景霖正宗四川麻辣米線 (已結業)

豬腸肉碎酸辣米線，就係要呢啲咁舊式先食到嘅味道，雖然我好鍾意去一啲坐得舒服環境乾淨又好味嘅餐廳，但係有時食好嘢都要將就將就😂😂我間唔中都會嚟呢度食米線再加雞翼😎好多肉碎好多豬腸好多酸菜好多腐竹😂😂我鍾意食酸啲所以叫廚房落多啲酸😋😋⋯⋯加埋杯少甜凍檸茶好滿足❤️❤️…查看更多

以前同我老公拍拖個時係呢間米線常客，但自從食過貴x園既米線之後就無幫襯過呢間….大大話話都幾年了…今日經過紅磡，突然好想食米線，甘入左來啦⋯點知…. 無論咪米味道/雞翼賣相/size 都真係差左好多～下午茶價錢加，算啦….物價貴，但至少份量呀，質素維持下好窩～可能自己大食左……查看更多

今日叫了一碗三餸米線， 回到家後發現米線很粗， 比以往的米線大條。 我致電給店鋪查詢， 他們說米線是這樣， 他們沒有轉過任何材料。 講真， 那麼粗大的米線我真的不敢吃， 所以我想whatsapp給店舖負責人看清楚，但他竟然說沒有時間看我的信息， 還再三聲明他們的米線就是這樣的， 老實說 ， 負責人沒有看清楚見妄下判斷， 他們連看也不想看他們的<傑作>, 最後當然我沒有吃， 因為真的很恐怖, 那麼大的米線我真是第一次見, 我以後也不會幫襯那間自以為是的店舖。…查看更多

叫了外賣真係好好好難食！除咗鹹，就是鹹！啲料差到不知所謂我老公算係咩都食嘅人連佢都話超難食而且價錢唔便宜叫咗個過橋米線啲料好似打邊爐剩下的湯底太差了！ 永不再叫！…查看更多

景霖麻辣米線堂食幫親左好多年，以前住紅磡成日都食，而家搬咗第二度，夜晚又禁堂食，食小咗好多，今日中午諗住叫外賣，竟然見到外賣app有，即刻嗌左個麻辣米線，餸芽菜豬潤雞肉，餸嘅質素比以往一樣分量多，好食，推介雞肉，豬潤都好爽好新鮮。…查看更多

疫情下，大家有可能都鍾意買野番屋企食，今次同大家介紹下位於黃埔嘅一間米線鋪:景霖四川麻辣米線。 先講價錢，屬於正常價位，三餸大約要50元左右，包一杯凍飲，份量亦算多，今次叫左酸菜，火腿同雞肉，中辣湯底。當中最好味嘅係酸菜，酸得黎帶甘，火腿，雞肉屬於正常發揮，雞肉唔會太大件，但亦唔會無咬口。湯底辣度足夠，都幾惹味下，岩曬嗜辣嘅朋友仔👍👍…查看更多

餐牌簡單易明 一目了然 乾淨🥰 除了米線，還可選擇手打魚麵、紅薯粉、米粉等等👅是次來臨 選擇了我一如既往的餐點：雞肉、炸醬（另上）米粉 小辣紅油抄手一份沙爹串燒一份 （2串）凍檸茶從圖中可見景霖的湯底是很清澈的 🍲 不要小看它的辣度 清激見底的湯中蘊含著辣得要命的「小辣」🤣我個人是比較喜歡這個湯底 秋冬時候喝一口真的什麼煩惱通通都拋諸腦後！ 隨湯附送的還有非常新鮮的芽菜和韮菜 份量多且十分爽脆 👅腐皮份量也很多 到了自選的配料 雞肉和炸醬 份量當然也不會少 真的很慷慨 打從我讀書的時候 景霖經已是這麼足料的！！從一而終！！！這比起那所出名的連鎖米線專門店來得更有誠意🍜 配料份量真的很多 而且雞肉還要是很大一片 而非碎濕濕的✨炸醬必須點另上！ 炸醬份量很多 🥰 從照片中還未能看出它實質的份量 但其實真的讓人看著也高興👅景霖的炸醬是吃得出肉的質感和肉的香味 而非是一碗很稀、入口即化的炸醬 甜甜的 帶點微辣 有點五香的味道 對我個人而言 這就是最好的炸醬🤪紅油抄手🦐🌶一客有六粒 非常緊實的雲吞 上面佈滿花生碎和蔥花 再淋上店家自家製的辣椒油、醋和豉油 簡簡單單的已經很好吃☺️☺️ 沙嗲雞肉串燒🍢雞肉的質感並非嫩滑彈牙那種 就是急凍得肉很實那種 不過這個價錢其實我也沒有太大期望 只是想吃多一點甜甜的肉 沙嗲醬比起炸醬是更要甜一些🍬不過也很重花生的香味 還能咀嚼到粗粒的花生🥜 現點現炸 需要等候較長一點的時間 也是不錯吃👅凍檸茶🍋🍹凍檸茶則是正常發揮 茶濃 冰度夠 吃立面時配上一杯冰涼的凍檸茶簡直是人間天堂😆😆😆每桌上都附有即棄筷子、牙籤、醬油、自家製辣椒油🌶 很欣賞店家在疫情下換上即棄筷子 感覺上比較安心食用🥰-店內環境乾淨企理 餐桌並無油膩感 店員禮貌 服務殷切 老闆娘還是一如既往的美艷動人✨…查看更多

紅磡人氣米線店 景琳米線呢度最出名係佢個肉醬同雞翼 又辣又惹味菜式 : 豆卜肉醬火腿雞肉酸菜米線 小辣 招牌新疆香草辣雞翼 呢間真係數埋有十年八年歷史!雞翼係即點即烤超香脆 $38 -6隻酸辣湯底 呢度佢個隻辣係唔會食入口令你辣到噴火個種 係慢慢食到你出曬汗全身濕曬個肉醬每日新鮮炒製,加左好多香料,又香又辣,唔食得辣都會想食佢個醬,幾咁吸引麵線夠滑溜撈埋個肉醬食超級惹味 一邊食一邊抹汗咁滋味雞翼生燒到熟 外層脆香脆,咬開仍然好有肉汁 非常美味 個香草粉先係精華提味平均消費$100評分7/10景霖正宗四川麻辣米線 紅磡民泰街14號B3舖…查看更多

本身lunch唔係食哩間後來因為排唔到先走嚟哩間嘢本身睇裝潢似做咗好耐裝潢並唔新式舖內算不過不失 但要考慮大份人士因為排位間隔十分逼如果太大份就要睇多唔多人食唔係就會坐唔落講返食物 碗嘢一嚟到 賣相極一般 睇落似係屋企煮完求其極熟咁但一食落 完全係賣內涵嘅！辣味好分得開 唔會一味辣到無哂湯味辣得嚟唔會嗆 我叫小辣啫 都算好辣佢嘅辣係後勁類 食耐咗就一陣陣辣味湧出而湯味都仍然有 而且 米線唔係糊糊地嘅係有彈口 我朋友食酸辣一樣都係小辣佢個碗食落 酸 辣 湯味 層次都好分得開唔會有其中一隻味蓋過哂辣度都控得到唯一缺點係真係逼咗啲…查看更多

趁仲有下午茶餐叫返兩個下午茶～試吓呢間D米線同個湯底好唔好食先～一餸同兩隻雞翼送豆漿$40～最後叫咗兩個一餸加雞翼送豆漿嘅下午茶餐炸醬麻辣米線揀咗五少辣～麻辣湯底唔係好辣又冇乜味好淡～配以韭菜、芽菜、腐竹～炸醬偏紅賣相麻麻又冇乜味～就係一堆肉碎～份量多但唔好食兩隻麻辣雞翼都幾好味:)另外一碗叫咗鱈魚豆腐有兩舊星星形狀～依碗食落個湯重冇味一個下午茶餐送一杯豆漿～普通豆漿味正常 $40一個下午茶餐另加$1外賣費…查看更多

紅磡依間景霖真係歷史悠久由細食到大 之前成家買外賣一定叫大大碗海鮮米線不過我都好耐冇食過今日忽然想食返佢嘅魚麵咁啱佢今個星期夜晚只做外賣 不設堂食雖然係咁 生意依然咁旺由我入舖到等外賣 已經唔少人想入嚟堂食亦已經有幾個人等外賣仲要我落單嘅時候 啲外賣電話接二連三咁嚟老闆娘都已經慣咗一心幾用 可以一邊聽我落單 一邊聽電話😲餐牌除咗價錢之外其他都冇特別變佢啲餸嘅款式算多 尤其肉類我要咗生菜手打魚麵 ($38) 加雞肉 ($6) 等咗大概 15分鐘外賣加咗$1 佢包裝得唔錯 雖然麵同湯一齊放 但係唔會倒瀉 安全拎到返屋企夜晚買麵仲送飲品 要咗熱檸水份量好大好足！每碗原先已經有芽菜同蔥🐓啲雞肉份量多 佢唔係雞件 一啲骨都冇 而係雞肉片 同譚仔嗰啲差唔多食落係好淋嘅 不過我就覺得佢唔夠新鮮 完全冇雞肉味🤔🥬啲芽菜咬落幾爽 不過生菜就大淋 已經去到爛嘅地步🍜至於魚麵 份量足足兩碗咁多 每條勁粗身！勝在佢浸湯浸幾耐都唔淋麵質唔可以叫彈牙 但係好好咬口 真係同普通正常粉麵口感唔同根本就係魚蛋同麵嘅混合體而且真係食到魚味 但係又唔腥 又唔會食到魚骨 仲好滑添😋依個魚麵真係要試 好特別 加上唔係一般米缐店買到嘅麵👍🏻湯底味道中規中矩 好有味 唔過份鹹 只係似味精味 配魚麵食都唔錯嘅-咁耐冇食 今日食都覺得佢保持到水準只係雞肉材料冇咁靚魚麵一樣咁好食會推介大家試大大碗海鮮 有超多料 一個人唔會食得晒 有日本帶子 鮑魚片 魚腐 魚皮餃 炸魚片 蟹柳 炸醬🦀佢隻魚腐唔係長方形嗰啲 而係一大個波波形 超索汁 咬落爆汁入味個隻 帶子亦唔係細細粒嗰啲雖然老闆娘忙 但係服務態度幾好 有禮貌 唔會比你感覺好似阻佢做生意 好急咁佢仲超落力 自己入埋廚房幫手入面環境一般 咁多年都冇裝修過 未至於殘舊 只係燈光少暗 枱之間唔太逼嘅CP值正常 比細個食貴咗唔少🙈不過通脹都預咗 加上佢同其他米缐店價錢差唔多 份量大 味道ok 包飲品 都可以叫抵食…查看更多

黃埔朋友就一定要試試這間米線🍜。限聚令關係，我就同我家先生開車去外賣。我地叫左3個自選米線，兩款小食酸菜炸醬豬潤雞肉酸辣米線第一次叫，好想樣樣都試下，超級大碗酸菜夠酸， 好味😋，豬膶可能拎到返來太遠，感覺有點老，雞肉有醃過，所以系又香又鬆軟。另外都叫左同樣系炸醬+雲吞牛肉酸辣米線炸醬系食到肉粒，有口感，有炒過既油香，份量太多 烤雞中翼就覺得譚仔果個好味啲口水雞翼都可以，但可能堂食會更好味😋總結：這間米線好味過譚仔好多，份量多，足料，特別系個烤醬，太多啦。又酸又辣又香。下次可以堂食的時候一定會去再食。…查看更多

一直好味過譚仔以前在紅磡返工，午餐必食或晚上做完facial, 食晚餐今日食下午茶，一餸配即烤香草雞翼和豆漿，抵！雞翼是即烤，是以前同事話我知雞翼也好味過譚仔，肉不是冧…查看更多

2007年，我倆認識並一齊，妳經常帶我黎景霖食米線，由隔離舊舖到而家呢個舖位都有我倆回憶。今日係妳生日，已經唔係我同妳慶祝，分開都有十年，雖然我倆各自有家室，但係我依然會一個人黎呢度食米線，尤其捐血前，更加會黎食米線（炸醬另上，麻辣雞翼，食完麻辣雞翼唔准飲水），呢啲回憶一入門口即時湧現，景霖味道依舊，唯一不同係對面坐位已經人去留空。唔知將來妳有冇機會睇到呢編野，如果會，我可唔可以同妳一齊黎搵番大家既回憶？…查看更多

[麻辣炸醬米線]今日無咩胃口，所以只係叫左一款送！就係炸醬啦～～呢碗麻辣炸醬米線，好足料份量比我預期多，有腐皮/ 芽菜/ 韭菜，食落多種口感～～今次我叫左中辣，不過都唔係好辣而且都無咩麻既感覺滿足唔到刺激既口感，可能要叫大辣以上先更加好食另外，米線份量都好但偏淋，無咩彈性而炸醬就比較好食，食到有茄汁既甜味肉碎都比較大粒，好有口感～～整體上，不過不失啦～～…查看更多