智寶星親子餐廳

好遺憾收到佢就快要結業嘅消息呢度真係好抵玩抵食香港越嚟越少呢啲餐廳希望可以喺第二個地方再見到呢間親子餐廳有得食有得玩嚟講呢度絕對唔貴只係地點唔係超級方便咖喱吉列豬扒飯我自己最鍾意就係叫呢個飯餐豬扒大大塊好飽肚個飯嘅份量啱啱好肉醬意粉意粉同汁嘅比例剛好啖啖肉有芝士香氣雞扒烏冬小朋友最愛一嚟到已經俾小朋友食咗兩舊雞扒而且啲烏冬煮得啱啱好吸晒湯底嘅鮮甜炸薯條即叫即炸香脆可口跟餐價錢配咗啫喱杯同埋飲品同仔仔一人一杯成餐飯份量好夠飽…查看更多

我預訂了上15:30的親親小動物班，我準時15:30去到。當時出示二維碼後，職員帶我們（1大1小）前往餐廳位置，之後放下一張落單二維碼便離開了，我環顧四週也不見在興趣班的跡象，以為還未開始會下單了一份小食，一路吃一路等。但過了十分鍾仍未見有上堂的跡象，所以我立即聯絡職員詢問，而職員警回答我上堂的事在場所的另一邊。那為何一開始還要帶我們到餐廳區域呢當我們完成泥膠手作後，導師將我們的泥膠公仔放在一旁吹乾，之後便接觸小動物的環節。接觸完小動物後，我帶我的小朋友到外面的區域玩耍，當我們離開時拿取泥膠公仔才發現被人毀壞了，我見發生這狀況立即通知職員查問原因，但職員回答我說因為這些泥膠公仔沒人應你，所以只能放在一旁，在中途也是完全沒有任何通知叫我們拿回公仔，然後我問職員可否再給予另一份材料讓我們回家再做一次，但亦遭拒絕。永無下次，大家小心踩雷！…查看更多

呢間係openrice評價一直都好似麻麻地咁，所以一直都未黎過，但係今日放假又搵唔到地方去，一心諗住過黎望下先，見唔多人就試下。星期六日入場人頭叫餐，再加一，另小朋友每位要加$60清潔費。食就限時兩個鐘，玩就任玩無限時。日式咖哩吉列豬扒飯 $88 嘩，件豬扒超大，仲好脆又幾好喎香煎雞扒湯烏冬 $88 冇乜特別，正常呢支飲品 $20兒童餐-迷你和牛漢堡配薯條 $78 漢堡包連包都係熱，薯條都係又熱又脆，唔錯整體對今次都幾滿意，服務都幾好…查看更多

大家很清楚明白訂場時間兩小時，我滿心歡喜參加小朋友生日會，但被該店的趕客服務嚇到。我們一枱六個成年人坐，我坐長枱左邊角開揚位置，接近完場時，一位服務員已經在我左邊收碗碟，我下意識往右移，結果右手便撞到一個用於盛裝收拾碗碟之灰色大膠盤 (是另一位職員手持長盤在我及朋友之空間靜靜地撞入來想埋枱收拾)。但職員係一句唔好意思都沒有，專心一意收拾枱上物件。因此，該店硬件裝修是好的，但服務不好。…查看更多

見星期四係唔駛返學～ 又要清下大假！約埋幾個幼稚園家長出來傾計，小朋友就任玩餐廳設施～ （利申：家長們都大贊抵玩）座位都舒適，家長們告知賣點勝在任玩～ 但其實吸引小朋友玩既都係得波波池、木粒池……玩足四粒鐘都唔願走。用餐方面….食物真係超級普通，唔稱得上好好食，入得口果隻，同價錢唔成正比，只要按人頭點一個餐就得啦。 （普通到忘記影底）無約人黎就真係悶，食物唔吸引。 清潔人手不足，可能當日太多客～ （如客人多，就限時交枱。）…查看更多

好抵玩🥹！只要每人嗌個餐，就可以玩全，係勁抵嘅親子餐廳😍～小朋友自行盡情放電，大人就傾下計、食下嘢😌，美好嘅一日❣️ 兒童餐都幾款選擇，小朋友食waffle + 乳酪，澄兄就有肉醬意粉 + 魚手指 + 粟米 + 啫喱，好豐富，佢話好味道😋～魚手指都炸得香脆，入面唔會好乾，粟米太多牛油，但就好香。大人就食西冷牛扒配薯菜🥩＆法式燒汁西班牙豬鞍排，兩樣都煎得幾好，好 juicy 唔會太乾，好食！ 個人覺得豬鞍排比牛扒更高性價比場內有親子洗手間＆育嬰室，衛生乾淨。…查看更多

星期日，上網搵下邊度食飯又有得玩，睇到尼間好似唔錯，咪打電話嚟問下嚕～報晒小朋友同bb幾大（10歲，2歲半同10個月），佢話我係2大2細，每人點餐一份，另外小朋友再收$60清潔費，結果去到佢話我bb過咗6個月都需要點餐。。。。。。 第一時間緊係睇餐牌問佢有邊d餐係BB可以食，佢好快咁答我冇。。。。。。 真係哈哈哈，合理嗎？ 清潔費我非常理解，始終入得去玩都有機會用到換片間，要人幫忙清垃圾，所以收清潔費都算合理。但係你要求我地點餐而個位顧客係食唔到嘅個人認為非常不合理，而令我最嬲個點係，我打電話嚟問，你又唔講清楚，我仲要重覆咗3次比接聽個位男同事知小朋友同bb係幾大，仲要係我主動講幾多歲去問清楚個收費。。。。。。然後一場嚟到我都係想小朋友開心，所以都照入去比佢地玩，嘢食未到難食，生存食係ok 唔好求享受，玩樂環境還可以尚算安全，換片間清潔度尚可，食物同飲品收費偏高，水都冇杯飲㗎～最後我2大2細1 BB 人均$151.8 total$759 埋單冇下次嘅原因除咗覺得收費唔合理之外，嘢食真係唔吸引（本來都預咗唔會係好食，但呢個質素冇下次了） 我都好佩服該店可以令我尼d懶人要出評價，有興趣嘅朋友可以問清楚再去～ 但個人唔推薦，始終就算唔計食物，比佢好嘅環境同服務都有更好選擇。…查看更多

除左個地方大 玩樂設施種類多岩小朋友放電之外 真係諗唔到我點解要下次再番兜QR code落單我望住個e-menu勁唔開胃甜甜圈粒粒配香煎牛奶 收我68Diy cup cake 咩事 68都算蜜糖雞翼配薯條收58烏冬/牛肉飯 我朋友話過價錢ok但好難食咁即係其他食物尤其係小朋友嗰啲完全overprice我最嬲係個小食拼盤!!!!!!!!!!!雖然佢一早已經寫咗係燒賣，魚蛋加啫喱都唔好係三粒燒賣，三粒魚蛋 勁過份火到唔想影相 價錢同數量質數嚴重地唔成正比所以都唔好話佢好唔好食😅加埋服務費 total 460響門口聽到好多dingding聲望一望外擺網 原來豐富好多至少有意粉勁失望，唔會再黎 ！…查看更多

今日帶小朋友來這個廣場玩沒想到有一個場地這麼大的親子餐廳小朋友一見到這麼大的波波池就瘋了 玩得很開心最重要當然是食物，價格適中，而且味道有驚喜！！叫了一個沙律及一個意粉 完全沒有中伏龍蝦汁蝦肉扁意粉 好好味！！凱撒沙律都食得出好新鮮還有兒童餐可以給大家選擇！大家有時間不妨帶小朋友來玩大人食得開心 小朋友又玩得HAPPY!…查看更多

嘢食勁難食，收費唔平，叫左三個餐，有兩個係唔合格。得個魚係食得落。服務態度差，點餐，付費流程體驗超唔掂未食完，點三個餐，點左一個嘢飲比個仔，重有兩杯未點，就催住人埋單收錢，唔知搞乜⋯⋯買嘢飲，對住個雪櫃但唔可以買，要出番櫃位買，又無QR code 落單。以前係playhouse 我成日黎，呢家唔知係咪轉左手，變成一定要食嘢，重要勁難食，浪費左我週末既「卡路里」quota，用黎食啲唔好食既嘢⋯⋯ 真係唔會再黎。呢間嘢個新management 應該從來未run 過餐廳。真係擔心佢好快玩完，少左個地方玩⋯⋯…查看更多

一般親子餐廳消費都要過百，但whizbo 只要叫一個餐（最平幾十蚊）就可以玩到夠！ 一入門口就有個超大波波池，仲有簡單繩網、煮飯仔、車車、粒粒沙池……配合埋柔和colour tone, 打咭都一樣下正😎雖然阿仔唔係BB, 但係都玩得好開心 😅。食物方面質數完全對得住價錢。意粉唔係一pat pat而係有𡁻口的，白汁煮得啱啱好唔會太杰或太稀，每條意粉都掛到白汁。 如果有更多選擇會更好 。略嫌飲品只有包裝枝裝選擇，如果有特成飲品成件事就prefect. 總括來說，幾十蚊有得食有得玩係抵嘅！…查看更多

疫情期間太少出街玩。今日趁小公主生日，去親子餐廳盡興一下。預約左11：00 － 13：45呢場，只設最低餐飲消費。成人最低消費＄180，3歲或以上＄80，3歲以下免費。即係我地有＄440 budget。今日有套餐，＄138包主菜及餐湯。揀左小食拼盆。 有黑松露薯條、炸花枝丸、津蔥圈。份量都唔少，味道正正常常啦。兒童套餐 ＄128，可以揀一款特式便當，揀左炸雞。賣相幾得意，深得小朋友歡心。菠蘿香腸星星薄餅 ＄98，造星相當吸引，配料都豐富。焗葡國雞飯 ＄108味道正常，就唔好期望太多。玩至上，食都係其次，食得飽，ok既。…查看更多

間餐廳就係屋企樓下商場，今次第二次來，上次$180最低消費+1 ， 食物我覺得上次仲擺得入口啊今次半自助餐形式+1， 個鰻魚飯條鰻魚超級難食， 好韌食落口感覺好奇怪一啲都唔似鰻魚， 最後呢個主菜我食左幾啖白飯就算任拎嘅食物中魚蛋正常，雞亦好油膩得來完全無味，食兩啖食唔落橙汁好酸，其他小食還算可以$210加一 Sorry 無下次啦，其實得4/5個小小遊戲區俾小朋友玩，好悶啊…查看更多

一直都知道這間親子餐廳存在，但奈何對於東區人的我來說，實在太遙遠了，加上網上評價一般般，所以沒有「長征」意向。這天，終於有機會來訪了。當日上一節是包場慶祝生日，我們是1700-1945那節。清場時間雖只得15分鐘，但入座和離座時間都見到職員不斷清潔🧹衞生尚可，自助區也有職員看守提醒各人要戴口罩😷保持衞生，有客人跌了器具，職員也有即時清理更換。服務也是正常的基本禮貌。環境設計很美觀，暖色系的童話心。淨計玩也值，當食物是bonus …查看更多

呢間位於馬鞍山we go mall嘅親子餐廳， 地點非常唔方便，要坐的士來。 去過幾間親子餐廳，呢間算係大。採光度高，有自然光，感覺非常舒適。座位嘅分隔都有一點距離。 侍應對小朋友好友善 ，設施對於年紀細嘅小朋友都幾多嘢玩。採用最低消費成人$180，再加一，一個時段三個鐘， 目前只開星期五六日。 最低消費可以點餐抵償。 所以我都無欲無求，$180當係入場費，食物免費， 咁樣諗會開心啲。食物真係不值一提，我叫咗個海南雞飯，啲雞係好嚡，入唔到口。啲飯係凍而且粒粒都係咁硬。 小朋友絕對食唔到，好頂胃㗎。炸物正常，通常炸物都唔會點出事。埋單嘅時候超混亂，因為三個鐘內要離座。我見到前面好多人都投訴食物質素。 有啲人太遲點餐，等咗一個幾鐘都未有食物就要離座， 最後侍應幫佢哋打包食物同埋送咗啲果汁。其實都嚟咗幾次，食物水準keep到一如以往都係咁差。淨講食物我會畀負評👎🏻，但係so far小朋友玩得開心。 如果當係搵個地方俾小朋友放電，家長飲杯咖啡食炸薯條， 我比好評👍🏻打個和，呢間餐廳我畀中評。…查看更多