越行越近之際聞到陣陣的炒芝蔴香，我自覺是一隻大老鼠香味引領著我的腳步👣不出數十步見到這間小店內有個自動石磨在轉動中，牆上貼上密密麻麻的海報。全部也和芝蔴有密切關係的食品，更有些是健康食品，最給力係特濃芝蔴雪糕，正正有一位客人喺門口享用著，引死人，好可惜呢期唔可以食雪糕，唯有入去睇吓有乜嘢買，見到雪櫃內有好吸引嘅芝蔴布甸，前邊有個客人都係要芝蔴布甸。我同姐姐講，我要一個芝蔴布甸佢話啱啱賣晒,我喺嗰一刻個心好似由IFC頂樓跌咗落地下一樣😱佢問我有芝蔴卷啱唔啱嗰一刻因為好嬲即刻走咗。係食雲吞麵嘅途中，諗諗吓芝蔴卷都殺，終於跑返轉頭返買咗僅餘一盒嘅芝蔴卷返屋企做飯後甜品。黑芝蔴卷一盒有六條，灑上白芝蔴，卷軸不多，感覺比較細。未放入嘴前已經聞到勁香芝蔴味，放入口芝蔴味已經撲晒出嚟，整個咀巴也被芝蔴香味籠罩，超正又不太甜。口感較軟糯，魚膠粉比例較少，真材實料，因太好味，我一下子吃了三條……但知道要收口，餘下三條收埋入雪櫃留返明天吃🥰「芝蔴布甸」你要等我 🤤

在太子食晚飯，醒起最近有間超火既暖心之作，立即openrice search個地址，見到22:00關門，立即同友人埋單去食甜品。 去到舖頭門口見到幾個人排隊，到我地既時候，肉眼見到既，已經得返芝麻丸同兩杯黑芝麻布甸，好在食到火既黑芝麻軟雪糕！ 正！正！正！真心推薦， 超級香濃既黑芝麻味道，唔算太甜，其實單單個黑芝麻雪糕已經夠滿足，雪糕上面仲唧咗D黑芝麻醬，好有心！真係暖心芝作！見到舖頭入面真的有個石磨機磨吓磨吓咁，成件事令人好感動！今次無緣食佢哋既芝麻糊同芝麻卷， 若有所失。 雪糕$25， 抵食！ 支持留港消費，支持用心既香港小店！必定會再來試其他黑芝麻食物。 離開時，見到好多人特登渣車去買雪糕。 果然火！

夜晚同朋友食完飯，行過聞到勁香芝麻味，先發現依間小店🤤主打無添加任何防腐劑、添加劑，以手工製作天然食品為主。所以門口位有部石磨機即場打磨芝麻，香氣四散✨而且保證新鮮即磨。✨ 古法石磨黑芝麻糊 $30入口香濃綿滑，細滑到好順喉😝食得出黑芝麻磨得好幼細，芝麻味好香濃。石磨黑芝麻糊真係真材實料，吃到最尾仲係糊狀之外，碗底仲有少少應該係芝麻油🫧絕對足料‼️✨ 流心黑芝麻布甸 $25口感比黑芝麻糊更順滑😋布甸中間就係芝麻流心，切開後黑芝麻味道濃郁，流心效果不錯👍🏻.⭐整體︰9.5/10⭐食物︰9.5/10⭐環境︰9.0/10⭐價錢︰9.5/10

路過見到有石磨現磨芝麻漿….就買咗菲林卷黎試吓，一試驚為天人，又香又軟熟，味道唔太甜，仲要係好新鮮，呢個暫時係我食過最好食嘅芝麻卷💯同奶奶秒殺食完…好味到唔記得影相😛

第一次係朋友介紹我食嘅，知道我係黑芝麻， 我隔咗一日，心癮起又去買埋佢其他嘢。簡直一食返唔到轉頭，我好後悔唔記得問負責人拎電話黑芝麻流心布甸其實入面即係布甸入面個流心係加咗芝麻糊（我個人認為 如有錯請更正）布甸唔會太甜，唔係入口即溶嗰款芝麻味夠芝麻糊買咗返屋企雪咗一日，明顯食得出係真材實料，夠濃稠，唔會分離兩層， 甜味適中亦都食到磨得好幼細的芝麻絕對唔係坊間水汪汪嗰種放得耐水同芝麻會分離黑芝麻豆漿其實入面亦都包含咗白芝麻佢唔係好順滑好水嗰種，亦都係飲得出好幼細嘅芝麻喺入邊， 所以其實佢都好濃稠黑芝麻卷， 冇得輸㗎喇實心 未食已經聞到濃郁黑芝麻芝麻卷限量發售我建議食唔曬記得放入雪櫃所以我決定每一次我全部都會買曬🤣佢都係太子地鐵站一出行少少就到當然嗰度絕對唔係旺區同購物區大家經開太子真係要去買嚟試下個人喜愛排行榜🥇芝麻糊 🥈芝麻卷 🥉芝麻布丁豆漿

食咗20幾次芝麻糊，剛開張時芝麻糊好濃，但近排比較稀.不過對比其他糖水鋪嘅芝麻糊都係算濃.同埋真材實料，唔會太甜，感覺比較健康.而芝麻卷保持到水準，好有芝麻味同軟硬度適中.流心芝麻布甸就一般，冇乜特別.不過整體唔錯，希望唔好因慢慢多人幫襯後品質下降

位於太子專賣芝麻產品的手作小店。當天我經過街頭時，已經聞到超級香濃的芝麻香，真心不騙，是真 的 超 級 香，於是便循著香氣找到了這間小店。店舖小小一間，只有兩個店員在櫃枱勞勞碌碌；門口擺放了一部石磨機正在打磨芝麻；看著芝麻醬打磨後滴在樽内，好很治癒！難怪整條街道都充斥著芝麻香氣。店舖聲稱黑芝麻醬九蒸九曬純天然。我當然不懂，反正只要好食便足夠了~===✨黑芝麻菲林卷 ★ $25店員說菲林卷是限量供應，很幸運當天糕點做多了，否則正常情況下，這個時間已經售罄了；而我剛好就買到了最後一盒♡芝麻卷一盒6件，質地不算滑溜，但口感香濃，一入口便湧出濃烈的芝麻香，甚至濃得帶有微微的芝麻澀味，偏愛黑芝麻的朋友肯定大愛！===黑芝麻流心布甸 $25流心布甸味道濃郁，口感順滑，不會太甜且少了芝麻卷的獨有澀味，相對地更貼近大眾口味。布甸的中間有芝麻流心，切開後便會如岩漿般湧出，味道根本就是芝麻糊本人，很好吃！

第一次經過的時候，係聞到香味先留意到呢間舖頭！然後再見到門口真係有個石磨芝麻，睇住啲芝麻流出來😍😍配合埋個香味真係無敵🫣🫣入到去再見到個流心芝麻布甸，於是就買咗一個試下！ 第一下入口真係好滑既布甸👍🏻有啲即溶嘅感覺🤤 第二口就食到d流心芝麻啦 ！ 嘩真係好痴線！！好香好滑🥹🥹少少甜甜地，唔太甜嘅感覺真係好好！因為我麻麻哋，太甜嘅嘢👍🏻👍🏻👍🏻 食完一次之後兩日都心思思，忍唔住啱啱又過咗去啦，今日試咗芝麻糊🫣🫣 真係好滑，好滑，真係食過最好味嘅芝麻糊😍😍😍佢係滑到好似流沙嘅感覺，然後芝麻味又勁香 之後仲買咗嗰個芝麻丸🤣同埋嗰個芝麻醬，仲忍唔住當面贊助下個老闆，佢啲嘢真係好正👍🏻👍🏻👍🏻 有機會再試吓舖頭其他嘢先🥰🥰