時新快餐店 (已結業)

好久沒吃過時新的港式漢堡包了...熱潮過後，人已沒那麼多了，特別是在早晨時份.....寥寥可數的客人們，點的大多是平常茶記吃到的ABC餐。就只有小弟一個，獨食一份雙層芝堡....即叫即做的漢堡包，夠晒熱辣辣。儘管肉質仍是一pat pat爛爛的、沙律醬是已事先被溝稀的、芝士又是普通不過的亷價貨、所用的麵包亦是嘉頓的出品.....但這一切一切，不就是活活脫脫傳統港式漢堡包的特色嗎 ? 我們從小吃到的漢堡包味道，便是這樣的了.....有時候吃東西，尋的不是驚天動地的滋味，而是那一份令人難以忘懷的舊記憶.....

由於睇演唱會關係...就決定去紅磡搵食...一諗就起時新..因為一直好食指數高企...立即上網搵路行...好彩都算易搵~~去到剛好都仲有位未至於full哂要係出面等...天寒地凍呀><真好彩!!!!我已經唔洗諗食乜就叫la..^^ 雙層芝士蛋漢堡(沙律汁) 真係好厚新呀...先講個包佢應該係焗過暖暖的, 豬柳有2塊好明顯唔同平時食個d漢堡扒...好好食有肉汁的. 蛋個方面有乜特..沙律汁稀少少少 雞脾 好好食呀....外脆內嫩...講真油就一定ga la..但唔會係油到爆個隻囉. 豬柳蛋公仔麵 豬柳一樣咁好食但細左少少.. 薯條 份量都唔少ga...外脆內林...好好食呀~~~~~大約7點已經有好多人排隊la........入面既位其實好少...好迫..仲要d chair係唔穩陣的..坐個時要小心d呀...下次睇演唱會又有著落la~

好窈窕既孖芝唔係唔好食，凍冰冰既天氣，熱辣辣既包，真係暖…不過唔好縮到咁啦…雖然加左＄１，都知道百物騰貴，不過我寧願再加多少少，還完番以前既口感…要慳錢既，去邊度食都得啦，都係為左想食好野遮，唔好縮喇…PS！！我又又又又又唔記得講個"蛋"字=.=

雙層芝士蛋漢堡! 每次都必食! 沙律汁點解要雙層呢？就係因為如果單層係無咁juicy, 塊扒又略歉乾身所以一定係雙層+沙律汁... 朋友食過黑椒汁話怪怪地個薯條就麻麻以為係內脆內軟果隻, 點知係外脆內都脆不過都幾抵食既

環境仍舊係咁鬼迫，好在一丁友，即刻做攝位人 接近下午茶時段，所以簡單食個芝士漢堡包餐 + 可樂。對上一次食，原來已經係 07 年o既事，印象中塊漢堡牛肉好似大啲...好在味道同肉質都係唔錯，仲係好多汁。麵包有啲失準，個底仲好脆，但個面有啲乾同硬！近年多咗幫襯美式漢堡包店，而老麥同漢堡王啲包都越做越好...要專登嚟都越嚟越難！上次影唔到相，憾事！今次以為影到，結果又撻Q，天意！

今早來到橋底之際, 又口痕了, 再食多次早餐, 睇睇有無改進, 同樣是煎雙蛋漢堡加多士, 配凍奶茶, 今次醒目了, 講多兩次”少甜”, 但飲落都係太甜, 而且奶太多, 無茶味, 雙蛋同上次一樣噃, 都係一隻新鮮, 脹脹的, 另一隻散蛋黃偏平, 但今次煎得略為熟了些, 多士不夠燶! 批評的確比其他的茶餐廳要求高了一點, 但… 這是出了名的店噃, 而且價格也收高了一點, 要求當然相應提高些吧…

在＜開飯＞有家傳統快餐店，向來甚具人氣。然而位處紅磡，我很少機會造訪此區。上週末因事到黃埔花園，辦妥後想與同伴徒步到尖沙咀。走到黃埔新村，剛想起時新、並納悶是不是該在附近時，她便出現在我面前！碰上就是緣份，我倆馬上搵位（也許是名氣關係，店裡坐得很滿，我們便坐在店外）、叫嘢食。東西都不貴，其中雞肶只賣$11：在某些超市，生的也未必止這個價錢！人多，柯打多，等了十多分鐘才輪到我們。漢堡包真的很懷舊：上面有芝麻的包，夾著的除了一塊不太整齊（顯示它是手作而不是機啤的）、也不太大（我完全明白　－　十六蚊一個餐，能承受多高的成本？）的牛肉和沙律汁外，就甚麼也沒有了。這反而能吃真牛肉的味道：新鮮味！凍檸樂是另一個估佢唔到的驚喜：我只是付出三蚊的轉餐飲錢，得到的竟是一整罐的可樂！難怪店方稱它為「大檸樂」！奶茶也是我急不及待要試的：質素可算是四平八穩，只是飲落不及其他茶餐廳的「厚」。炸雞肶，單看其皮炸得脆脆的賣相，便叫人滿心歡喜！咬一啖，脆皮下的肉腍滑多汁，得！我問喜吃雞肶的同伴，與禮頓道丹麥餅店的孰優孰劣？她說這兒的有事先充分醃肉，而且吃得出加了薑汁。我再咬一口才吃得出這點！我在想，她更有資格寫食評，

因為早, 最出的名漢堡包不叫, 叫了一個早餐, 煎蛋漢堡多士, 凍奶茶, 凍奶茶太甜太多奶了, 煎蛋兩隻, 太陽蛋式, 看得出是, 一隻新鮮, 蛋黃脹脤的, 另一隻不太新鮮, 蛋黃匾匾的, 而且有紅色一兩點…, 漢堡並非十分熱, 應該不是立即煎的 (上午11時左右, 全店只有我一個客, 無理由唔做好D! ), 多士不夠燶, 如圖白白的一片, 我的要求高了一些? 全因為收的價錢比隔鄰的貴…

未去大酒店前, 哥哥話有間賣漢堡飽嘅快餐店好好味, OK! 試下兼醫肚先..... 嘩! 去到連外賣都要等? 陣間要試真d 先!芝士漢堡飽 - 外型同一般港式漢堡飽一樣, 咬開已經感覺到個飽係煎過, 因為有d 脆口. 芝士遇上剛煎好嘅漢堡扒, 二合為一溶埋一起, 再加埋洋蔥.不過略嫌個漢堡扒乾身咗d.雙層漢堡飽 - 雙層嘅漢堡, 一口咬開已經好juicy, 黑椒汁味慢慢滲出o黎, yummy!

女朋友一直想去時新食馳名的漢堡包，上次剛好是十一國慶，不知是否因這原因，去到竟然「摸門釘」（休息），終於要到一個月後，才有機會親臨品嚐！我們點了以下美食：咖喱牛腩飯（好味）雙層芝士漢堡（好味）魚柳飽（好味）薯條（一般）炸雞脾（差）因為一向午晚飯都要叫些食吃，所以除了漢堡飽外，叫了一碟咖喱牛腩飯，原來味道也不錯的！今次可以一償女朋友的「漢堡包」癮，當然平時不慣吃漢堡飽作午膳的我，可能去到也要堅持叫一碟飯吃，但當然不可錯過漢堡包了！

聞名已久, 終於有幸一試. 下午大約兩時多到達, 有數人在門口站立, 正當以為要排隊入座, 原來內有空位, 門口的人都是等外賣. 一入座便決定要試雙層芝士蛋漢堡, 再加炸雞脾, 另加炸薯條, 再來一杯菠蘿冰.付錢後拿了號碼牌, 不消一會,食物很快就準備好. 賣相相當吸引, 蛋似熟非熟, 切開一半, 肉汁豐富, 一口咬下去, 濃郁的洋蔥味充滿整個口腔, 反而沒有牛味, 因為都給掩蓋了, 喜歡洋蔥的話此包頗合味道, 否則會嫌沒有牛肉味. 炸雞脾跟薯條則沒甚特別, 味道不錯, 作配菜也可以. 相信會吸引我回來的會是那漢堡罷!

男友生日的周六下午選了最受歡迎排名一直高企的時新快餐店。走到店前, 站上了十多人, 以為真的爆滿, 原來只是兩班人在等 (其實也不知等甚麼...)由於堵住出入口的人太多, 沒法子擠前察看, 唯有「跟大隊」般排著。派男友插到門前收銀處查問是否要取「飛仔」等位還是怎樣, 卻得到九唔搭八的答覆。結果, 排到門前, 準備點餐的時候, 見店內原來也有幾個吉位, 就由男友率先入座。我們散點了 (1) 凍奶茶 (2) 炸薯條 (3) 豬扒包+茄汁 (4) 雙層芝士漢堡包+茄汁(1) 凍奶茶 - 沒有大排檔的味道，只能說句不過不失。(2) 炸薯條 - 其實很喜歡這款薯條, 貪它外脆內軟有咬口, 不過有不少碎碎的給炸到「乾爭爭」了...(3) 豬扒包 - 包不錯, 似乎煎過, 很香口, 豬扒也說不錯, 有點薄所以有點乾, 不過看看價錢就沒有投訴了。(4) 雙層芝士漢堡包 - 冇錯! 的確係雙層, 但雙層的是漢堡扒而不是芝士, 像我以為是雙層芝士的便要失望了... (失望ed)　　不過包也似是煎過的, 香口, 還有點脆, 而漢堡似是以鮮肉「撈起」壓煎而成, 咪道比想飲中淡, 沒有麥記的惹味。　　還有, 那

No wonder this restaurant has such great reviews! I love their tasty yet cheap pork w. egg burger. Normally there is a long wait, but if you go around 12 (when it first open) or in the afternoon (2-5pm), then you can probably get a seat.

“時新快餐店”已盤踞在“openrice”最佳餐廳 排行榜上好幾個月了，一直想要嘗試，女兒今天來紅磡打球，於是我安排在“時新”吃午餐。 店外有七、八個人在排隊，我自然而然的也跟在後頭，沒多久，從玻璃窗望進去里面有位子，可排隊的人沒人坐進去，問問排在我前面的人才知道，他們在等外賣的，於是乎趕緊到店內找位子坐下。 全自助形式和“麥記”一樣，點了此店的招牌漢堡包，再另加凍奶茶，原來包餐是沒套餐的。付完錢等電子顯示板上出現自已已購買的單据號碼就可去拿食物，雖說是快餐店，也要等了將近十來分鐘。光這點就沒有“麥記”的優勢，麥記的漢堡包也是即制的。 我們叫了芝士漢堡、豬柳蛋漢堡、雙層漢堡，吃進口第一感覺，怎麼粉那麼多，不光是我，老公感覺也和我一樣，並且不像食評說的那麼多汁，薯條更是油膩極了，連最普通的茶餐廳凍奶茶也不好喝，茶味不濃厚，奶、糖都不夠。

今朝上OPENRICED綱睇吓紅磡有咩好食介紹，同MUMMY一行兩人去食LUNCH，好快就有位，因為呢度係快餐. 兩人食，我就食咗好JUICY嘅漢堡飽，炸薯條同埋炸雞脾，再加凍檸樂，好好味，阿媽要食湯嘅熱食物，於是就食咗鮮牛肉通粉好有騷味，差 !