時新快餐店 (已結業)

我絕對係為左openrice 上九百幾個笑臉而來，久仰大名，專登去試下。位置唔近紅磡站，有一段距離，但經天橋行都ok. 舖位係天橋出口，易搵，店內位唔多。食左個豬柳芝士包配沙律汁，豬肉好香，好好食，芝士未溶仲係一片，汁頗多，唔錯。第二樣食個雙層牛肉芝士蛋包配黑椒汁，非常惹味，牛肉亦香，略嫌有少少太冧，但整體好好食。認為黑椒汁比default 既沙律汁香好多，亦唔辣。仲有薯條，不過不失，好耐冇食過茶餐廳既粗薯條。以咁平既價錢黎講，咁既質素，值。

早排去左紅磡搵食，當然唔少得要食遠近馳名既「時新快餐店」，住屯門既我一直都想試佢地個漢堡好耐嫁啦😍！不過星期日既關係，我前面要等八張單，真心好旺場呢！😯加上天公作美，曬到媽媽都唔認得🌞我就來中暑啦😫😫漢堡包-HKD17$攞上手熱烘烘，證明真係新鮮製作，不過塊肉真係細塊到呢⋯⋯你睇🙄，加上佢個秘製沙津醬汁完全唔覺有咩特別🤔麵包係正常嘉頓麵包，整體上，無論口感，質感同味道都好似「中式菜肉包」🌚🌚🌚可能加芝士同煎蛋會好味好多🤔整體上如果經過可以買個試下，不過末去都必食同好好味既地步。

時新快餐店咁出名，可惜咁大個女都係黎過3次。今日同朋友去黃埔行街，間間餐廳都排晒隊，最後打算去時新碰下運。雖然快餐店裡面都好多人，但係因為係快餐，所以大部分人都好快就離開，唔洗點等位。今日試既係豬柳蛋包配咖哩汁，同埋薯條。咖哩汁一D都唔似係用咖哩磚整，加埋豬柳同埋剛剛熟既蛋呢個配搭真係好襯。薯條方面整得好脆，入口時仲係熱辣辣，唯一美中不足既係鹽份分佈唔夠平均，食到最尾有點兒過鹹，有改進既空間。

漢堡芝士蛋包 $19前陣子妹妹大人帶了我去紅磡半日遊，吃了不少東西呢。其一，就是這個漢堡了😌還沒到達餐廳時，妹妹大人已向我強烈地推介這漢堡的美味，聽到我口水直流三千尺😍😍到達簡陋的餐廳時，妹妹大人一如既往負責出去點餐，而我乖乖的坐著並張開口等她回來喂哺😄😄誰知，她回來時卻一面的失落：「今次個漢堡唔係即整架😭係整定架，好失望啊唉！難得帶你嚟食，就係想你吃到好野😭😭😭」嗚哇，聞者心酸。果然，如妹妹大人所講，漢堡是整定的因其只得微暖，我是第一次吃，而妹妹大人則不知吃了多少次😌😌老實說，可能真的是由於不是即叫即製關係，不夠熱騰騰，所以，的而且確沒想像中好吃😂😂但也是味道不錯的😊漢堡內的秘製沙律醬汁酸酸甜甜的，既開胃又惹味，芝士整片放在漢堡肉底下，而漢堡肉肥瘦適中，略帶肉汁肉香，整個漢堡包配搭起來吃下去 ——— 簡單美味😌😌可是嘛，這漢堡對我而言實在太小的一個了，吃一個根本不夠飽不夠滿足嘛😫😫我啊，應該至少可以吃到4個🙄🙄不！甚至更多 


紅磡美食地標 時新應該走唔甩！去黃埔睇戲前黎個速食即煎嘅漢堡扒真係無得輸勁juicy同勁香牛肉味 配埋少少沙津醬 正！友人叫左芝士蛋漢堡 同樣出色價錢勁抵食 不過抽風系統真係差左少少

今日去紅磡做運動, 想係去之前食飯, 但又唔熟呢個地方, 見到呢間餐廳openrice咁多個like,所以就去試下!!雖然佢係一間裝修好舊既快餐店,但係估唔到佢地整既食物咁好味!!!!我地首先叫左個雙層芝士漢堡包同埋一個熱狗餐,有杯野飲就叫左凍檸茶~個burger真係好好味!! 即叫即整好新鮮, 中間雙層好厚, 一咬即溶, 仲要好香芝士味!!!熱狗都唔錯, 包皮好鬆軟, 配埋熱狗汁好香~~我地最後仲加單叫多個炸薯條,實在太吸引!!薯條好有薯味,又脆又香口~以呢個價錢黎講,有咁既質素真係掂!!大讚=)

呢期我勁想食漢堡包， 計早幾日去咗荃灣人氣漢堡包店試食咗芝士蘑菇漢堡包失望而回後， 今日再有機會品嚐另一家巨有人氣嘅懷舊港色漢堡包店。 因為揸車外面無地方停車關係， 所以好快落車買take away算， 揀咗佢地其中一款人氣推介 芝士牛肉漢堡蛋包。 一打開袋就傳出陣陣漢堡嘅香味， 咬落去雖然無想像中咁有牛肉漢堡扒嘅味道， 味道普通，不過入面隻煎蛋就仲有少少嘅蛋汁流出， 令個味道普通嘅漢堡包加返少少分數！整體來說， 儘管味道不及評語咁好食， 但就以$20蚊加上仲有咁懷舊港色嘅舊茶餐廳味道， 依家咁舊嘅店真係少吓一間就少吓一間，絕對係高性價選擇， 年輕一代真係要試試上一代保存落黎嘅情懷~

提到紅磡耳熟能詳的食店，時新漢堡大家一定都不陌生，時常佔據各路美食推薦的前幾位。想要體驗懷舊港式風情，不能錯過。前排同朋友在紅磡附近辦事，lunch食得早，下午難免有些肚餓，而時新就在我們不遠處，又可以去回味一下這久違的味道。間日的時新店內坐住零丁兩三人，天氣雖熱，但不用排隊實在太好啦。店內裝修依然維持舊貌，有種踏入時光機的錯覺。分別點了漢堡包同芝士包，醬料選擇是必點的秘制沙律醬。新鮮熱辣的牛肉面頭淋上酸甜醬汁，中和了牛肉的油膩感沒，juicy到不得了。小食方面我們要咗一對滷水雞翼，相比出名的漢堡就遜色許多。顏色淺，味道淡，明顯未滷够味。即使用料不比正宗漢堡店的精緻，而且漢堡包size比較細，但做為下午茶來說是最好不過了，味道不錯價格合理，完全可以解釋到為何香港人會幾十年如一日地幫襯下去。

Burger with cheese and egg 漢堡蛋漢堡包加沙律汁 $19之前一直都想試呢間嘅漢堡包，今日終於試到這小店。漢堡蛋包雖然個樣麻麻地，但麵包個面係脆脆的，熱辣辣，好新鮮，整體感覺夠juicy，好食，再加上沙律汁和蛋香絕配。怪不得好多人話黎到紅磡必食漢堡包。但預左係比較迫同要等陣，幸好衛生環境不錯。

去紅館睇演唱會,有哂藉口食時新喇!!其實我都係第一次食JA~間野GAM出名,一定要尼食下!叫左個漢堡芝士旦包同薯條~漢堡芝士旦包-好足料,但真心唔特別..係屋企都做到個效果..薯條~燶左小小,好熱氣同好油GE 感覺Umm..我覺得好似傳說中講到咁好食..

時新講方便又唔係,唔方便又唔係,所以我次次去都係突登行去食的！唔係太肚餓，淨係叫左個雙層漢堡芝士加秘製沙律醬。其實我最欣賞真係個秘製沙律醬，有種出面沙律醬食唔到的酸甜味，夾埋岩岩煎好的漢堡扒，沙律醬變左少少暖，令人錯覺沙律醬係漢堡扒的汁,所以啖啖咬落都好ＪＵＩＣＹ！！

好特別好特別 從來未試過喺快餐店入面會叫雙層芝士漢堡包 一上枱速了到那一些 成個漢堡包 有 m記巨乜乜咁大 睇得出嘅竹料 2尺網絡漢堡 扒好厚好似好juicy仲要得部有兩塊一啲都唔啱 一食落口麵包好軟熟 漢堡扒好重牛肉味咬落有肉汁 流出來齒頰留香 仲要中間夾住塊煎蛋 食螺 又有蛋香味再加上一塊 普通嘅仔仔已經足夠襯托 漢堡扒嘅特別雖然有兩塊漢堡扒但係一啲 都唔覺得太肥太 油膩 好新鮮好有滿足感

而家係香港地食個漢堡包 閒閒地都收你五六十蚊盛惠哂 甚至過百嘅已經見慣不怪 雖然如此 但佢地係款式上的確係大玩招數 軟殼蟹 和牛 鵝肝 三層特濃芝士甚麼甚麼的但念舊的豬小姐卻喜歡「時新」嘅漢堡 充滿懷舊港式風情嘅簡單滋味 今時今日 唔易搵架由於時間緊迫 趕住去黃埔 豬先生同豬小姐唯有外賣邊行邊食我地叫左雙層漢堡芝士蛋包同魚柳包行街唔該講下包包先 雖然鋪滿芝麻嘅麵包說不上鬆軟無比 但輕輕烘過 微脆溫暖 而包包亦唔會因為吸左醬汁而變得軟爛用左煎至微微金黃嘅龍利柳做餡 對比麥當當嘅吉列炸魚柳 (豬小姐幾鐘意食麥當當嘅魚柳包) 一齊尼個中西大battle魚味未算濃郁 但質感尚算柔嫩 感覺平凡 而秘製沙律汁絕對令個魚柳包起死回生！ 醬汁輕盈且稀 甜酸比例剛好 對比起普通沙律醬 此醬汁有說不出的與別不同(是甚麼配方呢？) 令惹味開胃程度升級！ 加塊芝士好像更正呢哈哈雙層漢堡芝士蛋包充滿多層豐富嘅誘惑 手刴打成肉餅嘅牛肉煎香過 有一定嘅厚度 加入鮮甜嘅洋蔥粒及調味 肉汁被鎖住 口感鬆化軟腍 媽呀 好juicy！煎蛋接近全熟 蛋白邊邊位置焦脆 如果煎蛋可以煎到半熟 做成流心蛋嘅效果 水漾蛋汁+嫩牛肉+

時新係每次到紅磡必定會食嘅。凍檸茶甜度啱，有成5-6片檸。油脾，鹵水味唔係好夠，塊皮好多肥膏，唔係必食item。最好食係自家製沙律醬漢堡飽，沙律醬夠多，漢堡雖然細細地但係有咬口同有肉味，有homemade牛漢堡的感覺。比不上百幾蚊個burger的牛咁靚，但係絕對好過連鎖快餐店嘅burger啦～

傳統店子小，門口是收銀機供下單，不論外賣或堂食。下單後客人等叫號便到櫃面取，位子自己找，找不到拿走外賣也可，是快餐店的模式，流水作業，人客來去也快，不消十分鐘我們便等到三個連座，店員還很體貼幫我們加椅子給我們四人行。看似細小但非常足料，自家製漢堡扒肉汁豐厚，手打得很彈牙。🍔煎蛋煎得香脆，全熟不流心令吃時不會狼狽，配上芝士與沙律醬，是地道漢堡的美味。不夠飽還可加薯條和雞脾等sides。薯條出奇地香脆可口，我喜歡其粗身而內裡薯蓉軟林，不會太鹹或過油，是很傳統的波紋薯條。雞脾可選炸雞脾或滷水雞脾。滷水尚算入味，炆得林滑juicy。炸雞脾外皮香脆，但炸完放久了難免有點硬，內裡也不算太乾，不過個人覺得滷水比較好吃。