普慶餐廳

營業中

休息中

普慶餐廳價錢💲: $98+1好味程度😋: 3.6/5服務🍴: 3.8/5環境🗾: 4/5性價比🥢: 5/5!回頭率😚: 3.3/5-逸東酒店間唔中都會做自助早餐優惠，平日只需要$98+1就可以食到😀 雖然早餐都係個啲嘢，但呢個價錢任食又冇咩要求，同埋都食得幾開心。食完一餐真係可以去到四五點先肚餓架啦😂 樓底幾高坐得幾舒服，整體感覺都唔錯！-✅✅Live omelette station. 呢個我覺得係最好食😋 即做的蛋好滑溜，入面有滿滿芝士！自己仲揀左煙肉、火腿、蘑菇、洋葱，超愛😎我encore左一次呀😌-✅✅麵包區係超正！白麵包麥包，仲可以request gluten free麵包！另外仲有牛角包、丹麥酥、朱古力酥、鬆餅、餐包、法包等。最正係雞蛋仔，質感算唔錯，可惜唔係即刻做，有d凍同軟左，不過沾啲花生醬、煉奶都好好食😂其他的麵包就正常啦！仲有pancake！算熱辣辣，幾好食。-✅中式粉麵區又估唔到ok！因為個湯有清雞湯的感覺，唔係冇味既湯😝叫左小小丸同菜加油麵，油麵好滑，當食下菜都唔錯。同埋🌶️油好夠香！-✅西式好似allday breakfast個d都係正常啦！薯餅、豬肉腸、雞肉腸

焗蔬菜普遍來講，唔夠熟，可以再焗耐啲，薯仔同粟米芯係生嘅，西蘭花都係偏生，最好食嘅係焗紫薯同埋蜜糖栗子，總之唔使點樣調味嘅就好食，經過左調味之後，味道去咗另一個層次，係難食既層次。雞肉係比十成熟更加熟，牙力唔係咁好都咬唔開肉扒切得好薄，同埋好難咬開，都冇乜肉味。最好食嘅熟食係馬來西亞區，啲魚好入味，同埋唔會太熟。無食到凍海鮮，無意見比燒味區，同街市買到嘅燒味差唔多甜品係日式放題嘅甜品質素，喺超市可以買到嗰啲魚生壽司質素正常，炸物夠新鮮，夠熱。服務的話，問及食物的內容基本上都唔能夠解答，但收盤夠快手。如果長者嚟食嘅話，價錢幾抵，夠60歲就可以係長者價錢。

逸東酒店旗下普慶餐廳的自助餐向來好評，上個月去左食聖誕大餐，成人每位$658加一，真係幾多野食，服務唔錯，仲有攤位遊戲玩。餐廳食物區域分佈在不同位置，樓梯入口位有聖誕火雞、燒牛肉及豬腩卷，燒牛肉幾好食，夠腍。旁邊有素食區，不同食材以烤為主，不過我就無食到；再旁邊有牛面脥，龍蝦汁意大利飯都唔錯。升降機旁的是回本海鮮吧，生蠔、龍蝦、麵包蟹、翡翠螺等等，職員會將生蠔沖水再給客人，算是肥美；而麵包蟹蓋亦有好多膏！轉角有芝士、火腿等冷盤前菜，比較吸引我的是醃三文魚。另一區是日式料理區，有刺身，壽司和卷物，以及較少見的串燒及天婦羅，仲有不同口味的鹽，不過我夾左兩次天婦羅都係凍既，明明賣點係即炸，只怪我唔啱時候。東南亞美食有泰式火山排骨，印度咖喱，即煮粉麵，蟲草海鮮粥和點心等等選擇。但這區最吸引我的是熔岩芝士，自行選取食材例如西蘭花，麵包，火腿等，再望住職員一層熱溶芝士淋在面頭，極之邪惡！另一邊盡頭是中菜區，燒味就一般，不過有片皮鴨，羊腩煲，中湯都唔錯，最正係原條蒸魚！好滑溜！餐廳中央是甜品區！除了朱古力樹頭蛋糕，還有多款聖誕造型糕點，曲奇及水果。重點是有12款口味的MÖVENPICK雪糕，配可麗餅

仍然回味中😋😋食物質素好，款式多。熟食都好好味，印尼炒飯意外地好食片皮鴨good，燒腩仔好食皮好脆，龍蝦湯好濃好正。海鮮整體都OK，刺身新鮮，會用冰鎮住。生蠔龍蝦可以，長腳蟹鮮甜。甜品方面朱古力整嘅甜品都好食。其他就還好服務好，收碟都好快手但係只包一杯特飲就少啲。。好彩當晚有抽獎活動，我抽中咗杯特飲券，老公仔抽一張酒水券可以飲下啤酒特飲選擇不多，全晚飲咗兩杯Fruit punch drink。。。連杯無糖可樂都冇得飲希望可改進下～

常常聽到這食店的名字，那一夜又是座無虛席。這是我們大家族的冬至飯，揀呢度原因是海鮮冷盤啱大人，天婦羅、甜品啱孩子，就試一次。我哋成十幾人，所以被安排較偏位置，我就不覺大問題，因為本身這裡的每個角落都會放置食品，都係要周圍行的。先說冷的，開邊龍蝦，有大有細，有膏冇膏都係師傅隨手給。疫情下，這樣都衛生。龍蝦肉都爽實，味道一般啦！本身這些開邊龍蝦間間都無乜味，所以唔霉算贏。還有生蠔，之前睇食評有啲幾大隻，這晚較細，不過我覺得都新鮮，唔落野都食到。特別讚，女師傅手勢好，完全冇殼。換左男師傅就有少少殼了，立即浪費了。還有青口、翡翠螺、凍蝦、蟹腳等，不過我冇試。刺身款式都係三文魚、吞拿肉、劍魚、八爪魚、北寄貝和帶子等。我食左一round就冇食，因為唔覺得特別鮮到要encore.阿仔成日見到有新炸起的天婦羅🍤就會取，的確味道不錯。師傅不停炸，不斷出貨，所以唔怕冇。還有多款西菜，如：西班牙海鮮炒飯、意大利飯。。。多到唔記得。中式就蒸魚，不過一般啦。唔覺得特別鮮甜，自助餐質素屬正常。聽講燒味很出名，的確叉燒軟林；燒腩肉燒得皮脆，肉不鞋。剛好有個細路👦🏻問職員有冇海南雞飯🤔⋯⋯原來有，但不會放出來。我問了

之前都聽唔少人讚過呢間餐廳唔貴選擇又多。。。咁lunch都book唔到，咁就book佢哋個下午茶自助餐。🥱🥱🥱價錢二百幾蚊再加一，但係食物款式選擇好少，西餐中餐甜品區，每個區域嘅食品選擇都係得幾款，不值得一試！

自助餐居然只包1杯飲品,我真係好服D酒店管理層！而且佢嘅Lunch Buffet 價錢又唔係特別便宜,尤其海鮮又不是特別新鮮,甚至有D好難食！再講場內裝修,成間香港茶餐廳咁,毫無格調可言！垃圾！

臨近年尾 公司都會叫我地揀間餐廳食飯😆 今年就決定試下The Astor ! 近聖誕節早成個月去book位！餐廳會透過whatsapp confirm booking 以12月平日自助餐成人價錢為 $658+10% 一入門口落地庫 人山人海 但位置好大 覺得唔係太逼！佢地今次個主題係歡樂今宵💃🏻餐廳個格調同氣氛都做到呢個感覺！每人都會有張券可以玩一次轉輪/估大小數字卡😗-海鮮🦞刺身🍣生蠔🦪每次拎2隻 真係好鮮甜肥美！海鮮就一大盤比你 入面有麵包蟹 青口 虎蝦 海蝦！麵包蟹蟹蓋 勁多蟹膏😍 撈南瓜湯入面好好食～ 刺身有三文魚 帶子 吞拿魚 油甘魚 鯛魚！除左呑拿魚之外 其他都好鮮甜😗-西式燒牛肉/豬腩肉 兩款都好好食😋夠淋夠嫩！熱熔芝士鍋 自己揀配料 即熱熔芝士放上面👍🏻-天婦羅🍤 有勁多唔同款 重點皮夠薄配竹炭鹽 不錯😛-中式片皮鴨 條人龍無等過～ 每人2舊 已經包好比你 不過覺得醬汁落得有啲多 偏甜🥲 蒸魚好好食 勁滑😍 蟲草花海鮮粥 好鮮甜 仲有蔥花肉鬆其他配料可以俾你揀！-甜品/特飲movenpick雪糕🍦有10幾款口味 可以揀配pancake/waffle/香蕉船！waffle

呢間性價比高又有節日氣氛既酒店自助餐🤩 呢度既食物選擇多, 有中式, 西式, 日式, 海鮮, 麵檔, 甜品😎咁多野食入面印象最深刻係個皮燒到好鬆脆既燒腩仔, 即叫即開既生蠔好鮮海水味好濃, 半邊凍龍蝦肉好彈牙, 新鮮炸既可樂餅, 大蔥雞肉串🍢 麵檔我就揀左菠菜麵, 魚片頭, 魚蛋, 芽菜, 超濃又夠辣既叻沙湯好好食🍜 日式既壽司比魚生好食, 款式絕對有驚喜😍 仲有即叫即整將芝士整融直接擺ham同麵包上面, 雖然好食, 但係最好攞一份share, 因為芝士會好快滯😊甜品款式相當蛋, 每樣都好好食, 最深刻係開心果慕絲布丁, 綠茶芝士蛋糕, 朱古力卷蛋, Crepes, 雪糕都有好多味揀, 我最鐘意檸檬青檸sorbet🍋 飲品方面每人都可以憑票去換一杯特飲, 有黑牛, Mulled Wine, Fruit Punch 等等☺️ 飲品都幾大杯mulled wine飲落暖笠笠玉桂味香, 不過酒精濃度都高😋如果想飲多啲既話可以加$90一位 Free Flow, 有Sparking, Red, White wine, beer, soft drinks, 我建議可以叫佢一次俾細杯啲, 如果唔係飲一杯

今次揀咗呢間午市自助餐同另一半慶祝生日🎂野食款式多到花多眼亂😍.中西日韓既菜式都整得好唔錯，仲有生蠔同麵包蟹任食。生蠔雖然唔大隻，但勝在夠juicy同鮮甜，而且我個人正正就係鍾意食細蠔，食多啲無咁滯（個日我一個人都食左起碼7 8隻🤭）。麵包蟹都好多肉又多膏！.其實呢間餐廳好多野食既都好味，但由於我個人都比較鍾意食佢既甜品，所以想強調下佢嘅甜品都好出色，做到甜而不膩，種類又多😋.總括然而，呢間都抵食，人均$三百幾食咗3個鐘都未試晒佢所有食物，決定下次再戰！

📍佐敦 Eaton Hotel內的普慶餐廳📍一班同事就食buffet！揀咗逸東酒店入面嘅普慶，Lunch Buffet $348/位😆，可以任食兩個鐘！第一時間衝去冷盤海鮮區！有好多生蠔🦪、龍蝦夾🦞、麵包蟹、蝦🦐、青口等等海鮮，有好多香料配撘，可以任食海鮮真係好爽😆！冷盤就有四款芝士，仲有唔同沙律同麵包揀，正。其餘仲有日式料理區、星馬泰區、中餐區、甜點區等等，有Movenpick雪糕，大概有8隻味，仲有即叫即整窩夫😆😆，爽。食物質素相當不錯，性價比高的自助餐😀👌🏻。

海鮮無一樣係新鮮1 生蠔，唔係即開，仲要有部份有臭味2蟹，好唔掂，又冇肉食，又孩，咁既價錢竟然冇長腳蟹3魚生，沙文魚，難食既程度令我懷疑食緊既係唔係沙文魚，就咁眼睇已經唔得，口感奇差，完全冇鮮味利申：本人平常非常喜愛魚生及生豪類別熱食牛扒，太鹹，口感一般 ，唯一欣賞係多汁選擇，粉面飯都係嘛嘛炒菠菜，啲菜靭到幾乎食唔到，第一次食到咁既菜🙃，唯有個芝士西蘭花叫做食到有個鹹蛋黃蟹粥，依樣算係好食😂 飲品每人只係得一杯，個水吧成個茶記水吧咁，仲要所謂既特飲，難飲到 __ __ ，因為2個人去試曬2杯特飲，一係就得個甜，一係就冇味中帶點苦，最後係水最好飲 甜品雪糕，一般，冇咩特別可以講蛋糕等等，竟然係全晚最好食嘅嘢，班戟完全冇蛋味，唯一又係欣賞員工又要用匙羹(不)雪糕又要整嘢食，要係咁2邊走，依然好好服務客人其他不太相關餐廳既差評，揸車既千期唔好考慮依邊，好難揾位泊車，係想俾錢泊車場都冇，酒店方面，地面停車場位置員工服務態度差

第二次食自助午餐，對上果次3年前😂 3年後可見水準不但keep到，仲要有改善…1）食物環境人手充足，服務員主動執枱，斟水。2）海鮮位 而家有服務員幫手夾海鮮，每人一盤，乾淨衛生，新鮮。海鮮：虎蝦，麵包蟹，青口，翡翠螺，紐西蘭生蠔。3）天婦羅即炸4）魚生新鮮，八爪魚係爽既👍🏻5）瘦叉燒竟然唔鞋口，好腍👍🏻6）多款甜品，雪糕係movenpick 🥳整體黎講好滿意，值得推介。

屋企人陪我食生日飯，我就揀咗逸東酒店自助餐普慶餐廳佢自助餐喺酒店地庫 拎食嘢嘅基本上就係環繞一周去攞嘢食生蠔每次只可以攞兩隻仲會俾埋冰保持新鮮紐西蘭生蠔海水味唔重但係鮮甜好味重點項目凍海鮮種類非常之多有梭子蟹，小龍蝦，翡翠螺，海蝦，麵包蟹，龍蝦，青口，藍青口同埋虎蝦總共九種海鮮龍蝦非常鮮甜肉質都好好 麵包蟹重點食膏又係好香蟹黃味藍青口，我就真係覺得完全失望因為咸到飛起另一個重點推介晒佢嘅燒牛肉同豬腩卷牛肉火候控制得好好，唔會外面太熟中間太生豬腩卷個豬肉比想像中嫩口當然皮真係好鬆脆燒味叉燒真又淋又入味但係鴨/鵝真係凍冰冰唔好食另外佢個XO醬蒸盲鰽好嫩滑我食咗好多轉嗰日遇上油甘魚解體活動 有得睇有得食另外任拎嘅刺身有劍魚、三文魚、帶子同埋甜蝦（全部都好新鮮唔錯）雪糕方面係Movenpick總共有10種口味蛋糕甜品嗰方面連同曲奇朱古力接近20種唔同款式，但係呢度影唔晒 重點全部都好好食其實仲有好多嘢可以介紹，但係相片只可以提供12張 所以只可以貼精華嘅出嚟西湯佢有個海鮮湯用料豐富唔錯，中湯就係普通老火湯佢嘅凍盤區有四款芝士名同埋煙三文魚，再加上沙律區啲新鮮生菜一齊食非常好味另外仲有天婦羅，

逸東酒店 普慶餐廳📍 佐敦彌敦道380號香港逸東酒店B1樓層.今次係星期六食咗午餐自助餐，人均只係大約折後$450.❇️位置環境佐敦站B1出口行過去大約10分鐘內就會到環境都算寬闊，枱同枱之間都有一定嘅空位.員工服務十分之好，一坐低就指示10分清晰，會話俾你聽可以喺邊度拎咩嘢食.❇️食物係片中可以見到，食物種類都多有生蠔，刺身，山蝦，小龍蝦，麵包蟹（超多膏，鹹香）中式包點，唔同款式嘅炸物，天婦羅，日式串燒，沙律吧甜品都有好多款式，有芝士蛋糕，啫喱等等鍾意食雪糕嘅仲有即時整嘅pancake加雪糕Movenpick都係任食，好多唔同味道